אומגעצייטיגטע מחשבות (@אלפא)

פון די פריעזנער'ס דילעמע זעהט מען אז די בעסטע איז טאקע ווען יעדער איז וואויל און קאאפערירט, אויב אבער איינער דעפעקטירט איז אייביג ריכטיג צו אויך דעפעקטירן, אז נישט האסטו עקסטרע באלוינט דער וואס דעפעקטירט, וואס קען זיכער נישט זיין די ריכטיגע זאך צו טוהן.

און אפי' אדאם סמיט וועט מודה זיין אז פון א 'זעלבסט אינטערעסע' פערספעקטיוו לוינט זיך עס אויך - אויב איז מען טאקע גרייט אויסצו-ווארטן די לאנג-טערם קאנצעקווענצן און פארקוקן אויף די שארט-טערם פארדינסטן וואס לוינט מיר..
אטע דאס איז די ארגומענט לטובת גלאבאליזם!
א סיסטעם ווי יעדער איז סעלפיש און האט נאר זעלבסט אינטערעסע, איז גוט אפילו אויב יעדער פארלירט אביסל, ווייל ס'איז זייער סטאביל.

א סיסטעם ווי יעדער קאאפערירט, קען טאקע זיין א יוטאפיע, ס'דארף אבער נאר זיין איין סעלפיש מענטש אז די גאנצע זאך זאל צופאלן. ס'נישט דווקא די אוטקאם וואס מאכט 'זעלבסט אינטערעסע' זאל ארבעטן, נאר די סטאביליטעט.

סטאביליטעט מיענינג, אז די סיסטעם צופאלט נישט אויב מענטשן ביהעיוון אנדערש, יעדער סיסטעם פארלאזט זיך אויף יומען ביהעיוור, קאפיטאליזם פארלאזט זיך טאקע אויף די הנחה אז מענטשן זענען סעלפיש, ס'צופאלט אבער נישט אויב אפאר מענטשן זענען למעשה נישט greedy, קאמיניזם (אדער סיי וועלכע סיסטעם וואס פארלאנגט קאאפעראציע)צופאלט יא אפילו אויב נאר א מינאריטעט איז סעלפיש.
 

ארבעה כתות בהולכי שטריימל​


איך האב שוין לאנג אין קאפ דעם געדאנק צו אנאלאזירן די direction of travel אין אונזערע -שטריימל טראגענדע- קהילות.

די ערשטע זאך וואס איז צו מיר אריינגעקומען איז וויאזוי אונזער עולם איז מער ווייניגער צוטיילט אין 4 אדער 5 גרופעס, און די שיפטס צווישן איין גרופע ביז די צווייטע איז אן אינטרעסאנטע פענאמען צו אבזערווירן און שטודירן.

פון איין זייט זענען דא די גאר פרומע - די 'יראים' 'השומרים' 'נקדישך' גרופעס, די וועלכע בארגן א טעלעפאן מיט טעקסט איז א שווערע שאלה על שולחן ר' י"א מאסקאוויטש..
אויף די סאמע פארקערטע זייט געפינען זיך אונז דא די חברי השטיבל הדין. ביי וועמען די דאגות זענען נאר וויפיל פארנאגראפיע זאל זיין ערלויבט אין פאבליק און אויב חוזק מאכן פונעם מגיד איז שוין 'צו ווייט'.. (אדער אויב מ'וויל גיין נאך ווייטער קען מען כולל זיין די א.ט.ד. געמיינדע אינעם ספעקטרום, זיי שטעלן ביים לינקן עק, און אונז גלייך צו רעכטס פון זיי.)
דאן זענען דא די מיטעלסטע צוויי קאטעגאריעס, דער לינקערע זענען די וואטסעפפ אינגערלייט, צו וועמען @לייביש הכהן, יונתן שווארץ, און אלע פאדקעסטס אינדערמיט זענען געוואנדן.
און צו רעכטס פון זיי געפינען זיך די עיקר 'טשאנק' פון כלל ישראל. די וועלכע געפינען זיך אויף אייוועלט, הערן קול מבשר, אדער הערן אלעס נאך פונעם חבר וואס הערט עס דארט, ליינען מעלות און מאמענט צוזאמען אבער קענען דיר פונקטליך מסביר'ן פארוואס מ'טאר דעם מאמענט נישט ליינען, זענען איינשטומיג מיט די מערכה אנקעגן אינטערנעט, אבער נוצן עס אגאנצן טאג נאר לצורך פרנסה, שטעלן זיך צו צו די מוסדות, אבער בריקעווען נאך יעדער טיי אווענט, פארן אין קאנטרי ווייל עס איז מסורה, אבער באשולדיגן די שטריימל סוחרים פארן ארויפשרויפן די פרייזן, פארן מקומות הקדושים אבער מאכן זיכער אז די האטעל מיטן פיאכאלע סערוויס דארט איז טאפ-נאטש, די וועלכע האקן קוגל ווען זיי קענען אבער לאזן נישט אויס קיין אפארטוניטי צו האקן אויף די וועלכע האקן פלייש. בקיצור, דער רעגולער 'עמך איד', דער וואס זיצט על המחיה ועל הקאלקולאציעס, ליינט מיט דארשט דעם 'אידישקייט' גליון און שאקלט צו מיטן קאפ צו אלעס וואס פאר זיין לאקאלע רב פאלט ביי.

די מערקבארע נקודה דא איז אז הגם ס'רוב עולם געפינט זיך אין דעם 'עמך' קאטעגאריע - אדער ערגעץ אין יענעם עריע קאוד, דערקענט זיך אבער לעצנטס א מאסיווע אויסברייטערונג אין דעם מער לינקערן גרופע. מ'זעט עס אויפן אויפשטייג פון די פענאמענא פון פאדקעסטס, ווייניגער-צענזורירטע חומר, וואטסעפפ משפיעים, אדער ווי איך רוף עס די 'מאנסי אינגערמאן פענאמען' (סארי צו די אלע מאנסי'ער דא) - די וואוקס פון די סארט עולם וואס פארט אוועק פון די מעינסטריעם און פון די עסטעבלישמענט, מ'ציט זיך צו די 'אומגעגענטער' מיט אדער אן רבנים (ע"פ רוב אן..), און מ'נעמט אידישקייט אסאך לייכטער - אזא 'טענק יו השם' אידישקייט, ווי אויסהערן א סניפיט פון ר' מיילעך בידערמאן איז שוין דאס ווייטסטע געגאנגען פאר ג-ט'ס וועגן.

נישט אז איך האב עפעס בעד אדער אנקעגן סיי וואס, עס איז פשוט אינטרעסאנט צו אבזערווירן, און עס לאזט זיך דערויף שפעקולירן, וויפיל מ'קען דערפון ארויסציען מסקנות אדער פאראלעלן צו געוויסע היסטארישע עפאכעס אין כלל ישראל - השכלה און אמעריקאניזם בראשם!?...


איך ווייס נישט פונקטליך וואס איך וויל דערמיט דא, און טאקע דערפאר איז עס אדערווייל אין מיין 'אומגעצייטיגטע שופלאד', ואדרבה, דער עולם קען מיר ארויסהעלפן דורכטון וואס דאס מיינט?! אויב דאס מיינט בכלל עטוואס?! וואו עס קען פירן, אדער וואס האט געפירט דערצו?!


און נאר צו קלארער מאכן, איך קוק אן די צוויי עקן אלס מער אויפריכטיגע און סטאבילע גרופעס, די פרומע איז דאך פשוט אז זיי האבן זיך זייער פונדאענטאליזם אין וואס זיי זענען איבערצייגט און גייען דערמיט עד הסוף, נישט אנדערש ווי דער א.ט.ד. וועלכע האט 'מחליט געווען' אז זיין לעבן פאדערט דאס זייניגע. אבער אפי' דאהי וואו דער עולם ליידט צומאל פון אנסעטלינג געפילן/געדאנקען - קען מען לכאו' אויך אנצייגן אויף א שטארקע אויפריכטיגקייט און ביקוש האמת וואס באגלייט דעם כלליות'דיגע מצב רוח, און עס מאניפעסטירט זיך טאקע אין די טיפזיניגער שמועסן פונקט ווי אין די קולטוארע אנאליזן אין וואס מיר אלע ענגעידזשן.
משא"כ די צוויי צענטער גרופעס וועלכע האבן א שטארקע מאטעריאליזם צו זיך, און זענען דערפאר היבש תוכנ'לאז אין עסענס. ביי איינעם איז עס די פרומערע אינערשע וואס האלט זיי אונטער די לאפעס פון די מוסדות/רבנים (און זעט טאקע אויס אביסל וועפעדיג לאור האמור), און ביי די אנדערע איז עס די 'מאדערנע מוזיק' און שטיקער בשר וואס האט זיי געכאפט און פארוואנדלט אין די 'נעא-סאטמארע' סטיל אידן...

וואס זאגט איר דערצו?
 
לעצט רעדאגירט:
פון די פריעזנער'ס דילעמע זעהט מען אז די בעסטע איז טאקע ווען יעדער איז וואויל און קאאפערירט, אויב אבער איינער דעפעקטירט איז אייביג ריכטיג צו אויך דעפעקטירן, אז נישט האסטו עקסטרע באלוינט דער וואס דעפעקטירט, וואס קען זיכער נישט זיין די ריכטיגע זאך צו טוהן.


א סיסטעם ווי יעדער איז סעלפיש און האט נאר זעלבסט אינטערעסע, איז גוט אפילו אויב יעדער פארלירט אביסל, ווייל ס'איז זייער סטאביל.

א סיסטעם ווי יעדער קאאפערירט, קען טאקע זיין א יוטאפיע, ס'דארף אבער נאר זיין איין סעלפיש מענטש אז די גאנצע זאך זאל צופאלן. ס'נישט דווקא די אוטקאם וואס מאכט 'זעלבסט אינטערעסע' זאל ארבעטן, נאר די סטאביליטעט.

סטאביליטעט מיענינג, אז די סיסטעם צופאלט נישט אויב מענטשן ביהעיוון אנדערש, יעדער סיסטעם פארלאזט זיך אויף יומען ביהעיוור, קאפיטאליזם פארלאזט זיך טאקע אויף די הנחה אז מענטשן זענען סעלפיש, ס'צופאלט אבער נישט אויב אפאר מענטשן זענען למעשה נישט greedy, קאמיניזם (אדער סיי וועלכע סיסטעם וואס פארלאנגט קאאפעראציע)צופאלט יא אפילו אויב נאר א מינאריטעט איז סעלפיש.

יפה אמרת!

די מיליאן דאלאר פראגע איז נאר אויב דערפאר מיינט עס אז קארל מארקס האט פשוט מיסקאלקולירט סאציאלע סטראקטורן, און עס איז צייט 'איינצוזען' אז די סארט מהלך ארבייט נישט און וועט קיינמאל נישט ארבייטן (די אנטי-טעזע וואס מאגא שטעלט יעצט אהער..).
אדער, מיינט עס ס"ה אז עס נעמט אסאך לענגער ווי געפלאנט - און מעגליך עס איז אן ענדלאזע וועג - אבער מ'רוקט זיך און מ'מאכט פארשריט nonetheless?

די רעכטע צייגן אן צו די אלע אובנדערמאנטע נקודות און שטרייכן אונטער דיין נקודה אז סטאביליטעט איז נאר דא דורך איין וועג - און דאס איז דורך סעלפ-סערווינג קאפיטאליזם. בעת די לינקע צייגן אן אויף 70 יאר פון רעלאטיווע וועלט סטאביליטעט און צו אנעקדאטישע פארבעסערונגען און לעבנס קאנדישענס, וועלכע איז געקומען אלס רעזולטאט פון טראסט, קאאפארציע, רעגולאציעס, צוזאמארבייט, און בעיקר - עדיוקאציע, וואו זיי שטופן דעם נאראטיוו אז מיט מער דערפון אלס בעסער וועט זיין.
 
דאן זענען דא די מיטעלסטע צוויי קאטעגאריעס, דער לינקערע זענען די וואטסעפפ אינגערלייט, צו וועמען @לייביש הכהן, יונתן שווארץ, און אלע פאדקעסטס אינדערמיט זענען געוואנדן.
אינטערעסאנט דו פארגלייכסט מיר צו יונתן שווארץ… בשעת וואס איך האב נישט קיין פראבלעם צו עסן נבילות וטריפות, חילול שבת, נישט לייגן תפילין, און נאך… איז אבער יונתן יא איינער וואס האלט זיך ערליך, אריין גייענדיג אינעם טענקיו ה׳ קאטעגאריע.
 
אינטערעסאנט דו פארגלייכסט מיר צו יונתן שווארץ… בשעת וואס איך האב נישט קיין פראבלעם צו עסן נבילות וטריפות, חילול שבת, נישט לייגן תפילין, און נאך… איז אבער יונתן יא איינער וואס האלט זיך ערליך, אריין גייענדיג אינעם טענקיו ה׳ קאטעגאריע.
איך מיין אז למעשה סערווירן ענק היבש אן ענליכע אודיענץ/דעמאגראפיע. בין איך גערעכט?
 
לעצט רעדאגירט:
איך מיין אז למעשה סערווירן ענק היבש אן ענליכע דעמאגראפיע. בין איך גערעכט?
נישט עכט.
יונתן איז ווי א אמפער וואסער וואס מען לייגט אינטער א דאך כדי די פלאר זאל נישט ווערן נאס… ער גייט קיינמאל נישט צום שורש, א שטייגער ווי די שידוכים קריזיס…

איך גיי גלייך צום שורש.
לדוגמא, מיין אינטערוויא מיט פעגי גרינפעלד געבט א שטיקל בליק פאר א מענטש וואס א חתונה׳געהאטע לעבן באדייט, און ווי אזוי מ׳קען דעיטן וכו.
אדער די ארטיקל ווי איך באשרייב די נייע געדאנק פון בשאו-אפ א נייע חידוש ביי חסידים מאכן דעיטינג איווענטס.

בעינדעידזש׳ס איז נישט מיין ליין
 

צירקולארע פאוער סטראקטורן​


רעדענדיג פון אייוועלט און פונעם 'עמך סטראקטור', איז מיר אייביג געווען פאסציאנירענד (איז דאס בכלל א ווארט?) דעם געדאנק פון צירקולארע מאכט וואס עס הערשט בתוך די היימישע געמיינדע.

  • ס'זענען דא די המון עם - די פשוטע מענטשן - וואס האבן מורא און שטעלן זיך צו צו די מוסדות און תקנות הקהילות,
  • די מוסדות און אינסטיטוציעס זענען דאך אודאי (אפציעל) אונטער די הערשאפט פון די רבנים ומורי דרך וועלכע פירן עס 'מיט א שטארקייט',
  • איבעריג צו זאגן אז לא זו תחילת הקדושה, נאר די רבנים און שונאי בצע ווערן שיינערהייט געפירט ביים קארג דורך די עסקנים, בעלי בתים, און די בעלי המאה,
  • פארשטייט זיך אן ארטיקל אין מאמענט איז וואס דרייווט די חברה, און די טאן אויף קול מבשר איז וואס שטעלט אוועק די וויזיעס פון די 'ראשי קהילות',
  • און פון וואס דען האט זלמן ווידער מורא אויב נישט פון א שלעכטע רעוויו אדער קרום מיטן נאז אויף אייוועלט?!
  • און צו וועמען שטעלט זיך אייוועלט צו - אויב נישט צו די 'המון עם' וואס דרייט זיך דארט!
און אזוי האט זיך די רעדל געדרייט און געדרייט, און געווארן אינגאנצן צודרייט...


עס איז נאר וויכטיג אלץ צו האלטן דעם בילד פאר די אויגן ווען מ'אנאלאזירט סיי וועלכע סאציאלע פענאמען בתוך אונזער 'עסטעבלישמענט', ווייל די גאנצע געראטשקע וואס איך לייג אויס דא איז ווי איין גרויסע מאשין וואס פונקציאנירט אינאיינעם, און איז אין דעם כסדר'דיגן רעאקציע לופ וואס לויפט אויפן 'ונתנו' גאלאפ.. פארט, אזויווי פריער ערווענט, זעט זיך יא אן א שטיקל מאוומענט צו לינקס פונעם גאנצן מערכה אינאיינעם, הגם די רעטאריק אויפן פאדיום פראבירט נאך מיט אירע רעכטע קארטלעך ווילאנג זיי פארמאגן נאך רעלעוואנץ..
 
לעצט רעדאגירט:
when they go low we go high
מען האט שוין פרובירט דעי כצאן לטבח שיטה ביים צווייעטן וועלט קריג און מען האט זיך געטראפען אין די גאז קאמערן…

די אלע לינקע שיטות און שיינע פאליטיקלי קערעקט לאוזונגען זענען גוט פאר א פערפעקט וועלט, די מציאות איז אונז זענען נישט אין א פערפעקט וועלט און מען דארף זיך ספראווענען מיטן מציאות, און ס׳גייט מיך נישט אן דעי אלע מה יפית Barbie גערעדאכץ.
 
בעת די לינקע צייגן אן אויף 70 יאר פון רעלאטיווע וועלט סטאביליטעט און צו אנעקדאטישע פארבעסערונגען און לעבנס קאנדישענס, וועלכע איז געקומען אלס רעזולטאט פון טראסט, קאאפארציע, רעגולאציעס, צוזאמארבייט, און בעיקר - עדיוקאציע, וואו זיי שטופן דעם נאראטיוו אז מיט מער דערפון אלס בעסער וועט זיין.
אמת. Varitasium, אין זיין ווידעא אויף געים טעאריע ווייזט ער טאקע וויאזוי מ'קען יא מאכן א סטאבילע סיסטעם מיט קאאפעראציע וואס וואקסט אפילו אין א פלאץ ווי געוויסע שפילן נישט פעיר 17:34 אין די ווידעא (מ'דארף וואטשן די גאנצע צו פארשטיין פון וואס ער רעדט). אבער ס'נאכאלץ וויכטיג צו צוריקגעבן פאר איינער וואס דעפעקטירט (tit for tat), דאס הייסט, when they go low you need to go low too.
 
איבעריג צו זאגן אז לא זו תחילת הקדושה, נאר די רבנים און שונאי בצע ווערן שיינערהייט געפירט ביים קארג דורך די עסקנים, בעלי בתים, און די בעלי המאה
אויב קענסטו אביסל פון אינעווענדיג ווערט עס בעיקר געפירט דורך בעליבתים/עסקנים ס׳איז ענליך צו רוסלאנד א קבוצה פון אוליגארכן וואס פירן די זאך.
(זיי קענען נשפע ווערן פונעם מאמענט, קול מבשר און בעיקר פון אנדערע מוסדות. איך האב געפרעגט ביי אונז דער גרויס אוליגראך פון מיין מוסדות וואס איז דער פראבלעים מיט פרויען דרייווען, ענטפערט ער מיר וויז׳ניץ לאזט נישט דרייוון. האסט מיר גארנישט גענטפערט וואס האבן אונז מיט וויזניץ? זאגט ער מיר די ווילסט מען זאל זאגן אויפן גאס אז אין וויזניץ טאר מען נישט דרייווען און אין בעלזא יא!!!!)

אין א מיעוט פעלער איז עס די רבי אליינס וואס איז בהע״ב ווי למשל מענדעלע, מהר״א און ר׳ יואלי ראטה.
 

ארבעה כתות בהולכי שטריימל​


איך האב שוין לאנג אין קאפ דעם געדאנק צו אנאלאזירן די direction of travel אין אונזערע -שטריימל טראגענדע- קהילות.

די ערשטע זאך וואס איז צו מיר אריינגעקומען איז וויאזוי אונזער עולם איז מער ווייניגער צוטיילט אין 4 אדער 5 גרופעס, און די שיפטס צווישן איין גרופע ביז די צווייטע איז אן אינטרעסאנטע פענאמען צו אבזערווירן און שטודירן.

פון איין זייט זענען דא די גאר פרומע - די 'יראים' 'השומרים' 'נקדישך' גרופעס, די וועלכע בארגן א טעלעפאן מיט טעקסט איז א שווערע שאלה על שולחן ר' י"א מאסקאוויטש..
אויף די סאמע פארקערטע זייט געפינען זיך אונז דא די חברי השטיבל הדין. ביי וועמען די דאגות זענען נאר וויפיל פארנאגראפיע זאל זיין ערלויבט אין פאבליק און אויב חוזק מאכן פונעם מגיד איז שוין 'צו ווייט'.. (אדער אויב מ'וויל גיין נאך ווייטער קען מען כולל זיין די א.ט.ד. געמיינדע אינעם ספעקטרום, זיי שטעלן ביים לינקן עק, און אונז גלייך צו רעכטס פון זיי.)
דאן זענען דא די מיטעלסטע צוויי קאטעגאריעס, דער לינקערע זענען די וואטסעפפ אינגערלייט, צו וועמען @לייביש הכהן, יונתן שווארץ, און אלע פאדקעסטס אינדערמיט זענען געוואנדן.
און צו רעכטס פון זיי געפינען זיך די עיקר 'טשאנק' פון כלל ישראל. די וועלכע געפינען זיך אויף אייוועלט, הערן קול מבשר, אדער הערן אלעס נאך פונעם חבר וואס הערט עס דארט, ליינען מעלות און מאמענט צוזאמען אבער קענען דיר פונקטליך מסביר'ן פארוואס מ'טאר דעם מאמענט נישט ליינען, זענען איינשטומיג מיט די מערכה אנקעגן אינטערנעט, אבער נוצן עס אגאנצן טאג נאר לצורך פרנסה, שטעלן זיך צו צו די מוסדות, אבער בריקעווען נאך יעדער טיי אווענט, פארן אין קאנטרי ווייל עס איז מסורה, אבער באשולדיגן די שטריימל סוחרים פארן ארויפשרויפן די פרייזן, פארן מקומות הקדושים אבער מאכן זיכער אז די האטעל מיטן פיאכאלע סערוויס דארט איז טאפ-נאטש, די וועלכע האקן קוגל ווען זיי קענען אבער לאזן נישט אויס קיין אפארטוניטי צו האקן אויף די וועלכע האקן פלייש. בקיצור, דער רעגולער 'עמך איד', דער וואס זיצט על המחיה ועל ירושלים, ליינט מיט דארשט דעם 'אידישקייט' גליון און שאקלט צו מיטן קאפ צו אלעס וואס פאר זיין לאקאלע רב פאלט ביי.

די מערקבארע נקודה דא איז אז הגם ס'רוב עולם געפינט זיך אין דעם 'עמך' קאטעגאריע - אדער ערגעץ אין יענעם עריע קאוד, דערקענט זיך אבער לעצנטס א מאסיווע אויסברייטערונג אין דעם מער לינקערן גרופע. מ'זעט עס אויפן אויפשטייג פון די פענאמענא פון פאדקעסטס, ווייניגער-צענזורירטע חומר, וואטסעפפ משפיעים, אדער ווי איך רוף עס די 'מאנסי אינגערמאן פענאמען' (סארי צו די אלע מאנסי'ער דא) - די וואוקס פון די סארט עולם וואס פארט אוועק פון די מעינסטריעם און פון די עסטעבלישמענט, מ'ציט זיך צו די 'אומגעגענטער' מיט אדער אן רבנים (ע"פ רוב אן..), און מ'נעמט אידישקייט אסאך לייכטער - אזא 'טענק יו השם' אידישקייט, ווי אויסהערן א סניפיט פון ר' מיילעך בידערמאן איז שוין דאס ווייטסטע געגאנגען פאר ג-ט'ס וועגן.

נישט אז איך האב עפעס בעד אדער אנקעגן סיי וואס, עס איז פשוט אינטרעסאנט צו אבזערווירן, און עס לאזט זיך דערויף שפעקולירן, וויפיל מ'קען דערפון ארויסציען מסקנות אדער פאראלעלן צו געוויסע היסטארישע עפאכעס אין כלל ישראל - השכלה און אמעריקאניזם בראשם!?...


איך ווייס נישט פונקטליך וואס איך וויל דערמיט דא, און טאקע דערפאר איז עס אדערווייל אין מיין 'אומגעצייטיגטע שופלאד', ואדרבה, דער עולם קען מיר ארויסהעלפן דורכטון וואס דאס מיינט?! אויב דאס מיינט בכלל עטוואס?! וואו עס קען פירן, אדער וואס האט געפירט דערצו?!


און נאר צו קלארער מאכן, איך קוק אן די צוויי עקן אלס מער אויפריכטיגע און סטאבילע גרופעס, די פרומע איז דאך פשוט אז זיי האבן זיך זייער פונדאענטאליזם אין וואס זיי זענען איבערצייגט און גייען דערמיט עד הסוף, נישט אנדערש ווי דער א.ט.ד. וועלכע האט 'מחליט געווען' אז זיין לעבן פאדערט דאס זייניגע. אבער אפי' דאהי וואו דער עולם ליידט צומאל פון אנסעטלינג געפילן/געדאנקען - קען מען לכאו' אויך אנצייגן אויף א שטארקע אויפריכטיגקייט און ביקוש האמת וואס באגלייט דעם כלליות'דיגע מצב רוח, און עס מאניפעסטירט זיך טאקע אין די טיפזיניגער שמועסן פונקט ווי אין די קולטוארע אנאליזן אין וואס מיר אלע ענגעידזשן.
משא"כ די צוויי צענטער גרופעס וועלכע האבן א שטארקע מאטעריאליזם צו זיך, און זענען דערפאר היבש תוכנ'לאז אין עסענס. ביי איינעם איז עס די פרומערע אינערשע וואס האלט זיי אונטער די לאפעס פון די מוסדות/רבנים (און זעט טאקע אויס אביסל וועפעדיג לאור האמור), און ביי די אנדערע איז עס די 'מאדערנע מוזיק' און שטיקער בשר וואס האט זיי געכאפט און פארוואנדלט אין די 'נעא-סאטמארע' סטיל אידן...

וואס זאגט איר דערצו?
וואו 🤩 @אלפא קומט אריין דא געהעריג קלאר keep it up
 
אויב קענסטו אביסל פון אינעווענדיג ווערט עס בעיקר געפירט דורך בעליבתים/עסקנים ס׳איז ענליך צו רוסלאנד א קבוצה פון אוליגארכן וואס פירן די זאך.
(זיי קענען נשפע ווערן פונעם מאמענט, קול מבשר און בעיקר פון אנדערע מוסדות. איך האב געפרעגט ביי אונז דער גרויס אוליגראך פון מיין מוסדות וואס איז דער פראבלעים מיט פרויען דרייווען, ענטפערט ער מיר וויז׳ניץ לאזט נישט דרייוון. האסט מיר גארנישט גענטפערט וואס האבן אונז מיט וויזניץ? זאגט ער מיר די ווילסט מען זאל זאגן אויפן גאס אז אין וויזניץ טאר מען נישט דרייווען און אין בעלזא יא!!!!)

אין א מיעוט פעלער איז עס די רבי אליינס וואס איז בהע״ב ווי למשל מענדעלע, מהר״א און ר׳ יואלי ראטה.
איך כאפ נישט פונקטליך וואס דו מיינסט, אבער אויב מיינסטו זיך צו דינגען מיט מיין אבזערוואציע - אז עס איז א צירקולארע סטראקטור, און טענה'ן אז עס איז בעיקר די בעלי בתים וואס דרייען אלעס אן, דאן מיין איך אז עס איז קיינמאל נישט ריכטיג אפצושאצן א סאציאלע פענאמען אלס א מאנא-קאוסאל (monocausal) דיירעקטע פענאמען, אייביג זענען דא מערערע און קאמפליצירטע רילעשענשיפס און דינאמיקס וואס שפילן אריין אין די פיינעל אויסקום און אויסקוק.

אן ארטיקל פאר זיך..
 
אינטערעסאנט דו פארגלייכסט מיר צו יונתן שווארץ… בשעת וואס איך האב נישט קיין פראבלעם צו עסן נבילות וטריפות, חילול שבת, נישט לייגן תפילין, און נאך… איז אבער יונתן יא איינער וואס האלט זיך ערליך, אריין גייענדיג אינעם טענקיו ה׳ קאטעגאריע.
אוודאי לייגסטו נישט קיין תפילין וכד' דו ביסט א אינגעל
1741225663193.png
ניין?
 

ארבעה כתות בהולכי שטריימל​


אין קורצן:

ס'זענען דא די 1) פרומע, 2) אייוועלט אידן, 3) וואטסעפפ - לאוו יו השם - אידן, 4) אויפגעקלערטע - קרעמל אידן.
די ערשטע און לעצטע זענען מער שכל'דיג און איידעאלאגיש מאטיווירט, בעת די אייוועלט גרופע איז מער די סטאטוס-קווא אן קיין סאך מחשבה אדער געפיל דערצו, און די נעא-חרדישע וואס איז זייער מאטעריאליסטיש געדרייווד.

הגם אויף א ספעקטרום וואלט עס געגאנגען אין די אויבנדערמאנטע סדר פון רעכטס צו לינקס, איז אבער מערקבאר אז לגבי די שיפט וואס אינדיווידואלע מענטשן מאכן איז עס בפשטות זייער אנדערש.
איך וואלט פראפאזירט (מ'קען אפשר מאכן אן אנקעטע דערויף) אז דא געפינען זיך מער מענטשן פון די ערשטע צוויי קאטאגאריעס ווי פון די דריטע, נעמליך, מער פרומע אדער עמך אידן קומען עווענטואל אן אהער מכח קאגניטיווע צומישענישן ווי איידער מאטעריאליסטישע נשמות סתם פאר שוואוילטאג. ווי אויך וואלט איך געזאגט אז מער מענטשן פון די אייוועלט גרופע קומען אן צום וואטסעפפ גרופע (פערצענטואל) ווי איידער מענטשן מיט פרומע און מער תוכנ'דיגע בעקגראונדס. אנלעס טראומע איז א חלק פון די מיקס...
 
וואס האט דאס מיט חסידים, חרדים אדער אידן? דאס עקזיסטירט איבעראל.
טאקע!
און ס'איז ווי איך זאג א טייל פון א גרעסערע אנאליז איבער סאציאלע סטרוקטורן בכלליות.

נאר אז איך האב שוין ערווענט די 'אייוועלט'-אידן-פענאמען האב איך שוין אריינגעווארפן וויאזוי די פאוער דיינאמיקס ארבייט דארט..
 
@אלפא איך בין היינט די ערשטע מאל אריינגעפאלן ביי דיר אינדערהיים, אהם... שנירל. און דיינע געדאנקען איבער דעמאקראטיע אלס א פאליטישע סיסטעם איז א לאנגס און א ברייטס וואס מען דארף דורעכטון בעומק. איך האב שוין אנגעהויבן שרייבן א דרעפט דערוועגן, אדערווייל האלט עס דארט ווי זעלענסקי.

טו מעיק עי לאנג סטארי שארט... עס איז נישט דא קיין האפענונג, געב אויף, ס'סאקט בגאַדול און פארטיג!

אדער טו ווי יענער נאַר האט געשריבן....
גיב קיינמאל נישט אויף, אויף דיינע חלומות. שלאף ווייטער...
 

וואס איז אנדערש מיט גענעראציע Z?​


עס איז דא א סעט פון אביעקטיווע פאקטן וועלכע זענען אנדערש אין די היינטיגע סאשעל אינטעראקציעס פון וויאזוי עס איז געווען אמאל, (אמאל האט מען גענוצט א בליי צוריקצודרייען דעם טעיפ רעקארדער און היינט נוצט מען שוין כמעט נישט קיין פענע אפי' צום שרייבן - צווישן אנדערע.)
די פילצאליגע חילוקים מאניפעסטירט זיך אין ראדיקאלע טוישונגען אין די מוחות פון אינגערע מענטשן, ווי זייערע עטיטודס און לעבנס אויסקוק איז זייער אנדערש ווי דאס פון זייערע עלטערן, און איך רעד מער פון די ברייטע וועלט דא - נישט געצוימט צו אונזערע געמיינדעס.
די טיפערע שאלה אין אזעלכע סוגיות איז נאר וועלכע איז די קאוס און וואס איז די עפעקט, וועלכע פאקטאר איז דער סיבה און וועלכע איז דער מסובב, אויב מ'זאל בכלל אננעמען אז די קארעלאציעס באדייטן עפעס.

איך גיי דא אויסלייגן א טייל פון די זאכן וואס זענען אנדערש און קענען האבן געהאט אן עפעקט אויף די 'היינטיגע יוגנט', ס'איז נאר יעצט צו מחליט זיין אויף וועלכע וועג די צירקל דרייט זיך טאקע.

  • שלאגן קינדער איז געווארן אומאקצעפטירט, ובכלל איז אטאריטעט מער אראפגעקוקט ווי אמאל
  • פארשטייט זיך די אויפשטייג פונעם אינטערנעט און די מאסיווע צוטריט צו נייע ווי אלטע אינפארמאציע איז א שטארקע רעוואלוציאנערישע קראפט
  • אינסטיטוציעס זענען געווארן לינק, WOKEism, און decolonization, האט אריינגעברענגט א נייע בליק אויף די מערב וועלט און ליבעראליזם אין די מוחות וואס זענען געווארן דערין געשוואנקן
  • מאסן אימיגראציע, אדער מולטי-קולטוראליזם ווי אנדערע רופן עס, האט זיכער אן עפעקט איבער די סאציאלע סטראקטורן. לטב אדער למוטב איז שוין דיבעיטעבל
  • מ'פארמאגט אסאך מער גוטס און האב, פראדוקציע און קאנסומער אייטעמס איז אויף אן היסטארישן הויכפונקט - דאס האט זיכער השלכות אויף ווי spoilt קינדער וואקסן אויף, אודאי ווען דריי -פערטל דערפון איז דיספאוזעבל
  • אטאמעישאן און ווייניגער פיזישע ארבייט ברענג אויך פוילקייט, בפרט נאך וואס די גוף עקסערסייזט און סטימולירט ווייניגער
  • סאציאלע מידיע און די נייע מהלכים פון זיך באפריינדן, דעיטן, און פארברענגען דעם טאג, איז לכולי עלמא פון די שטערקסטע פאקטארן אויף אונזער ליסטע
  • די נייע און פילצאליגע ארטיפישעל עסנס (און מעדיצינען) קענען נישט נישט האבן קיין בייאלאגישע השפעות
  • אינעקוואליטיס און פארלירן טראסט אין די סיסטעם - אין די גאווערמענט, אין פאליטישע און עקאנאמישע סיסטעמען - לעכערט די האפענונג פאר א בעסערע עתיד
  • ואחרון אחרון - מענטאל העלט פראבלעמען וואס איז די talk of the town. און סיי צו דאס איז דער סיבה אדער דער מסובב פון די אנדערע זאכן - איז קלאר אז דאס האט ברייטע השלכות אויף די התנהגות פון די מענטשהייט און איבער די וועג וויאזוי מענטשן באגייען זיך איינער צום צווייטן און צום וועלט בכלליות.
 
ס'זענען דא די 1) פרומע, 2) אייוועלט אידן, 3) וואטסעפפ - לאוו יו השם - אידן, 4) אויפגעקלערטע - קרעמל אידן.
לויט דעים קומט אויס אז איך בין געגאנגען פון 2 צי 4
איך וואלט פראפאזירט (מ'קען אפשר מאכן אן אנקעטע דערויף) אז דא געפינען זיך מער מענטשן פון די ערשטע צוויי קאטאגאריעס ווי פון די דריטע,
לייגסט דאך אריין קרעמל אידן אין 4, חוץ אויב די זאגסט אז רוב עולם איז און די ערשטע צוויי און א קליינע פראצענט איז 4,

כ'האב דא געמאכט אזא אבזערוואציע, קורצע אויסצוג: "די עולם דא אין קרעמל רעפעזענט די חלק פון כלל ישראל וואס קוקן קוקן זיי אויס ווי אייוועלט אידן, אבער אינעוויניג האבן זיי זייער אסאך קשיות... אין זיי באגראבן עס נישט אזוי ווי די אייוועלט אידן... אינז לעכצן נאכן אמת..."

זאגט מיר @דעת תורה דעיס:

איך בין נישט אזוי זיכער אין דעם, עס איז זיכער דא א גרויסער עולם אזוי, אבער א גרויסער ציבור אנטייל נעמער דא זעהן אויס אינגאנצן אנדערש.

אן אנקעטע וואלט געווען אינטערעסאנט.
 
Back
Top