מיין חבר קעמפט מיט גוג ומגוג׳ס ארמיי

[אין הכי טאקע]

שאמי הייסט ער מיין פריינד,ער גלויבט אז מען קען משיח׳ן און די גאולה שלימה ברענגען נאר דורך׳ן אכזריותדיג אויס ראטן אלע פורה ראש ולענה׳ניקעס, אלע די וואס ברענגען כאאס אויף די וועלט

דערפאר ווי איראניש עס זאל זיך נאר הערן, נעמט שאמי אן גוג ומגוג׳ס צד, כאטש וואס גוג ומגוג איז אן אויסגעשפראכענער שונא ישראל, ווייל נאר מיט גוג ומגוג גלייבט ער וועט אויסגעראטן ווערן דאס פארדארבנקייט מיט וואס די וועלט איז געשלאגן.

און שאמי זאלט איר נישט מיינען איז א נאיוו קינד, אדרבה, ער איז קלוג אינגל ווען ס׳קומט צו עניני משא ומתן, ער פארשטייט צו צונעמען אן ענין בהשכל ודעת, נאר אז עס קומט צום ענין פון הנהגת העולם גייט ער אריין אין טירוף הדעת, א ווילדעניש אין קאפ, ס׳ציט אים פון אלע קנעפלעך. אזוי איז שאמי אן איידעלער, א מתינות׳דיגער, א געלאסענער, נאר אז דו זאגסט ארויס די ווארט וועלט, גייט נביאות שווארצער ווי שווארץ, ס׳גייט בלוט פייער מיט רויעך ווי ישעיהו זאל יעצט זאגן נביאה. ס׳גייט א טראנס פון הירוס וחורבן… ובגוים אעשה כלה… ולא יהיה שריד…. !!!

זיי די רשעים - צילט ער צו די היינטיגע פראגרעסיווע ממשלות - וועלן אונטערגיין און פארשלינגען ווערן ווי קורח ועדתו, ווי אלע רשעים אין אלע דורות וועלן זיי האבן א מיעסער סוף, זיי די דור עיקש ופתלתול וועלן זעהן די רויטע צינגען פונעם גיהינום און קיינמאל נישט ארויס, זיי וועלן פארשאלטן ווערן פון די וועלט און יענער וועלט און פון אלע דריי הונדערט מיט צעהן עולמות.

און וואס איז גוג אזוי די מציאה?

ווייל אז מען זעהט די פנים פון גוג׳ן זעהט מען שוין אויך דאס פנים פון משיח׳ן! אזוי טענה׳ט ער.

״גוג איז נישט עפעס אנדערש נאר משיח׳ס בעזעם, ווי א שניי פיצער, גלייך ווי דער שניי פיצער האט אין פארנט פון זיך א שארער, און מאכט ריין פאר די אוטאוס הינטער אים, אזוי טוט גוג שארן די פארדארבנקייט מאכנדיג ארט פאר משיח׳ן מיט זיין געטליכער ארמיי הינטער אים!

שאמי אז עס קומט צו דער נושא האט ער מאמענטאל נישט קיין קאפ, אלץ וואס ער קען איצט איז שעלטן און ווארענען מיט א שווארץ ווארענונגס פינגער, און אנדערש ווי אנדערע צופי גאולה, שטייט ער נישט ביים פענצטער קוקענדיג צו מזרח מיט בגדי שבת, א קעסטל מצות, און א שטעקן, ווארטנדיג אויפן שופר של משיח, מיט באגייסטערונג אחכה לו בכל יום שיבוא

שאמי אז ער שטייט אין א פרי מארגן און קוקט ארויס פון פענסטער און האפט לישועת השם, ריכטעט ער זיינע אויגן דוקא צום צפון, מצפון תפתח הרעה, בכליון עניים גלאצט ער, א בייז פנים, פינסטערע אויגן, באטאפט זיין ביקס אויף זיינע לענדן, און ווארט אויף די קול רעש המונים קול שאון פון גוג׳נס ארמעי,

און אז ער זעהט גוג אין זיין פאנטאזיע קומען צו גיין, שטעלט ער זיך צו צווישן זיי, און שרייט ער, הורעי, אראפ די קעפ אלע הומאסעקסואלן, אראפ די קעפ אלע טראנסדזשאנדערן, אראפ מיט די צינגער אלע לינקע וכל מרעין בושין, אראפ מיט די קעפ גאנץ ביג פארמא און פּילן מאכער, און אראפ מיט די קעפ דאס גאנצער מערב וועלט. און ער שאמי איז דער ערשטער צו לויפן אפצונעמען משיח׳ן אויף די פלייצע און אןיסשרייען, מיינע פריינד, אלע איבערגעבליבענע פון מגפת השם, קומט אייך אלע צוזאם, ווייל אט איז משיח דא געקומען אונז ברענגען די גאולה שלימה און בויען דעם בית המקדש, און די שאלונג פון שופר וועט זיך הערן מסוף העולם ועד סופו

 

[שכל הנעלם]

דערמאנטס מיר פון ישיבה קטנה, בין איך געוועהן כמעט דער שאמי, איך האב לוחם געוועהן קעגן גאָם, אנגעשריבען די בית כיסא קעגן די עירוב, גל פז און די פרעס טראָק, ועדיין לא נושענו, עס האט נישט געברענגט משיח.

 

[שעפטאל]

@אין הכי טאקע!!!