עס איז א מיסקאנסעפציע אז בייעס = פאלש, (אויב יא איז קיינער קיינמאל גערעכט, ווייל יעדער האט בייעס אויף כמעט יעדער נושא), די קונץ איז צו זיין מודע איבער די אייגענע נגיעות און פראבירן צו זיין דאס מערסטע אביעקטיוו אפי' הכי.
די רעכטע האבן ליב צו נוצן די בייעס קארטל אנקעגן די לינקע און שרייען אז זיי קענען נישט זיין אביעקטיוו (טראמפ'ס דזשורי אדער סיי וועלכע נעגאטיוויטעט אנקעגן טראמפ), עס האט אבער צוויי פראבלעמען:
1. לאמיר זען ווען די רעכטע אנערקענען זייער בייעס אמאל - עס קען דאך נישט זיין אז ביידן איז קארופטירט און אז די דיעפ-סטעיט איז א פאקט אביעקטיווערהייט, בו בזמן וואס טראמפ איז לגמרי אומשולדיג אין סיי וואס ווייל 'די לינקע האבן בייעס'...
והשנית, עס פארוואסערט סיי וועלכע אקאונטאביליטי וועלכע טראמפ זאל ווען דארפן נעמען - מיטן אויסרייד אז סיי וואס אנקעגן אים איז 'בייעסד'. עס קען דאך נישט זיין געמאלן אז א פרעזידענט זאל זיין אימיונירט אנקעגן סיי וועלכע קריטיק סתם ווייל די קריטיק איז בייעסד.
ואדרבה ווייזט מיר איין פלאץ ווי טראמפ וחסידיו זענען מודה אין א פראבלעם זיינע (אין זיין כאראקטער, אין זיין רעטאריק, אין זיינע ליגנטס, אפגערעדט אין זיינע קרימינאלע אדער פראבלעמאטישע אקטן)?! אויף די אנדערע זייט מטבע הערט מען די גאנצע צייט קריטיק פון די לינקע אויף ביידן און ווי ער נעמט רעספאנסיביליטי דערפאר (זיינע דאקומענטן, האנטער ביידן, זיין לעצטיגע אפטריט, א.א.וו.).
צייגט אייך אליין איבער וואו די 'אומ'אביעקטיווקייט' ליגט.
איך זאג נישט אז לינקע פראבירן נישט צו פארוואסערן פראבלעמען אויף זייער זייט אדער פארגרעסערן פראבלעמען פון די אנדערע - דאס איז דאך אבער נארמאל, דאס ווייזט נאכנישט אויף קיין פארבלענדעטע בייעס אזויווי מ'זעט ביי די רעכטע וואס מאכט זיי לייקענען שמש בצהרים (Jan 6, לעגאלע קעיסעס, זיין נארסיסיזם, וכו.).
עס איז זייער שיין צו זאגן אז ווייל א פסיכאלאג אדער שופט איז בייעסד איבער טראמפ - טאר ער אים נישט אפשאצן, אדער אז זיין אפשאצונג איז בהחלט פאלש, ס'זאל נאר זיין ישמעו אזניך, און טראכט אליין צו עס איז כדי צו לעבן אין אזא רעאליטעט ווי יעדער אקאונטעביליטי ווערט אפגעווארפן מיט אזא אויסרייד.
אלטימעטלי, האסט עפעס צו זאגן אדער לייקענען אין די עצם אנאליז פון דעם פסיכאלאג? איז דא עפעס וואס ער פארזעט אדער טייטשט אפ פאלש? האט ער גענומען עפעס ארויס פון קאנטעקסט? האט ער אויפגעמאכט טוויטס אין טראמפ'ס נאמען? האסטו א בעסערע אינטערפרעטאציע איבער זיי? האסטו אן ענליכע געשיכטע צו פארציילן אויף ביידן (אדער סיי ווער אנדערש)?
קום אריין פארצייל! שיס נישט קיין אד-האמינעם אטאקעס אין די וועלט אריין.
