שלום עליכם ליבע חבירים
איך וויל מיר באציען צום פותח השנירל׳ס פראגע אויב כהנא איז געווען פראקטיש. (איבערלאזענדיג די אפישעל מיעט-ענד-גריד פאר א פאסענדע געלעגנהייט)
מאיר כהנא׳ס טענה איז אייביג געוועהן אז די אראבער האבן זייערע 50 לענדער, אין א גרויס טייל דערפון האבן געוואוינט אידן פאר הונדערטער יאר ביז מ׳האט זיי פארטריבן. די זעלבע צייט האט די יו ען פארטיילט לאנד, די אראבער האבן גענומען ריזיגע חלקים, פארטריבן די אידן פון דארט, און מיט דעם אלעם איז דא א הייפעלע פון זיי וואס וואוינען אין ארץ ישראל און האבן פיינט דעם איד און ווילן אים ארויסזעהן פון דארט, פארוואס זאל מען לאזן דעם אראבער וואוינען דארט, בשעת ווען דער אראבער האט זיך זיין לאנד ווי ער קען גיין.
ער האט פאראויסגעזעהן א סכנה אז זיי ווערן מער און מער בשעת וואס די אידן זענען נישט רעליגיעז און מערן זיך נישט, און אויב איז דא אייניגע רעכטן וועלן די אידן נישט נאר פארלירן זייער לאנד, נאר אויך געהארגעט ווערן. און אויב איז די כוונה געווען צו געבן פאר די אידן א סעיף פלאץ איז עס אין א סכנה אויב דער אראבער וואוינט דארט, היות דער אראבער האט פיינט דעם איד.
זיין שיטה איז נישט געווען א דירעקטע סתירה צו חוקי דעמאקראטיע, (כאטש ער האט געלייגט רעליגיע איבער דעמאקראטיע) און עס צו פארשטיין איז כדאי צו זעהן זיין דיבאטע מיט עלען דערשאוויטץ. (עוועילעבעל אן יו טוב) עלען איז מחולק מיט אים אבער געבט אים גערעכט אסאך.
איינער האט אים דא אנגערופן א אידישע נאצי. די חילוק פון שיטת הרב כהנא מיט נאציזם איז זייער פשוט, דער איד האט נישט געוואלט איבערנעמען דייטשלאנד און און עס מאכן פאר א אידיש לאנד, עכ״ז האבן די נאצי׳ס געוואלט הרגענען דעם איד ווייל זיי זענען געוועהן נאצי׳ס. הרב כהנא שיטה איז אבער נישט געווען קעגן דעם אראבער, ער האט געוואלט פשוט לעבן רואיג און אז דער אראבער לאזט נישט האט ער געוואלט זעהן דעם אראבער וואוינען סוקסעספולי אין ירדן. די פונדעמענטאלן פון זיין שיטה איז געקומען פון א טיפע אהבת ישראל.
זיין שנאה צום אראבער איז נישט געקומען ווייל ער האט געדארפט א ריינע ראסע, ס׳איז וויבאלד דער אראבער דארף א ריינע ראסע.
זייענדיג שטארק רעליגיעז, און לייגנדיג תורה ומצוות און אהבת ישראל בעפאר די מה יאמרו הבריות/האומות האט ער געפעלט אין די גרויסע פיקטשער, אבער ער האט זיכער געמאכט א גרויסע טויש און די מיינדסעט פון די מער רעליעגיעזע חלק פון עם ישראל. שווער צו זאגן אז נתניהו וואלט געהאט די שטארקייט און שטאלצקייט צו לוחם זיין פאר די מדינה ווען נישט ס׳איז דא א הרב כהנא וואס האט געהויבן די טאָהן.
די כהנא צדק און כך באוועגונג איז טאקע קליין, אבער ביי א ריזיגע חלק רעליגיעזע אידן איז דא א אינערליכע ליבשאפט און געפיל צו הרב כהנא, און א פארשטענדעניש אז זיין קאך און ברען איז נישט געקומען פון א רייץ צו זיין מאכטפול אדער פארדינען פארזענדליך דערפון, ס׳איז געווען א הארץ וואס האט געפלאקערט פאר עם ישראל ותורתו הק׳ אן קיין פשרות כלל וכלל!
שבת שלום ברודער!
