- זיך איינגעשריבן
- אוג. 10, 2024
- מעסעדזשעס
- 442
- רעאקציע ראטע
- 1,774
פארהאן פארשידענע עצות:נעכטן שיקט מיר א איד א וואויסנאוט אויף אינסטעגראם מיט א גאר ווארימע ביטע, עפעס וואס כ׳קען פשוט נישט איגנארירן, ממילא ווענד איך זיך דא צו מיינע טייערע ברודער.
יונגערמאן: א גוטן ר׳ לייביש, קודם שכח פאר דיין הערליכע ווערק וואס דו שטעלסט אהער, סיי אויפן קרעמל פלאטפארמע, אדער סיי וואו אימער עס זאל נאר זיין.
אויפגעוואקסן בין איך אין א גאר ראדיקאלע שטוב, אן קיין ראדיו, טעלעוויזיע, אדער סיי וואספארא כלי וואס פארמאגט א סקרין, אויסער פון א קארדלעס אדער כשר׳ע סעלפאון.
אין ישיבה האב איך געסטראגלט מיט קדושה, א זאך וואס איך ווייס היינט ציטאגס איז נארמאל, און קומט בכלל נישט צו זיין א סטראגל…
קיין ענגליש נישט געלערנט, געכאפט פארצייטישע מכות, געצווינגען צו לערנען ״לימודי קודש״ וואס ברענגט גארנישט אין לעבן, אויסער פון האלטן די בחורים אביסל פארנומען...
פון מיינע געשוויסטער האט מען אין סקול אויסגעריסן זייער פעמעניט׳סי. כ׳היום לעבן זיי ממש ווי ראבאטן אנגעשטעלט דורך א איינמאלגע סעטינג, צו זיין דא אויף די וועלט בלויז צו סעטיספייען די מאן, און אויפשטעלן א.ג. ״בית נאמן בישראל״...
חוץ פון א קאווע, מקוה, טשאלענט, קוגל, ציגרעטל, האב איך ביזן חתונה גארנישט טועם געווען פונעם גרויסן וועלט.
בקיצור, ווען איך בין ארויס פון ישיבה, האב איך געשוואוירן מיט ״תשמיש קדושה״ דאס ״נעווער אגען״, מיינע קינדער וועלן נישט אדורך גיין דאס וואס איך בין אדורך געגאנגן, איך וועל איך לאזן לעבן, זאלן זיי טון וואס אימער זיי ווילן אבי זיי זאלן זיין ציפרידן!
כ׳האב חתונה געהאט בשעה טובה ומצלחת מיט א וואוילע פרוי, די ליבשאפט צווישן אונז איז געווען גרויס.
געבויט האבן מיר א לעכטיגע שטוב מיט 5 קינדער קניינע הארע.
תיכף נאך די חתונה האב איך מיר אריין געלייגט אין ביזנעס, און פיין מצליח געווען.
כ׳האב שטייט׳זיך אריין געלייגט מיינע קינדער אין אפענמיינדעט מוסדות וואו מען פייניגט קיינעם נישט איבער זייערע לבוש, טעכנעלאגיע, וכו.
איין ״ריזיגע״ פראבלעם האב איך, אנדערשט ווי מיר, גלייכן מיינע קינדער אידישקייט, זיי האבן נישט די טראמא וואס איך האב געהאט פון אלץ קינד/בחור. זיי רעדן פון גאט מיט ליבשאפט, זיי זענען מקפיד צו גיסן נעגל וואסער, מאכן ברכות, היטן שבת כהלכתה וכו.
איך האב זייער מורא, אז ״יבוא יומו״, צוליב וואס זיי זענען גלוביג און ערליך, וועט זיי אנכאפן א דזשאק אין קאפ צו ווערן נאך פרומער… און אלץ קינדער וואס ווייסן נישט וואס מיינט טראמא אין פרומע מוסדות, וועלן זיי שיקן די קינדער דארט פון וואו איך בין געקומען…
כ׳הייב ערנסט אן טראכטן, אלץ איינער וואס פארמאגט אפאר דאלער, וואלט איך זיי געדארפט שיקן צו א פרייע סקול ווי מען דערמאנט נישט די ״תורה הקדושה״ אלץ א חלק פונעם לעבן.
טייערע לייביש, ביטע לייג ארויס אן ארטיקל אויפן קרעמל פלאטפארמע, בעהט דעם ציבור זאל זיך לאזן הערן ווייל איך בין ממש אובד עיצות.
טייערע אידן ראטעוועט!!!
1) וויינען ביי שאלעשידעס "וזכנו לראות בנים ובני בנים עוזבים תורה ומצוות".
3) זיי עובר אויף בני תשע מידות (עיין נדרים כ: ) וועסטו נישט אראפברענגען צו הייליגע נשמות.
4) ווארן אן דיינע קינדער אז זיי זאלן נישט משנה פון זייערע עלטערן, אזוי וועלן זייערע קינדער אויכעט נישט משנה זיין פון זיי... (קומט אויס אז טאמער וועלן זיי משנה זיין פון דיך און ווערן פרום, דיין וועלן זייערע קינדער ווערן אפגעפארן, און ווער וויל דען פרום ווערן אויפן חשבון פון האבן אפגעפארענע קינדער....).
5) בהדי כבשי דרחמנא למה לך (ברכות י.), אז ס'דיר באשערט צו האבן ערליכע קינדער, דאן אין חכמה ואין עצה נגד ה'.
6) אויב דאס אלעס העלפט נישט, דאן שפרייט אויס נעגל אין זייער הויז (עיין נדה יז.).
אם לא יזיק לא יועיל...
לעצט רעדאגירט:
