פון וואו קומט מיין אריגינעלע Perception ארום דעם בורא עולם, און צי קען מען דאס טוישן?

[וואנדערער]

כבין אין די הויכע צוואנציגער יארן און כדערזעה מיך די לעצטע שטיק צייט אין א פארלעגנהייט, ג-ט האט אלעמאל געשפילט א שטארקע ראלע אין מיין לעבן, צו אלס בחור ווען כהאב געזיכט א חברותה און געבעטן ביי שמע קולנו מיט שטאר'ע קנייטשן אויפן פנים אז כדארף א חברותה, צו ביים איינרייסן פאר מחילות עוונות עי"ת...

כהאב אבער קיינמאל נישט אריינגעטראכט וואס די מהות פון ג-ט מיינט פאר מיר, סאיז מיר געווען א פשטות עפעס א מענערישע פיגור וואס האט א שטארקע ליבשאפט צי מיר, מער אזויווי א פיינער ליבליכער מלמד, ער איז טאקע נישט מיין סטייל, זיין בארד איז אסאך מאל שמוציג, זיין רעקעל איז שוין פּערפּל און שמעקט נישט דאס בעסטע, אבער ער קען ווייזן פיינע מענערישע ווארעמקייט פאר די תלמידים, אוודאי דער מלמלד האט נאר power אויף 25 קינדער פון זיין כתה, בּאָט דער באשעפער פירט די גאנצע וועלט, אבער סאיז די זעלבע מהות מענטש, איינער וואס איז נישט מיין טיפ, מער א פרומער הייליגער מאן, וואס פארשייט אינזער נידריגער יצר הרע וכו',

און די לעצטע שטיק צייט בין איך אויפן טריפ פון Hashem is All Love, אבער כהאב מיך דערזען אין א פראבלעם, דאס ארגינעלע ג-ט בילד וואס כהאב אין מיין קאפ איז עפעס גאר שטארק אריינגעקריצט און סגייט עפעס נישט מיט מיין לעצטיגע עבודה פון ליבשאפט,

מיין איידיעל perception פון ג-ט איז א ווייכע פעמינין פיגור וואס נישט פארשטייט אינז אראפקוקענדיג פון אויבן אויף אינז, נאר איז ממש דא אין אינזער וועלט, לעבט מיט אינז און פירט אינז ווי א ווארעמע מאמע נעמט קעיר פון א בעבי, דאס pachamama פון די spiritual וועלט איז מיין איידיעל ג-ט פיגור,

אבער וויפל כפראביר דאס אריין צי לייגן אין מיין הארץ, מיין ג-ט פון אלץ קינד שטייט אזוי ווי ביים טיר און שרייט 'שקר'...

כפראביר צו פארשטיין פון ווי מיין ארגינעלע ג-ט קימט צי מיר, און אויב דאס איז שייך צי טוישן און וויאזוי, עני אינפוט איז appreciated

 

[סקרן]

ווי לאנג גאט איז א דערויסענדיגער פיגור ביי דיר, וועט זיין די זעלבע קשיא אין איין וועג אדער די אנדערע.

פארוואס זאלסטו טוישן פון איין דאגמע צו די אנדערע?

 

[שעפטאל]

להרחיב בדברי @סקרן (שלום עליכם! יהא בואכם לברכה!)
ווען דו זוכסט גאט אינדערויסן, אין ספרים וכדו' טרעפסטו יענעמס גאט.
ווען דו קוקסט אריין אין זיך און דו באמערקסט וואס דו ביסט - א חלק פון גאט, דאן זעהסטו דיין גאט.
מבשרי אחזה אלוה.

 

[קרעפל]

כבוד הרב @וואנדערער שכח קודם פארן עפענען אזא וויכטיגן שנירל!

איך מיין אז יעדער וואס האט אויפגעוואקסן אין די היימישע געזעלשאפט, איז איינגעבאקן מיט די זעלבע perception איבער גאט, דאס איז די תוצאה פון די חינוך וואס מ׳האט אונז געגעבן, כ׳גלייב/כ׳האף אז היינט האט זיך עס שוין געטוישט.

ביי מיר האט זיך עס שוין געטוישט.
אויב וועסטו וועלן טוישן דיין פרעספעקטיוו און נאך זוכן פאר עפעס בעסער דאן וועט זיך עס טוישן, ״מיט די צייט״.
ס׳איז מעגליך צו טוישן דיין אפטייטש פון גאט, און ס׳איז נישט עק וועלט!

לערנען ספרים ווי קדושת לוי, רבי צדוק, און נאך אסאך אנדערע, ביי א יעדעם איז עס עפעס אנדערש, זיך וועסטו טרעפן, ווי שטארק די באשעפער האט אונז ליב!

אז דו וועסט קומען מיט די מיינדסעט אז די אייבערשטער האט מיך ליב, דעמאלטס וועסטו עס טרעפן אין ספרים!

ס׳קען נעמען צייט, ס׳טוישט זיך נישט איבערנאכט.
ווער נישט באזארגט.

די עיקר איז לערנען און הערן שיעורים פון ווארעמע אידן, און צדיקים וואס האבן געזען דעם באשעפער ווי א טאטע און נישט ווי א באטריגער.

-

אלס א סייד נאוט, כ׳האלט שוין לאנג אז יעדע מענטש/צדיק זעהט די באשעפער לויט זיין תכונת הנפש.

ס׳טייטש, דו זעסט איהם מער פעמינען און א ווייעכער ווייל דו ביסט לכאורה מער א ווארעמע און געפילישער.
On the other hand די קנאי זעהט איהם אלס א מאנסטערישער בער, ווייל ער איז א צעהיצטער און ווילדערער נאטור.

און יעדער דינט דעם באשעפער לויט זיינע נאטורן.

For some reason איז אונזערע געזעלשאפט אינפעסטירט מיט די מער שטייפע perception..
אבער מ׳קען זאגן ב״ה זאכן הייבן זיך אן טוישן, די עולם איז נישט צופרידן מער פון דעם בער..

בהצלחה
הק׳ קרעפל

 

[מסתת הרים]

דארפסט גארנישט טוישן פון דיין אלטע perception דאס איז אויך אמת, לאמיר מסבר זיין.

די מח פון א מענטש ארבעט מיט סימבאלן און בילדער וואס זענען טיף איינגעקריצט אין אונז. גאט איז א מושג אדער מושגים וואס איז אין ענגליש אן archetype און ביידע archetypes זענען אמת׳ע archetypes, ביידע זענען מושגים אין אונזער psyche וואס זענען א חלק פון ווי מיר פארשטייען דעם גאט (איך גיי נישט יעצט אריין צו גאט וואוינט נאר אין אונזער psyche, אדער איז דער סך הכל פונעם יוניווערס, אדער גאר א divine deity איך שיהיה) ס׳איז דא ביידע ס׳איז דא די שטרענגע רבי אין חדר מיט די שמוציגע בארד, (וואס איז אויך אסאך מאל זייער שלעכט), אויך איז דא די מאמע’רישע גאט וואס איז א שטיק רחמנות וואס ווערט מלא רחמים,

דער מענטשליכער מח נוצט אזעלכע בילדער צו פארשטיין טיפע און קאמפליצירטע געדאנקען, זיי ווייזן פארשידענע זייטן פון ווי דיין מח פרובירט צו פארשטיין עפעס וואס איז גרעסער פון אונז, ווייל די מושג פון גאט איז וואס איז כולל אלעס אפילו די שלעכטס all encompassing און האט קלארע אויפמערקזיימקייט פון דעם.

 

[בן עיר]

בכלל ביי יעדן נישט נאר אידן טוישט זיך perception פון אלץ קינד א קינד פילט עס געווענליך אלץ עפעס ענליך צו מענטשליך יעדער אנדערש לויט פון ער קומט אלץ גוטער אדער שטרענגער וכד' און אלץ עדאלט ווערט עס מער אן אין סוף און למעלה מהדעת

געדענק איך אמאל האב איך געזעהן אויף national geographic וואו איינער איז עס ממחיש מיטן בעטן קינדער און עדאלטס צו מאלן וויאזוי זיי פיקטשערן/פילן עס אין קאפ קינדער האבן עס בדרך כלל געמאלן וואו א זיידע אויף א וואלקן וכד' און עדאלטס האבן געמאלן ענדלאזע רינגען וכד'

 

[מר שושני]

אין ענדע קומט מען דא צו צו דעם באקאנטן
God didn't create humans in his image
Humans created God in theirs

 

[עולם הנשמות]

אין ענדע קומט מען דא צו צו דעם באקאנטן
God didn't create humans in his image
Humans created God in theirs

Click to shrink...

בצלם אלוקים ברא אותם

 

[מסתת הרים]

אין ענדע קומט מען דא צו צו דעם באקאנטן
God didn't create humans in his image
Humans created God in theirs

Click to shrink...

גוט געזאגט, און דאס איז טאקע גאט, אונזער image, און נאכמער גאט איז דעם ביישפיל פון אונזער Quest פאר שלימות, גאט איז די באדייט פון אונזער קאנשענסנעס.

און נאכמער, קען גאר זיין אז און זייער מעגליך אז, ס׳איז דא א שטארקע חיבור פון אונזער קאנשעסנעס מיט די underlying כוחות פון די גאנצע יוניווערס, וואס האט אין זיך א unconscious פארעם פון conscious, וואס ארבעט עפעס ווי די טעאריע פון general relativity, וואס איין זאך קען זיין אין צוויי פלעצער, און אזוי איז אונזער קאנשעסנעס א חלק פון א גרעסערע זאך, וואס אלעס איז מחובר.

און ווי מיין רבי ר׳ Carl Jung האט געזאגט אז ס׳איז דא שטארקע ראיות אז consciousness איז נישט מוגבל צו time און space, און מיט זיין טעאריע פון synchronicity. Synchronicity: An Acausal Connecting Principle – International Association of Analytical Psychology – IAAP

לויט דעם האט ער געוואלט פארשלאגן אז חוץ פון וואס גאט איז אן archetype איז עס אויך די סך הכל פון די גאנצע consciousness.

View: https://youtu.be/2AMu-G51yTY?t=1863&feature=shared

View: https://youtu.be/z2kG3NqDU_g?t=2820&feature=shared

 

[ההוא גברא]

בצלם אלוקים ברא אותם

Click to shrink...

איך האב אויך א פסוק: ויאמר אדם, נעשה אלוהים בצלמינו וכו' בצלם האדם ברא אותו...

א בשר ודם (איך) האט עס טאקע געשריבן, אבער ס'איז געווען divinely inspired

 

[כספי]

כבר קדמך הרב נתן קאמינעצקי

 

[בְּתוֹךְ עַמִּי]

איך שעץ זייער שטארק דיין קוראזש צו טשעלעדזשען דיין אייגענע סובקאנטשוס בליק אויפן לעבן, און צו פרעגן פאר הילף.. פיהל מענטשען נעמען מיט ביזן בית החיים אריין די אומגעזונטע געוואוינהייטן וכו׳ - ווי פריער מ׳נעמטסעך אין די האנט אריין אלץ בעסער… (כ׳רעד צו מיר אליין ).

לעניננו, כ׳שטעל זיך פאר אז די אימעדזש (ג-ט?) וואס זיצט אין דיין מוח, איז פאברעצירט געווארן ערגעץ ווי אין דיינע קינדערישע יארן, דורך בעלי מחנכים וואס האבן נישט קיין פראבלעם צו ניצן סיי וועלכע מיטל אנצוקומען צו זייער ציל - צו זאל דאס זיין, סטראשענען א קינד אז עפעס א שרעקעדיגע פיגור (ג-ט?) שוועבט אין דער הייעך בשעת די כיתה דאווענט און וועט דיר תיכף צומאלן אויב דו וואגסט זיך ארויסצוקוקן פון סידור. אדער, אז אויב דו וועסט מוותר זיין פאר א חבר וועט ער דיר גוט באצאלן, ער ווארט דיר אָפ מיט הויפענעס לאלי-פאפס עראונד-דע-קארנער.

ליידער, דרייען זיך ארום פיהל אינגעלייט וואס ווילן באמת לעבן מיטן אייבערשטן און פיהלן א טעם אין אידישקייט, נאר מ׳האט מיט זיי קיינמאל נישט געלערנט די בעסיק יסודות אמונה ודת - 2 מאל א טאג זאגט מען מיט א שטארק פארקנייטשטע שטערן ׳שמע ישראל…׳ האט מען אבער די מינדעסטע אהנונג וואס די ווערטער מיינען?? כ׳רעד פשוט פשט…

 

[דער גאלדענער אדלער]

כבין אין די הויכע צוואנציגער יארן און כדערזעה מיך די לעצטע שטיק צייט אין א פארלעגנהייט, ג-ט האט אלעמאל געשפילט א שטארקע ראלע אין מיין לעבן, צו אלס בחור ווען כהאב געזיכט א חברותה און געבעטן ביי שמע קולנו מיט שטאר'ע קנייטשן אויפן פנים אז כדארף א חברותה, צו ביים איינרייסן פאר מחילות עוונות עי"ת...

כהאב אבער קיינמאל נישט אריינגעטראכט וואס די מהות פון ג-ט מיינט פאר מיר, סאיז מיר געווען א פשטות עפעס א מענערישע פיגור וואס האט א שטארקע ליבשאפט צי מיר, מער אזויווי א פיינער ליבליכער מלמד, ער איז טאקע נישט מיין סטייל, זיין בארד איז אסאך מאל שמוציג, זיין רעקעל איז שוין פּערפּל און שמעקט נישט דאס בעסטע, אבער ער קען ווייזן פיינע מענערישע ווארעמקייט פאר די תלמידים, אוודאי דער מלמלד האט נאר power אויף 25 קינדער פון זיין כתה, בּאָט דער באשעפער פירט די גאנצע וועלט, אבער סאיז די זעלבע מהות מענטש, איינער וואס איז נישט מיין טיפ, מער א פרומער הייליגער מאן, וואס פארשייט אינזער נידריגער יצר הרע וכו',

און די לעצטע שטיק צייט בין איך אויפן טריפ פון Hashem is All Love, אבער כהאב מיך דערזען אין א פראבלעם, דאס ארגינעלע ג-ט בילד וואס כהאב אין מיין קאפ איז עפעס גאר שטארק אריינגעקריצט און סגייט עפעס נישט מיט מיין לעצטיגע עבודה פון ליבשאפט,

מיין איידיעל perception פון ג-ט איז א ווייכע פעמינין פיגור וואס נישט פארשטייט אינז אראפקוקענדיג פון אויבן אויף אינז, נאר איז ממש דא אין אינזער וועלט, לעבט מיט אינז און פירט אינז ווי א ווארעמע מאמע נעמט קעיר פון א בעבי, דאס pachamama פון די spiritual וועלט איז מיין איידיעל ג-ט פיגור,

אבער וויפל כפראביר דאס אריין צי לייגן אין מיין הארץ, מיין ג-ט פון אלץ קינד שטייט אזוי ווי ביים טיר און שרייט 'שקר'...

כפראביר צו פארשטיין פון ווי מיין ארגינעלע ג-ט קימט צי מיר, און אויב דאס איז שייך צי טוישן און וויאזוי, עני אינפוט איז appreciated

Click to shrink...

כ'פלעג מיך אויך היפּש מוטשענען דערמיט פאר יארן עד שבא בן זומא, סארי כ'מיין החכם וידיד הקרעמל @מי אני און מיר געגעבן צו ליינען עליכע פון זיינע טיפזיניגע און רייכע ארטיקלעך און ווי אויך האט ער זיך אפגעגעבן מיט מיר אין אישי פאר לאנגע שעות און אוועק געשטעלט סדר בֿיי מיר אין קאפּ. און אויך מיט די הילף פון פיינע נייטראלע געוויקסן האב אויך בּאקומען א נייע דערהער אינעם גאנצן געטליכן אטמאספער.

והנה, וויאזוי @מי אני האט עס מיך מסביר געווען לויטן רמב"ם אין מורה נבוכים און ווי אזוי טייל ראשונים לערנען אפּ דעם רמב"ם אז מ'טאר נישט מגשם זיין גאט דאס הייסט אז גאט גיבּט גארנישט, ער איז נישט קיין געבער און נישט קיין נעמער, ער קישט נישט קיינעם און בייסט נישט קיינעם ער זיצט נישט דארט אויבן צו אינטן צו וואטעווער דמיונות דער מענטש זוכט זיך איינצורעדן צו בארואיגן זיינע געפילן, (און בּיי די וועי ווען מ'דריקט זיך אויס "בּארואיגן" מיינט עס נישט דוקא אז גאט איז דוקא א רחמן אדער א לאווער, "בּארואיגן" קען פונקט אזוי מיינען אז גאט איז א פעטש טיילער און א בּייסיגער כעסן און מ'בּארואיגט זיך מיט דעם וואס מ'שעלט עם און מ'שרייט עם אן) עכ"פּ דער גאט איז מופשט פון יעדע מין גשמי וואס קען נאר בייפאלן אינעם מענטש'ס מוח. נאר וואס איז יא גאט? כ'ווייס נישט.

יעצט די רמב"ם'יסטישע געדאנק פאר מיר האט געמיינט לאו דוקא פון א רעליגיעזע שטאנדפונקט כאילו כ'האבּ א גרויסע פראבלעם צו מגשם זיין גאט, נאר גאר פון א פּראקטישע שטאנדפונקט, ווי איך בּין מער נישט פארנומען א גאנצן ליבן טאג צו כעס'ן אויף גאט, ווייל גאט איז נישט דער וואס שטייט מיר אין וועג. קענסט אפילו א ראי' ברענגן פון די פסוק אין איכה "מאתו לא תצא הרעות והטובות" דא קומט מיר דער רמב"ם מיט די אלע ראשונים גאר גוט צו ניץ.

יעצט וואס יא, וואו קען איך יא אריינבּרענגן גאט אינעם בילד? אז גאט זאל מיר שטיין צו מיין זייט און מיר העלפן אין מיין לעבן? איז דא קומט אריין דעם חלק אלוקי ממעל, וואטעווער פינקטלעך דאס מיינט, אבּער ביי מיר מיינט עס אז יעדע מענטש האט אין זיך געטליכקייט, ד"ה א שטארקע מאס פון ענערגיע מיט וועלכעס ער קען ליטעראלי באשאפן וועלטן און אין די זעלבע צייט חרוב מאכן וועלטן, ער קען זיך מיט יעדן אראפּ שלעפּן אינעם תהום, און אין די זעלבע צייט אויך זיך מיט יעדן ארום ארויף שלעפּן גאר הויך, ער קען אויפקומען מיט נייע געדאנקען יש מיש און טאקע נישט יש מאין ווי דער גרויסער גאט, אבּער דער מענטש פארמאגט אין זיך גענוג שטארקייט און ענערגיע אויפצוטוהן גאר אסאך. דער מענטש ברויך נאר באמת וועלן, דאן צינדט זיך אן זיין ענערגיע און ער קען צוקומען צו אלעם, אוודאי ברויך מען גוט אויספלאנירן, סוף מעשה מחשבה תחילה, און ביים גרויסן גאט איז פונקט אזוי.

ווען דער מענטש דאווענט פאר סיי וואספארא זאך, איז אויב האט ער אינזין צו דאווענען צום גרויסן גאט וועלכער ווי געשמועסט פריער איז מופשט פון יעדע מין דמיון, ווי אזוי קענסטו דיך בכלל טראכטן פון קאנעקטן צו איהם? נאר דער תירץ איז אז דו קאנעקסט דיך צו דיר אליינס צו דיין אינערליכן גאט דיין אינערליכן ענערגיע וועלכער איז באמת שולט על הכל, דו וועקסט איהם אויף און דו קענסט אויפטוהן וועלטן דערמיט. און ס'איז באמת אמת ווי איינער צו מערערע ניקס האבן דא מעורר געווען אז ס'האט אסאך צו טוהן מיט perception און וויאזוי מ'פּערסיווט גאט, און דאס קען נאר זיין ווען מ'רעדט פונעם אינערליכן גאט אין זיך, ווייל וויאזוי דער מענטש אליין אנערקענט זיך אזוי וועט ער זיך ארויסגעבן און אזוי וועט ער קענען אויספירן זאכן.

 

[מלך]

און דאס קען נאר זיין ווען מ'רעדט פונעם אינערליכן גאט אין זיך, ווייל וויאזוי דער מענטש אליין אנערקענט זיך אזוי וועט ער זיך ארויסגעבן און אזוי וועט ער קענען אויספירן זאכן.

Click to shrink...

אלס א סייד נאוט, כ׳האלט שוין לאנג אז יעדע מענטש/צדיק זעהט די באשעפער לויט זיין תכונת הנפש.

ס׳טייטש, דו זעסט איהם מער פעמינען און א ווייעכער ווייל דו ביסט לכאורה מער א ווארעמע און געפילישער.
On the other hand די קנאי זעהט איהם אלס א מאנסטערישער בער, ווייל ער איז א צעהיצטער און ווילדערער נאטור.

און יעדער דינט דעם באשעפער לויט זיינע נאטורן.

Click to shrink...

 

[קעניינע הארע]

מיין איידיעל perception פון ג-ט איז א ווייכע פעמינין פיגור וואס נישט פארשטייט אינז אראפקוקנדיג פון אויבן אויף אונז, נאר איז ממש דא אין אונזער וועלט, לעבט מיט אונז און פירט אונז ווי א ווארעמע מאמע נעמט קעיר פון א בעבי, דאס pachamama פון די spiritual וועלט איז מיין איידיעל ג-ט פיגור,

אבער וויפיל כ'פראביר דאס אריינצולייגן אין מיין הארץ, מיין ג-ט פון אלץ קינד שטייט אזוי ווי ביים טיר און שרייט 'שקר'...

Click to shrink...

וועלכע חלק קוקט דיר אויס שקר?
וואס זאגט מען אויף די אלע ביטערע טראגעדיעס וואס פאסירן אויף דער וועלט, ווער טוט דאס?
טאקע אלע וועטער-רילעיטעד טראגעדיעס, פון הוריקעינס, שוידערליכע ערד ציטערנישן ביז וואולקאנען, בלעימט מען "מאדער" נעיטשור...

 

[מלך]

טאקע אלע וועטער-רילעיטעד טראגעדיעס, פון הוריקעינס, שוידערליכע ערד ציטערנישן ביז וואולקאנען, בלעימט מען "מאדער" נעיטשור...

Click to shrink...

וואס הייסט וועם מ׳בלעימט?

די לאנגע שייטלעך!!

 

[קעניינע הארע]

אויך פעמינין...

 

[דער גאלדענער אדלער]

Click to shrink...

זיין פּערסעפּשן אין זיין אייגענער גאט

 

[מלך]

זיין פּערסעפּשן אין זיין אייגענער גאט

Click to shrink...

כ׳האב פארשטאנען אז @קרעפל האט ארויסגעברענגט דיין נקודה צום סוף, correct?

 

[דער גאלדענער אדלער]

כ׳האב פארשטאנען אז @קרעפל האט ארויסגעברענגט דיין נקודה צום סוף, correct?

Click to shrink...

נישט ממש, אבער ער ברענגט אויך ארויס א גוטע נקודה