חדשות אין לימוד תנ"ך ומפרשיו

[שושני]

דר הענרי אבראמסאן, באקאנטע אידישער היסטאריקער, איז אינגאנצן איבערגענומען איבער די נייע חומש.

די גרעסטע חידוש: זיי האבן אריינגעשטעלט נחמה לייבאוויץ'ס שרייבעריי. די ערשטע מאל א פרוי איז גערעכנט צווישן די מפרשי המקרא אין אזא פראיעקט.

View: https://youtu.be/hirpdA-GOEU?si=scFGdirE6MMf4mcF

 

[אלפא]

איך ווארט פאר די 'מקראות קרעמלי' צו ווערן פארטיג...

יענץ וועט מיר זיין ווערד די אינוועסטמענט...

בכל אופן, יישר כח פארן צו-ווייזן, עס הערט זיך א שטארקע זאך, איך זע נאר עס קאסט א הון תועפות - און נאכדעם דארף מען נאך טרעפן די צייט עס צו ליינען.. לאז איך עס אין געשעפט, און ליינען וועל איך מוזן עטוואס אנדערש..

 

[שושני]

יא קוקט אויס ווי א גאנצע ש"ס... נאכדערצו אז רוב זאכן זענען היינט בחינם אנליין. נאר געוואלט אנווייזן.

מקראות גדולות פארמאט איז פינף הונדערט יאר אלט.

צייט פאר אן אפדעיט.

 

[פאנדע]

אנשטאט צוטיילען לויט די דורות ווארט איך זיי זאלן עס צוטיילען לויט די מהלך , געב מיך די ראציאנאלע מפרשים און לאז די אור החיים פארן סקווערער
בכלל פארשטיי איך נישט ווי די כלי יקר און אור החיים קומט צו זיין דארט

 

[חבקוק]

איך וואלט גראדע יא זייער הנאה געהאט פון אזא סעט אויב זאל איך נאר האבן די פלאץ דערפאר, אפילו אלעס איז אוועילעבל אנליין האב איך דאך א ספעציעלע געשמאק צו לערנען מיט אלע מפרשים על הדף בפונדק אחד, ספעציעל שבת ויו״ט.

 

[דאקטאר-ראבינער]

אנשטאט צוטיילען לויט די דורות ווארט איך זיי זאלן עס צוטיילען לויט די מהלך , געב מיך די ראציאנאלע מפרשים און לאז די אור החיים פארן סקווערער
בכלל פארשטיי איך נישט ווי די כלי יקר און אור החיים קומט צו זיין דארט

Click to shrink...

סיי כלי יקר סיי אור החיים האבן זייער א סך מאל הערליכע פשט זאכן. מוזט נישט לערנען די אנדערע.

 

[שושני]

דר. הענרי אבראמסאן איז באקאנט געווארן אפי' ביי גאנץ היימישע צוליב זיין גאר פאפולערער צוזאמענארבייט מיט OU אויף זייער AllDaf פלאטפארמע, ווי ער איז דורכגעגאנגען כמעט א גאנצע ש"ס צירקל במשך די לעצטע פאר יאר געבנדיג א קליין ביסל היסטאריע וואס איז נוגע די טעגליכע בלאט.
Jewish History in Daf Yomi

יעצט פארן נייעם צירקל פון די פרשת השבוע, פאר נייעם יאר, האט ער אנגעהויבן עפעס מער ענליך, און אפשר מער געוואגט, צו טון דאס זעלבע פארן פרשה מיטן געבן היסטארישע אונטערגרונד פאר די פרשה...

View: https://youtu.be/kk0L95Za8NM?si=Dbor3Z_ZPiSV6I6C


ס'איז גענוג אפן און אויפריכטיג צו ענזשויען, ער איז דאך א PhD היסטאריקער, אבער אויך גענוג גע'כשר'ט צו שיקן פאר פריינט און פאמילע צו אריינברענגן אביסל פון אקאדעמיע-סטיל-פרשנות אין דער פרשה, פאר דעם מלמד-פרשנות געפלאגטע פאלק.

 

[שושני]

די באקאנטע "היימישע" וועבזייטל פאר תנ"ך על פי אקאדעמיע, התורה אדער TheTorah, איז ארויסגעקומען מיט א חומש בראשית געדרוקט מיט די קאלירן וואס צייגן אן די פסוקים וואס קומען פון וועלכע מקור.
Chumash Bereshit

דאכט זיך די ערשטע אזא אידישער פראיעקט זייט איבער 100 יאר צוריק ווען דר Julius Wellhausen איז צום ערשט ארויסגעקומען מיט דעם Documentary Hypothesis.

 

[שניידער]

די באקאנטע "היימישע" וועבזייטל פאר תנ"ך על פי אקאדעמיע, התורה אדער TheTorah

Click to shrink...

פארוואס אין קוואוטעישאן מארקס...?
Yoel S. | TheTorah.com

 

[קץ דוחק]

װאס איז טאקע פשט פון די אײן תיו בײ ותפעם רוחו אין אונזער פרשה, בײ פרעה, לעומת די צװײ תװין אין ותתפעם רוחו בײ נבוכדנצר?

 

[ריבי]

דער מפרש זאגט פשט אז נבוכדנצר איז גיוועהן א פיפיגער און כיטרע פארשוין און ער האט זיך גיטראכט אויב וועל איך דער ציילען דער חלום וועט אוודאי זיין גענוג חכמים פותרים איז ווי אזוי וועל איך וויסען אז די פתרון איז ריכטיג האט ער זיך גימאכט אז ער האט פארגעסן דעם חלום האט ער גיהאט א סימן ווער עס וועט וויסען דעם חלום דעמס פתרון וועט ער אהנעמען פאר אמת
פרעה איז גיוועהן מער גראהד און סימפעל ער האט דערציילט דעם חלום און גיבעטן א פתרון האט ער גיהאט פלענטי חרטומים פותרים אבער ואין פותר אותם - אזו ווי רש״י זאגט אז פוותרים היו לו אבל לא היה קולן נכנס לאזניו ,
קומט אויס אז נבוכדנצר האט גיבלאפט אז ער האט פארגעסן די חלום - וועגן דעם זאגט דער פסוק
-ותתפעם- אהנצוווייזען אז ער האט זיך גימאכט אזוי
דער עקסטרע אות ת קומט מרמז צוזיין די בלאף
חזקוני

 

[קץ דוחק]

דאס איז גוט פאר א שײנע דרש אבער פשוט װאס איז פשט פון דער לשון, די איבעריגע תּ?

 

[אפענער]

דאס איז גוט פאר א שײנע דרש אבער פשוט װאס איז פשט פון דער לשון, די איבעריגע תּ?

Click to shrink...

עיין אבן עזרא על דניאל ב א

 

[חדשים]

די באקאנטע "היימישע" וועבזייטל פאר תנ"ך על פי אקאדעמיע, התורה אדער TheTorah, איז ארויסגעקומען מיט א חומש בראשית געדרוקט מיט די קאלירן וואס צייגן אן די פסוקים וואס קומען פון וועלכע מקור.
Chumash Bereshit

דאכט זיך די ערשטע אזא אידישער פראיעקט זייט איבער 100 יאר צוריק ווען דר Julius Wellhausen איז צום ערשט ארויסגעקומען מיט דעם Documentary Hypothesis.

Click to shrink...

יעצט באמערקט. איך ווארט שוין יארן דערויף.

 

[ריבי]

עיין אבן עזרא על דניאל ב א

Click to shrink...

קען אויך זיין אז די עקסטרע ת קומט צוזאגען אז עס איז גיוועהן א שטארקע קלאפונג, וואס האט איהם איבערגענומען און אהנגיצויגען,לדוגמא- ווי מען טרעפט ביי רבקה ווען זי האט גיזעהן יצחק די ערשטע מאהל זאגט ער -ותקח הצעיף ותתכס - אויך א עקסטרע ת צוזאגען אז דער כיסוי איז גיוועהן א באדעקן פול מיט התפעלות פון אנטיסיפעישענס.