איך כאפ נישט, א קינד וואס גייט נישט פונקט אויף די מהלך וואס די טאטע האט עם געגעבן, טאר נישט וואוינען אין שטוב??
ער איז מער נישט דיינס??
מ'דארף שוין נישט קערן פאר עם, און עם געבן ליבע פונקט ווי די אנדערע קינדער??
וואס איז זיין זינד? אז ער וויל עפעס (אנדערשט פון וואס דו ווילסט ער זאל וועלן)? אז ער טראכט (אנדערשט פון וואס דו ווילסט)?
באמת, מיט וואס האט ער געזינדיגט? אז ער האט געוואלט? געטראכט? געשפירט?
פליז זיי מסביר!!
וועלכע רעכט געבט דיך צו פארמאכן דיין הארץ, פאר א קינד וואס דו האדעוועסט אויף?
אה!! ווייל די רעליגיע הייסט!
הייסט עס אז דיין רעליגיע קומט פאר דיין נאטירליכע פילינגס.
דו קענסט שרייען אז רעליגיע קומט פאר דיין נאטירליכע געפילן, אבער קום נישט זאגן אז דו קערסט פאר דיין אייגענעם קינד - ווייל דו האסט צוגעמאכט דיין נאטירליכע "עלטערן פילינגס".
האסט גע'לעיבל'ד דיין קינד אלס א קענסער, און אפילו די קעיר פון אזא קינד וואס האט קענסער געבסטו עם נישט!
דיין לויעלטי צו די רע-בנים און די סיסטעם לייגסטו איבער די לויעלטי צו דיין פלייש און בלוט!!
וואו איז די פינטעלע ייד???
אינגאנצן באגראבן?!
נאר וואס די טאטע איז צוריסן.. די פינטעלע ייד לויפט עם נאך.. אבער די לחץ פון די סיסטעם און די וואס שרייען
לייגן אריין די עלטערן אין א גילט טריפ, אז טאמער זיי עקטן אויף די נאטירליכע לאוו, זענען זיי אליינס רשעים!!
(פארוואס? ווייל אזוי!).
ס'איז פשוטע רשעות צו שטופן די עלטערן צו ארויס ווארפן די קינדער פונדערהיים און דערווייטערן. דאס איז די רשעות'דיגע סיסטעם וואס לייגט די סיסטעם איבער די יחיד!
נישט אז לעיבעלן די קינדער אלס קענסער איז נישט קיין רשעות, אבער כאטש קומט עס כדי צו מצדיק זיין די קינד, אן דארפן confront'ען די אייגענע ביליעף סיסטעם.
