- זיך איינגעשריבן
- אוג. 19, 2024
- מעסעדזשעס
- 225
- רעאקציע ראטע
- 1,245
זעהנדיג קרעמל אויפקומענדיג היינט אויף 10,000 מעסעדשעס, האב איך גענימען די פעדער אין האנט און אראפגעשריבן מיינע מחשבות, הגם נישט יעדער דא מוז צושטימען צו מיר.
קאפיטעל א
קאווע שטיבל און איר גרינדונג
צום אלעם ערשטן דארף מען אנהייבן מיטן באטראכטן קאווע שטיבל אין איר אייגענע היסטאריע.
אין די אנהייב 2000 יארן, נאכדעם וואס אינטערנעט איז היבש פארשפרייט געווארן, האט אנגעהויבן ארויפשווימען בלאגערס ווי שוועמלעך נאך א רעגן. צווישן זיי האבן זיך געציילט היימישע חברה וואס האבן געזוכט ארויסגעבן זייער טאלאנט ערגעץ ווי זיי פילן מער פריי. למשל קטלא קניא (בעל מחבר ותינוק ללמדו ספר) איז פאררעכנט אלס די ערשטע היימישע בלאגער.
מיט די קומענדיגע פאר יאר איז פארשפרייט געווארן די נעקסטע שטאפל אין די עוואלוציע פון סאציאלע מידיע, פארום'ס. אנשטאט בלאגן אויף א וועבזייטל קען זיך יעדער צונויפשמועסן אויף איין פלאץ ווי מען האט שוין א פארטיגע אודיענץ.
פארשטייט זיך אז היימישע חברה וואס זענען פאר איין סיבה אדער א צווייטע געווען אויפן געוועב האבן אויך אנגעהויבן נישטערן און קאנטריביוטן, בעיקר אין די איזראעלי פארום'ס א שטייגער ווי הייד-פארק, ווי מען האט זיך ארומגעאמפערט סאטמאר קעגן ציונים, בעלז קעגן גור, חרדי קעגן חילוני, אא"וו, ס'איז געגאנגען הענט און פיס. (פילטערס איז נאך נישט געווען א מהות דעמאלט, און די רבנים זענען נאך נישט געווען אינפארמירט איבער די נייעסטע טעכנאָלאָגיע.)
ערליכע היימישע אידן, וואס האבן זיך געטראפן אנטבלויזט צו א וועלט וואס שטימט נישט אינגאנצן מיט זייער געדאנקענגאנג, האבן געעפנט (צוערשט א סאבפארום פאר בלויז היימישע חברה גערופן קרעטשמע, און דערנאך) אן אייגענע היימישע פלאטפארמע (אייוועלט).
צווישן די וואס זענען מיטגעקומען אויף אייוועלט איז געווען אזאלעכע וואס האבן מאיזה סיבה שהיא גראדע הנאה געהאט פון די אפענקייט אויפן אינטערנעט, עפעס א פילינג פון פרייהייט פון ווארט צו וואס זיי האבן נישט זוכה געווען אין די יונגע יארן.
אין בערך די זעלבע צייט האבן די רבנים אנגעהויבן צו הערן פון אלע סארטן שרעקעדיגע זאכן וואס די שטן נוצט אלס דעם אינטערנעט פאר, און איינגעזען אז דאס איז די נייע טעלעוויזיע (דאס איז דאס בעסטע וועג וואס עסקנים האבן געקענט מסביר זיין פאר די רבנים), און אז ח"ו מאסן פאלן ווי די פליגן פון זייער אידישקייט (אדער פון זייער קאנטראל, ווענדט זיך צו וועמען מען רעדט.)
ווי מער די היימישע וועלט, דורך די עסקנים און רבנים, איז געווארן אויפגעקלערט איבער די געפארן פונעם אינטערנעט אלס מער פרעשור האבן די היימישע, אבער אנאנומע, בעלי בתים פון אייוועלט געפילט צו צענזורירן אין מאדערעיטן די פארום צו מאכן זיכער זיי זענען אויפן ריכטיגן זייט. (לצורך פרנסה איז נאך נישט געווארן דעוועלאפט דאן אלס א היתר).
די צענזור איז געווארן ערגער און ערגער עכ"כ אז די וואס האבן געפילט איינגעצויגן און צענזורירט האבן באשלאסן עס איז צייט צו עפענען אן אייגענע פארום באזירט אויף מער פרייהייט פון ווארט, ויקרא שמו באינטערנעט קאווע שטיבל.
(דאס אז די צענזור אין אייוועלט איז געווארן שטערקער א דאנק די דיסקוסיע און פרעשור ארום אינטערנעט דורך די רבנים און ביים המון עם, און דאס האט צוגעפירט צום עפענען פון קאווע שטיבל איז מיין אייגן אבזערוואציע און שפעקולאציע פון די פאקט אז סיי די כינוס כלל ישראל און סיי דאס עפענען קאווע שטיבל איז געשען אין בערך די זעלבע צייט אין 2012. און אין יענע צייטן אויף ק"ש קען מען טרעפן פיל מיט האס אויף די איסורים און פארוואס אייוועלט מעג זיין אפען, ס'איז דאך נישט לצורך פרנסה... פארשטייט זיך אז מ'רעדט דא פון צייטן פונעם כינוס כלל ישראל ווען קאווע שטיבל אידן אזוי אויך ווי די רבנים האבן געגלייבט אז מיטן כינוס און מיטן פסק פון הרב וואזנער זענען זיי פארטיג, אינטערנעט גייט אין דער ערד צוזאמען מיטן טעלעוויזיע.)
קאפיטעל ב
קאווע שטיבל פארמאכט
אין דער זעלבער צייט וואס פון א שמאלע בליק האט אויסגעקוקט ווי דא ענדיגט זיך די נושא, יעדער גייט זיך זיין וועג, שלום על ישראל, האט די וועלט זיך נישט אפגעשטעלט. די מאביל (סמארט פאון) רעוואלוציע האט געברענגט א פלייץ פון עפפס. מער דארף מען נישט זיצן ביים אפיס קאמפיוטער זיך צו טרעפן אויפן סאציאלע געוועב. אנגעהויבן פון טוויטער, די גרעסטע טעקסט בעיסד פארום אויפן וועלט (וואס איז אייגענטליך געווארן פאפולער נאך פארן סמארט פאון עפאכע א דאנק געבן עקסעס צו סאציאלע מידיע אפילו מיט בלויז טעקסט), און געענדיקט ביי וואטסעפפ גרופעס, טעלעגראם קאנאלן, פעיסבוק, און אזוי ווייטער אן א שיעור.
ווי אויך איז אינטער געוואקסן א נייע גענעראציע פון אינגעלייט וואס האבן נישט די מינדעסטע השגה איבער די אלע אומרוען. זייערע עלטערן האבן 'אייביג' געהאט די כלים (לצורך פרנסה פארשטייט זיך), זייערע אלע חברים האבן סמארט פאונס, איינער מיט א פילטער און א מער קילערע אינגערמאן אן א פילטער. דאס פרייהייט פון ווארט און עקסעס צו די וועלט איז דא מיט א פשטות (פאר רוב באלעבאטישע אינגעלייט.)
רוב שמועסן אין די עכטע קאווע שטיבלעך באשטייען פון שמוץ, נאציאנאלע פאליטישע דיסקוסיעס (אך און וויי פאר איינער וואס וואגט זיך צו אידענטיפיצירן אלס דעמאקראט. שוין בעסער אויב ער לייקענט אין תורת משה), בארעדן רבנים, און זיך באקלאגן אויף די קאנטראל פון די מוסדות (די לעצטע מיטל פארבליבן פאר די רבנים צו האבן עפעס א שארית הפליטה פון קאנטראל, הגם סאיז נאר אויפן אויבערפלאך).
פארום'ס קעגען היינטיגע סאציאלע מידיע איז ווי ראדיא קעגן טעלעוויזיע, נאך אלץ געניצט אבער ווייט פון זיין די מערסט באנוצט.
אן אריינגיין אין די פרטים און דעטאלן פון די פאליטיק ארום דאס פארמאכן פון קאווע שטיבל (ווייל איך ווייס נישט), קען מען אבער מאכן די פאלגענדע אבזערוואציע. עס איז שוין נישט געווען אזא אינטערעסע דערין פארן היימישען עולם מיט א ביסל ברייטערע קעפ. רוב אידן וואס זענען אינטערעסירט צו קוקן 'אויף ארויס' קען רואיגערהייט גיין אויף דעם ברייטן געוועב, און אין ק"ש האט געהערשט אזא מין בענקעניש נאך 'די אלטע צייטן' ווען קאווע שטיבל האט גערודערט מיט לייבן, געלונגענע שרייבער און חוקרים וואס האבן געשאקלט וועלטן.
אבער זיי האבן שוין אפגעדיהנט זייער טערמין, זיי האבן שוין געקעמפט פאר פרייהייט פון ווארט אויף וויפיל מעגליך, און יא מערסטנס פון די לייבן האבן מסתמא אנדערע זאכן אין לעבן וואס האלטן זיי פארנומען.
פון א 'מייקרא' לעוועל איז געווען פאליטיק און רייבערייען, אבער ווען מ'קוקט פון א 'מעקרא' לעוועל האט מען עס געקענט זעהן קומען.
איי אייוועלט? דאס איז פאר גאר אסאך אידן וואס האבן דייקא נישט קיין עקסעס און זענען געבינדן מיט גוטן ווילן צו נישט צו וואס דער פילטער לאזט דורך. אויף דעם איז דא ב"ה א גרויס פארלאנג.
קאפיטעל ג
קרעמל און איר צוקונפט
אי"ה אין קומעדיגע געלעגענהייט...
אויף דערווייל ליידען איך איין יעדער איינער צו לאזן הערן זיין מיינונג אויפן איבערזיכט בכלל, און אויפן צוקונפט פון קרעמל און איר מיסיע בפרט.
אפשר צוזאמען וועט מען ארויסהאבן בעסער קרעמל'ס פלאץ אין היימישע ליטעראטור.
For anyone who knows more about the subject, fact checking is fully appreciated to approve the integrity of the article.
מקורות:
קטלא קניא "מיין ערשטער בלאָג פאסט"
אשכול אין ק"ש אויפן אינטערנעט מערכה
קאפיטעל א
קאווע שטיבל און איר גרינדונג
צום אלעם ערשטן דארף מען אנהייבן מיטן באטראכטן קאווע שטיבל אין איר אייגענע היסטאריע.
אין די אנהייב 2000 יארן, נאכדעם וואס אינטערנעט איז היבש פארשפרייט געווארן, האט אנגעהויבן ארויפשווימען בלאגערס ווי שוועמלעך נאך א רעגן. צווישן זיי האבן זיך געציילט היימישע חברה וואס האבן געזוכט ארויסגעבן זייער טאלאנט ערגעץ ווי זיי פילן מער פריי. למשל קטלא קניא (בעל מחבר ותינוק ללמדו ספר) איז פאררעכנט אלס די ערשטע היימישע בלאגער.
מיט די קומענדיגע פאר יאר איז פארשפרייט געווארן די נעקסטע שטאפל אין די עוואלוציע פון סאציאלע מידיע, פארום'ס. אנשטאט בלאגן אויף א וועבזייטל קען זיך יעדער צונויפשמועסן אויף איין פלאץ ווי מען האט שוין א פארטיגע אודיענץ.
פארשטייט זיך אז היימישע חברה וואס זענען פאר איין סיבה אדער א צווייטע געווען אויפן געוועב האבן אויך אנגעהויבן נישטערן און קאנטריביוטן, בעיקר אין די איזראעלי פארום'ס א שטייגער ווי הייד-פארק, ווי מען האט זיך ארומגעאמפערט סאטמאר קעגן ציונים, בעלז קעגן גור, חרדי קעגן חילוני, אא"וו, ס'איז געגאנגען הענט און פיס. (פילטערס איז נאך נישט געווען א מהות דעמאלט, און די רבנים זענען נאך נישט געווען אינפארמירט איבער די נייעסטע טעכנאָלאָגיע.)
ערליכע היימישע אידן, וואס האבן זיך געטראפן אנטבלויזט צו א וועלט וואס שטימט נישט אינגאנצן מיט זייער געדאנקענגאנג, האבן געעפנט (צוערשט א סאבפארום פאר בלויז היימישע חברה גערופן קרעטשמע, און דערנאך) אן אייגענע היימישע פלאטפארמע (אייוועלט).
צווישן די וואס זענען מיטגעקומען אויף אייוועלט איז געווען אזאלעכע וואס האבן מאיזה סיבה שהיא גראדע הנאה געהאט פון די אפענקייט אויפן אינטערנעט, עפעס א פילינג פון פרייהייט פון ווארט צו וואס זיי האבן נישט זוכה געווען אין די יונגע יארן.
אין בערך די זעלבע צייט האבן די רבנים אנגעהויבן צו הערן פון אלע סארטן שרעקעדיגע זאכן וואס די שטן נוצט אלס דעם אינטערנעט פאר, און איינגעזען אז דאס איז די נייע טעלעוויזיע (דאס איז דאס בעסטע וועג וואס עסקנים האבן געקענט מסביר זיין פאר די רבנים), און אז ח"ו מאסן פאלן ווי די פליגן פון זייער אידישקייט (אדער פון זייער קאנטראל, ווענדט זיך צו וועמען מען רעדט.)
ווי מער די היימישע וועלט, דורך די עסקנים און רבנים, איז געווארן אויפגעקלערט איבער די געפארן פונעם אינטערנעט אלס מער פרעשור האבן די היימישע, אבער אנאנומע, בעלי בתים פון אייוועלט געפילט צו צענזורירן אין מאדערעיטן די פארום צו מאכן זיכער זיי זענען אויפן ריכטיגן זייט. (לצורך פרנסה איז נאך נישט געווארן דעוועלאפט דאן אלס א היתר).
די צענזור איז געווארן ערגער און ערגער עכ"כ אז די וואס האבן געפילט איינגעצויגן און צענזורירט האבן באשלאסן עס איז צייט צו עפענען אן אייגענע פארום באזירט אויף מער פרייהייט פון ווארט, ויקרא שמו באינטערנעט קאווע שטיבל.
(דאס אז די צענזור אין אייוועלט איז געווארן שטערקער א דאנק די דיסקוסיע און פרעשור ארום אינטערנעט דורך די רבנים און ביים המון עם, און דאס האט צוגעפירט צום עפענען פון קאווע שטיבל איז מיין אייגן אבזערוואציע און שפעקולאציע פון די פאקט אז סיי די כינוס כלל ישראל און סיי דאס עפענען קאווע שטיבל איז געשען אין בערך די זעלבע צייט אין 2012. און אין יענע צייטן אויף ק"ש קען מען טרעפן פיל מיט האס אויף די איסורים און פארוואס אייוועלט מעג זיין אפען, ס'איז דאך נישט לצורך פרנסה... פארשטייט זיך אז מ'רעדט דא פון צייטן פונעם כינוס כלל ישראל ווען קאווע שטיבל אידן אזוי אויך ווי די רבנים האבן געגלייבט אז מיטן כינוס און מיטן פסק פון הרב וואזנער זענען זיי פארטיג, אינטערנעט גייט אין דער ערד צוזאמען מיטן טעלעוויזיע.)
קאפיטעל ב
קאווע שטיבל פארמאכט
אין דער זעלבער צייט וואס פון א שמאלע בליק האט אויסגעקוקט ווי דא ענדיגט זיך די נושא, יעדער גייט זיך זיין וועג, שלום על ישראל, האט די וועלט זיך נישט אפגעשטעלט. די מאביל (סמארט פאון) רעוואלוציע האט געברענגט א פלייץ פון עפפס. מער דארף מען נישט זיצן ביים אפיס קאמפיוטער זיך צו טרעפן אויפן סאציאלע געוועב. אנגעהויבן פון טוויטער, די גרעסטע טעקסט בעיסד פארום אויפן וועלט (וואס איז אייגענטליך געווארן פאפולער נאך פארן סמארט פאון עפאכע א דאנק געבן עקסעס צו סאציאלע מידיע אפילו מיט בלויז טעקסט), און געענדיקט ביי וואטסעפפ גרופעס, טעלעגראם קאנאלן, פעיסבוק, און אזוי ווייטער אן א שיעור.
ווי אויך איז אינטער געוואקסן א נייע גענעראציע פון אינגעלייט וואס האבן נישט די מינדעסטע השגה איבער די אלע אומרוען. זייערע עלטערן האבן 'אייביג' געהאט די כלים (לצורך פרנסה פארשטייט זיך), זייערע אלע חברים האבן סמארט פאונס, איינער מיט א פילטער און א מער קילערע אינגערמאן אן א פילטער. דאס פרייהייט פון ווארט און עקסעס צו די וועלט איז דא מיט א פשטות (פאר רוב באלעבאטישע אינגעלייט.)
רוב שמועסן אין די עכטע קאווע שטיבלעך באשטייען פון שמוץ, נאציאנאלע פאליטישע דיסקוסיעס (אך און וויי פאר איינער וואס וואגט זיך צו אידענטיפיצירן אלס דעמאקראט. שוין בעסער אויב ער לייקענט אין תורת משה), בארעדן רבנים, און זיך באקלאגן אויף די קאנטראל פון די מוסדות (די לעצטע מיטל פארבליבן פאר די רבנים צו האבן עפעס א שארית הפליטה פון קאנטראל, הגם סאיז נאר אויפן אויבערפלאך).
פארום'ס קעגען היינטיגע סאציאלע מידיע איז ווי ראדיא קעגן טעלעוויזיע, נאך אלץ געניצט אבער ווייט פון זיין די מערסט באנוצט.
אן אריינגיין אין די פרטים און דעטאלן פון די פאליטיק ארום דאס פארמאכן פון קאווע שטיבל (ווייל איך ווייס נישט), קען מען אבער מאכן די פאלגענדע אבזערוואציע. עס איז שוין נישט געווען אזא אינטערעסע דערין פארן היימישען עולם מיט א ביסל ברייטערע קעפ. רוב אידן וואס זענען אינטערעסירט צו קוקן 'אויף ארויס' קען רואיגערהייט גיין אויף דעם ברייטן געוועב, און אין ק"ש האט געהערשט אזא מין בענקעניש נאך 'די אלטע צייטן' ווען קאווע שטיבל האט גערודערט מיט לייבן, געלונגענע שרייבער און חוקרים וואס האבן געשאקלט וועלטן.
אבער זיי האבן שוין אפגעדיהנט זייער טערמין, זיי האבן שוין געקעמפט פאר פרייהייט פון ווארט אויף וויפיל מעגליך, און יא מערסטנס פון די לייבן האבן מסתמא אנדערע זאכן אין לעבן וואס האלטן זיי פארנומען.
פון א 'מייקרא' לעוועל איז געווען פאליטיק און רייבערייען, אבער ווען מ'קוקט פון א 'מעקרא' לעוועל האט מען עס געקענט זעהן קומען.
איי אייוועלט? דאס איז פאר גאר אסאך אידן וואס האבן דייקא נישט קיין עקסעס און זענען געבינדן מיט גוטן ווילן צו נישט צו וואס דער פילטער לאזט דורך. אויף דעם איז דא ב"ה א גרויס פארלאנג.
קאפיטעל ג
קרעמל און איר צוקונפט
אי"ה אין קומעדיגע געלעגענהייט...
אויף דערווייל ליידען איך איין יעדער איינער צו לאזן הערן זיין מיינונג אויפן איבערזיכט בכלל, און אויפן צוקונפט פון קרעמל און איר מיסיע בפרט.
אפשר צוזאמען וועט מען ארויסהאבן בעסער קרעמל'ס פלאץ אין היימישע ליטעראטור.
For anyone who knows more about the subject, fact checking is fully appreciated to approve the integrity of the article.
מקורות:
קטלא קניא "מיין ערשטער בלאָג פאסט"
אשכול אין ק"ש אויפן אינטערנעט מערכה
לעצט רעדאגירט:
