ויהי ממחרת והנה הוא טראמפ!
טראמפ איז ארויס דער קלארער געווינער און עס איז צייט פאר זעלבסט רעפלעקציע.
רעפלעקציע אויפ'ן קאמפיין ביז אהער, רעפלעקציע אויף דעמאקראטישע פאליטיקס, וויזיע, און קאנדוקט, אין די לעצטע פאר יאר, רעפלעקציע וואס דאס באדייט אויפן עתיד, צוזאמען מיט האפענונג פאר די קומענדיגע פאר יאר אונטער א טראמפ פרעזידענטשאפט.
און ניין, איך בין נישט ביי די מיינונג אז אמעריקע אדער די וועלט גייט אונטער, ניטאמאל איז עס די ענדע פון דעמאקראטיע, און זיכער ערווארט אונז נישט ביים טיר קיין צווייטע היטלער.
עס איז אבער יא די ענדע פון די דעמאקראטישע זעלבסט זיכערקייט, די אנדייטונג איבער א נייע סארט מידיע לענדסקעיפ – אין וואו פאדקאסטס און סאציאלע מידיע פארנעמען דעם אויבן-אן אין פאליטיק, א מאסיווע טויש אין אינטערנאציאנאלע רעלעישאנס און דיפלאמאטישע באציאונגען, א מעגליכע סוף צו דעם ליבעראלע גלאבאליזאציע וויזיע, א שטויס קראפט צום רעכטן אויפשטייג אין די מערב וועלט, און די אנהייב פון אן עפאכע אין וואו די פאליטישע כללים זענען גאר גאר אנדערש ווי ביז היינט.
און לאמיר צונעמען איינס ביי איינס צושטייטלעך.
_______________
עס איז נישט קיין סוד מער פאר קיינעם אז די דעמאקראטן האבן גענומען א שלעכטע דריי איבער די לעצטע פאר יאר אין אסאך אספעקטן.
אנגעהויבן ביי די מידיע, וואס איז אלס געווארן מער און מער לינק גענויגט, און אויב איז די מערכה אנטקעגן טראמפ נישט געווען גענוג דאס איבערצוצייגן האט זיך דאס כסדר ארויסגעוויזן אויף א שטערקערן פארנעם, די קלימאטן טויש מערכה, די אנטי-ראסיזם אנדרייעריי, די שטילקייט איבער אימיגראציע פראבלעמען, קאוויד והמסתעף, קענסלען דעות וואס געפעלט זיי נישט, בלאזן איבער די ראשע קאלושען, די האנטער ביידן לעפטאפ מעשה, איגנארירן ביידנס קאגניטיווע שוואכקייטן, נישט קריטיקירן העריס איבער איר פערפארמענס, די ענדלאזע האקעריי איבער JAN 6 און די נאצישקייט פון טראמפ. און אזוי ווייטער און ווייטער.
אקאדעמיע איז ווידער נישט קיין סוד אז עס איז געווארן לינק שבלינק, אנגעהויבן מיט די אלע WOKE אגענדעס ווי אנטי-קעלאניאליזם, אנטי-ראסיזם, פעמיניזם, אראפ ביז טרענסג'ענדעריזם, און פרא-פאלעסטינע אקטיוויזם, ווי אויך די שטארקע פאליטיזאציע פון די ווייכע סייענסעס (א שטייגער ווי סאציאלאגיע) און די ווייכע פאליטיזאציע פון די הארטע סייענסעס (ווי געזען מיט קלימאטן סייענס און ביי קאוויד).
קולטור, האבן זיי אויך געהאט א שטארקע איינפלוס איבער, ווי DEI האט איבערגענומען אסאך מארקעטס אלס א דבר פשוט, קענסלען מענטשן אויף מייקרא-אגרעסיע איז געווארן נארמאליזירט, BLM איז הייס בארעכטיגט, און פרויען האבן געדארפט פארלירן אין ספארטס וויבאלד טראנג'ענדעריזם איז לעת עתה א וויכטיגערע אישו.
נאך די אויבנדערמאנטע איז נישט קיין ווינדער אז אין פאליטיקס האט זיך דאס אסאך אנגעוויזן, סיי וואו זייער אסאך איז געווארן אידענטיטי פאליטיקס, אנגעהויבן מיטן סופרים קאורט ביז צו יעדער שמויגער אין די FBI וואס לייגן היינט אויס זייער בייעסעס ברבים, און אודאי מיטן זיך פילן באקוועם אלס די עליטע נאכן האבן איינגענומען קולטור, אקאדעמיע, ועל כולם די מידיע.
דאס אלעס איז צום זעלבן צייט נישט קיין קריטיק פון מיין זייט איבער די עצם פראגרעסיווע אידעאלאגיע, אדרבה, אין טעאריע בין איך שטארק מסכים מיט רוב פון וואס זיי שטיצן, און איך קען שטארק באשטיין צו זען א מער סאציאליסטישע עקאנאמיע, א מער ליבעראלע פאליטיק, און א מער פראגרעסיווע קולטור אין פלאץ.
- אין טעאריע זע איך די אלע זאכן הערליך, אין טעאריע ברענגט דאס אלעס מער גוטס און מער צופרידנהייט פאר יעדעם, און אין טעאריע וואלט ווען יעדער געדארפט אליין דאס מכיר זיין און שטרעבן דערצו.
אבער ווי גייט נאר די פאלקס ציטאט?! "אין טעאריע זענען טעאריע מיט פראקטיק די זעלבע, אין פראקטיק זענען זיי אבער נישט"..
- האבענדיג מיינע חלומות און וויזיעס פאר א מער פראספערעס וועלט האב איך אבער אלץ פארשטאנען אז עס זענען דא אנדערע וואס האלטן און פארשטייען אנדערש, און עס זענען פארהאן מענטשן מיט אנדערע פילאזאפיעס וואס ציען צו אנדערע מסקנות ווי מיר, און ארויפצווינגען מיינע שטרעבונגען אויף זיי איז נישט נאר אומרעאליסטיש און אומדעמאקראטיש, נאר עס גייט זאגאר אנטקעגן די עצם אידעאלאגיע מיינע, ווייל ליבעראליזם נעמט אריין פרידאם פאר יעדעם צוגלייך – אויך פרייהייט צו מאכן טעותים און האלטן אנדערש פון מיר אנע לעגאלע קאנצעקווענצן, און פראגרעסיע נעמט אריין עמפאטיע און פארשטאנד אפי' צום קעגנער און אפי' צום אידיאט.
דאס איז אבער די פלאץ וואו דעמאקראטן אין די לעצטע פאר יאר האבן גענומען אן אנדערע דריי און בכלליות זיך נישט גערעכנט מיט אזעלכע חשבונות.
עס קען זיין זיי האבן פארשטאנען אנדערש, עס קען זיין זיי האבן יא געהאלטן אז פילאזאפיעס קען מען ארויפצווינגען, עס קען זיין זיי האבן פשוט גענוצט פאוער פאר קארופציע וואס זיי האבן געוואלט מתחילה, אדער קען זיין אז עס איז פארהאן אביסל נואנס דערין, אין קורצן – א קאמבינאציע פון מאכט, קולטור, און פאפולאריטעט, האט זיי אריינגעפירט אין א שטיקל עקא-טשעמבער וואס איינמאל אריין איז זייער שווער ארויסצוקריכן, און בשילוב דאס אז רוב מענטשן וואס זענען מיטגעגאנגען און אקטיוויזירט דערין זענען נישט די קלוגסטע בלשון המעטה און פארשטייען נישט צו קיין נואנס בכלל נאר נעמען עס אן אלס אידענטיטי פאליטיק, דאס האט זיי מעגליך שנעל אראפגעפירט פון די געוואונטשענע רעלסן. מי יודע?
ע"כ היסטאריע.
_______________
וואס האט זיך אפגעשפילט אין די פארגאנגענע פאר חדשים איז זיכער נישט קיין נייעס, העריס איז געווארן די קאנדידאט אן די אפציעלע צושטימונג פונעם פאלק דורך א פריימערי פראצעדור, צו זי איז גוט צו נישט, צו א פרוי איז צו שוואך, צו אלס שווארצע טויג זי נישט, צו סיי וועלכע אלטערנאטיוו וואלט געווען בעסער – זענען אלעס הייפאטעטיש – זיכער ווי מ'שטייט יעצט.
אבער דאס איז אמאל זיכער אז די דעמאקראטן זענען געגאנגען מיטן קאפ אין וואנט, אדער בעסער געזאגט, מיטן טעאריע אין וואנט.
- זייער קאנפידענס אין די איידענטיטי פאליטיקס און אין די געדאנק אז אלע דעמאקראטן גייען פאלגזאם נאכקומען, זייער בלינדקייט אז מיטן נוצן 'דעמאקראטיע' אלס שלאג ווארט גייט קיינער נישט וואטן פאר טראמפ, זייער אבסעסיע מיט טראמפ'ס כאראקטער, רעטאריק, און עבירות – צו וואס יעדער נארמאלע מענטש איז שוין אימיונירט, זייער איינגערעדטקייט אז 'עקספערטן', 'עקאנאמיסטן' 'דזשורנאליסטן' און 'פאליטיקאנטן' קענען איבערדרייען מענטשנ'ס געפילן און קאמאן סענס, און זייער האפענונג אז דאס ווארט 'עבארשען' וועט זיי ראטעווען, איז אלס ס"ה אן אנדייטונג וואו טיף זיי האבן זיך אליינס באגראבן אין זייער טעארעטישע רעאליטעט.
AGAIN, איך פערזענליך האלט נאך אלץ אז העריס וואלט געקענט פירן א געלונגענע פרעזידענטשאפט, אבער די וועג וויאזוי זיי האבן דעמאנייזד יעדער טראמפ וואוטער, יעדער וואס האט זיך דערוואגט צו פרעגן פראגעס איבער די אימיגראציע סיטואציע, יעדער וואס האט געהאלטן אז טראמפ איז א בעסערע אפציע פאר וועלטליכע רואיגקייט, און די מיסקאמיוניקאציע און אראגאנץ וואס זיי האבן ארויסגעוויזן כלפי מסביר זיין די בעיסיקס א שטייגער ווי זייער קארטלעך איבער די עקאנאמיע און פאליסי ברייטער גערעדט, און איבער די פערזענליכע מעלות פון העריס, איז א בושה וחרפה.
און איך גיי נישט יעצט אריינגיין אין א גאנצע פאליסי דעבאטע דא פארוואס זי וואלט נאכאלץ לדעתי געווען בעסער, בעיקר ווייל עס איז שוין ממילא אומרעלעוואנט, און אויך ווייל טראמפ גייט יעצט ממילא ארויסווייזן וואס פון זיינע צוזאגן קענען טאקע גערופן ווערן פאליסיס און וואס איז נישט מער ווי ווילדע רעטאריק – עפעס וואס איז נישט קלאר אפי' פאר זיינע שטיציער ביז יעצט.
עס איז אבער יא וויכטיג זיך אפצושטעלן א מינוט איבער וואס טראמפיזם און די עצם געווינס זיינע באדייט פארן עתיד פון פאליטיקס און קולטור.
איך פלאן דא נישט צו זאגן קיינע נביאות'ער, נאר אנאליזירן אביסל מיינע אבזערוואציעס און ארויסברענגען מיינע רויע מחשבות.
______________
דאס איז אביסל unfortunate אז טראמפ גייט געניסן פון די הארעוואניע פאר וואס דעמאקראטן האבן טייער געצאלט, דהיינו, ער גייט אטאמאטיש אנהייבן מיט א גוטע עקאנאמיע – אן עקאנאמיע וואס איז אויף די וועג ארויף. עס איז בעסער ווי סיי וועלכע אנדערע לאנד אין די ערהוילונג פון קאוויד און אינפלאציע. עס האט א געלונגענע דזשאב מארקעט, און האט געגרייכט גאר שטארקע סוקסעסן אין די לעצטע שטיק צייט – אדאנק ביידן, יעצט גייט ער אריינקומען און באקומען די פולע קרעדיט דערפאר אן אריינשטעקן אפי' א פינגער דערין, [עס איז, אגב, זייער ענליך צו וואס עס האט זיך אפגעשפילט אין 2017 ווען ער האט איבערגענומען א מאסיווע עקאנאמיע פון אבאמא]. ווי אויך די מאסיווע אינפראסטראקטור בילל עפעקטס וואס גייען זיך אנהייבן שפירן אונטער טראמפ, און אודאי גייט די קרעדיט ווערן פארשריבן צו אים.
אבער וואס איז מער באזארגענד איז די פאקט אז ווי גוט ער איז יא אדער נישט, געשעט למעשה אז נארסיסיזם און עגא'איזם צאלט זיך אים אויס, זאגן ליגנט ווי אשרי, אראפשלעפן די רעטאריק פון לאנד, אונטערהיצן די צוטיילונג, און אונטערהאקן וויכטיגע דעמאקראטישע אינסטיטוציעס, ווערט באלוינט מיט א פרישע געווינס.
אויך איז unfortunate אז ביידען און דעמאקראטן גייען נישט באקומען קיין שום אנערקענונג פארן יא זיך האלטן ציוויל און יא אנערקענען אין די וואלן און איבערגעבן דאס בענקל בכבוד'יג, ובכלל פארן נאכגיין פראצעדורן און ציוויליזירטע אספיראציעס כאטש האלב נארמאל.
טראמפ האט דערצו א באזע פון פארקויפטע חסידים וואס זאל ער נאר שטורעמען די קאפיטאל, לייקענען עלעקשאנס, רעיפן פרויען, אדער הרג'ענען איינעם אויף 5'טע עוועניו – וועלן זיי אים נאך אלץ פארטיידיגן און גאר באשולדיגן די קעגנער אין יוסטיץ פאליטיזאציע.
און אויב איז דאס נישט שלעכט פאר זיך, קומט צו די געדאנק אז ער צאלט נישט קיין פרייז און דארף נישט נעמען קיין רעספאנסיביליטי פאר זיינע מעשים בשום פנים.
ער קומט אריין צום ווייסן הויז אן קיין פלאן צו געווינען אדער מעגליך פארלירן א קומענדיגע מאל, ער קומט אריין ארומגענומען מיט מענטשן וואס זענען אויסגעקליבן געווארן דייקא צוליב אומצוויידייטיגע געטריישאפט צו אים, ער קומט (מעגליך) אריין צוזאמען מיט א מאיאריטעט אין ביידע הייזער, ער נעמט איבער די לייצעס פון א צוטיילטע לאנד וואו ער זוכט אפי' נישט אויסצונעמען גוט ביי קיינער פון זיינע קעגנער, ער קומט אריין אין אפיס מיטן האבן מצליח געווען אריינצובאקן דעם געדאנק אז די מידיע איז קארופטירט און אז די יוסטיץ סיסטעם איז פאליטיזירט אנטקעגן אים, ער קומט אריין מיט א פלאטע פון קאנספיראטארן וואס שטייען גרייט צו פארווישן יעדע פון זיינע אקציעס בעת אויפבלאזן די שעדליכקייט פון זיינע קריטיקירער.
אין אנדערע ווערטער עס איז דא זייער ווייניג טשעקס און בעלענסעס געבליבן אים צו האלטן אין פלאץ אדער אים צו געבן סיי וועלכע אינסענטיוו צו זיין אפי' אביסל נארמאל.
לאמיר נישט פארגעסן פונעם מעגליכקייט אריינצושטופן נאך איינעם (אדער גאר צוויי) אין די סופרים קאורט, אים געבנדיג א פרעצעדענטלאזע איבערוואג.
דאס איז אלעס נאר כלפי אמעריקע. ווען עס קומט קיין אייראפע האט עס אויך שטארקע קאנצעקווענצן, ווען מ'זעט אז פאפוליזם און אויפגעהייטערטע רעטאריק נעמט גוט אויס און צאלט זיך גוט אויס – אויב נאר דרוקט מען די ריכטיגע קנעפלעך און אויב נאר קען מען אנצייגן אויף די 'פרעמדע אינוואדירער' וואס זענען שולדיג אין אלעם בייזן. און נישט אז זיך זארגן איבער אימיגראציע און איבער עס קאנטראלירן איז עפעס שלעכט לדעתי, עס איז נאר ווייטאגליך אז דאס שטעלט זיך ארויס צו קומען מיטן פעקל פון שטארק-רעכטע פאליטיקס וכל מרעין בישין דאית להו.
טראמפ'ס לאנג-טערמיניגע סטראטעגיע באשטייט פון איין זאך, און דאס איז אז זיין נאמען זאל זיין גוט ווי ווייט ער קען פאראויס-קוקן, און הענס ער האט א קורצע וויזיע, מיינט עס אז זיין אויסערן פאליטיק אגענדע איז זייער קורצזיכטיג און זייער וואנרעבל צו זיינע געפילן מאמענטאל, וואס פאר א סיבה איז פוטין יעצט היבש צופרידן.. און דאס איז סכנה'דיג – אפגעזען ווי רואיג די מצב איז אין די קורצע 4 יאר וואס ער שטייט מיטן שטעקן אויפן פאדיום.
אין חדר, לדוגמא, ווייסט מען אז א מלמד איז מען דן לויט לאנג-טערמיניגע תוצאות נישט נאר לויט קורצזיכטיגע דיציפלין, זעט אבער אויס אין פאליטיקס קען עס האבן אנדערע כללים.
אפגערעדט אז גלאבאליזאציע און זיך זארגן פאר דריטע-וועלט לענדער און וועלטליכע פראספעריטי ווערט יעצט אפגעווישט פונעם אמעריקאנעם אגענדע, און גייט גאר מעגליך שלאפן פאר אייביג.
פארשטייט זיך, ווי געזאגט פריער, אויף א גרויס טייל פון די פראבלעמען זענען די לינקע באמת זיך אליין שולדיג, און האבן צוגעפירט דערצו במו ידיהם, דאס נעמט אבער נישט אוועק פונעם סכנה פון א צולאזטע רעכטע רעאקציע, און פון די שעדליכקייט פון א באנדע וואס שטעלן זיך אפי' נישט אהער דיפלאמאטיש אדער צו קעירן פאר קיין פאקטן, און זענען גרייט צו טון וואס-אומער אונטערן טיטל 'צוריק צושטעלן דאס לאנד'...
קיינער האט מיר נאכנישט איבערצייגט אז די פרישע WOKISM וואס מ'גייט זען אויף די רעכטע זייט ארויפשפראצן איז סיי וויאזוי בעסער ווי די לינקע פון וואו מיר קומען.. אויב עפעס פארקערט.
און עס גייט קומען! ווייל נאך אלעם פארמאגן די רעכטע אויך מענטשן וואס זענען נאריש, פאנאטיש, פארטיזאנער, און גרייט פאר א מאסיווע אידענטיטעט נקמה..
וויאזוי טאקע גייט אויסזען דאס 'צוריקשטעלן'?
פראפעסיאנאלע מידיע ווי געזאגט איז א פארגאנגענהייט, צו וואס זיך בכלל רעכענען מיט די 'בייעסד-לעגעסי מידיע' אויב קען מען באקומען געוואלדיגע און בעסערע רעיטינגס אין 'אלטערנאטיווע מידיע'?!
צו פראדזשעקט 2025 גייט זיין א רעאליטעט ווייס איך נישט, אבער די יוסטיץ סיסטעם איז שוין יעצט אומבאגלייבט ביי זיינע שטיצער, סייענטיסן זענען סתם בעלי גאוה, און ווער דארף בכלל סיי וועלכע אביעקטיוויטעט אויב 'אייגענע ריסערטש' איז אסאך מער עפעקטיוו?!
ווען די עיקר איז 'פרי ספיטש' ווער קוקט נאך בכלל אויף 'פאקטן'?! נישט קיין וואונדער אז טשורטשיל קומט אויס צו זיין ערגער ווי היטלער, אדער אז וואקסינאציעס זענען ערגער ווי מחלות אליין, אודאי מאכט סענס צו האלטן אז די וועלט איז פלאך און אז דיינעסאורס איז א גאווערמענט האוקס, אפגערעדט אז די לבנה לאנדונג, קאוויד, קלימאטן טויש, האריקעינס, און 9/11, זענען ריזיגע קאנספיראציעס געשטופט דורך די 'דיעפ סטעיט' און מעגליך 'די אידן'...
"איך זאג גארנישט – איך פרעג נאר..." גייט פארשטייט זיך די סלאגאן.
א באהאלטענע 'דיעפ סטעיט' איבער וואס מ'קען גארנישט אנצייגן חוץ דעם 'וויאזוי דען?' קארטל – איז לכאו' אסאך מער שעדליך ווי אפענע קאלאבאראציע צווישן סאציאלע מידיע און גאווערמענט, און ווי א פרעזידענט וואס סטראשעט אפען מיט אלעם בייזן אנקעגן וואס עס געפעלט אים נישט... 'כאטש זאגט ער עס אפן' גייט די ענטפער – וואס איך פארשטיי ליידער נישט..
________________
אבער צו ענדיגן מיט די גוטע זייט פון דאס אלעם.
עס איז צום האפן און צום אננעמען, אז כאטש די גאנצע אויבנדערמאנטע, איז דעמאקראטיע פארט גענוג שטארק, און די מענטשהייט איז גענוג באגלייבט, אז סיי וועלכע מאד עס נעמט אונז איבער פאר א וויילע – קען מען זיך אלס אויסטשוכענען דערפון און צוריקקומען צום 'נארמאל'.
עס לאזט זיך האפן אז טראמפ'ס אייגענע עגא [וואס האט אים געברענגט ביז אהער] וועט אים ווייטער פירן אויף א וועג וואו ער זאל כאטש וועלן בלייבן מיט א גוטע לעגעסי – מיינענדיג, אז ער גייט פארט ארויסקוקן אויפן אביעקטיווע טובה פונעם לאנד נאך אלעם.
הויפטזעכליך לאזט זיך האפן אז דעמאקראטן וועלן לאנדן, זיך קוקן אין שפיגל אביסל, און מאכן א שטיקל חשבון הנפש. פאטענציאל פראבירן צו פאררעכטן וואס זיי האבן שאדן געמאכט ביז אהער, און אנהייבן קוקן ברייטער אויפן וועלט און אויף די אנדערע זייט פונעם באנק, און האפענטליך אנהייבן צו אריינברענגען דזשענאליזם, סייענס, און עקספערטיזם למטה מעשרה – אן קיין אטאריטעריען נאכ-טעם דערצו.
און איבער אלעם קען מען ערווארטן אז טראמפ זאל כאטש טאקע צושטעלן די אלע גוטע חלקים וואס ער האט פארשפראכן, און ער זאל טאקע קענען אויסראטן קארופציע און איבריגע ספענדינג והמסתעף פון וואו עס באלאנגט נישט, און אז די לאנד זאל איינמאל פאר אלעמאל צוריק ווערן שטארק און יונייטעד!!
גאד בלעסס אמעריקע!
נ.ב. הרבה יותר ממה שקראתי יש כאן, אבער כדי צו זען דעם ארטיקל ארויס נאך היינט וועל איך מיר באגענוגן מיט דעם. ועוד חזון למועד.
טראמפ איז ארויס דער קלארער געווינער און עס איז צייט פאר זעלבסט רעפלעקציע.
רעפלעקציע אויפ'ן קאמפיין ביז אהער, רעפלעקציע אויף דעמאקראטישע פאליטיקס, וויזיע, און קאנדוקט, אין די לעצטע פאר יאר, רעפלעקציע וואס דאס באדייט אויפן עתיד, צוזאמען מיט האפענונג פאר די קומענדיגע פאר יאר אונטער א טראמפ פרעזידענטשאפט.
און ניין, איך בין נישט ביי די מיינונג אז אמעריקע אדער די וועלט גייט אונטער, ניטאמאל איז עס די ענדע פון דעמאקראטיע, און זיכער ערווארט אונז נישט ביים טיר קיין צווייטע היטלער.
עס איז אבער יא די ענדע פון די דעמאקראטישע זעלבסט זיכערקייט, די אנדייטונג איבער א נייע סארט מידיע לענדסקעיפ – אין וואו פאדקאסטס און סאציאלע מידיע פארנעמען דעם אויבן-אן אין פאליטיק, א מאסיווע טויש אין אינטערנאציאנאלע רעלעישאנס און דיפלאמאטישע באציאונגען, א מעגליכע סוף צו דעם ליבעראלע גלאבאליזאציע וויזיע, א שטויס קראפט צום רעכטן אויפשטייג אין די מערב וועלט, און די אנהייב פון אן עפאכע אין וואו די פאליטישע כללים זענען גאר גאר אנדערש ווי ביז היינט.
און לאמיר צונעמען איינס ביי איינס צושטייטלעך.
_______________
עס איז נישט קיין סוד מער פאר קיינעם אז די דעמאקראטן האבן גענומען א שלעכטע דריי איבער די לעצטע פאר יאר אין אסאך אספעקטן.
אנגעהויבן ביי די מידיע, וואס איז אלס געווארן מער און מער לינק גענויגט, און אויב איז די מערכה אנטקעגן טראמפ נישט געווען גענוג דאס איבערצוצייגן האט זיך דאס כסדר ארויסגעוויזן אויף א שטערקערן פארנעם, די קלימאטן טויש מערכה, די אנטי-ראסיזם אנדרייעריי, די שטילקייט איבער אימיגראציע פראבלעמען, קאוויד והמסתעף, קענסלען דעות וואס געפעלט זיי נישט, בלאזן איבער די ראשע קאלושען, די האנטער ביידן לעפטאפ מעשה, איגנארירן ביידנס קאגניטיווע שוואכקייטן, נישט קריטיקירן העריס איבער איר פערפארמענס, די ענדלאזע האקעריי איבער JAN 6 און די נאצישקייט פון טראמפ. און אזוי ווייטער און ווייטער.
אקאדעמיע איז ווידער נישט קיין סוד אז עס איז געווארן לינק שבלינק, אנגעהויבן מיט די אלע WOKE אגענדעס ווי אנטי-קעלאניאליזם, אנטי-ראסיזם, פעמיניזם, אראפ ביז טרענסג'ענדעריזם, און פרא-פאלעסטינע אקטיוויזם, ווי אויך די שטארקע פאליטיזאציע פון די ווייכע סייענסעס (א שטייגער ווי סאציאלאגיע) און די ווייכע פאליטיזאציע פון די הארטע סייענסעס (ווי געזען מיט קלימאטן סייענס און ביי קאוויד).
קולטור, האבן זיי אויך געהאט א שטארקע איינפלוס איבער, ווי DEI האט איבערגענומען אסאך מארקעטס אלס א דבר פשוט, קענסלען מענטשן אויף מייקרא-אגרעסיע איז געווארן נארמאליזירט, BLM איז הייס בארעכטיגט, און פרויען האבן געדארפט פארלירן אין ספארטס וויבאלד טראנג'ענדעריזם איז לעת עתה א וויכטיגערע אישו.
נאך די אויבנדערמאנטע איז נישט קיין ווינדער אז אין פאליטיקס האט זיך דאס אסאך אנגעוויזן, סיי וואו זייער אסאך איז געווארן אידענטיטי פאליטיקס, אנגעהויבן מיטן סופרים קאורט ביז צו יעדער שמויגער אין די FBI וואס לייגן היינט אויס זייער בייעסעס ברבים, און אודאי מיטן זיך פילן באקוועם אלס די עליטע נאכן האבן איינגענומען קולטור, אקאדעמיע, ועל כולם די מידיע.
דאס אלעס איז צום זעלבן צייט נישט קיין קריטיק פון מיין זייט איבער די עצם פראגרעסיווע אידעאלאגיע, אדרבה, אין טעאריע בין איך שטארק מסכים מיט רוב פון וואס זיי שטיצן, און איך קען שטארק באשטיין צו זען א מער סאציאליסטישע עקאנאמיע, א מער ליבעראלע פאליטיק, און א מער פראגרעסיווע קולטור אין פלאץ.
- אין טעאריע זע איך די אלע זאכן הערליך, אין טעאריע ברענגט דאס אלעס מער גוטס און מער צופרידנהייט פאר יעדעם, און אין טעאריע וואלט ווען יעדער געדארפט אליין דאס מכיר זיין און שטרעבן דערצו.
אבער ווי גייט נאר די פאלקס ציטאט?! "אין טעאריע זענען טעאריע מיט פראקטיק די זעלבע, אין פראקטיק זענען זיי אבער נישט"..
- האבענדיג מיינע חלומות און וויזיעס פאר א מער פראספערעס וועלט האב איך אבער אלץ פארשטאנען אז עס זענען דא אנדערע וואס האלטן און פארשטייען אנדערש, און עס זענען פארהאן מענטשן מיט אנדערע פילאזאפיעס וואס ציען צו אנדערע מסקנות ווי מיר, און ארויפצווינגען מיינע שטרעבונגען אויף זיי איז נישט נאר אומרעאליסטיש און אומדעמאקראטיש, נאר עס גייט זאגאר אנטקעגן די עצם אידעאלאגיע מיינע, ווייל ליבעראליזם נעמט אריין פרידאם פאר יעדעם צוגלייך – אויך פרייהייט צו מאכן טעותים און האלטן אנדערש פון מיר אנע לעגאלע קאנצעקווענצן, און פראגרעסיע נעמט אריין עמפאטיע און פארשטאנד אפי' צום קעגנער און אפי' צום אידיאט.
דאס איז אבער די פלאץ וואו דעמאקראטן אין די לעצטע פאר יאר האבן גענומען אן אנדערע דריי און בכלליות זיך נישט גערעכנט מיט אזעלכע חשבונות.
עס קען זיין זיי האבן פארשטאנען אנדערש, עס קען זיין זיי האבן יא געהאלטן אז פילאזאפיעס קען מען ארויפצווינגען, עס קען זיין זיי האבן פשוט גענוצט פאוער פאר קארופציע וואס זיי האבן געוואלט מתחילה, אדער קען זיין אז עס איז פארהאן אביסל נואנס דערין, אין קורצן – א קאמבינאציע פון מאכט, קולטור, און פאפולאריטעט, האט זיי אריינגעפירט אין א שטיקל עקא-טשעמבער וואס איינמאל אריין איז זייער שווער ארויסצוקריכן, און בשילוב דאס אז רוב מענטשן וואס זענען מיטגעגאנגען און אקטיוויזירט דערין זענען נישט די קלוגסטע בלשון המעטה און פארשטייען נישט צו קיין נואנס בכלל נאר נעמען עס אן אלס אידענטיטי פאליטיק, דאס האט זיי מעגליך שנעל אראפגעפירט פון די געוואונטשענע רעלסן. מי יודע?
ע"כ היסטאריע.
_______________
וואס האט זיך אפגעשפילט אין די פארגאנגענע פאר חדשים איז זיכער נישט קיין נייעס, העריס איז געווארן די קאנדידאט אן די אפציעלע צושטימונג פונעם פאלק דורך א פריימערי פראצעדור, צו זי איז גוט צו נישט, צו א פרוי איז צו שוואך, צו אלס שווארצע טויג זי נישט, צו סיי וועלכע אלטערנאטיוו וואלט געווען בעסער – זענען אלעס הייפאטעטיש – זיכער ווי מ'שטייט יעצט.
אבער דאס איז אמאל זיכער אז די דעמאקראטן זענען געגאנגען מיטן קאפ אין וואנט, אדער בעסער געזאגט, מיטן טעאריע אין וואנט.
- זייער קאנפידענס אין די איידענטיטי פאליטיקס און אין די געדאנק אז אלע דעמאקראטן גייען פאלגזאם נאכקומען, זייער בלינדקייט אז מיטן נוצן 'דעמאקראטיע' אלס שלאג ווארט גייט קיינער נישט וואטן פאר טראמפ, זייער אבסעסיע מיט טראמפ'ס כאראקטער, רעטאריק, און עבירות – צו וואס יעדער נארמאלע מענטש איז שוין אימיונירט, זייער איינגערעדטקייט אז 'עקספערטן', 'עקאנאמיסטן' 'דזשורנאליסטן' און 'פאליטיקאנטן' קענען איבערדרייען מענטשנ'ס געפילן און קאמאן סענס, און זייער האפענונג אז דאס ווארט 'עבארשען' וועט זיי ראטעווען, איז אלס ס"ה אן אנדייטונג וואו טיף זיי האבן זיך אליינס באגראבן אין זייער טעארעטישע רעאליטעט.
AGAIN, איך פערזענליך האלט נאך אלץ אז העריס וואלט געקענט פירן א געלונגענע פרעזידענטשאפט, אבער די וועג וויאזוי זיי האבן דעמאנייזד יעדער טראמפ וואוטער, יעדער וואס האט זיך דערוואגט צו פרעגן פראגעס איבער די אימיגראציע סיטואציע, יעדער וואס האט געהאלטן אז טראמפ איז א בעסערע אפציע פאר וועלטליכע רואיגקייט, און די מיסקאמיוניקאציע און אראגאנץ וואס זיי האבן ארויסגעוויזן כלפי מסביר זיין די בעיסיקס א שטייגער ווי זייער קארטלעך איבער די עקאנאמיע און פאליסי ברייטער גערעדט, און איבער די פערזענליכע מעלות פון העריס, איז א בושה וחרפה.
און איך גיי נישט יעצט אריינגיין אין א גאנצע פאליסי דעבאטע דא פארוואס זי וואלט נאכאלץ לדעתי געווען בעסער, בעיקר ווייל עס איז שוין ממילא אומרעלעוואנט, און אויך ווייל טראמפ גייט יעצט ממילא ארויסווייזן וואס פון זיינע צוזאגן קענען טאקע גערופן ווערן פאליסיס און וואס איז נישט מער ווי ווילדע רעטאריק – עפעס וואס איז נישט קלאר אפי' פאר זיינע שטיציער ביז יעצט.
עס איז אבער יא וויכטיג זיך אפצושטעלן א מינוט איבער וואס טראמפיזם און די עצם געווינס זיינע באדייט פארן עתיד פון פאליטיקס און קולטור.
איך פלאן דא נישט צו זאגן קיינע נביאות'ער, נאר אנאליזירן אביסל מיינע אבזערוואציעס און ארויסברענגען מיינע רויע מחשבות.
______________
דאס איז אביסל unfortunate אז טראמפ גייט געניסן פון די הארעוואניע פאר וואס דעמאקראטן האבן טייער געצאלט, דהיינו, ער גייט אטאמאטיש אנהייבן מיט א גוטע עקאנאמיע – אן עקאנאמיע וואס איז אויף די וועג ארויף. עס איז בעסער ווי סיי וועלכע אנדערע לאנד אין די ערהוילונג פון קאוויד און אינפלאציע. עס האט א געלונגענע דזשאב מארקעט, און האט געגרייכט גאר שטארקע סוקסעסן אין די לעצטע שטיק צייט – אדאנק ביידן, יעצט גייט ער אריינקומען און באקומען די פולע קרעדיט דערפאר אן אריינשטעקן אפי' א פינגער דערין, [עס איז, אגב, זייער ענליך צו וואס עס האט זיך אפגעשפילט אין 2017 ווען ער האט איבערגענומען א מאסיווע עקאנאמיע פון אבאמא]. ווי אויך די מאסיווע אינפראסטראקטור בילל עפעקטס וואס גייען זיך אנהייבן שפירן אונטער טראמפ, און אודאי גייט די קרעדיט ווערן פארשריבן צו אים.
אבער וואס איז מער באזארגענד איז די פאקט אז ווי גוט ער איז יא אדער נישט, געשעט למעשה אז נארסיסיזם און עגא'איזם צאלט זיך אים אויס, זאגן ליגנט ווי אשרי, אראפשלעפן די רעטאריק פון לאנד, אונטערהיצן די צוטיילונג, און אונטערהאקן וויכטיגע דעמאקראטישע אינסטיטוציעס, ווערט באלוינט מיט א פרישע געווינס.
אויך איז unfortunate אז ביידען און דעמאקראטן גייען נישט באקומען קיין שום אנערקענונג פארן יא זיך האלטן ציוויל און יא אנערקענען אין די וואלן און איבערגעבן דאס בענקל בכבוד'יג, ובכלל פארן נאכגיין פראצעדורן און ציוויליזירטע אספיראציעס כאטש האלב נארמאל.
טראמפ האט דערצו א באזע פון פארקויפטע חסידים וואס זאל ער נאר שטורעמען די קאפיטאל, לייקענען עלעקשאנס, רעיפן פרויען, אדער הרג'ענען איינעם אויף 5'טע עוועניו – וועלן זיי אים נאך אלץ פארטיידיגן און גאר באשולדיגן די קעגנער אין יוסטיץ פאליטיזאציע.
און אויב איז דאס נישט שלעכט פאר זיך, קומט צו די געדאנק אז ער צאלט נישט קיין פרייז און דארף נישט נעמען קיין רעספאנסיביליטי פאר זיינע מעשים בשום פנים.
ער קומט אריין צום ווייסן הויז אן קיין פלאן צו געווינען אדער מעגליך פארלירן א קומענדיגע מאל, ער קומט אריין ארומגענומען מיט מענטשן וואס זענען אויסגעקליבן געווארן דייקא צוליב אומצוויידייטיגע געטריישאפט צו אים, ער קומט (מעגליך) אריין צוזאמען מיט א מאיאריטעט אין ביידע הייזער, ער נעמט איבער די לייצעס פון א צוטיילטע לאנד וואו ער זוכט אפי' נישט אויסצונעמען גוט ביי קיינער פון זיינע קעגנער, ער קומט אריין אין אפיס מיטן האבן מצליח געווען אריינצובאקן דעם געדאנק אז די מידיע איז קארופטירט און אז די יוסטיץ סיסטעם איז פאליטיזירט אנטקעגן אים, ער קומט אריין מיט א פלאטע פון קאנספיראטארן וואס שטייען גרייט צו פארווישן יעדע פון זיינע אקציעס בעת אויפבלאזן די שעדליכקייט פון זיינע קריטיקירער.
אין אנדערע ווערטער עס איז דא זייער ווייניג טשעקס און בעלענסעס געבליבן אים צו האלטן אין פלאץ אדער אים צו געבן סיי וועלכע אינסענטיוו צו זיין אפי' אביסל נארמאל.
לאמיר נישט פארגעסן פונעם מעגליכקייט אריינצושטופן נאך איינעם (אדער גאר צוויי) אין די סופרים קאורט, אים געבנדיג א פרעצעדענטלאזע איבערוואג.
דאס איז אלעס נאר כלפי אמעריקע. ווען עס קומט קיין אייראפע האט עס אויך שטארקע קאנצעקווענצן, ווען מ'זעט אז פאפוליזם און אויפגעהייטערטע רעטאריק נעמט גוט אויס און צאלט זיך גוט אויס – אויב נאר דרוקט מען די ריכטיגע קנעפלעך און אויב נאר קען מען אנצייגן אויף די 'פרעמדע אינוואדירער' וואס זענען שולדיג אין אלעם בייזן. און נישט אז זיך זארגן איבער אימיגראציע און איבער עס קאנטראלירן איז עפעס שלעכט לדעתי, עס איז נאר ווייטאגליך אז דאס שטעלט זיך ארויס צו קומען מיטן פעקל פון שטארק-רעכטע פאליטיקס וכל מרעין בישין דאית להו.
טראמפ'ס לאנג-טערמיניגע סטראטעגיע באשטייט פון איין זאך, און דאס איז אז זיין נאמען זאל זיין גוט ווי ווייט ער קען פאראויס-קוקן, און הענס ער האט א קורצע וויזיע, מיינט עס אז זיין אויסערן פאליטיק אגענדע איז זייער קורצזיכטיג און זייער וואנרעבל צו זיינע געפילן מאמענטאל, וואס פאר א סיבה איז פוטין יעצט היבש צופרידן.. און דאס איז סכנה'דיג – אפגעזען ווי רואיג די מצב איז אין די קורצע 4 יאר וואס ער שטייט מיטן שטעקן אויפן פאדיום.
אין חדר, לדוגמא, ווייסט מען אז א מלמד איז מען דן לויט לאנג-טערמיניגע תוצאות נישט נאר לויט קורצזיכטיגע דיציפלין, זעט אבער אויס אין פאליטיקס קען עס האבן אנדערע כללים.
אפגערעדט אז גלאבאליזאציע און זיך זארגן פאר דריטע-וועלט לענדער און וועלטליכע פראספעריטי ווערט יעצט אפגעווישט פונעם אמעריקאנעם אגענדע, און גייט גאר מעגליך שלאפן פאר אייביג.
פארשטייט זיך, ווי געזאגט פריער, אויף א גרויס טייל פון די פראבלעמען זענען די לינקע באמת זיך אליין שולדיג, און האבן צוגעפירט דערצו במו ידיהם, דאס נעמט אבער נישט אוועק פונעם סכנה פון א צולאזטע רעכטע רעאקציע, און פון די שעדליכקייט פון א באנדע וואס שטעלן זיך אפי' נישט אהער דיפלאמאטיש אדער צו קעירן פאר קיין פאקטן, און זענען גרייט צו טון וואס-אומער אונטערן טיטל 'צוריק צושטעלן דאס לאנד'...
קיינער האט מיר נאכנישט איבערצייגט אז די פרישע WOKISM וואס מ'גייט זען אויף די רעכטע זייט ארויפשפראצן איז סיי וויאזוי בעסער ווי די לינקע פון וואו מיר קומען.. אויב עפעס פארקערט.
און עס גייט קומען! ווייל נאך אלעם פארמאגן די רעכטע אויך מענטשן וואס זענען נאריש, פאנאטיש, פארטיזאנער, און גרייט פאר א מאסיווע אידענטיטעט נקמה..
וויאזוי טאקע גייט אויסזען דאס 'צוריקשטעלן'?
פראפעסיאנאלע מידיע ווי געזאגט איז א פארגאנגענהייט, צו וואס זיך בכלל רעכענען מיט די 'בייעסד-לעגעסי מידיע' אויב קען מען באקומען געוואלדיגע און בעסערע רעיטינגס אין 'אלטערנאטיווע מידיע'?!
צו פראדזשעקט 2025 גייט זיין א רעאליטעט ווייס איך נישט, אבער די יוסטיץ סיסטעם איז שוין יעצט אומבאגלייבט ביי זיינע שטיצער, סייענטיסן זענען סתם בעלי גאוה, און ווער דארף בכלל סיי וועלכע אביעקטיוויטעט אויב 'אייגענע ריסערטש' איז אסאך מער עפעקטיוו?!
ווען די עיקר איז 'פרי ספיטש' ווער קוקט נאך בכלל אויף 'פאקטן'?! נישט קיין וואונדער אז טשורטשיל קומט אויס צו זיין ערגער ווי היטלער, אדער אז וואקסינאציעס זענען ערגער ווי מחלות אליין, אודאי מאכט סענס צו האלטן אז די וועלט איז פלאך און אז דיינעסאורס איז א גאווערמענט האוקס, אפגערעדט אז די לבנה לאנדונג, קאוויד, קלימאטן טויש, האריקעינס, און 9/11, זענען ריזיגע קאנספיראציעס געשטופט דורך די 'דיעפ סטעיט' און מעגליך 'די אידן'...
"איך זאג גארנישט – איך פרעג נאר..." גייט פארשטייט זיך די סלאגאן.
א באהאלטענע 'דיעפ סטעיט' איבער וואס מ'קען גארנישט אנצייגן חוץ דעם 'וויאזוי דען?' קארטל – איז לכאו' אסאך מער שעדליך ווי אפענע קאלאבאראציע צווישן סאציאלע מידיע און גאווערמענט, און ווי א פרעזידענט וואס סטראשעט אפען מיט אלעם בייזן אנקעגן וואס עס געפעלט אים נישט... 'כאטש זאגט ער עס אפן' גייט די ענטפער – וואס איך פארשטיי ליידער נישט..
________________
אבער צו ענדיגן מיט די גוטע זייט פון דאס אלעם.
עס איז צום האפן און צום אננעמען, אז כאטש די גאנצע אויבנדערמאנטע, איז דעמאקראטיע פארט גענוג שטארק, און די מענטשהייט איז גענוג באגלייבט, אז סיי וועלכע מאד עס נעמט אונז איבער פאר א וויילע – קען מען זיך אלס אויסטשוכענען דערפון און צוריקקומען צום 'נארמאל'.
עס לאזט זיך האפן אז טראמפ'ס אייגענע עגא [וואס האט אים געברענגט ביז אהער] וועט אים ווייטער פירן אויף א וועג וואו ער זאל כאטש וועלן בלייבן מיט א גוטע לעגעסי – מיינענדיג, אז ער גייט פארט ארויסקוקן אויפן אביעקטיווע טובה פונעם לאנד נאך אלעם.
הויפטזעכליך לאזט זיך האפן אז דעמאקראטן וועלן לאנדן, זיך קוקן אין שפיגל אביסל, און מאכן א שטיקל חשבון הנפש. פאטענציאל פראבירן צו פאררעכטן וואס זיי האבן שאדן געמאכט ביז אהער, און אנהייבן קוקן ברייטער אויפן וועלט און אויף די אנדערע זייט פונעם באנק, און האפענטליך אנהייבן צו אריינברענגען דזשענאליזם, סייענס, און עקספערטיזם למטה מעשרה – אן קיין אטאריטעריען נאכ-טעם דערצו.
און איבער אלעם קען מען ערווארטן אז טראמפ זאל כאטש טאקע צושטעלן די אלע גוטע חלקים וואס ער האט פארשפראכן, און ער זאל טאקע קענען אויסראטן קארופציע און איבריגע ספענדינג והמסתעף פון וואו עס באלאנגט נישט, און אז די לאנד זאל איינמאל פאר אלעמאל צוריק ווערן שטארק און יונייטעד!!
גאד בלעסס אמעריקע!
נ.ב. הרבה יותר ממה שקראתי יש כאן, אבער כדי צו זען דעם ארטיקל ארויס נאך היינט וועל איך מיר באגענוגן מיט דעם. ועוד חזון למועד.
