אויב דו גלייבסט נישט, לוינט מסתם נישט דאס צו ליינען

[שושני]

און דעי נשמה איז נאר דא ביי איין ספישיס פון אלע מיליאנען ספישיס.

Click to shrink...

וואס עפעס... ס'איז דאך באקאנט אז צדיקים ווערן מגלגול אין פיש, ווי אויך אז קעץ אין ירושלים האבן געווענליך נשמות וואס דארפן א תיקון.

 

[אנטוישטער יונגערמאן]

וואס עפעס... ס'איז דאך באקאנט אז צדיקים ווערן מגלגול אין פיש, ווי אויך אז קעץ אין ירושלים האבן געווענליך נשמות וואס דארפן א תיקון.

Click to shrink...

און ווער קען דען פארגעסן פון די פיש וואס האט גערעדט אין סקווער

 

[זאל זיין אזוי]

ווענד זיך אויב ער איז א רעליגיעזער בעיבי אדער סתם א ספיריטול בעיבי.
דער רעליגיעזער בעיבי האט הלכות מיט זמנים איסורים און חרמות וואס ער איז גרייט צו הארגנען דער וואס האלט נישט ווי אים.

אבער דער ספיריטול בעיבי וועט דוקא נישט הארגנען קיין אנדערע בעיביס און נישט שטויסן דעם "מאמע ערד" וואס האלט אים און שפייזט אים.

(און ווידער דער פארהאקטער בעיבי וואס איז נאר ראציונאל האט ווייטער נישט קיין פראבלעם מיטן חרוב מאכן. (ניהיליזם?)

Click to shrink...

איז דא א וועג צי ווערן מער ספיריטול פאר איינער (פאר מיר) וואס בטבע מער די אנדערע חלק אדער עט ליעסט אזוי אויפגעוואקסן ?
איך פרעג ווייל נישט יעדער האט אין די נפש די טיפע געפילן וואס די אין אנדערע אזויווי דיר האבן כדי צי קענען עקספיריענסן גאט

מעדיטעישן ארבעט נישט ביי מיר איך האב נישט קיין געדילד צי דעם
איז דא א אנדערע וועג? מסתמא עטליכע גלעזער טיי איז איינע פין די וועגן,
איז דא נאך וועגן ?

 

[ריבי]

און ווער קען דען פארגעסן פון די פיש וואס האט גערעדט אין סקווער

Click to shrink...

אין אז א נחש האט גירעדט צו חוה און אדם איז דען יא כפשוטו, פון די אלע מיני שלענג וואס די וועלט ווייסט האט קיין איינער א כח הדבור, און אוודאי נישט צו קאמיונקעיטן מיט מענטש, (מיט בלעם׳ס אייזעל דארף מען זיך אויך אדורכקומען)
אבער דער תורה רעדט מיט א שפראך , וואס פאר פשוטי שכל , איז די מעשה גוט אזוי אויך, אבער אין חז״ל (פרקי דרבי אליעזר) זאגט ער אז מען מיינט פשוט די גלוסטעניש פון יצר הרע וואס ווערט אויך אהנגירופן ׳סמאל׳, שטן, און נאך שמות ווי עס ווערט אהנגירופען - ער האט דאך שבעה שמות אין חז״ל - איז דער פאר דעם קטן השגה ופשוט השכל, קויפט ער עס כפשוטו, אבער די גרעסערע בעלי השגה אין די שטעטל, וועיסן אז עס איז דא באהאלטענע רמזים, עמוק עמוק מי ישירנה.

 

[ריבי]

איז דא א וועג צי ווערן מער ספיריטול פאר איינער (פאר מיר) וואס בטבע מער די אנדערע חלק אדער עט ליעסט אזוי אויפגעוואקסן ?
איך פרעג ווייל נישט יעדער האט אין די נפש די טיפע געפילן וואס די אין אנדערע אזויווי דיר האבן כדי צי קענען עקספיריענסן גאט

מעדיטעישן ארבעט נישט ביי מיר איך האב נישט קיין געדילד צי דעם
איז דא א אנדערע וועג? מסתמא עטליכע גלעזער טיי איז איינע פין די וועגן,
איז דא נאך וועגן ?

Click to shrink...

בן סירא האט שוין געשריבן - דער רמב״ן איז עהם מעתיק - במופלא ממך אל תדרוש ובמכוסה ממך אל תחקור - וואס ער זאגט איז, אז א מענטש, יעדער יחיד, איז אייגענארטיג , און מען דארף נישט נעמען א צווייטענס אהנשויאונגען, און עס עפלייען צו זיך
עס איז דא נפשות ישראל וואס ווערן באגייסטערט פון חקירה און זוכונגען , אין אזוי גערופענע מעשה בראשית, פון ווי אלעס הייבט זיך אהן, עס זענען דא די יורדי מרכבה, וואס ווערן צוטראגן און עקסטאזיש, פון די דמיונות מחשבה, פון די אלף אלפין לשמשותיה, און זיי גיבען נאך פונקטליכע נעהמען פאר די עולמות, מיט די שמות מלאכים, אנדערע ווערן מער באיינפלוסט, פון די עמאציאנעלע הרגשות וואס ווערט ערוועקט פון הארציגע מחשבה און זיי זענען ספירוטואל , טו איטש איטס אוהן
זאגט ער במופלא ממך אל תדרוש , עס זענען פארהאן פארשידענע מינים, פון ערוועקעניש, וואס רעדט צו איינעם, האט נישט קיין עפעקט ביי א צווייטן, די חסיד׳זם, וואס איז צוטהיילט אין פיהלע דרכים איז מעיד אויף דעם
חסידות קומט דאך רעדן צום לב , צו יעדער ייד וואס האט הארץ , מעורר זיין די נקודה הפנימית שבלב מיט א שלהבת בוערה און א תשוקה לה׳, און משם
יפרד והיה לנחלים רבים , חב״ד מיט חקירה פון מח שליט על הלב, קרלין סטולין מיט אמונה אהן מחשבה, וויזניץ מיט דעבאטע, סקולען מיט דביקות הנגינה,
ברסלב מיט די התבודדות, סאטמאר מיט קנאות , סקווירא מיט קפידות , מונקאטש מיט נוסחאות, בעלז מיט כבוד בית בעלזא, גור מיט קאמענדאט קדושה, ואטו כי רוכלא ליזל וליחשב, הצד השוה יעדער שווימט, און מען דארף עפעס א יידישע זאך זיך אהנצוכאפן, און נאכדעם פאהרט עס שוין, דער עיקר איז נהרא נהרא ופשטיה,

 

[שעפטאל]

איז דא א וועג צי ווערן מער ספיריטול פאר איינער (פאר מיר) וואס בטבע מער די אנדערע חלק אדער עט ליעסט אזוי אויפגעוואקסן ?
איך פרעג ווייל נישט יעדער האט אין די נפש די טיפע געפילן וואס די אין אנדערע אזויווי דיר האבן כדי צי קענען עקספיריענסן גאט

מעדיטעישן ארבעט נישט ביי מיר איך האב נישט קיין געדילד צי דעם
איז דא א אנדערע וועג? מסתמא עטליכע גלעזער טיי איז איינע פין די וועגן,
איז דא נאך וועגן ?

Click to shrink...

כ'קען נישט ענטפערן פאר אנדערע ווייל כ'בין נישט אנדערע.
כ'קען מיטטיילן אלץ א הומען ביאינג מיין עקספיריענסעס.
ביי מיר האט טעראפי כמעט נישט געמאכט קיין טויש.
טיי האט מיר געטוישט מן הקצה אל הקצה!

איינמאל מ'איז אפן איז דא אסאך זאכן וואס ברענגן צוריק צו זיך אליין.
כ'וואלט רעקאמענדירט דעם בוך silence פון Thich nhat hanh כ'וואלט עס מן הסתם נישט געגליכן בעפארן טרינקן... אבער עס ליינען שטאטליך אפאר מינוט א טאג קען עפענען דעם אינערליכן שטילקייט. (לאמיר זיך טאקע צוריק נעמען עס צו ליינן!)

אין מיין ספר (וואס ווערט געשריבן על לוח לבי...) שטייט
ישנם שני מיני שתיקות
אין למטה מנגע -שיתוק הלב והנשמה
ואין למעלה מעונג - שתיקה הבאה מהאזנה אל כל הלב והנשמה

און נאך א סוד... שעפטי איז נישט אלעמאל ספיריטואל. גארנישט בלייבט נישט שטיין אויף איין ארט. כ'האב מינוטן וואס די גאנצע זיך איז יונערווארס/גאט/אלעס וואס לעבט און כ'האב מינוטן וואס כ'בין אזוי אומזיכער מיט זיך און כ'זעה דעם זיך ווי א קליינער פעקל מחשבות וואס איך פראביר אנצוהאלטן.

מ'קען זיך נישט שטופן און זיך קריגן מיט זיך פאר ספיריטואלעטעיט - ווייל ספיריטואלעטעיט איז דאס פארקערטע. ס'איז אקסעפטענס און לאזן גיין.

אקאצעפטירן אפי' דאס אז צומאל איידענטעפיצירט מען זיך ווי דעם עגא און אנערקענען אז אפי' דאן איז דער עכטער זיך אויכעט דא.

כ'וואלט זיך נישט באצייכנט ווי ספיריטול, כ'זעה ענדערש אז איך האב א דראנג פאר מיין אמת (ס'האט מן הסתם צו טון מיט דעם וואס מ'פלעגט מיר אראפ קלאפן פארן שפירן און זיין אנדערש ווי 'יעדעם'). כ'פיהל זיך סעיף און גוט מיטן זאגן מיין אמת כמות שהוא אפי' כ'ווער 'קלענער' און 'אומפערפעקט'. [און אפי' אין דעם דראנג פאר מיין אמת האב איך א לאנגע וועג מ'קען שטייגן עד אין סוף]

און מיין אמת טוישט זיך יעדע שטיק צייט!

כ'האב נישט אויסגעפיגערט לייף, (כ'ווייס נישט אויב ס'קען זיין שייך אזא מושג בכלל.) אבער כ'פראביר צו פראבירן צו זעהן זיך אליין און זיך ליב האבן אביסל מער און אביסל טיפער!

מ'דארף נישט זיכן 'אינדערויסן' ס'ליגט באמת אינעם זעלבן פלאץ פון ווי מ'זיכט עס - אין זיך!

מ'דארף נישט שפרינגן און לויפן אהין - ס'איז דא די גאנצע צייט, מ'קען זיך פשוט 'אינווייטן' צום ארט פון אהבה, אחד, מחילה!

מ'איז אלעמאל מיט איין פוס אינעם הסתר פנים און איין פוס אינעם אור הגנוז!

יהי רצון אונז זאלן זיך אלעמאל לאזן אביסל מער פונעם פלאו פונעם בריאה! אונז זאלן מיט שווימען (אזוי ווי אונז האבן געטון ווען מיר זענען געווען אינעם פארעם פון דשעלי פיש)! אונז זאלן הנאה האבן פונעם גרויסן לעבן אינדערויסן פונעם קליינעם פעקל מחשבות! אהההההה!

 

[שטארקע מאַן]

און דא איז קליפ #2

View: https://youtu.be/jqlrJRlXWOA?si=nxRh-45uJD5oBZ-r

Click to shrink...

אהה
דאס איז א גוטע ניגון
קיינמאל געהערט
יעצט קען איך עס הערן צענדליגע מאל
איין אינטערעסאנטע נקודה, אין די ווערטער פון דער ניגון (פון ר' נחמן?) דערמאנט ער נישט קיינמאל די שם הוי' אדער א אנדערן נאמען פון גאט.
פאר געוויסע איז גרינגער צו קאנעקטן צו אזוינע ווערטער ווי ממלא און סובב וואס רעדט פון עפעס א ספיריטואלע העכערקייט, סא מ'קען עס זינגען אָן די נעגעטיווע אסויסיאציע וואס מאנכע האבן צו די באגי מאנסטער אין זייער קאפ וואס זיי רופן גאט. והבן.

 

[אורח הכבוד]

אין אז א נחש האט גירעדט צו חוה און אדם איז דען יא כפשוטו, פון די אלע מיני שלענג וואס די וועלט ווייסט האט קיין איינער א כח הדבור, און אוודאי נישט צו קאמיונקעיטן מיט מענטש, (מיט בלעם׳ס אייזעל דארף מען זיך אויך אדורכקומען)
אבער דער תורה רעדט מיט א שפראך , וואס פאר פשוטי שכל , איז די מעשה גוט אזוי אויך, אבער אין חז״ל (פרקי דרבי אליעזר) זאגט ער אז מען מיינט פשוט די גלוסטעניש פון יצר הרע וואס ווערט אויך אהנגירופן ׳סמאל׳, שטן, און נאך שמות ווי עס ווערט אהנגירופען - ער האט דאך שבעה שמות אין חז״ל - איז דער פאר דעם קטן השגה ופשוט השכל, קויפט ער עס כפשוטו, אבער די גרעסערע בעלי השגה אין די שטעטל, וועיסן אז עס איז דא באהאלטענע רמזים, עמוק עמוק מי ישירנה.

Click to shrink...

און וואס איז מיט בלעם׳ס אייזל? דארט קענסטו גארנישט אריינשטופען קיין טייטשעלעך

 

[ריבי]

אהה
דאס איז א גוטע ניגון
קיינמאל געהערט
יעצט קען איך עס הערן צענדליגע מאל
איין אינטערעסאנטע נקודה, אין די ווערטער פון דער ניגון (פון ר' נחמן?) דערמאנט ער נישט קיינמאל די שם הוי' אדער א אנדערן נאמען פון גאט.
פאר געוויסע איז גרינגער צו קאנעקטן צו אזוינע ווערטער ווי ממלא און סובב וואס רעדט פון עפעס א ספיריטואלע העכערקייט, סא מ'קען עס זינגען אָן די נעגעטיווע אסויסיאציע וואס מאנכע האבן צו די באגי מאנסטער אין זייער קאפ וואס זיי רופן גאט. והבן.

Click to shrink...

ממלא און סובב,גייט דאך ארויף אויף א געוויסען כוח
איז וואס איז עס אויב נישט גאט , נאר עס קען זיין אז די נאמען גאט איז אנאטאמע, צו א אנטוישטער פון די וועלט הנהגה ,ער האט גיהאט סערטן דיסאפוינטמענטס אין זיין לעבן דורכגאנג , און די דערמאנונג פון נאהמען-גאט- באדערט , און ממלא און סובב איז מער סוטעבל , אבער סוף כל סוף קומט מען אהן צום אין סוף וואס איז גאט.