- זיך איינגעשריבן
- אפר. 15, 2024
- מעסעדזשעס
- 224
- רעאקציע ראטע
- 1,545
ס'איז דא א צד צו זאגן אז טאקע דאס אז די ניווא איז אראפ מיט אסאך מדרגות, דאס איז די סיבה פון די לימיטאציעס.איך האלט עס נישט אויס. אזויפיל הארעוואניע אריינגעלייגט אינעם שטיבל, אזויפיל ארטיקלען געשריבן.
ווען ס'איז געווען די פאריגע שערוריה האב איך געטראכט אז איך דארף שנעל קאפיען און אוועקלייגן אלע מיינע ארטיקלען. למעשה איז די מנהל אריינגעקומען און געענטפערט, און כ'האב מיך אביסל בארואיגט.
זעענדיג די אשכול אז מען גייט שפארן, האב איך כאטש געהאפט אז ליינען וועט מען יא קענען. למעשה האב איך שוין פארלוירן טראסט און איך האב שנעל געקאפיעט אלע מיינע ארטיקלען. יעצט זע איך ווי וויכטיג די החלטה איז געווען.
ס'זיכער דא א פיטשער פון אפשפארן אז מען זאל נישט קענען שרייבן אבער יא ליינען. די מנהל האט עס קלאר דערמאנט ווען ער האט גערעדט וועגן די מעגליכע עתיד פון קאווע שטיבל. ס'איז א געוואלדיגע ווייטאג פארוואס מען האט דאס נישט געטון אויף דעם וועג.
ס'נישט צום גלייבן. אלע מיינע ארטיקלען וואס איך האב געשריבן פארן ציבור אויף אן אנגעבליכע פאבליק סייט זענען יעצט אלע אינטער שלאס און ריגל פארהאלטן דורך א יחיד. עיני עיני ירדה מים. כ'האף אז ס'וועט זיך נאך צוריק עפענען, אבער אפילו יא, ווייס איך שוין נישט מה יולד יום.
למעשה זייגט קאווע שטיבל אויף כוח כוחות לעצטנס. כמעט קיין איין זאפטיגע ארטיקל איז נישט ארויף, סתם נערישע אשכולות און תגובות אהער און אהין. איך בין פארנימען לעצטנס און כ'האב נישט צופיל צייט צו שרייבן, אבער אפילו אויב כ'וואלט יא געהאט צייט זע איך ממש נישט וואס איך וואלט געקענט עפעס צולייגן תוכנדיג.
קאווע שטיבל איז טעכניש פארטיג, עס גוסס'ט. אפילו עס עפנט זיך יא צוריק אויף וועט עס מסתמה האבן אזא פנים ווי ביז יעצט אדער נאך ערגער.
קאווע שטיבל, ס'איז געווען א פלעדזשור דיר צו קענען, מיר האבן שיין פארברענגט און געלערנט פון דיר. דו ביסט קליגער געווארן פון מיך און איך פון דיר. אזויפיל שעות האב איך פארברענגט מיט דיר, אבער יעדע גוטע זאך קומט צו אן ענדע. השם נתן והשם לקח, יהי שם ה' מבורך.
ק"ש פלעגט זיין א פלאץ וואו אינטעקטואלע באזעסענע שרייבערס האבן געשריבן אויף א הויכע און תוכנ'דיגע פארנעם און מיט כמעט פולע פרייהייט פון ווארט און דאס איז מיט די לעצטע פאר יאר צעביסלעך פארשווינדן געווארן פונעם האריזאנט. און ווען ס'קומט שוין יא איינער מיט א שיינעם שרייבווערק, ווערט עס באלד פארוואסערט מיט צענדליגע אויבערפלעכליכע תגובות און אנדערע נארישע אשכולות.
דעט ביאינג סעד, איז דער מנהל'ס אויפפיראכץ זייער אומעטיש אין די וועג ווי אזוי ער האנדלט עס, כאילו דאס איז אזא כולה שלי און ער קען מעקן און שפארן ווען אימער ס'כאפט אים די נערוו אנדעם וואס ער זאל זיך רעכענען מיט די הונדערטע שעות פון טאלאנטפולע שרייבערס וואס זענען די וואס האבן געבויעט דעם צורה פונעם זייט'ל מתחילה.
דא אינעם קרעמל לעת עתה הערשט א רעלאטיוו הויכע ניווא דערווייל, און ס'איז צום האפן אז דאס גייט טאקע אנהאלטן איז נישט ווערן פארוואסערט ווען ס'קומען אריין א פלייץ פון עמך אידן וואס זענען נאר אינטערסירט אין מקוה נייעס און פאליטיק.
אויב געשעט דאס יא, גייט זיין זייער א שווערע ארבעט מצד די מאד'ס פונעם זייט'ל זיך צו ספראווען דערמיט, סיי ווייל אויבערפלעכליכקייט איז שווער צו דעפינירן (און בכלל אויב איז דא פרייהייט פון ווארט איז עס כולל אויבערפלעכליכקייט אויך), ועוד, ווייל ס'מאכט זיך אמאל וואס א תוכנ'דיגע שרייבער שרייבט אביסל אויף א שוואכערן שטייגער ווי געווענליך און ס'וועט זיין זייער שווער אפצוטיילן פון אים ביז א צווייטן.
כ'וואלט מציע געווען צו מאכן א סיסטעם פון צוויי הויפט אפטיילונגען אינעם קרעמל, איינס פאר פשוטע שעלאו שרייבעריי און איינס פאר מער תוכנ'דיגע, און צו קענען שרייבן אין די תוכנ'דיגע, דארף מען האבן א געוויסע צאל תגובות און לייקס אינעם אויבערפלעכליכע אפטיילונג.
ס'וועט אזוי ארום אויך ארויפברענגן דעם אויבערפלעכליכן אפטיילונג ווייל מעמבער'ס וועלן פראבירן צו באקומען שרייב רעכטן אינעם תוכנ'דיגע.
די שאלה איז צו דאס איז א זאך וואס קען געטון ווערן און צו די שטים בארעכטיגטע וועלן גיין פאר אזא מהלך.
