Jacob Collier

[אלפא]

איך ווייס נישט צו עס באלאנגט אין אנשי שם, אין מוזיק, אדער גאר אין נפלאות הבורא, אבער יעקב קאליער קען רואיגערהייט זיין אין די שפיץ פון אלע דריי.

מוזיק איז נאר א ביישפיל צו די גאונות מיט וואס ער קומט אלץ אויף.
פעימאס איז ער - אזש ער האט געבראכן די רעקארד מיטן זיין די יונגסטע (בריטישע) קאמפאזיטאר צו באקומען אווארדס פאר זיינע פיר ערשטע אלבום'ס אין א רייע, אין אין פיר אנדערע grammy קאטעגאריעס.
און נפלאות הבורא איז צו הערן וואס דער איז אלץ ביכולת צו פראדוצירן מיט זיינע הענט, שטומע, און אינסטרומענטן.

דא האב איך א משהו דערמאנט איבער אים און צוגעצייכנט א ווידעא פון אפס קצהו.

זיין טשענעל איז מאסיוו, וואו מ'קען הנאה האבן, שטוינען, און זיך לערנען אסאך פון די וועגן וויאזוי ער פראדוצירט ארויס-פון-די-וועלט מוזיק: Jacob Collier

איך בין נישט דער מענטש צו צונעמען אדער אפי' פראבירן אנאלאזירן אזא כאראקטער, ווייל מיינע ידיעות אין מוזיק ענדיגן זיך לאנג פאר זיינע הייבן זיך אן.. ס'איז נאר שטארק רעקאמענדירט אליין צו כאפן אינספיראציע און התפעלות פון אלעס וואס ער טוט צאם דארט.
ער האט אנגעהויבן דאכט זיך אלס בחור'ל מיט שטוינענדע געדאנקען, ווי ער האט ארויפגעלאדענט אויף יוטוב שטיקעס וואס ער מאכט מיט זיין שטומע/ס און וויאזוי ער נוצט פילצאליגע אינסטרומענטן צו באשאפן אייגנארטיגע קאורדס און מוזיק..

ער איז אויך באקאנט פאר זיין כאריזמאטישע כאראקטער, וואס מ'קען הערן אויף זיינע אינטערוויוס,
לדוגמא:

View: https://www.youtube.com/watch?v=22XTudPdOP8


און ווי ער ענטפערט שאלות: דא מיט דא


און וויאזוי ער נעמט איבער א סטאדיום דורכן פארוואנדלען די גאנצע אודיענץ אין איין גרויסע קווייער/בענד וואס ער קאנדוקטירט. -
לדוגמא:

View: https://www.youtube.com/watch?v=3KsF309XpJo


אדער וויאזוי ער שפילט אפ די פארשידענע עמאציעס דורך מוזיק:

View: https://www.youtube.com/watch?v=EWHpdmDHrn8

 

[אלפא]

ועל של עתה באתי.

דעם וואך האט ער ארויסגעלייגט א ווידעא וויאזוי ער טרעט אויף צוזאמען מיט די 'נאציאנאלע סימפאניע ארקעסטרע' אין אמעריקע, און ער איז באאויפטראגט געווארן צו פראדוצירן מוזיק אויפן פלאץ.
ער טיילט איין די ראלעס פאר דעם ארקעסטרא אויף א מייסטערהאפטיגן אופן, און פאר מיר פערזענליך איז די מערסטע געפאלן די וועג וויאזוי ער באשאפט א קאורד נוצנדיג כמעט אלע נאטן אויפן מוזיקאלישן סקעיל אויפאמאל - עפעס וואס הערט זיך לגמרי קאונטער אינטואטיוו - אבער נישט פאר אים! הערטס עס אליין צו ווערן ערשטוינט:

View: https://www.youtube.com/watch?v=TURkB9zqxa0




אויך האט ער דעם וואך אן אינטערוויו מיט הענק גרין, ווי ער איז זייער צוגעלאזן און די שמועס איז זייער בא'טעמ'ט און האמבל פון ביידע פון זיי. זיי טוען דארט אדורך, צווישן אנדערע, וואס איז דאס 'קריעטיוויטעט'..

View: https://www.youtube.com/watch?v=Q0_W4SWHeWY

 

[ההוא גברא]

יא! כ'פאלג איהם שוין נאך א שטיק צייט. די ערשטע מאל איך זעה איהם מיט אן ארקעסטרע. ער דארף געהעריג אריינגיין אין שרייבן ארקעסטרל מוזיק, ער האט מעגליך די טאלאנט צו ווערן א בעטהאווען/באך פיגור אין מוזיק היסטאריע.

האנז זיממער וואס איז פון די גרעסטע מוזיק ג'יניעסעס בדורינו (צווישן אנדערע האט ער קאמפאזירט, די מוזיק סקאורס פון gladiator, pirates of the Caribbean, interstellar, dune,) - האט מעיד געווען אז דזשעיקאב שטייגט איהם איבער, האנס האלט אז ער זאל זיך אריינלייגן אין שרייבן מאווי סקאורס (איך האלט אויך אזוי). פאר דער וואס ווייסט נישט, מאווי סקאורס איז ווי די היינטיגע "קלעסיקל" איז, און ווי די גרעסטע טאלאנטן שרייבן די מערסט קונצליכע שטיקער.

דא האסטו נאך א ווידעא ווי ער נעמט פשוט איבער אן אודיענס און מאכט זיי א טייל פון די מוזיק, צוזאמען מיט Chris Martin פון Coldplay. (ווארט פאר די צווייטע האלב ווידעא)

View: https://youtu.be/TwC0Db7oerM?si=VR1aH7EUs43xpSiW