איידענטיטי קרייסיס

[אפטימיסטיש]

למה נגרע? פארוואס שעירן בלויז 'פריוואט'? זאלן אנדערע אין דעם צושטאנד אויכעט הנאה האבן. ואי משום גילוי, קען מען ארומטוישן מינדערוויכטיגע איינצלהייטן.

פתח פיך ויאירו דבריך!

לך בכחך זה והושעת את ישראל!

Click to shrink...

איך דארף פלעין האבן צייט אראפצושרייבן, און עס איז מיר גרינגער צו רעדן.

Click to shrink...

מ'בעהט דעם ברייטען ציבור דא צו לייקן דעם תגובה אלס א צייכן אז מ'איז אינטערעסירט צו הערן פון @חדשים סיי וואספארא הילף/ערפארונג ער האט צו ביישטייערן אין דעם נושא. קהל עדתינו עליך יסמוכו

 

[שעפטאל]

פון סתם א תגובה איז שווער דיר צו העלפן אבער איך קען דיר שעירן פריוואט מיין דזשורני, אפשר וועסטו עפעס קענען ארויסנעמען פאר דיר. עס איז דא שרייבערס וואס קענען מיר און מיין ווייב און אונז האבן שוין געהאלפן אנדערע, און אונז זענען גרייט ווייטער צו רעדן און ארויסהעלפן וואס עס איז שייך.

Click to shrink...

פאר וועם ס'קען זיין נוגע (אפשר פאר יארן ארום). @חדשים איז אן אנערקענטער ניק, ערליך, ארנטליך, מענטשליך. און האט שוין געהאלפן מאנכע בעצה טובה. (בקיצור, ער איז די זעלבע @חדשים פון ק"ש).

מ'קען אים טראסטן.

 

[חוקר ודורש]

@משתוקק טייערע
איך האב גערעדט מיט אפאר וואס זענען אין דיין מצב וכולם פה אחד אמרו די איינציגע וועג איז גיין מיט איר שטייטליך שטייטליך מיט זאכן וואס שטערט איר אויך, און מפעם לפעם איר מחזק זיין מיט אירע טענות / פראבלעמען פון די סיסטעם, ביז ווען עס קענען רעדן מיט ווי א נארמאלע מענטש עס נעמט צייט (ביי איינער מער ביי א צווייטן ווייניגער) אבער עס לוינט זיך.

 

[משתוקק]

גערעכט, ווען כ'בין געגאנגען צום בעשוי, האבעך נאר געזען ווי כ'טייל שוין ענדליך די ציגארעטליך אין ישיבה...

כ'האב נישט געהאט קין אנונג וואס ווען ווי, ס'איז גהעריג בא'גנב'ענען א מענטש פון מאכן אן אינפארמירטע דעסישען.

Click to shrink...

דא ליגט טאקע א חלק פונעם פראבלעם, מען האט גענומען א אכצן יעריגע בחור... און געזאגט קום ארויס פון ישיבה פאר אפאר שעה, טרעף דיך מיט א מיידל, און האב חתונה.

דער בחור טראכט פון די חתונה, שטריימל, און טיילן ציגארעטלעך.

אבער די עיקר פראבלעם איז בכלל די סיסטעם.

ווייל מען ברויך אריינטראכטן, וואס וואלט בעסער געווען ווען איך בין נאך סינגל? וואלט איך געהאט די כוחות צו טאקע מאכן דראסטישע שריט, און גיין די וועי אף לייף לויט מיין רצון? אדער איך וואלט געהאט בלאקאדעס אין מח?

ממילא דאס ווילעך דא וויסן, אויב טרעפט זיך איינער אין זיינע צוואנציגער דרייסיגער יארן, אדער אפילו עלטער, אז ער האלט נישט ביים לעבן ווייטער א דערביטערטע לעבן, אין א קולט. וואס טוט ער דא? צו לוינט זיך צו טון דראסטישע שריט, אדער בלייבן וואו ער איז נאר טוישן פארשידענע זאכן? צו איז וואר וואס אונזערע אויפגעקלערטע מדריכים טענה'ן אז יעדער וואס גייט אוועק איז דערביטערט... און זיי ווילן אלע צוריקקומען?

פארשטייצעך איך רעד נישט פון גיין ווער ווייסט וואו, נאר פשוט אוועקגיין פון די וויליאמסבורגע טשולענט....

למשל איך גיי געבן צוויי דוגמאות פון פלעצער וואס זענען מער עקסטרעמע מקומות, אבער דאך קוקט מיר אויס אז דאס לעבן דארט אלץ חרדי איז טויזענט מאל בעסער ווי ביי אונז.

1) חב"ד.

נישטא די משוגעת'ן פון טאליבאנע קליידונג ביי פרויען און אפגעשוירענע קיווי קעפ, די נשים גייען דארט אנגעטון ווי עס פאסט באמת פאר א בת מלך, שלא תתגנה על בעלה איז א יסוד גדול ביי זיי, ווי די לעצטע רבי שרייבט טאקע שטארק וועגן דעם, שטיצענדיג שיינע לאנגע שייטלען,

ביי מענער איז אויכעט נישט אזוי די לבוש פין די עשרת הדברות, מען מעג אביסל ארויסקאלירן מער ווייניגער,

און בכלל זענען זיי אפענער צום וועלט, איך רעד פון ברייטן ציבור, עס איז פארשטייצעך דא דארטן אויכעט צוקוועטשטע.


2) מזרח'יש געשטימטע קאמיוניטיס.

לבוש דארט איז א 10/10, די מענער קענען גיין ווי היפיס, און די פרויען זעהען אלץ אויס ווי די בילד וואס איך האב ביי מיר אין קאפ ווי די בתולות וואס זענען ארויס אין פעלד צו די בחורים חמשה עשר באב.

זיי האבן נישט די אלע משוגעת'ן פון אונז, זיי לעבן אסאך מער אריגינעל.

ווער רעדט נאך פון די נאציאנאליסטישע געפילן וואס מען באקט אריין דארט, וואס גיבט אסאך צו צו האבן אן מינוגפול לעבן.

פארשטייצעך ס'גייען זיין וואס גייען מיר טענה'ן אז יעדע פלאץ האט פראבלעמען. פיין און וואויל, אבער איין זאך איז זיכער, אונזער קאמיוניטי האט די מערסטע פראבלעמען, און מען דארף זיך ארויסזעהן פון דא. איך פיל ממש ווי איך האלט עס מער נישט אויס דאהי.

נישט אז איך גיי יעצט ווערן א חבד'סקער אדער מזרחי, פשוט עס איז דא אזויפיל סעקטעס אין כלל ישראל וואס פירט זיך אזויפיל נארמאלער ווי אונז.

 

[אפטימיסטיש]

לאו דוקא אז אונזער קאמיוניטי איז א פראבלעם פאר יעדן איינעם. כ'בין מחולק מיט די באהויפטונג אז מ'מוז פארלאזן אונזער קאמיוניטי צו טרעפן עפעס לייטיש. כמדומה לי אז ס'זענען פארהאן אסאך שיינע אתרוגים אין אונזער קאמיוניטי אויכעט (פון וואנעט ווייסטו?... סוד ה' ליראיו), גענוג אינגעלייט וועלן גערן ליבערשט נעמען א שיינעם שייטל ווי איידער איימיצן מיט מיאוס'ע האר, ס'איז נישט אפגעפרעגט. און רוב מענטשן זענען נישט דוקא אנגעוויזן צו טרעפן דוקא א מאדעל. די איידיע איז אז ווען א בחור גייט צו א בעשוי זאל ער וויסן אויף וואס צו קוקן, לאז אים פאסן אן אינפארמירטע באשלוס.

 

[בְּתוֹךְ עַמִּי]

נישט אז איך גיי יעצט ווערן א חבד'סקער אדער מזרחי, פשוט עס איז דא אזויפיל סעקטעס אין כלל ישראל וואס פירט זיך אזויפיל נארמאלער ווי אונז.

Click to shrink...

און אפשר איז שוין צייט אז אונז זאלן מאכן א אייגענע נייע סעקט

 

[בְּתוֹךְ עַמִּי]

די איידיע איז אז ווען א בחור גייט צו א בעשוי זאל ער וויסן אויף וואס צו קוקן, לאז אים פאסן אן אינפארמירטע באשלוס

Click to shrink...

איז דאס שייך אויף למעשה אינעם סיסטעם?
מיינע קינדער וואקסן אינטער און כ׳ציטער אוועק אז איך זאל דאס נישט טון צו זיי…

 

[יענקל פאדראשיק]

דא ליגט טאקע א חלק פונעם פראבלעם, מען האט גענומען א אכצן יעריגע בחור... און געזאגט קום ארויס פון ישיבה פאר אפאר שעה, טרעף דיך מיט א מיידל, און האב חתונה.

Click to shrink...

אויב איז דא א קאנעקשן קענסטו אנקומען וואו דו ווילסט!!
דארפסט נאר האבן אסאך געדולד, און בעיקר גיסן ליבשאפט געבן בלי גבול!!!
עס איז א דרך ארוכה וקצרה ודו"ק!!!

 

[אפטימיסטיש]

איז דאס שייך אויף למעשה אינעם סיסטעם?
מיינע קינדער וואקסן אינטער און כ׳ציטער אוועק אז איך זאל דאס נישט טון צו זיי…

Click to shrink...

אבסעלולי ס'שייך!

אפשר טאקע איז כדאי אז @קטלא קניא וכדומה זאלן צוזאמשטעלן א פארהעלטנימעסיגן קורצן קוריקולעם קונטרס פון בעיסיק אינפארמאציע וואס יעדע בחור/מיידל זאל קענען גרינגערהייט דורכליינען בבא מועד

 

[אפענער]

@משתוקק איך בין מיט דיר אינעם זעלבן פעקל. איך פיהל מיט דיין פראבלעם.

 

[בְּתוֹךְ עַמִּי]

אבסעלולי ס'שייך!

אפשר טאקע איז כדאי אז @קטלא קניא וכדומה זאלן צוזאמשטעלן א פארהעלטנימעסיגן קורצן קוריקולעם קונטרס פון בעיסיק אינפארמאציע וואס יעדע בחור מיידל זאל קענען גרינגערהייט דורכליינען בבא מועד

Click to shrink...

נאלעדזש איז איין זאך. אבער וואס האט מען דערפון אויב מ׳גיבט נישט קיין געלעגנהייט פארן בחור/מיידל זיך אויסצוטשעקן איינע די אנדערע?

 

[וואנדערער]

מאן יימר אז ס'ארבעט? און מאן יימר אז ווייל ס'ארבעט פאר איינער וועלכע די ווייב גייט מיט א (נארמאלן) שייטל וועט עס ארבעטן פאר איינער וואס פארמאגט ניטאמאל דאס?

Click to shrink...

איז דען א שיינע שייטל וואס אינז זיכן? כזאג נישט, שיינקייט איז א פרויס שטערקסטע פונקט, אבער שיינקייט מיט א רעגולארע פרומע מיינדסעט איז בכלל נישט קיין ישועה, אין מיי אפיניען

 

[אפטימיסטיש]

איז דען א שיינע שייטל וואס אינז זיכן? כזאג נישט, שיינקייט איז א פרויס שטערקסטע פונקט, אבער שיינקייט מיט א רעגולארע פרומע מיינדסעט איז בכלל נישט קיין ישועה, אין מיי אפיניען

Click to shrink...

ריכטיג, אבער א ווייבס מיינדסעט (בנוגע התנהגות אינדערהיים בחדרי חדרים) איז גרינגער צו טוישן ווי צו טוישן איר אויסערליכע לבוש ברבים לפענ"ד

 

[וואנדערער]

רייט, פארוואס האסטו דערמאנט דעם שייטל בכלל?

 

[אפטימיסטיש]

רייט, פארוואס האסטו דערמאנט דעם שייטל בכלל?

Click to shrink...

כ'האב מיך באצויגן צו @משתוקק'ס בריוו, וואס באשטייט פון צוויי פראבלעמן, 1) זיין פרוי'ס קליידונג (וועלכע טוט איר פארמיאוסן אין זיינע אויגן) 2) זיין פרויס וועלט/לעבן אויסקוק, ממילא האב איך דערמאנט דעם שייטל בייחס צו פראבלעם 1

 

[וואנדערער]

כ'האב לעצטנס שפעקולירט מיט א חבר, וואס איז עס אבאוט דאס אנגעטואכץ פון א פרוי וואס איז אזוי ציענד? מיין טעאריע איז אז ס'ווייזט אז זי איז פראוד מיט איר body און סעקשועליטי, אבער כ'בין נישט זיכער.

 

[דער גאלדענער אדלער]

די גאנצע זאך ארבייט נישט מיט קיין לאגיק.
די וועלט זאגט א ווערטל אז ווען דער קליינער קאפ ארבייט, ארבייט נישט דער גרויסער קאפ. און ווען דער גרויסער קאפ ארבייט, ארבייט נישט דער קליינער קאפ. א בחינה פון כשזה קם זה נופל

 

[וואנדערער]

נישט ממש, ווייל ס'האט נישט אזוי ווייט מיט סעקס, ס'האט מער מיט וועלן א עטרעקטיוו רעביצן וואס האט זיך ליב.

 

[אפטימיסטיש]

כהאב לעצטנס שפעקולירט מיט א חבר, וואס איז עס אבאוט דאס אנגעטועכטץפון א פרוי וואס איז אזוי ציענד? מיין טעאריע איז אז ס'ווייזט אז זי איז פראוד מיט איר body און סעקשועליטי, אבער כבין נישט זיכער.

Click to shrink...

קודם כל ווען מ'רעדט פון א שייטל - וואס איז דאך במקום די האר - איז דאך דאס פשוט אז אן דעם קוקט זי אויס ווי מחוסר אבר.

אין אלגעמיין קלער איך אז אנגעטועכטץ פון א פרוי איז א פעטיש פונקט ווי אלע אנדערע (טויזענטע) מאדנע אומערקלערבארע פעטישעס וואס זענען פארהאן. די סיבה פארוואס מ'האט עס נישט קלאסיפיצירט אלס א פעטיש איז פשוט ווייל - אינדערצייט וואס פעטישעס טרעפן זיך בלויז ביי א מינאריטעט פון די באפעלקערונג (?) איז די קליידונג אטראקציע פיל מער שכיח, און א מילתא דשכיחא וועט מען נישט אנרופן פעטיש, נאר ליבערשט נאטור. אבער לאמיתו של דבר איז יעדע פעטיש א ביאלאגישע נאטורליכע רעאקציע. די זעלבע הארמאנען וואס ווערן אקטיוויזירט ביי די בדס"מ חברה ווען זיי זעהן הענדקאפס, ווערט אקטיוויזירט ביי די אלגעמיינע המון עם ווען זיי זעהען שיינע שיך, וכדומה. דאס איז ריין ביאלאגיע AKA נפלאות הבורא.

אבער לאמיר נישט אראפפירן דעם שמועס פון די רעלסן.

 

[בְּתוֹךְ עַמִּי]

כ'האב לעצטנס שפעקולירט מיט א חבר, וואס איז עס אבאוט דאס אנגעטועכטץ פון א פרוי וואס איז אזוי ציענד? מיין טעאריע איז אז ס'ווייזט אז זי איז פראוד מיט איר body און סעקשועליטי, אבער כ'בין נישט זיכער.

Click to shrink...

ביי אלע בעלי חיים האבן די נקיבות א געוויסע וועג וויאזוי זיי עטרעקטן דעם זכר, יעדער בעל חי אויף זיין אופן.

ביי אונז מענטשן איז אויך דא א נאטורליכע וועג וויאזוי די נקבה וועט פראבירן צו עטרעקטן דעם זכר, אבער אלעס הייבטסעך אֶָן מיט דאס וואס דו זאגסט אז זי דארף קודם גלייבן אין זיך אז זי קען זיין עטרעקטיוו…

אז מ'האט איר אריינגעבאקן פון אלץ קינד אז די אלע נאטורליכע עטרעקטארס ביי א פרוי איז א עפעס א טריפה'נע סקערי זאך, וויאזוי זאל זי זיין ציענד צו איר מאן??

איר אויפפירונג שיקט אים גאֶָר א פארקערטע סוב-קאנטשעס מעסעדזש אז זי וויל נישט האבן מיט אים שייכות (אפילו ווען זי וויל ווען יא…)