- זיך איינגעשריבן
- מאי 17, 2024
- מעסעדזשעס
- 469
- רעאקציע ראטע
- 1,351
פרק א
- די ווערטער פון קהלת, דער זון פון דוד, דער קעניג אין ירושלים.
- "ליידיגקייט פון ליידיגקייטן" זאגט קהלת. "ליידיגקייט פון ליידיגקייטן, אלעס איז ליידיג".
- וואס איז דער נוצן פאר א מענטש פון אלע זיינע ארבעט וואס ער ארבעט אונטער דער זון?
- א דור גייט און א דור קומט, אבער די ערד בלייבט אויף אייביג.
- די זון גייט אויף און די זון גייט אונטער, און זי שטרעבט צוריק צו איר ארט וואו זי גייט אויף.
- דער ווינט גייט צו דרום און דרייט זיך צו צפון, ער דרייט זיך און דרייט זיך און דער ווינט קומט צוריק צו זיינע דרייען.
- אלע טייכן גייען צום ים, אבער דער ים ווערט נישט פול; צו דעם ארט וואו די טייכן גייען, דארט קומען זיי צוריק צו גיין.
- די אלע זאכן מאכן מיד, קיין מענטש קען עס נישט אויסרעדן; די אויגן ווערן נישט זאט פון זען, און די אויערן ווערן נישט פול פון הערן.
- וואס איז געווען, דאס וועט זיין, און וואס איז געטאן געווארן, דאס וועט ווידער געטאן ווערן; עס איז גארנישט נייעס אונטער דער זון.
- עס איז דא א זאך וואס מען זאגט: "זע, דאס איז נייעס!" [אבער] עס איז שוין געווען אין די עלטערן צייטן וואס זענען געווען פאר אונז.
- עס איז נישטא קיין געדענקעניש פאר די פריערדיגע, און אויך פאר די שפעטערע וואס וועלן זיין, וועט נישט זיין פאר זיי קיין געדענקעניש מיט די וואס וועלן זיין נאך זיי.
- איך, קהלת, בין געווען קעניג איבער ישראל אין ירושלים.
- און איך האב געגעבן מיין הארץ צו זוכן און אויספארשן מיט חכמה אויף אלעס וואס ווערט געטאן אונטערן הימל; דאס איז א שלעכטע ענין וואס גאט האט געגעבן פאר די מענטשן צו מוטשען זיך מיט.
- איך האב געזען אלע מעשים וואס ווערן געטאן אונטער דער זון, און זע, אלעס איז ליידיג און ווי נאכלויפן די ווינט.
- וואס איז קרום קען נישט ווערן גלייך, און וואס פעלט קען נישט ווערן געציילט.
- איך האב גערעדט מיט מיין הארץ זאגנדיג: "איך בין געוואקסן און פארמערט חכמה מער ווי אלע וואס זענען געווען פאר מיר אין ירושלים, און מיין הארץ האט געזען אסאך חכמה און וויסנשאפט".
- און איך האב געגעבן מיין הארץ צו וויסן חכמה און צו וויסן שגעון און נארישקייט; איך ווייס אז אויך דאס איז ווי נאכלויפן די ווינט.
- ווייל מיט אסאך חכמה קומט אסאך כעס, און ווער עס פארמערט וויסנשאפט, פארמערט ווייטאג.
לעצט רעדאגירט:
