די וואס זענען אנטקעגן די דיעל, וואס איז זייער אלטערנאטיווע פלאן פאראויס?
די עכטע תירוץ איז אז די וואס זענען אנקעגן דעם דיעל (בעיקר די מער רעכטע) האבן נישט קיין אלטערנאטיווע פלאן, אבער זייער ארגומענט גייט אז אינעם מיטל מזרח דארף מען נישט קיין פלענער, מ'דארף נאר מאכט און סעקיוריטי..
אין א לעצטיגע טענה'ריי מיט א שטארק רעכטע האט ער מיר ארויסגעברענגט שטערקער דעם נקודה, און איך מוז זאגן איך בין געווארן אביסל איבערצייגט (הגם נישט אינגאנצן איבערגערעדט..).
די טענה גייט אז מ'דארף קאנטעינען די מצב און נאר פאקוסירן אויפן זיי אפשוואכן וואס מער, מיטן האפענונג איין טאג פאר א נס, אדער פאר אינטערווענציע פון א נייע פאלעסטינער פירערשאפט אדער פון אנדערע לענדער גאר. לויט ווי זיי זאגן האט זיך יעדע דיעל און יעדע קאנצעסיע נאר אויסגעלאזט מער קאטעסטראפיש און ערדער ווי פריער, משא"כ האלטן די זאך אויף low flame דאס ווערט מיט די צייט איגנארירט דורך די וועלט און דאס ארבייט די בעסטע פון א זיכערהייט פערספעקטיוו. הגם ריזיגע טעותים - א שטייגער ווי אקט 7 - קענען זיך פארשטייט זיך מאכן, אבער לויט זיי איז דאס נישט מער ווי א רעזולטאט פון נאכגעבן מער דורכאויס די יארן - נישט פון אנהאלטן די קאנפליקט חלק..
מיכאל אברהם איז יעצט אויך זייער בייז אויפן דיעל,
ווי ער זאגט דארף מען איגנארירן די פאר יחידים - האסטעדזשעס - און פארן טובה און רואיגקייט פונעם לאנד אנגיין מיטן מלחמה עד חרמה..
וואו ער און מיר זענען זיכער איינשטומיג איז אז מיט בעסערע פאראויסשאצונג איז די גאנצע מלחמה מתחילה געווען א טעות לכאורה, טאקע וויבאלד די דריי צילן זענען לכתחילה נישט גרייכבאר, בפרט די אויסראטונג פון כאמאס, אזויווי עס שטעלט זיך ארויס דערווייל. מ'וואלט געדארפט גלייך מאכן עפעס א דיעל איבער אלע משכונות, און פארבעסערן פי כמה די סעקיוריטי. מ'וואלט דאן פארדינט אסאך מער לעבעדיגע משכונות, אסאך ווייניגער מיליטערישע קרבנות און עקאנאמישע כאאס, און בעיקר וואלט מען געבליבן מיט א שטארקע וועלטליכע רחמנות און גינסטיגע רעיטינג, וועלכע מ'וואלט געקענט נוצן אלס אויבערהאנט אין סיי וועלכע צוקונפטיגע דיעל מצד די וועלט..
והרבה יש לדון בדבר - זיכער אן די רעלעוואנטע אינטעליגענס אריינצורעדן..
