איך האב לאצטענס רעאגירט דא אין קרעמל צו א תגובה וואס האט גע'טענה'ט, אז עס איז בעצם נישטא קיין דיפרענץ צווישן דיקטאטורשאפט א שטייגער ווי אין רוסלאנד און דעמאקראטיע. דאס האט מיר געברענגט צו נאכקוקן די קארעלאציע צווישן "פרייהייט" און "עקאנאמישער שפע".
דער טאוועלע ווייזט די שפע פון די 20 העכסט-ראנגיגסטע לענדער אויף דעם "פרייהייט אינדעקס" אין פארגלייך צו די שפע פון די 5 לענדער מיט דער ערגסטער פרייהייט.
איך האב אויך צוגעלייגט רוסלאנד און כינע צו די ליסט, היות זיי זענען פון די וועלטסמאכטן.
די ציפערן רעדן פאר זיך אליין.
אבער עס איז נישט קיין סוד, אז במשך די פארגאנגענע פאר יאר האבן די רעכטע זיך באקלאגט אז אמעריקא איז פונקט אזוי דיקטאטוריש ווי רוסלאנד. ספעציפיש, אז די ביידן-אדמיניסטראציע האט זיך באנוצט מיט די יוסטיץ-סיסטעם קעגן די רעכטע, און בפרט קעגן טראמפ פאר פאליטישע מאטיוון און נישט פאר יושר און גערעכטיגקייט.
שטעלט זיך די פראגע: איז די פאראייניגטע שטאטן בעסער ווי רוסלאנד, אדער איז עס נאר אן אויגפארבלענדעניש?
דער אמת איז אז סיי ווער עס איז נישט בייעסד אדער אומוויסנד וואס עס גייט פאר אינדרויסן פון זייער קליינע באבעל ווייסט, אז די מערב וועלט פרייהייט איז ליכט יארן פאראויס פון די אלע דיקטאטארישע אדער אטאריטאטישע רעגירונגען. אמת, עס איז פארהאן פראבלעמען אפילו אין אונזערע פרייע לענדער. אבער צו זאגן אז דא אין אמעריקע איז פונקט ווי רוסלאנד איז פאלג-מיר-א-גאנג.
מיר געניסן אין די פאראייניגטע שטאטן פון א רעלאטיוו הויכן ניווא פון פאליטישער און ציווילער פרייהייט, און א פונקציאנירנדע דעמאקראטישע סיסטעם מיט פרייע וואלן, א פרייע פרעסע און פאליטישער אפאזיציע – גרונט-רעכטן וואס זענען נישט-עקזיסטירנד אין רוב לענדער אין די וועלט.
אונזער שפע און פרייהייט איז אויף אזא הויכן ניווא, אז מיר נעמען עס פאר לייכט און באגרייפן אפילו נישט וואס מיר פארמאגן. סיי ווער וואס ווייסט אביסל וויאזוי דאס לעבן קוקט אויס אין רוב לענדער אין די וועלט, פארשטייט אז עס איז ניטאמאל קיין הווה אמינא צו מיר האבן דא אן אמת'ע פרייהייט.
יעצט ספעציפיש לגבי וויאזוי די יוסטיץ דעפארטמענט איז זיך באגאנגען מיט טראמפ קען מען זען אז אמעריקע'ס פרייהייט איז נאך שטאנדהאפטיג. איז טראמפ אונטער גראטעס? ניין. ער האט זאגער געווינען די פרעזידענטשאפט.
דער טאוועלע ווייזט די שפע פון די 20 העכסט-ראנגיגסטע לענדער אויף דעם "פרייהייט אינדעקס" אין פארגלייך צו די שפע פון די 5 לענדער מיט דער ערגסטער פרייהייט.
איך האב אויך צוגעלייגט רוסלאנד און כינע צו די ליסט, היות זיי זענען פון די וועלטסמאכטן.
די ציפערן רעדן פאר זיך אליין.
אבער עס איז נישט קיין סוד, אז במשך די פארגאנגענע פאר יאר האבן די רעכטע זיך באקלאגט אז אמעריקא איז פונקט אזוי דיקטאטוריש ווי רוסלאנד. ספעציפיש, אז די ביידן-אדמיניסטראציע האט זיך באנוצט מיט די יוסטיץ-סיסטעם קעגן די רעכטע, און בפרט קעגן טראמפ פאר פאליטישע מאטיוון און נישט פאר יושר און גערעכטיגקייט.
שטעלט זיך די פראגע: איז די פאראייניגטע שטאטן בעסער ווי רוסלאנד, אדער איז עס נאר אן אויגפארבלענדעניש?
דער אמת איז אז סיי ווער עס איז נישט בייעסד אדער אומוויסנד וואס עס גייט פאר אינדרויסן פון זייער קליינע באבעל ווייסט, אז די מערב וועלט פרייהייט איז ליכט יארן פאראויס פון די אלע דיקטאטארישע אדער אטאריטאטישע רעגירונגען. אמת, עס איז פארהאן פראבלעמען אפילו אין אונזערע פרייע לענדער. אבער צו זאגן אז דא אין אמעריקע איז פונקט ווי רוסלאנד איז פאלג-מיר-א-גאנג.
מיר געניסן אין די פאראייניגטע שטאטן פון א רעלאטיוו הויכן ניווא פון פאליטישער און ציווילער פרייהייט, און א פונקציאנירנדע דעמאקראטישע סיסטעם מיט פרייע וואלן, א פרייע פרעסע און פאליטישער אפאזיציע – גרונט-רעכטן וואס זענען נישט-עקזיסטירנד אין רוב לענדער אין די וועלט.
אונזער שפע און פרייהייט איז אויף אזא הויכן ניווא, אז מיר נעמען עס פאר לייכט און באגרייפן אפילו נישט וואס מיר פארמאגן. סיי ווער וואס ווייסט אביסל וויאזוי דאס לעבן קוקט אויס אין רוב לענדער אין די וועלט, פארשטייט אז עס איז ניטאמאל קיין הווה אמינא צו מיר האבן דא אן אמת'ע פרייהייט.
יעצט ספעציפיש לגבי וויאזוי די יוסטיץ דעפארטמענט איז זיך באגאנגען מיט טראמפ קען מען זען אז אמעריקע'ס פרייהייט איז נאך שטאנדהאפטיג. איז טראמפ אונטער גראטעס? ניין. ער האט זאגער געווינען די פרעזידענטשאפט.
