שווער צו זאגן אז דאס איז די סיבה ווייל מ'האט אן עצה געגעבן מיט גענוג שווערער פסוקים אין דניאל און מ'וואלט זיך מיט דעם אויך אן עצה געגעבן, ענדערש מדחיק זיין גאנץ מלכות פרס אין 34 יאר ??
דער עיקר חשבון וואס איז איז גיוועהן נהוג בימי בית שני ביז נאך די גאונים, איז גיוועהן גיבעיסט אויף תחילת מלכות יון פון אלכסנדר מוקדוני, וואס מען האט אהנגינומען אלץ יאהר ג׳תמ״ח, 1000 יאהר נאך מעמד הר סיני כמבואר אין מסכת עבודה זרה ט. , און ארום דעם האט מען מסדר גיוועהן די נומבערס, אז עס זאל שטימען מיט די 1000 יאהר
און מען האט אראפ גענומען די איבעריגע יאהרן פון
חשבון - דאס ווערט אהנגירופען מנין שטרות וואס אלע סופרי שטרות האבען עס גענוצט על פי רוב ,
ביז רבינו גרשום מאור הגולה-חוץ אז מען האט גיהאט א גוטע רילישענשיפ מיט די בבלי מלוכה - די זענען גיוועהן פון די פרסיים ( אין די ימי אמוראים איז גיוועהן געוויסע גוטע צייטען) האט מען געשריבן שטרות לויט די לאקאלע הערשאפט צייט.
עס איז דא א לאנגע סוגיא אין מסכת ערכין לגבי די בית ראשון וויפיעל שמיטות און יובלות זענען אדורך
פון תחילה המנין שמיטות , מען דארף עס מיישב זיין
מיט דעם רד״ק וואס ער זאגט אז דער בנין בית
ראשון איז גישטאנען 430 יאהר , ווי אזוי עס שטימט מיט די נבואת יחזקאל וואס ווערט דארט גיברענגט .
עס איז אבער נישט נוגע אונזער תשבון פון שמיטה ווייל אונזער חשבון איז פון בית שני אין- קים לן אז דער חורבן בית איז גיוועהן מוצאי שביעית - אבער מידי ספק לא יצאנו ווייל עס איז נולד גיווארן א מחלוקת צו די חורבן איז גיוועהן תתכ״ח אדער תתכ״ט - רש״י מיט רמב״ם , איז ביי אונז שמיטה א ספק אבער די הלכה איז ווי דער רמב״ם , פונדעסטוועגן איז מען אמאהל מצרף אז די שמיטה איז א ספק ,
לגבי די יובלות איז נישט קיין ספק ווייל דער רמב״ם איז מעיד בשם הגאונים אז כאטש דע גמרא זאגט אונז,מנו שמיטין לקדש יובלות האט עס מען מבטל גיוועהן עד כי יבא שילה און מען ציילט נישט קיין יובלות נאר שמיטות, און יובל וועט צוריק קומען ווען עס וועט זיין ושבו בנים לגבולם וואס מיינט רוב יושביה עליה .
