איך בין אבער בכלל נישט איבערצייגט אין די גאונות פון אילאן מאסק, חוץ פון דעם אז ער איז זייער א סוקסעספולע ענטרעפאנאור און אויך א שטיקל ענדזשעניר..
קודם כל, צו ער איז יא חכם צו נישט, איז מיין פונקט נאכאלס גילטיג, זייענדיג אז ער איז א מענטש וואס זוכט צו ברענגן די וועלט פאראויס און ער פראדוצירט.
דאס איז על הצד אז דו ביסט איבערצייגט אז ער איז בכלל נישט קלוג.
יעצט בנוגע מיין פערזענליכע מיינונג איבער זיין חכמה וועל איך דיר אזויפיל זאגן אז איך פאלג שוין נאך דעם מענטש א היבשע פאר יאר, נאך איידער ער איז געווארן אריינגעמישט אין פאליטיק, (וואס דעמאלט האט קיינער נישט געצווייפלט איבער זיין חכמה).
די וועג ווי אזוי איך מעסט איינעמס חכמה (ס'קען זיין אז איך בין נישט פעהיג דערצו, אבער איך בין בארעכטיגט צו האבן א דעה, ואדרבה, אויב טרעפסטו לעכער אין מיין אנאליז, בין איך אפן פאר א דייאלאג), איז דורך דערגיין דעם מענטש'נס אנאליטישע אין קריטישע טראכטונג און זיין פראסעסינג פאוער - דהיינו ווי שנעל ער קען לייזן פראבלעמען, זיך ארויסזען פון א פלאנטער, אויפקומען מיט שעפערישע געדאנקן וכו', אילאן איז לדעתי א חד בדרא אין דעם הינזיכט.
(דו קענסט אויך מאכן ריסערטש איבער וואס איז די פארמאלע וועגן צו דערקענען אן אינטעלעקטואלע גאון און זיך גאנץ שנעל איבערצייגן אז ער טשעקט אלע באקסעס.)
רוב פון זיינע פראיעקטן ווי איך פארשטיי האט ער נישט דעליווערד קיין צענטל פון וואס ער האט פארשפראכן (און איך רעד מיט ווייניג נאלעדזש דערין). רוב פון זיינע אויפטוען זענען בעיקר אין עפישענסי און אין צוזאמברענגען גוטע חברה אונטער איין דאך - וואס פון איין זייט איז נישט קיין 'אייגענע גאונות' בדוקא, זיכער נישט ווען די אקטועלע אויפטוען זענען רעלאטיוו קליין
ער איז באקאנט אלס א וויזיאנער מיט גאר ווייטע צילן וואס זענען אזוי קאמפליצירט אז אפילו די גרעסטע ארגינעזאציעס אין די וועלט האבן נישט געטרויט אהינצוגיין, אויך איז ער באקאנט מיט זיינע אוטענטישע צוגאנג, ער זאגט וואס ער טראכט און איז מודה על האמת ווען ער מאכט א טעות, וואס ברענגט אים צו זאגן זיינע צילן וואס אנדערע וואלטן נישט געטרויט אפילו צו טראכטן פון.
ס'איז קענטיג אז דו קענסט דעם מענטש פון אפאר בייסיגע ארטיקלן וואס לינקע רעפארטערס האבן פראבירט אים אראפצורייסן אלס פשוט איינער מיט 'גרויסע טאשן' און 'מעגליכקייט צו צוזאמברענגען גוטע חברה אונטער איין דאך', א זאך וואס איז אודאי אמת, אבער פאדערט גאר א הויכע לעוועל פון אינטעלעגענס צו קענען טון אויף אן עפעקטיווע וועג.
איך וואלט דיר רעקאמענדירט צו הערן זיינע פאדקעסט אינטערוויוס ביי דשאו ראוגען אדער לעקס פרידמאן און אליינס מאכן א החלטה איבער זיין גאונות (פאר א נויט קענסטו אויך וואטשן זיין אינטערוויו דורך דאן לעמאן, א ליבעראלער וואס האט אים געפרעגט גאר בייסיגע שאלות (אויף וואס לעמאן האט זיך געגרייט וואכן) און ער האט זיי צובלאזן כעפרא דארעא).
ואדרבה, אויב האב איך געצווייפלט צו ער האט נאך יא עפעס תוכן צו זיך, איז זיין צולאזטע התנהגות יעצט כלפי טראמפ אן אנדייטונג אז פאר זיינע פינף מינוט פון פירסום און פאר זיינע מעגליכע כבוד/געלט בענעפיטן איז ער גרייט זיך צו לייגן און צו בייגן ווי א וואנזיניגער... און איך וואלט שפעקילירט אז אמת'ע 'חכמים' פירן זיך אויף דעם ביסל אנדערש..
אלבערט איינשטיין האט געהאט גאר אן ענליכע התנהגות, און פארקערט, דאס קומט מכח וואס זיין מח ליגט אין העכערע זאכן ווי קאנפארמען צו סאסייעטי. (ריסערטש דעם פענאמענאן Einsteins eccentric behavior אויף AI וועסטו קלוגער ווערן).
ס'נאך דא אסאך צו רעדן, אבער מיין צייט ערלויבט מיר נישט לע"ע.
I am shocked