טראמפ אדער העריס; פאר וועם פלאנסטו צו שטימען?

.

  • טראמפ

    Votes: 68 75.6%

  • העריס

    Votes: 22 24.4%
  • Total voters
    90
מי שמאמין האט געשריבן:
ווי זאגט טראמפ אלץ; א איד וואס וועלט פאר העריס זאל זיך גיין אןיסטשעקען דאס קאפ.
Click to expand...
Click to shrink...

איך צי טאקע צוריק פון מיין העריס שטומע צוליב מיין אומצוויידייטיגע רעספעקט פאר טראמפ און זיינע דברות קודש!!
 
זית רענן האט געשריבן:
קודם כל, צו ער איז יא חכם צו נישט, איז מיין פונקט נאכאלס גילטיג, זייענדיג אז ער איז א מענטש וואס זוכט צו ברענגן די וועלט פאראויס און ער פראדוצירט.
דאס איז על הצד אז דו ביסט איבערצייגט אז ער איז בכלל נישט קלוג.

יעצט בנוגע מיין פערזענליכע מיינונג איבער זיין חכמה וועל איך דיר אזויפיל זאגן אז איך פאלג שוין נאך דעם מענטש א היבשע פאר יאר, נאך איידער ער איז געווארן אריינגעמישט אין פאליטיק, (וואס דעמאלט האט קיינער נישט געצווייפלט איבער זיין חכמה).

די וועג ווי אזוי איך מעסט איינעמס חכמה (ס'קען זיין אז איך בין נישט פעהיג דערצו, אבער איך בין בארעכטיגט צו האבן א דעה, ואדרבה, אויב טרעפסטו לעכער אין מיין אנאליז, בין איך אפן פאר א דייאלאג), איז דורך דערגיין דעם מענטש'נס אנאליטישע אין קריטישע טראכטונג און זיין פראסעסינג פאוער - דהיינו ווי שנעל ער קען לייזן פראבלעמען, זיך ארויסזען פון א פלאנטער, אויפקומען מיט שעפערישע געדאנקן וכו', אילאן איז לדעתי א חד בדרא אין דעם הינזיכט.

(דו קענסט אויך מאכן ריסערטש איבער וואס איז די פארמאלע וועגן צו דערקענען אן אינטעלעקטואלע גאון און זיך גאנץ שנעל איבערצייגן אז ער טשעקט אלע באקסעס.)



ער איז באקאנט אלס א וויזיאנער מיט גאר ווייטע צילן וואס זענען אזוי קאמפליצירט אז אפילו די גרעסטע ארגינעזאציעס אין די וועלט האבן נישט געטרויט אהינצוגיין, אויך איז ער באקאנט מיט זיינע אוטענטישע צוגאנג, ער זאגט וואס ער טראכט און איז מודה על האמת ווען ער מאכט א טעות, וואס ברענגט אים צו זאגן זיינע צילן וואס אנדערע וואלטן נישט געטרויט אפילו צו טראכטן פון.

ס'איז קענטיג אז דו קענסט דעם מענטש פון אפאר בייסיגע ארטיקלן וואס לינקע רעפארטערס האבן פראבירט אים אראפצורייסן אלס פשוט איינער מיט 'גרויסע טאשן' און 'מעגליכקייט צו צוזאמברענגען גוטע חברה אונטער איין דאך', א זאך וואס איז אודאי אמת, אבער פאדערט גאר א הויכע לעוועל פון אינטעלעגענס צו קענען טון אויף אן עפעקטיווע וועג.

איך וואלט דיר רעקאמענדירט צו הערן זיינע פאדקעסט אינטערוויוס ביי דשאו ראוגען אדער לעקס פרידמאן און אליינס מאכן א החלטה איבער זיין גאונות (פאר א נויט קענסטו אויך וואטשן זיין אינטערוויו דורך דאן לעמאן, א ליבעראלער וואס האט אים געפרעגט גאר בייסיגע שאלות (אויף וואס לעמאן האט זיך געגרייט וואכן) און ער האט זיי צובלאזן כעפרא דארעא).

אלבערט איינשטיין האט געהאט גאר אן ענליכע התנהגות, און פארקערט, דאס קומט מכח וואס זיין מח ליגט אין העכערע זאכן ווי קאנפארמען צו סאסייעטי. (ריסערטש דעם פענאמענאן Einsteins eccentric behavior אויף AI וועסטו קלוגער ווערן).

ס'נאך דא אסאך צו רעדן, אבער מיין צייט ערלויבט מיר נישט לע"ע.
Click to expand...
Click to shrink...

אויב איז דאס אלעס וואס דו האסט צו זאגן אויף אים מיין איך אז איך שטיי גוט. זיין דאן לעמאן אינטערוויו האב איך געהערט, ווי אויך אביסל פון די אנדערע.

איך בין מסכים אז ער איז אטענטיש, קלוג, און גאר געלונגען. איך לייקן נישט קיין איינס פון די אלע. אבער פון דא ביז אן 'איש חכם ונבון' וואס זיין 'חכמה שטייגט איבער זיינע חסרונות' איז אויך מיר א גאנג.

ווען איך רעד פון חכמים רעד איך פון פילאזאפן, סייענטיסטן, און אקאדעמיקער, וואס זייער חכמה און ארגינעלקייט דערזעט זיך אין יעדע פון זייערע שמועסן.
א געלונגענער ביזנעסמאן וואס איז א סוקסעספולע וויזיאנער און האט א יוניק ענדזשענירינג צוגאנג - איז טאקע זייער מעכטיג, אבער נאכנישט קיין 'אינטעלעקטואל' בכלל!

בקיצור, עס איז א שאד אונזערע טענה'ריי דא, מיר האבן פשוט צוויי אנדערע וויזיעס איבער 'חכמה ואינטעלעקט' והמסתעף, פארשטייט זיך די וועג וויאזוי עס צו מעסטן פאלגט שוין נאך די פאזיציעס, וממילא קען מען ענדיגן דא. און אז מ'וויל דוקא קען מען צוריקגיין צו @מי אני'ס (און אנדערעם'ס) אשכולות אין ק"ש וואס פראבירן צו מפענח זיין און דעפינירן חכמה..


איך בין גראדע איינשטומיג אז עלאן מאסק אין טראמפ'ס אדמיניסטראציע וואלט געהאט פאטענציאל צו ברענגען מער עפישענסי צום טיש און אפשר נאך אויפטוען, און דאס איז אודאי בהנחה אז די מאכט וועט אים נישט קארופטירן (וואס כידוע זענען זיינע פינאנציעלע לינקס מיט די גאווערמענט אביסל צו שטארק..).
עס לייגט אבער נישט צו קיין טראפעלע אינטעלעקטואלע געוויכט צו די טראמפ קאמפיין אין מיינע אויגן...
 
כספי האט געשריבן:
האסט מיר נישט גענטפערט. כ'האב דיר אויסגערעכנט אפאר קאטעגאריעס, וואו לייגסטו איר אריין?

די מאנכע האבן געטענה'ט ווייסטו אליינס אז ס'איז שטותים והבלים, און אגב:
https://twitter.com/x/status/1779955536592531529
די ווידיא איז דיר עפעס נישט אינטרעסאנט...
Click to expand...
Click to shrink...
עס זעהט מיר אויס אוט אפ קאנטעקסט. ווער לערנט אזוי פשט? אפשר מיינען זיי דשענעסייד דזשו. מיטן זיין אנטי ישראל ? די אקטאבער 7 אטאקעס איז נישט גענוג בלוט אז מען זאל לאזן ישראל טוהן וואס זיי טוהן און ביידן האלט נישט אזוי זאלן געהארגעט ווערן 1000-2000 אידן מה כילו רעש. דאס שרייען זיי דשענעסייד דזשו. ער לאזט נישט ישראל זיך פראטעקטןַ
 
כספי האט געשריבן:
און אגב: כ'האב געפלאנט אפצושרייבן בעז"ה א לענגערע תגובה פארוואס איך שטיץ העריס, אבער אזוי ווי ס'מאכט מילא נישט אויס, שווער צו גלייבן אז איינער גייט זיך טוישן זיין דיעה צוליב מיין באשרייבונג, וועל איך עס טון ווען כ'וועל האבן נערוון און צייט. ס'ברענט נישט פאר יעצט....
Click to expand...
Click to shrink...
אזוי ווי ס'זעהט שוין נישט אויס אז מיין באשרייבונג וועט אמאל געשען (כ'האב געפלאנט א לענגערע באשרייבונג איבער פאליסיס, און פערסאנאליטעטן), לייג איך דא ארויף איין שטיקל וואס כ'האב שוין געשריבן איבער א דעמאקראטישע פאליסי ווס. א רעפובליקאנער:

איך שטיץ די דעמאקראטישע פאליסיס ווס. רעפובליקאנער​

א. די מהלך פון נעמען פון רייכע און טיילן פאר ארימע, ס'טאקע דא כמה וכמה טענות אויף די מהלך, אנגעפאנגען ביי די קאמען מהלך פון איך ארבעט און שוויץ פארוואס באקומט עס יענער, זאל יענער גיין שוויצן. ביז די טיפערע פראבלעמען אז ס'לייגט חרוב די עקאנאמיע, וויבאלד די חברה וואס באקומען פראגראמ'ס וכדו' קויפן איין מיט זייער איבריג געלט, דאס מאכט אז די גאנצע מארקעט זאל זיך הייבן וכו'.

אבער דאך שפירט זיך עס זייער גערעכט. און מענטשן מאכן אסאך מאל א טעות, בפרט היימישע אידן, וואס יעדער ווייסט וואס טוט זיך ביי די היימישע אידעלעך, וואס קענען זיין דרייווער'ס פון יוקאן'ס וואס באקומען פ"ס און סעקשן אכט וכדו', אלס דעם ארויף איז מען זיכער אז יעדער וואס באקומט פראגראמען איז א פשוט'ער שווינדלער און גנב, און עכט האט ער גענוג געלט (און דאס איז בעצם די טעות פון די צווייטע טענה וואס כ'האב אראפגעברענגט, כ'בין טאקע נישט קיין עקאנאמישער עספערט, אבער דאכט זיך מיר אז א געזונטע עקאנאמיע מיינט אז ס'איז דא א צוויי פראצענט אינפלאציע, אבער לאז דאס ארויס, די וואס קויפן מיט פ"ס האבן נישט קיין איבריגע געלט). די אמת איז אז ליידער איז דא גאר אסאך (אפילו צווישן היימישע אידן) וואס נויטיגן זיך אין די פראגראמען פשוט צו לייגן ברויט אויפן טיש, קען זיין ס'דא דא חברה וואס גלייבן עס נישט, אבער ס'איז ליידער א פאקט. און איך אלס מענטש און יומען ביאינג קוקט מיר אויס, אז דאס איז די ריכטיגע מהלך, וואס דען? זיי לאזן אויסגיין פון הונגער?

נאכמער אסאך היימישע אידן קענען נישט הערן אזא זאך אז אין די גרויסע אמעריקע זאלן זיי קינדער וואס גייען הונגעריג אין שולע, איי דיין שוואגער מוטשעט זיך צו שטעלן ברויט אויפן טיש. ס'גייט עם נישט אין קאפ, וויבאלד סוף פסוק געבן זיך אידן א עצה (כמאמר החכם א איד מיט א פלייצע וכו'), מ'דרייט און מ'דרייט, און בעיקר וויבאלד ביי אונז די עם הנבחר רחמנים בני רחמנים, איז דא אזויפיל צדקה קאסעס, אזויפיל חסד פראיעקטן, אן א שיעור גמ"ח'ן, אז יעדער וואס מוטשעט זיך מיט עפעס וועט סוף דבר האבן א וועג עס צו באקומען. און בכלל לעבן אונז אין א שטארקע קאמיוניטי צוגאנג, אז א אינגערמאן מוטשעט זיך וועלן זיינע חברים עם העלפן זיינע עלטערן וכדו'. וואס מ'כאפט נישט איז, אז די אלע זאכן האבן נישט רוב גוים, אויב א עלנדער גוי אדער גוי'טע וואס ווייסן נישט ווער זייער טאטע איז, זייער מאמע איז געשטארבן אין א עקסידענט, זיי האבן חתונה געהאט און געהאט א קינד, זיי מוטשען זיך צו שטעלן ברויט אויפן טיש, ווער גייט זיי העלפן??

וואס יא? אזוי ווי יעדע זאך פון די וועלט איז נישטא קיין דבר מושלם, קען זיין ס'דארף זיין א אנדערע מהלך וויאזוי עס אויסצוטיילן, וויאזוי צו מעסטן ווער ס'באקומט יא און ווער נישט, כ'קען הערן אז די סיסטעם האט פראבלעמען און מ'דארף עס פיקסן, אבער ביסוד הדברים איז עס זייער א גערעכטע זאך. אסאך היימישע אידן וואס געניסן פון די מאקסימום פון אלע פראגראמען, זענען ביזי א גאנצע טאג צו האקן אויף די ענין, און וואס איז מיט בור ששתית ממנו אל תזרוק בו אבן.

בכלל וואלטן אונז היימישע אידן געדארפט זיין די שטארקע שטיצער פון די פראגראמען, אמער ביי אונז איז דאך אזוי פשוט צו געבן צדקה, ווי כ'האב פריער דערמאנט די אלע צדקה פראיעקטן אין אונזער קהילה. נאכמער די תורה הייסט יעדן איינעם געבן מעשר, א צענטל פון זיין פארמעגן פאר ארימע לייט, איי איך האב געשוויצט פארוואס באקומט עס יענער? זעט אויס די תורה האט נישט אזוי פארשטאנען.

סוף פסוק: ס'קען זיין ס'דא טענות ומענות און אפשר אפילו פראבלעמען מיט די מהלך, אבער אלס איד, און אלס מענטש, שטיץ איך עס.​
 
די נושא פון וועלפער בכלליות און די עטיקס פון טעקסעישאן איז א ברייטע נושא פאר זיך.

פאלגענד איז איין אינטרעסאנטע ווידעא וועלכע איז מסביר וויאזוי סוקסעס איז כמעט אינגאנצן אנגעוואנדן אין מזל מער ווי אין עפארט, און עס ברענגט ארויס די ברייט פארשפרייטע בייעס צו אננעמען פארקערט. דאס שטוצט שטארק אונטער די מער עמפאטישע און מער פרא-טעקס פאזיציעס, וויבאלד סיי די וואס זענען נישט אנגעקומען צו רייכטום זענען באמת ווייניגער שילדיג (און נישט סתם פויל..), און סיי ווייל די אייגענע הצלחות און פראפערטיעס זענען אויך אממערסטן ערמעגליכט געווארן דורכן קאלעקטיוו..

View: https://www.youtube.com/watch?v=3LopI4YeC4I
 
הק' לייביש שרייבער האט געשריבן:
עס זעהט מיר אויס אוט אפ קאנטעקסט. ווער לערנט אזוי פשט? אפשר מיינען זיי דשענעסייד דזשו. מיטן זיין אנטי ישראל ? די אקטאבער 7 אטאקעס איז נישט גענוג בלוט אז מען זאל לאזן ישראל טוהן וואס זיי טוהן און ביידן האלט נישט אזוי זאלן געהארגעט ווערן 1000-2000 אידן מה כילו רעש. דאס שרייען זיי דשענעסייד דזשו. ער לאזט נישט ישראל זיך פראטעקטןַ
Click to expand...
Click to shrink...
Genocide Joe איז א פראו פאלעסטינע סלאגאן
 
אלפא האט געשריבן:
איך בין מסכים אז ער איז אטענטיש, קלוג, און גאר געלונגען. איך לייקן נישט קיין איינס פון די אלע. אבער פון דא ביז אן 'איש חכם ונבון' וואס זיין 'חכמה שטייגט איבער זיינע חסרונות' איז אויך מיר א גאנג.

ווען איך רעד פון חכמים רעד איך פון פילאזאפן, סייענטיסטן, און אקאדעמיקער, וואס זייער חכמה און ארגינעלקייט דערזעט זיך אין יעדע פון זייערע שמועסן.
א געלונגענער ביזנעסמאן וואס איז א סוקסעספולע וויזיאנער און האט א יוניק ענדזשענירינג צוגאנג - איז טאקע זייער מעכטיג, אבער נאכנישט קיין 'אינטעלעקטואל' בכלל!
Click to expand...
Click to shrink...
ווי געזאגט אויבן, איז אונזער דו-שיח דא בעצם איבעריג ווייל מיר ביידע זענען איינשטומיג אז ער קען דעליווערן א בעסערע אמעריקע אין פילע הינזיכטן, און אפשר באלאנגט אונזער שמועס אין א באזונדערע שנירל וואס איז דן איבער אילאן מאסק אדער ווי אזוי אפצושאצן חכמה/גאונות.

דעט ביאינג סעד, וועל איך אביסל פראבירן צו דעקן מיין מיינונג (אפילו לויט דיינע כללים).
איז קודם כל, ווען איינער איז א חכם ונבון, מוז עס לאו דוקא זיין אז ער האט אן אפיציעלע צעטל וואס באשטעטיגט עס (לעאנארדא דע ווינצ'י האט נישט געהאט קיין שום צעטל וואס האט אים באשטעטיגט אלס אינטעלעקטואלער גאון, אבער איז בלי ספק געווען איינס), ענליך צום פענאמענאן אז הגר"ח קנייבסקי איז געווען א גאון אפילו אן קיין עמטליכע טיטל אלס רב, דיין, מו"ץ כו' און איך קען היבש אפאר גאונים, @מי אני בתוכם, אן קיין פארמאלע טיטל.
ממילא, ווען דו זאגסט אז דו רעדסט פון אפיציעלע חברה וואס זענען סייענטיסטן, פילאזאפן אדער אקאדעמיקער, האסטו נישט שולל געווען גארנישט לגבי זיין חכמה ווייל יעדע פיש שווימט טאקע, אבער נישט יעדער וואס שווימט איז דוקא א פיש.

יעצט אויב ווילסטו דוקא זיך איבערצייגן אויף זיין אינטעלעקטואלע לעוועל אלס 'גאון' איז גענוג צו ברענגן דעם אינטערוויו פון גרעגארי טשעיטין (אן אפיציעלער אקאדעמיק, מאטאמאטיקער, קאמפיוטער סייענטיסט און מאטאמאטישער פילאזאף), וואו ער באצייכנט אים אלס דשיניוס.

זע אויך דא און דא וואו זיין IQ ווערט געשאצט צו זיין אויף די לעוועל פון איינשטיין און האוקינגס, ער נוצט עס פשוט אויף הלכה למעשה ווי איידער סייענטיפישע טעאריעס טאקע ווייל ער האט בנוסף צום הויכן איי קיו אויך סקילס און דרייוו וואס זיי האבן נישט געהאט.

עכ"פ, לויט מיין אפשאצונג איז ער א חכם ונבון וואס זיין חכמה (און אויפטואונגען למעשה) שטייגן איבער זיינע חסרונות פי כמה און איז גאר א שטארקע אססעט צום רעפאבליקאנער פארטיי.
 

זייער אן אינטערסאנטע פוינט מאכט זי דא איבער די מאדנע קריטעריע פון life of the mother וואס כ'האב קיינמאל נישט געטראכט דערפון, זי האט שארף אונטערגעריסן די געדאנק אז מ'דארף גאר ווארטן ביז די לעבן פון די מאמע איז גאר אין א פיקוח נפש. אז נישט דארף מען איר נישט העלפן. זי באציט זיך צו די Amber Thurman מעשה וואס א יונגע פרוי איז געשטארבן ווייל מ'האט איר נישט געוואלט געבן קיין אבארשן אין איר סטעיט און ס'איז געווארן א קאמפליקאציע א דירעקטע תוצאה פון טראמפ'ס אלט. רייט דזשאסטיסעס.

אין די צייט וואס ער געסלייט איר אז זי וועט נישט טוהן קיין long form content איוון דאו זי האט געטוהן עטליכע לענגערע פאדקעסטן, האוערד סטערן א שעה אהאלב, בכלל נישט סקריפטעד (נאר בלאזט נישט אזויפיל פון זיך ווי די צד שכנגד האט זיך איינגעוואוינט אז א מענטש וואס האט מערסטנס ליידיגע איגאו טוט,) און דעס פאר א גוטע 40 מינוט ווי זי קעיטערט דייקא צו א פרויען אודיענס איבער פרויען אישאו'ס ווייטער זייער סטראטעגיש און רעדט צו די בעיס, זייער אבאמא סטייל אפעלירן צו די יונגע און שטארקע ליבעראלן אבער אויך מיט א טוויסט פון גיין צו די ניו מידיא, וואס ביידע טוען און ס'טוט אויף מער ווי א נארישע דעבאטע מיין איך.

די האוערד סטערן שמועס, די צווייטע האלב גייט מען מער אריין אין איר פאליסי - מ'רעדט נישט אזויפיל איבער פאליסי איר טיעם קוקט אויס מער קאנצענטרירט צו ווייזן איר מענטשליכקייט און נארמאלקייט צו זיין א קאנטראסט צו איר קעגנער אויב איז מיין השערה קארעקט איז עס א סטראטעגיע opposite attracts

איך האב שוין געוואוט פרי נעכטן פאר. קאמאלא ד. העריס.
 

זייער אן אינטערסאנטע פוינט מאכט זי דא איבער די מאדנע קריטעריע פון life of the mother באציענדיג זיך צו די Amber Thurman מעשה וואס א פרוי איז געשטארבן ווייל מ'האט איר נישט געוואלט געבן קיין אבארשן אין איר סטעיט און ס'איז געווארן א קאמפליקאציע א דירעקטע תוצאה פון טראמפ'ס אלט. רייט דזשאסטיסעס.

אין די צייט וואס ער געסלייט איר אז זי וועט נישט טוהן קיין long form content איוון דאו זי האט געטוהן עטליכע לענגערע פאדקעסטן, האוערד סטערן א שעה אהאלב, בכלל נישט סקריפטעד (נאר בלאזט נישט אזויפיל פון זיך ווי די צד שכנגד האט זיך איינגעוואוינט אז א מענטש וואס האט מערסטנס ליידיגע איגאו טוט,) און דעס פאר א גוטע 40 מינוט ווי זי קעיטערט דייקא צו א פרויען אודיענס, זי דערמאנט די Amber Thurman מעשה וואס א פרוי איז געשטארבן ווייל מ'האט איר נישט געוואלט געבן קיין אבארשן אין איר סטעיט און ס'איז געווארן א קאמפליקאציע א דירעקטע תוצאה פון טראמפ'ס אלט. רייט דזשאסטיסעס.

אבער נישט פארגעסן קיין מלחמות איז נישט געווען, און קיינער איז נישט געשטארבן ביי די אינסורעק... וואטעווער, וואס מ'וועט נאר זאגן די געפילן איז פארשטיינערט
 
גוטע נייעס פאר טראמפ - שטיצערס!!!!

א 'מתקשרת' (ווייסעך נישט פונקטליך די אפטייטש) פרעדיקט אז טראמפ גייט געווינען, נאכדעם גייט זיך אנפאנגען א 'מצור' אויף עזה (וואס איז יעצט דא דארט? ווייסעך נישט פונקטליך....):


פון די אנדערע זייט העריך אז טורנהיים וואס האט פרעדיקט אז ביידן גייט געווינען (ניין, נישט דער וואס האט פרעדיקט אז טראמפ גייט געווינען, און נאכדעם זיך געקשנ'ט אז ער גייט געווינען די קאורט קעיסעס... נאר זיין נעפיו.... ס'איז אזא משפחה ביזנעס, יעדער פרעדיקט עפעס אנדערש, אזוי אייביג וועט איינער פרעדיקטן ריכטיג....) טענה'ט אז העריס גייט עס מאכן...

שוין כ'בין אינגאצן צומישט... 🤣🤣
 
כספי האט געשריבן:
ס'זעט מיר אויס ווי יעצט האלט עס ביי א פערטל דעמאקראטן, און דריי פערטל רעפובליקאנער.
Click to expand...
Click to shrink...
אינטרעסאנט ווי די פאול דא, האלט אויך מער ווייניגער ביי די נומבערס. (אויף אייוועלט האב איך שוין לאנג נישט געזען א פאול, אויב איינער קען צוצייכענען א לעצטיגע פאול, וואלט געווען אינטרעסאנט).
ס'פונקט פארקערט ווי די ברייטע אידישע גאס וואס שטיצן בערך 70 פראצענט די דעמאקראט, און 30 פראצענט די רעפובליקאנער.
 
You must log in or register to reply here.
Back
Top