איבער דעפרעסיע והמסתעף

[זית רענן]

א יעדע געזונטער מענטש וואס איז ביים קלארן זינען האט געהאט תקופות פון דעפרעסיע אין זיין לעבן.
ס'איז א חלק פונעם לעבן, די אונטערליגנדע סיבות קענען זיין פארשידנארטיג, צו ס'איז א געפיל פון א מחסור וואס מ'ווייסט נישט ווי אזוי צו ערפילן, אדער סתם זיין אין א מצב וואס מ'פילט אז מ'האט נישט קיין קאנטראל איבער די שוועריגקייט אין וואס מ'האט זיך אריינגעזען אדער אן ערווארטונג אין לעבן וואס מ'וואלט געוואלט ס'זאל אנקומען אבער עס זעט זיך נישט אן ניטאמאל א רמז קל דערפון וכדו'.

הצד השווה, אז די דעפרעסיע ווירקט אויפן מענטש, ס'שלעפט אין איין, ס'פארשליסט אים די טויערן פונעם עולם העשייה, ער זעט זיך מער אין עולם החלומות, ער דערווייטערט זיך פונעם מענטשהייט, ער פאלט אריין טיף טיף אין זיך אריין אין טרעפט דארט גרויסע שווארצע לעכער פול מיט נחשים ועקרבים, ער בענקט צוריק צו טעג וואס זענען פון די ווייטע פארגאנגענהייט, די געפילן ווערן אים פארקנאקט אזש אז עס נערווירט אים ווען ער זעט אנדערע וואס ווערן באגייסטערט פון סיי וואס.

דעם אשכול עפן איך כדאי יעדער וואס האט אריינצוזאגן אינעם נושא זאל זיך לאזן הערן מיט טיפס אדער סיי וואס אינעם נושא, איך וועל בל"נ אריינקומען מיט אביסל פון מיינע צוויי צענט וואס איז נלענ"ד נאכן זען דא א שטיקל רעאקציע פונעם חשוב'ן ציבור.

 

[קהל׳ס נער]

איך בין נישט קיין דעפרעסיע מבין, אבער ס׳פשוט אז די ערשטע סטעפ איז צי האבן א דזשאב, א האבי, א לימוד אדער סיי וואס וואס פילט אן דעם טאג און געט אריין א פילינג פון עקאמפלישמענט, אויב דאס העלפט נישט ערשט דעמאלטס דארף מען זיך טאקע אויסטשעקן און גיין פסיכאלאגיש/מעדעציניש.

 

[אנטוישטער יונגערמאן]

גאר א וויכטיגע נושא

די ביכל listening to depression האט ממש געראטעוועט מיין לעבן (נאך פאר כ׳האב בכלל געוואוסט וואס דעפרעשן איז) ווייל מיין ברודער האט ביטער געליטן דערפון אלס רעזאלטאט פון רדיפות און אויב וואלט ער חלילה גענומען שריט, וואלט איך בלי ספק עס נישט געקענט דורכלעבן און אנגיין.
דעי ביכל האט מיר געהאלפן פארשטיין דעפרעסיע מיט א קלארקייט און מיר געהאלפן פארשטיין וויאזוי זיך אומצוגיין מיט אים
Amazon.ca

 

[אנטוישטער יונגערמאן]

איך מוז צולייגן וועגן מיין ערפארונג, איינמאל וואס איך אליין בין געשלאגן געווארן מיט הויכע סטרעס, ענקזייעטי, און דעפרעסיע נישט מער געדאכט.

היות @קהל׳ס נער האט דערמאנט מעדיצין איז וויכטיג צו וויסן

1.די סטיגמע קעגן גייסטיגע יסורים איז אזוי איינגעבאקן געווארן אין מיר, אז איך האב געפילט: אויב איך נעם מעדיצין בין איך מודה אז איך בין משוגע. און איך האב בשום אופן נישט געקענט זיך אונטערגעבן צו אזא ליגנט. בפרט ווען כ׳האב געוואוסט אז ס׳איז circumstantial depression
דאס מיינט איך בין געווען סטאָק אין אן אומדערטרעגליכע מצב - די מצב איז געווען משוגע! נישט איך. (יעדע נארמאלע מענטש וואלט צוגרינד געגאנגען אין אזא פאל)

אבער נאכדעם וואס מיין טעראפיסט האט מיר מסביר געווען אז ס׳קומט א פוינט וואס מ׳מוז האבן הילף פון מעדיצין דורכצוגיין אן אומדערטרעגליכע מצב,

און היות מיינע שלאפלאזע נעכט און נישט עסן געהעריג (טשיקן צ.ב.ש. איז רייך אין B vitamins וועלכע זענען נויטיג פאר געזונטע מח פונקציע, און בכלל גענוג nourishment איז וויכטיג) אבער ווייל די סטרעס האט אוועקגענומען דאס אפעטיט אינגאנצן בין איך אריין אין א cycle ווי די מח האט אויפגעהערט פרודיצירן סעראטאנין און ממילא קען זיין נויטיג די קעמיקאלן פון מעדיצין אין געוויסע פאלן צוריקצושטעלן די פראדוקציע פון סעראטאנין אויף די רעלסן.

אויך האב איך דעמאלס זיך אנגעהערט פון וויפיל טעטיגע ביזנעס לייט ליידן שטיל און נעמען פילן און ס׳איז היינט א גאנגבארע זאך, נאר מענטשן באהאלטן עס.

2.די גרעסטע פראבלעם פאר מיר איז געווען אז איך האב געמוזט וויסן ס׳דא א וועג ארויס, איך בין נישט געווען אינטרעסירט צו נעמען פּילן צו מאכן די ארומיגע באקוועמער- בשעת דאס פילט פשוט ווי א passifier (צאָמי) מיר צו פארשטאפן דאס מויל און ארויפקלעבן א bandaid אויף א וואונד וואס רינט אייטער און מ׳מוז עפעס טון דערוועגן (נישט סתם פארשווייגן די symptoms)

בלית ברירה האב איך געמוזט נעמען clozapine וואס איז פשוט צו בארוהיגן אבער מ׳ווערט נישט אפהענגיק ווען מ׳נעמט א קליינע דאזע פאר ווייניגער ווי צוויי חדשים (according to my knowledge)
תמצית הדברים, ס׳האט אסך געהאלפן - ווי די וועלט זאגט: ביז׳ן קרעטשמע דארף מען אויך א טרינק,
און אזוי האב איך זיך געקענט צוזאמנעמען דעם מח צו פלאנען א וועג וויאזוי צו מאכן מיין מצב גרינגער

3. א יעדע מענטש האט אנדערע געברויכן. פאר מיר האט אסך מער געהאלפן ווען כ׳האב געטראפן א גוטע טעראפיסט מיט וועמען אדורכצורעדן/אויסרעדן איינמאל א וואך (בעסער ווי מעדיצין פאר מיר) און ס׳האט מיר געהאלפן פארבעסערן מיין לעבן אין א גרויסע פארנעם

 

[בלי שם]

א יעדע געזונטער מענטש וואס איז ביים קלארן זינען האט געהאט תקופות פון דעפרעסיע אין זיין לעבן.
ס'איז א חלק פונעם לעבן, די אונטערליגנדע סיבות קענען זיין פארשידנארטיג, צו ס'איז א געפיל פון א מחסור וואס מ'ווייסט נישט ווי אזוי צו ערפילן, אדער סתם זיין אין א מצב וואס מ'פילט אז מ'האט נישט קיין קאנטראל איבער די שוועריגקייט אין וואס מ'האט זיך אריינגעזען אדער אן ערווארטונג אין לעבן וואס מ'וואלט געוואלט ס'זאל אנקומען אבער עס זעט זיך נישט אן ניטאמאל א רמז קל דערפון וכדו'.

הצד השווה, אז די דעפרעסיע ווירקט אויפן מענטש, ס'שלעפט אין איין, ס'פארשליסט אים די טויערן פונעם עולם העשייה, ער זעט זיך מער אין עולם החלומות, ער דערווייטערט זיך פונעם מענטשהייט, ער פאלט אריין טיף טיף אין זיך אריין אין טרעפט דארט גרויסע שווארצע לעכער פול מיט נחשים ועקרבים, ער בענקט צוריק צו טעג וואס זענען פון די ווייטע פארגאנגענהייט, די געפילן ווערן אים פארקנאקט אזש אז עס נערווירט אים ווען ער זעט אנדערע וואס ווערן באגייסטערט פון סיי וואס.

דעם אשכול עפן איך כדאי יעדער וואס האט אריינצוזאגן אינעם נושא זאל זיך לאזן הערן מיט טיפס אדער סיי וואס אינעם נושא, איך וועל בל"נ אריינקומען מיט אביסל פון מיינע צוויי צענט וואס איז נלענ"ד נאכן זען דא א שטיקל רעאקציע פונעם חשוב'ן ציבור.

Click to shrink...

ייש"כ פאר'ן עפענען אזא וויכטיגע שנירל.

דיינע ערשטע צוויי שורות קען שוין זיין א ישועה פאר איינער וואס גייט דורך דעפרעסיע, וויסענדיג אז דאס איז א נחלת הכלל טוט דאס אים אביסל ארויסהעלפן אין זיין קלעם.

 

[חבקוק]

יישר כחכם פארן גיין פתיחה. מענטל אויפמערזאמקייט איז אזוי וויכטיג, הפוך בה והפוך בה.

איך בין ווייט נישט דער עקספערט, אבער פון וויפיל פערזענליכע עקספעריענס איך האב איז גאר וויכטיג פאר די ארומיגע איידעלערהייט מעודד צו זיין דעם געליטענעם צו גיין פארברענגען אביסל מיט גוטע פריינט, הרבה חברותא עושה! פשוט אויפהייבן דעם טעלעפאן צו שמועסן און לאכן אביסל, עס איז נישט פשוט וואס דאס טוט אויף, ארויסגיין צו א שיעור, א רעסטאראנט, א ביר, א קאווע, סאציאליזירן אביסל.

 

[בלי שם]

חיצוניות איז ביכולת מעורר צו זיין די פנימיות.

לדוגמא גיין אנגעטון מיט א שיינעם סוט און צוזאם נעמען די בארד און פיאות אויך די ציינער זאל זיין ווייס ווי מילך, שיקט מען א מעסעדש פאר'ן נפש אז מ'איז א חשובע מענטש.

אפגערעדט א גוטע שווים, ספעציעל יעצט אין די זומער טעג, קען אויפטוען גדולות ונצורות.