ראחמסטריווקא רבי פון ירושלים ר' דוד'ל האט אמאל פארציילט פאר א ידיד.
אין די צייטן וואס כ'האב געוואוינט אין סקווירא מיטן פעטער (רחמיסטריווקא רבי פון בארא פארק זצ"ל).
די פעטער האט געהאט אסאך פרעשור (-רדיפות
), מ'פלעגט נאכקוקן אויב ער קומט צום טיש צו נישט.
אבער מיר האט קיינער נישט נאכגעקוקט, ס'איז זיי נישט אנגעגאנגען אויב כ'בין א שטארקע חסיד צו נישט. ווייל כ'בין דאך א משוגענער... (אוי ווי קלוג איז צו זיין 'נישט נארמאל')
-
די גמרא זאגט אונז שוין אז מ'איז נישט משנה פונעם נימוס המקום. ס'טריגערט מענטשן.
מ'קען פייטן דעם סיסטעם. און מ'קען פשוט זיין אויף אן אנדערע פלאנעט, נישט א חלק פונעם פלאץ. א ספרדי טריגערט נישט דעם סיסטעם, ער איז דאך נישט פון 'אונזערע'.
שעפטי קריגט זיך מיטן סיסטעם? כלל וכלל לא.
כ'האב פשוט ארויסגעטשעקט מער און מער.
כ'לעב זיך אין מיין וועלטעל (-בּאבּעל), מיט מיינע פריינט ווי איך שפיר באקוועם און געשמאק!
כ'האב איין גרויסע קאנסיקווענס - אז כ'בין נישט א 'חלק פונעם סיסטעם'... (אבער ס'איז מיין החלטה לויט מיינע תכונות הנפש).
כ'וואטש זיך עקסטער ווען ס'קומט צו משפחה. אז זיי זאלן עס אננעמען ווי כ'בין אין א דשורני, כ'בין יוניק, אבער חלילה נישט קעגן קיינעם. איך 'כאפ נישט' וויזוי 'נארמאלע' מענטשן טראכטן און פירן זיך אויף.
מיין יונגערע שוועסטער ווייסט ניטאמאל אז כ'האב פארזיכט טיי, זי חלומט נישט וויזוי מיין שטוב קוקט אויס.
כ'פלאן איר נישט צו זאגן, זי פילט סעיף מיטן 'דעת רבים' פונעם סיסטעם, זי איז צופרידן, כ'זיך נישט צו פארדרייען איר קוק אויפן וועלט.
מיינע עלטערן (ווייסן יא אסאך, זיי) דאווענען יעדן טאג כ'זאל תשובה טון (-מיין אידישקייט זאל מעטשען זייער אידישקייט, וואס איז דאך די איינציגסטע פארזיכערטען וועג אויפן וועלט). זיי קענען מיך נישט פארשטיין, ווייל ווען יא, זענען זיי שוין פון לאנג זויווי מיר...
אבער זיי פילן נישט אטאקירט פון מיין לעבנסשטייגער, זיי ווייסן אז איך רעספעקט זיי, און פראביר נישט קיינעם אויפצוקלערן און טוישן. (כ'שאקל מיטן קאפ, יעדעס מאל אונז באזיכן מיינע עלטערן, ווען מיין טאטע זז"ג דערציילט מיר אותות ומופתים פון דעם באבא און יענעם רעבע, האפענדיג דערביי אריינצוברענגן א הרהור תשובה אין מיך. כ'ווער נתפעל פון די מעשיות, כ'בין מוסיף מיט ענדליכע מעשיות וואס כ'האב אויך אליין געהערט און געטראכט. און ס'איז גוט.)
-
ס'איז א טשויס.
אויב דו ווילסט עפעס פונעם סיסטעם דארפסטו הארמענייזן מיט זיי. חוץ טאמער ביסט א גרויסן עושר. ווי ר' חיים בריסקער האט אמאל געזאגט, אויף אלעס באצאלט מען - די ביליגסטע איז מיט געלט.
איך וויל נישט גארנישט פונעם סיסטעם, ניטאמאל א קבר אין זייער ביה"ח. סאו כ'דארף נישט באצאלן מיט מיין פרייהייט פון מיין לעבן!
