חלק ג
דארט אינעם קעניגליכן ווייבער הויז, ביים לינקן פליגל פונעם קעניג'ס פאלאץ, זיצט דארט די יתומה צווישן אנדערע פרויען און זי ווארט.
זי איז נישט די איינציגסטע וואס ווארט, אלע פרויען דא ווארטן, זיי ווארטן אויפן גרויסן נאכט, ווען זיי וועלן זיך געפינען געאיינציגט און אינטימיש מיטן גרויסן קעניג פון דער גרעסטער וועלטסמאכט פון די גאנצע וועלט, דער קעניג פון דער ריזיגע פערסישע אימפעריע, וואס איר שטארקקייט און פעסטקייט הילכט אפ אין די גאנצע וועלט. אט די פרויען ווארטן אויף דעם טאג, בשעת זיי וועלן זוכה זיין צו קענען געאיינציגט ווערן און ביימאנט ווערן דורך דעם גרויסן קייסער.
דער פראצודור איז א לאנגער און עטוואס א שווערער, אבער די פרויען נעמען דאס אן מיט פרייד, גליק און ערווארטונג. זעקס חדשים דארפן זיך די פרויען באדן אין המור אויל און אנדערע זעקס חדשים דארף מען זיך אנשמירן מיט בשמים. דאס איז א טעגליכע פראצודור, וואס מאכט די פלייש און די הויט אויסקוקן שיין און גוט. איבער די פרויען איז געשטעלט הגי, דער הער פונעם קעניג וואס איז געשטעלט אויפן ווייבער הויז, ער דארף זיכער מאכן אז די פרויען פארמאגן נעמען טאקע די אלע וואנעס און אז זיי ווערן געהעריג צוגעגרייט צו דעם גרויסן טאג.
אין דעם ווייבער הויז, דרייט זיך הגי טעגליך ארום, ער באטראכט די פרויען און זעט צי זיי זענען טאקע גענוג שיין און צי זיי גרייטן זיך גענוג צו. אמאל קען ער שטעלן א פרוי אויף א געוויסע דיעטע, זיכער צו מאכן אז זי פאלט אפ וואג. דא קען ער הייסן א פרוי זאל וואשן די האר מיט א געוויסע שאמפא. די פרויען אין פאלאץ דרייען זיך אין הגי'ס אנוועזנהייט אנטבלויזטע פון די קליידונג, דען הגי דארף זען און האלטן חשבון, צי די פרויען זענען טאקע גענוג שיין און ציענד אז עס זאל פאסן פארן קעניג. יעדע פרוי וועט באטראכט מיט זיבן אויגן דורך הגי, זיכער צו מאכן אז אלעס קלאפט. זייענדיג א מבין פארשטייט ער שוין ווי אזוי צוצוגיין דערצו, און אויב באמערקט ער אויף א געוויסע פרוי, אז עס איז פארהאן עפעס א חסרון אין איר, וועט ער גראד זיכער מאכן אז זי באקומט די ריכטיגע באהאנדלונג דערפאר. אזוי האלט ער א פונקטליכע חשבון אויף יעדע פרוי באזונדער, בשעת יעדע איינע ווערט טעגליך באטראכט און בעאבאכט, זיכער צו מאכן אז זי איז טאקע גענוג צוגעשטעלט און גוט פארן קעניג.
יעדע נאכט, ווען עס קומט פארנאכטס, הויבט אן צו הערשן אן אנגעצויגנקייט אין פאלאץ. ווער גייט היינט גיין צום קעניג? - וועמען פון די חבר'טעס גייט דער קעניג היינט ביימאנען? - הגי דרייט זיך ארום אין פאלאץ, באטראכטנדיג אלע ווייבער און אט... הגי צייגט מיט זיין פינגער אויף א פרוי, שיקט איר אריין אין א צימער, זי הויבט זיך אן צוצוגרייטן. זי גייט היינט צום קעניג. דער קעניג גייט זיך איינציגן מיט איר...
אויך די יתומה געפינט זיך דארט אין פאלאץ, אויך זי געפינט זיך צווישן די אלע מיידלעך. טעגליך זיצט זי מיט זיי, פלערטעט מיט זיי ארום און שמועסט געשמאק. הגי דרייט זיך צווישן די פרויען און באמערקט אויך די יתומה צווישן אלעמען.
אנדערש פון אנדערע מיידלעך, האט די יתומה אנגעהויבן צו ווארפן חנ'דלעך אויף הגי. די אנדערע מיידלעך זענען נישט אינטערעסירט אין הגי, זיי קוקן אויף אים ווי א פשוט'ע אויפזעער, וועלכער ערפילט זיין אויפגאבע און מאכט זיכער אז זיי זענען שיין און ריין. די מיידלעך זענען אינטערעסירט בלויז אינעם קעניג און ווארטן שוין קוים אויף אים, אבער אויף הגי פארמאגן זיי נישט קיין שום אינטערעסע. פארקערט גאר, זיי ווילן זיך האלטן ריין און שיין, צו זיין גרייט בלויז פארן קעניג.
אנדערש איז אבער מיט אונזער יתומה. איר פעלט פיל ליבשאפט אין לעבן און דעריבער געפינט זי פאר וויכטיג צו ערפילן איר לאך אין די נשמה. זי האט אנגעהויבן צו ווערן נאנט צו הגי. אנגעהויבן האט זיך עס פון א פשוט'ע אומשולדיגע שמועס, אבער מיטאמאל האט זי זיך דערזען זיך עפענען פאר הגי און אים דערציילן אלע אירע צרות. הגי פלעגט איר שיין אויסהערן און שפירן מיטלייד מיט איר. זי האט אנגעהויבן נושא חן זיין ביי הגי, וועלכער האט געהאט א געפיל פאר איר און געוואלט צושטעלן פאר איר אלע אירע באקוועמליכקייטן.
עס איז נישט געגאנגען אויף איין מאל, אבער זייענדיג אין א פאזיציע, בשעת הגי האט איר געדארפט באקוקן, צי זי איז טאקע גענוג רייף און שיין אנצוקומען צום קעניג, האט איר הגי אלס גע'עצה'ט וואס צו טון אז זי זאל געפעלן פארן קייסער. אזוי באטאפנדיג איר קערפער, פלעגן זיי שמועסן און די יתומה פלעגט זיך אויסרעדן און דערציילן איבער איר לעבן, איבער איר מאן און איבער די יונגן פון גאס. צוביסלעך האט זי אויך אנגעהויבן באטאפן זיין קערפער און צווישן די צוויי איז געווארן אנגעקניפט א נאנטער שייכות.
אן אומגעשמועסטער אפמאך איז געווען צווישן הגי און די יתומה. די יתומה פון איר זייט וועט מיטארבעטן מיט הגי, זי וועט אים באפרידיגן און אים מאכן גוט שפירן, בשעת הגי וועט שפירן פון דעם געשמאקן טעם פון די צובראכענע יתומה, און פון די אנדערע זייט וועט הגי אין אויסטויש זיכער מאכן אז די יתומה קומט טאקע אן צום קעניג, און מען וועט מאכן פראטעקציע אז דאס זאל פארקומען ווי פריער. הגי האט זיכער געמאכט אז די יתומה פון איר זייט איז גוט צוגעגרייט, ער האט איר שיין געמאכט און זיכער געמאכט אז אלעס זאל קלאפן שיין. די שענסטע מיידלעך האט זי צוגעשטעלט פאר די יתומה, אז זיי זאלן איר באדינען. זי האט באקומען די שענסטע צימער און די בעסטע בשמים.
בשעת אנדערע מיידלעך פלעגן זיך ברעכן קאפ און פראבירן צו טראכטן, ווי אזוי זיי קענען זיך שענער מאכן און זיכער מאכן אז זיי געוואונען דעם קאנטעסט און דערגרייכן טאקע צום קעניג, האט די יתומה גארנישט געדארפט טון דערצו. זי האט זיך פארלאזט אויף הגי, וועלכער האט איר געפירט אויף א גאלדענע טאץ. ער האט איר נאכגעקוקט טאג און נאכט און זיכער געמאכט אז זי קומט אן גוט צום קעניג. עס איז איר געגאנגען בנפשו אז זי זאל געוואונעם דעם קאנטעסט. ער איז געווען גייסטיש געבינדן מיט איר.
הגי האט זיכער געמאכט אז די יתומה רוקט זיך פאראויס אין די רייע, זי ווערט שענער פון טאג צו טאג און אז זי ווערט גרייט פארן קעניג. הגי האט דאס נישט געטון בלויז פאר די בענעפיטן פונעם קעניג אדער פון די יתומה. אינצווישן, ביז זי ווערט גרייט פארן קעניג, האט הגי אויך פארזיכט פון די שיינע פלאי הבריאה וואס דער אויבערשטער האט באשאפן. אין די טונקלקייט פון די נעכט פלעגן די צוויי פארברענגען אינאיינעם און ליגן לאנגע שעות. הגי האט איר אויסגעלערנט א פרק אין הלכות אישית, ער האט איר פארוואנדלט פון א תמימות'דיגע מיידל צו אן אויפגעקלערטע דאמע וואס ווייסט פון איר לעבן צו זאגן...
פיל מאל אינמיטן, פלעגן זיי שפילן קעניג מיט קעניגן, בשעת הגי שפילט די ראלע פונעם קעניג, נאכמאכנדיג דעם קעניג אויפן האר, און די יתומה שפילט די ראלע פון די קעניגן... הגי האט דאס ספעציעל ליב געהאט, לייגנדיג אויפן געדאנק, אז אט מיט די דאמע, אין די פאזיציע, וועט דער קעניג פארברענגען נאך אביסל... די מחשבות האבן אים ספעציעל אנגערייצט און אנגעהיצט.
)