בת ק' כבת עין - געפילן נאך השתתפות ביי א סעודה לע"נ דער בת עין

[חסידיש משפיע]

נארוואס צוריקגעקומען פון א סעודה לע"נ דער בת עין, וויל איך מיטטיילן מיינע הרגשים.
כמובן אז דאס זענען בלויז מיינע געפילן ואשמח לשמוע חוות דעתכם.

די עולם איז אין עקסטאז, מ'גייט פועל'ן ישועות, מ'גייט זיך וואשן פאר א סעודה, די עולם זיצט איבער געדעקטע טישן און יעדער הייבט אן צו פארציילן זיינע מופתים.... עה... יעדער? נישט ממש, ווייל נישט יעדער איז דאך געהאלפן געווארן ... אזוי ווי אלע מופתים וואס ארבעט אמאל יא און אמאל נישט... מאנכע פירן זעך אריינצולייגן א קוויטל אינעם ספר בת עין (אגב, ווען די ליובאוויטשע חסיד לייגט אריין די קוויטל אין די אגרות פון רבי'ן שליט"א-זצ"ל וועט די זעלבע וואס האט אריינגעלייגט אין בת עין מאכן חוזק פון אים) און מ'שעפשעט זיך א בקשה "הייליגע בת עין איך זאג צו אז אויב ביז א יאר וועל איך האבן א ישועה מאך איך א סעודה אויפ'ן יארצייט" - אביסל א בחינה פון דורש אל המתים....
מ'זאגט נאך די מופתים וואס רבי מיילעך האט פארציילט פון "דער יאר ממש".

לכאורה ביז אפאר יאר ארום וועט מען דן זיין א ערליכע אינגערמאן לפי זיין השתתפות ביים סעודת בת עין - "דער אינגערמאן איז אביסל שוואך אין אידישקייט, ער איז נישט געווען ביים בת עין סעודה" - מען זעהט מיט די אייגענע אויגן ווי עוואלוציע פאסירט מיט די פילצאליגע הוספות מיט פרישע ימים טובים וחיובי סעודות וכו'.

בעט איך ביים רבונו של עולם, באווייז פאר אידן דיינע מופתים דירעקט וועט מען נישט דארפן צוקומען צו די אלע הוספות וואס גרעניצט זיך מיט כמעט עבודה זרה.

זכותו יגן עלינו.

 

[אלפא]

כשזה קם זה נופל, ווען פרק שירה גייט ארויס פון סטייל קומט מען מיט גיסן בליי און עין הרע מעשיות, ווען דאס וועפט שוין טרעפט מען ר' ישעי'לע, פון דארט גייט מען צו ר' מתיא בן חרש, צו חושן שטיינער, צו ביינער לייגער, צו האלץ קוועטשער, מ'זאגט נשמת, מ'שרייט ונצעק, מ'רעדט נישט ביים דאווענען, מ'צוברעכט סמארטפאנס, מ'נעמט חלה, מ'צינדט לעכט, מ'שפייט בלוט, מ'דרעשט ווייץ, מ'מאלט וואסער, דרייסיג פרויען האלטן זיך דרייסיג מאל איין פון זאגן דרייסיג לשון הרע'ס, מ'זאגט 119 מאל קאפיטל קי"ט, און ווען מ'זעט אז די באשעפער באגענוגט זיך נישט מוז מען אנהייבן מיט בת עין סעודות, הושע בן בארי פארטיס, זרע שמשון, ר' אביגדור מילער, און ר' שמעון שפיצער....

די ליסטע גייט ווייטער, און די משוגעת'ן וועלן זיך נישט ענדיגן.

אונז טרעף מיר אייביג נייע וועגן צו סטראשענען דעם באשעפער אויב וויל ער נישט גייט די קאנווענשאנעל מהלך, און וואונדער איבער וואונדער, עס ארבייט אייביג די ערשטע מאל. ווער געדענקט דען נישט ווען א קוויטל ביי ר' ישעי'לע האט נאך געמיינט געווינען אין געריכט?! אדער ווען 40 טעג פרק שירה האט געמאכט חתנים, און מכות וויין האט געמיינט אז די גוי פגר'ט?!

עס איז ב"ה א 'פרי מארקעט' פון סגולות, ווען איינס הערט אויף ארבייטן - ווען די מלאכים אנטדעקן די loop-hole - שאפן מיר אייביג נייע אונטער טירלעך, און מיר מאקסימיזירן אירע בענעפיטן דורכן עס מפרסם זיין און זיך דערקלערן מומחה דערין ווילאנג דער עולם גלייבט..


במאמר המוסגר, מ'דארף זען צו מפרסם זיין אז מ'דארף אבאכט געבן מיט מישן סגולות, וויבאלד עס זענען אנדערע כוחות וואס זענען פאראנטווארטליך פאר די אנדערע צוועקן, און טון מער ווי איינס אויפאמאל קען צומישן די מלאכים און די אפגעטער, עס קען צופירן צו מלחמות און קאנפליקטן צווישן די העכערע ענערגיעס, ווען די מלאך פון ר' מתיא בן חרש לדוגמא איז פונקט יעצט אין נישט גוטע טערמינען מיט די מלאך פון פרנסה אדער איז ער פונקט אין די מאד פון לאזן אן עין הרע - וואו מ'וועט נאך ענדיגן ערגער ווי פארדעם..

על הקורא להיזהר.

 

[כספי]

@אלפא זייער גוט און ריכטיג געשריבן.

אבער @חסידיש משפיע דו ביזסט נישט אינגאנצן גערעכט, דא זעט מען נישט די עוועלוציע, ווי אלפא ברענגט ארויס, ס'טוישט זיך כסדר. ווער געדענקט נאך דער ווילעדניקער? וואס ס'האט זיך געטון עטליכע און צוואנציג יאר צוריק איבער זיין קבר, און מ'זעט ישועות וכו', ס'טוישט זיך כסדר. עכ"פ ס'וועט קיינמאל נישט ווערן א חלק פון שטארקייט און שוואכקייט אין אידישקייט.

די עכטע פלאץ ווי ס'ווערט כיום הזה א משונה'דיגע עוועלוציע אין אידישקייט, א עוואלוציע וואס אונזערע אייניקלעך גייען זיך ברעכן קאפ, צו פארשטיין פון ווי ס'קומט. איז די צניעות ביי אינגלעך, ס'כאפט ממש א פחד, אבער דאס איז די מציאות, ס'איז שוין היינט דא גאנצע געזעצן און הלכות ביי קליידונג פון פינעף יעריגע אינגלעך, נאך אפאר יאר וועט עס אויסקוקן פונקט ווי ביי די פרויען, ס'גייט ארויסקומען באוואוסטע ספרים פון הרב פאלק פון ענגלאנד, וואס ער גייט מסדר זיין די גאנצע נושא בטוב טעם ודעת, און דאס גייט ווערן אנגענומען כתורת משה מסיני ממש. און איינער וואס גייט זיך אביסל שאקלען אין דעם, וועט מען אנקוקן אלס אן אויסוואורף, קיינער וועט זיך נישט וועלן משדך זיין מיט עם 'וואס הייסט, זיינע אינגלעך גייען נישט בצניעות'.

ס'איז א פחד און א שרעק.

 

[חסידיש משפיע]

@כספי
יש מקום לעוועלוציא בין בעניני יארצייטן וקברי צדיקים וגם לרבות בעניני צניעות ביי אינגעלעך...

סתם בדרך אגב: רב פאלק לעבט שוין נישט כמעט 5 יאר.

 

[מצליח]

כלל ישראל ווייסט וויאזוי צו קלייבען סגולות,נאך א סעודה נאך א טריפ, און נאך א סעודה.

זארגט אייך נישט די שווערע סגולות בלייבען ביי די מודעות.

בנוגע מישען סגולות, איז כדאי צו מאכען א תנאי פאר יעדע סגולה וואס מען מאכט.

 

[כספי]

סתם בדרך אגב: רב פאלק לעבט שוין נישט כמעט 5 יאר.

Click to shrink...

ווייס איך, למליצה בעלמא אית ביה.

 

[אלטע שרייבער]

ווען איינער פארשטייט טאקע די חילוק צווישן אמונת התורה און אמונות טפלות, פארשטייט ער ווי געפערליך די בת עין סעודות וכדו' זענן. זיי זענן ממש היפך אמונת התורה.

ליידער ליידער, האבן מיר דא פיל מענטשן וואס ווייסן נישט די חילוק. אדער גלויבן זיי אין די בת עין, אדער לייקענן זיי די תורה מיט די בת עין נארישקייט.

איך זעי נישט קיין עמטליכע חילוק צווישן די צווי כתים. איין כת פון שוטים.

 

[גצלאל]

וויאזוי זאגן זיי? מ'בעהט אייביג 'הושעינו למען שמך' וכדומה. פשט איז, מ'זאגט פאר'ן באשעפער, העלף מיך יעצט ווען ס'איז נאך אויף דיין נאמען, ווייל אויב נישט העלעך פרובירן אנדערע מיטלען און דו וועסט פארלירן קרעדיט...