אין הכי נמי סענדזשארץ רב הרב קאהן אין זיין תשובה שרייבט טאקע די נקודה אפצופרעגן די נארישע טענה פון די ען עי. און נאך מער שרייבט ער דארט אפצופרעגן אן אנדערע נארישע יסוד וואס די מקילים לייגן אראפ אז וויבאלד אן די האורמאונס פון די מקבלת וועלן די ביציות אפשטארבן, ממילא איז זי די עיקר. שרייבט ער דארט ''צריך עיון מה החילוק בין כל זרע הבעל הרי אם ינוחו כך ימות''. און איך לייג צו, און וואס איז מיט אריינלייגן פארטיגע ביציות וואס דאס איז דאך כו''ע מודה לאיסור, דאס דארף דען נישט צוקומען צו די מקבלת צו קענען סערווייווען? און ר' מענדל זילבר אין זיין תשובה לייגט עס בעסער אראפ, ס'איז דא א כח היצירה, און נאכדעם א כח ההזנה, וואס גיט חיות. למשל א מענטש וואס איז אויף אקסעדזשין וועט איינער זאגן אז די אקסעדזשין גיט אריין זיין מהות אין איהם? ניין! ס'שפייזט אים, ס'גיט אים בלויז חיות. און די זעלבע זענען אלע אויך מודה אז ווען מ'לייגט אריין א פארטיגע ביצה כאטשיג נאכדעם וואקסט עס פון א משהו שבמשהו וואס מ'קען קוים זעהן, צו א גוף שלם מיט הענט אין פיס, און אלעס מיטן כח פון די דם ואברים פון די אשה המקבלת, דאך איז כו''ע מודה אז די יצירה איז שוין פערטיג געווארן בשעת ס'איז געווען א ביצה, און אלעס נאכדעם איז נאר א כח ההזנה וואס מאכט גארנישט אויס לגבי יחוס. ממילא וואס איז אנדערש די קורצע פרעצעדור פון די האורמענס וואס גיט כח פאר די זרע נשתלשל צו ווערן פון די שחלה אריין אינעם רחם אז דאס זאל שוין יא הייסן א יצירה נישט בלויז א כח ההזנה? די מאמע במשך ימי עיבורה גיט דען נישט סאך מער כח און בלוט צו מאכן א גוף שלם, וויפיל די האורמאונס גיבן צו גרייט מאכן די ביצה ראויה להיריון? במילא מאי חזית לחלק בין זו לזו, מתיר צו זיין אזעלכע ענינים חמורים?
ואם יתעקש המתעקש דאולי אפשר יש חילוק בזה, קומט דאך אבער די די ען עי און ווייזט איבער יותר מאלף הוכחות אז די יצירה איז אינגאנצן פארטיג געווארן מיט די יצירת הביצה, אין אלעס נאכדעם איז נישט מער ווי א כח ההזנה, א כח החיות, און במילא איז די גאנצע מהות, אויסזעהן, און תכונת הנפש, פונעם קינד, דומה אינגאצן צו די אשה התורמת, און מיט ''גארנישט'' דומה צו די אשה המקבלת. דארף מען דען נאך א גרעסערע ראיה פון דעם ווער ס'איז די עכטע מאמע?
און בכלל די די נארישע פאלטשע טענה אז ''ווי זעהט מען אז די תורה זאל זיך רעכענען מיט די ען עי'' איז דאך ממש נישט צו פארשטיין! דער וואס וויל מחמיר זיין אז די תורמת איז די ריכטיגע מאמע ווייל די די ען עי ווייזט קלאר אזוי, דארף דא ברענגען א ראיה אז די תורה רעכענט זיך מיט די ען עי, און ביז דעמאלטס איז פשטות אנגענומען אז מ'רעכענט זיך נישט? אדער דער וואס וויל מקיל זיין אז די תורמת איז נישט די מאמע, כאטשיג די מציאות וויייזט קלאר נישט אזוי, דער איז דער וואס דארף ברענגען קלארע ראיות אז די תורה רעכענט זיך נישט מיט די ען עי, און ביז ער ברענגט נישט איז פשטות אנגענומן אז מ'רעכענט זיך יא? געוואלד אין געשריגן ווי רבנים זאלן פאר אביסל געלד נגיעות קענען רעדן אזעלכע שקרים און שטותים!!
און בכלל שרייבט ר' מענדל אין זיין תשובה אז אפילו לקולא ביי עגונות רעכענט מען זיך כסדר מיט די ען עי, כל שכן לחומרא.
און בכלל וויל איך מודיע זיין פאר יעדען, אז דער סענדזשארשער רב, און די זעלבע הרב חיים פרייא, אין זייערע בריוון מאכן אש און פארך פון די אלע כלומר'שטע הוכחות פון מהר''א'ס מכתב און ווייזן אויף קליפ און קלאר אז ס'איז אלעס שקרים מיט זיופים. אדרבה עיין שם בדבריהם.
איך האב גערעדט מיט א סאטמארן איד, א גרויסער תלמיד חכם, א קלוגער איד, דירעקט נישט קיין עקסטרעם פרומער, דירעקט מער אן אויפגעקלערטער, וואס רעגט זיך כסדר אויף די אלע איסורים וחרמים וואס די עקסטרעמע גיבן כסדר ארויס חדשים לבקרים. זאגט ער מיר אז ער האט גוט דורכגעטוהן די זאך מרישא ועד גמירא, און ער איז ממש נבהל ונשתומם ווי מ'קען אזא הארבע זאך מתיר זיין מיט אזעלכע דקות'דיגע חילוקים וואס אפילו גאנץ לינקע רבנים טרויען זיך נישט, ער זאגט מיר אז ס'איז נישט ביים איהם קיין ספק אז ר' יואל מסאטמאר זצ''ל וואלט ממש מרעיש עולומות געווען קעגן אזאלכע פאלטשע היתירים.
במילא וויל איך דא אויסשרייען בקול רעש גדול אנטקעגן די אלע סאטמארע רבנים און דיינים:
אֶת מִי חֵרַפְתם וְגִדַּפְתם וְעַל מִי הֲרִימוֹתם קּוֹל וַתִּשָּׂא מָרוֹם עֵינֶיכם עַל קְדוֹשׁ יִשְׂרָאֵל.!!
ווי וואגט מען זיך מיט אזא קלות און מיט אזעלכע נארישע סברות מתיר צו זיין אזעלכע איסורים חמורים וואס רירט צו דעם עתיד פון כלל ישראל, אלעס ווייל א נגיד מיט טיפע טאשן וויל אזוי??
ווי שעמט עטס ענק נישט פון ענקער הייליגן רבי'ן וואס האט כל ימיו לוחם געווען קעגן די פורצי גדר הקדושה וואס זענען מתיר את השרץ בק''נ טעמים?? מי יגלה עפר מעיניך רבינו יואל בן חנניה יו''ט, אז תלמידים הקרוים על שמו זענען פורץ אזא פירצה חמורה בכרם בית ישראל???
צו די אונטערן פלעיס טאר מען נישט גיין? א סענסע טאר מען נישט האבן? טעקס מעסעדש איז א פראבלעם?
געוואלד און געשריגן, עטס זענטס מתירי ממזרים בישראל !!
געוואלד און געשריגן, עטס ברענגט אריין גוים און גויעס אין כלל ישראל !!
אוי לכם מיום הדין, אוי לכם מיום התוכחה.
