ברכת התורה פארן דורך ליינען/לערנען די קרעמל פלאטפארמע

[עושר]

אזוי דורך לייענענדיג אין די פריע פארטאגס שעה די קרעמל פלאטפארמע, געב איך זיך א שטעל אפ און טראכט צו מיר: געוואלד! איך האב דאך שוין אדורך געטון אזוי פיל נושאים און מאמרי חז"ל! מצות עונה מיט א קאנדאם, אראפשילינגען די זרע, ועוד ועוד. איך האב דאך ממש געלערנט היינט!

און דא – קלאפ! – דער שרעק שלאגט מיר איין: האסט געזאגט ברכת התורה?!

איך שטעל זיך אפ. איך קיק ארום. די וועלט שטייט אין פלאץ. עס שטייט דאך אין גמרא (נדרים פא.) אז דער חורבן בית המקדש איז געקומען צוליב דעם וואס אידן האבן נישט געזאגט ברכת התורה. איך האלט זיך דאך פאר א ערליכן איד, און איך האב נישט געזאגט ברכת התורה?!

און לאמיר זאגן אז לא עלינו איך האב ליידער עובר געווען, איז וואס טוט זיך ווען מען גייט מיר די ערשטע זאך אינעם עולם האמת פרעגן "קבעת עתים לתורה?" וועל איך קענען ענטפערן מיט א שטארקייט: "וודאי! איך האב ערליך דורך געליינט/ געלערנט די קרעמל פלאטפארמע!"
אבער אויב וועט דער מלאך צוריקפרעגן: "יא יא, אבער האסט געזאגט ברכת התורה פארן דורכגיין אלע נושאים?"

איך האב זיך דערשראקן! איך האב גלייך אויפגעהויבן מיינע הענט און געזאגט ברכת התורה מיט אזא כוונה, אז מעגליך מען האט עס געהערט ביז אין עולם העליון.

און דא קומט די פראגע: ברכת התורה פארן דורך ליינען/לערנען די קרעמל פלאטפארמע – יא אדער ניין?
איז מען יוצא תורה מיט דעם? וועט עס גענוג זיין ווען מען גייט פרעגן קבעת עתים לתורה? דארף מען קודם ברכת התורה? איז קרעמל בכלל תורה, אדער עפעס אנדערש?

לאמיר הערן פון די עולם. וואס זאגט איר?

 

[אלפא]

די שאלה איז צו דו רעדסט פון תורה בחפצא אדער תורה בגברא (אין ד"ר מיכאל אברהם'ס חילוק), קיין תורה בחפצא זענען רוב זאכן דא לכאו' נישט, אבער תורה בגברא (ווען מ'קען זיך עפעס 'לערנען' דערפון) איז לכאו' רוב זאכן יא..

צו עס גייט ערפילן פאר דעם 'קבעת עתים' וועסטו דארפן אויסווארטן צו געוואר ווערן אויף יענע וועלט. אבער ברכת התורה פסק'נט מיכי אז מ'דארף נישט מאכן..

 

[עושר]

די שאלה איז צו דו רעדסט פון תורה בחפצא אדער תורה בגברא (אין ד"ר מיכאל אברהם'ס חילוק), קיין תורה בחפצא זענען רוב זאכן דא לכאו' נישט, אבער תורה בגברא (ווען מ'קען זיך עפעס 'לערנען' דערפון) איז לכאו' רוב זאכן יא..

צו עס גייט ערפילן פאר דעם 'קבעת עתים' וועסטו דארפן אויסווארטן צו געוואר ווערן אויף יענע וועלט. אבער ברכת התורה פסק'נט מיכי אז מ'דארף נישט מאכן..

Click to shrink...

אה סא לשיטתך קען איך זיין רואיג אז נישט וועגן מיר איז די בית המקדש חרוב געווארן, איך האף נאר אז די מלאכים אויבן פארשטייען אזעלכע טיפע פשטים ווייל אויב נישט קען נאך די 3טע בית המקדש חס ושלום חרוב ווערן

 

[זית רענן]

ס'ווענד זיך לכאורה אויב מ'זאגט ארויס וואס מ'ליינט, ווייל אויף הרהור איז א מחלוקת צו מ'דארף ברה"ת, דאס איז זיכער אבער אז אין צוויי טויזנט יאר וועלן די אידן געהעריג אננעמען דעם קרעמל אלס א גמרא שלימה שצריך לברך עליה בשם ומלכות (ס'וועט נאך אפשר זיין א ספעציעלע ברכה).