מזל טוב!
קארדינאל פראנציס פרעוואסט (א אמעריקאנער געבוירענער), איז געווארן איינגעשוואוירן אלס נייער פויפסט לעא דער 14'טער.
כאטשיג מאגא וואלטן געדארפט זיין די ערשטע זיך צו פרייען איבער אן אמעריקאנער פויפסט "אמעריקע פירסט", און בכלל אלס מער גלויביגע קאטאליקן. דאך זענען זיי נישט צופרידן פונעם אויסוואל, נאך וואס דער נייער פויפסט הייסט א שטיקל לינקער, און האט זאגאר געשריבן לעצטנס א טוויט אקעגן וויצע פרעזידענט ווענס.
הלואי אונז וואלטן דא געהאט א מומחה צו דעם גאנצן פראצעדור, וויאזוי דאס ארבעט.
ס'שטייען זיכער נישט אויף איין גרינעם טאג אזויפיל קארדינאלן, און זענען מחליט אז דער איז דער בעסטער צו זיין פויפסט. ס'איז זיכער דא חברה וואס דרייען און מישן א קאשע. כ'בין זייער נייגעריג.
אגב, איז ווערט צוצולייגן, אז די סדר פון די פויפסטן איז שוין יארן א רעכטער נאכדעם א לינקער וכן הלאה. דער פארשטארבענער פויפסט פראנציסקא איז טאקע געווען א לינקער, וואלט מען בפשטות געדארפט אויסוועלן א רעכטער. ס'איז נישט געווען אזוי די געזעץ, נאר אזוי האט זיך עס אויסגעשטעלט. אבער דער פארשטארבענער פויפסט האט צוגעלייגט אסאך קארדינאלן אין זיינע יארן, און אזוי איז לכאורה געווארן א מערהייט פאר ליבעראלע קארדינאלן.
זאל דער פון אויבן טאקע העלפן, ס'זאל נתרבה ווערן אחדות און אהבה צווישן די מענטשהייט, ווי מ'זאל זיך באציען צו יעדער מענטש די זעלבע, מיט ליבשאפט און רחמנות.
