לויפט יעצט אן
אנקעטע און מאסיווע
דעבאטע אויף אייוועלט צו מלכות איז בעסער אדער שירה איז בעסער. ס'גייט דארט פעך און שוועבל, פייער און וואסער, הימל און ערד.
ס'קומט נאך וואס פינחס ביכלער האט מסביר געווען אין זיין
לעצטיגע שמועס אויף שמילי קעסט וויאזוי מלכות איז בשיטה אנדערש ווי שירה, און דער עולם איז צוהיצט איבער וועלכע איז למעשה בעסער.
איך האב ליב אזא דעבאטע, נישט דוקא ווייל די עולם ווייסט וואס זיי רעדן, נאר גאר דוקא ווייל די עולם ווייסט נישט וואס זיי רעדן..
ס'טוט זיך א מישמאש צו מ'רעדט פון פראפעסיאנאליזם (ווי שירה האט עס ביי פאר) אדער רייכקייט. צו מ'רעדט פון לעבעדיגקייט (- מלכות) אדער מוזיקאלישקייט. לייוו אדער אין סטודיא. די וואויס אדער די ערעינדזשמענטס. די געשטעל אדער די מארקעטינג.
בקיצור דער עולם איז אויף א טריפ.
מ'כאפט נישט ווי גוט מלכות'ס מארקעטינג סטראטעגיע האט געארבייט - מיט אלע זייערע קליפס. און מ'כאפט נישט ווי טיף שירה קען גיין (נעם א
לא תחמוד,
קלאסיש אדער
טשארדאס). מ'נעמט נישט אין אכט ווי אנדערש שטייטע ניגונים זענען פון שנעלע לגבי קווייער, אדער וויאזוי די מוזיק און זינגער מאכן אויס פאר די סארט קווייער וואס פעלט זיך אויס.
איך גיי נישט דא געבן קיין גאנצע שיעור אין די סוגיא פון קווייער, און וואס די עטאס דערפון דארף זיין - צו עס קומט צו זיין מער ווי א באגלייטונג און איינגעהאלטן, אדער עס קומט מער ארויסצושטיין און טון שטיקעס. סיי ווייל איך בין נישט אויסגעקאכט אין די עומק, אבער מער פון דעם, ווייל עס האט באמת זייער אסאך מהלכים - ועל טעם וריח...
וואס מאכט אויס סוף פסוק איז ווער ס'האט ביזנעס און די perceived value וויאזוי די אודיענץ קוקט זיי אן - אפגעזען די מוזיקאלישע פארשטאנד אין די נושא, וואס דארט זעט אויס אז ביידע קומען אריין מיט שטארקע שטיצע, און ביידע האבן געטון א גוטע ארבייט צו קאנווינסן (עכ"פ א חלק פון) כלל ישראל אז זיי זענען די בעסטע. איינער דורך לייוו עווענטס און איינער מיט מוזיק ווידעאס, איינער מיט ערעינדזשמענטס און דער צווייטער מיט שטומעס, איינער מיט סיינס און דער צווייטער מיט עדווערטייזמענטס.
די עיקר איז אז יעדער מאכט געלט און אז די עולם אויף אייוועלט האט אויף וואס צו ווערן הייזעריג..
