ווי אנדערע האבען שוין געשריבען, געוויסע מענטשען דארפן אינדיד האבן סמארטפאונס כדאי זיי זאלן קענען טון בחדרי חדרים וואס זיי טון יעצט ברבים צוליב דעם וואס זיי האבען נישט קיין סמארטפאן.
אויפן באן אין ניו יארק סיטי זעט מען עס אפט, די וואס האבען סמארטפאונס זענען פארטון אין דעם די גאנצע וועג, ולא נודע כי באו, אזש אפילו פארפעלן זייער סטאַפּ מפעם לפעם. בשעת די וואס האבען נישט לערנען כלומפרשט משניות, אבער 90% פון די צייט באטראכטען זיי סאָמהאו יעדע ערל און שיקסע אויפן וואגאן. פארשטייט זיך נישט יעדער איז אזוי, אבער מ'זעט עס. (איי עסטו פרעגען, אויב איך האב א סמארטפאון וויאזוי זע איך אז יענער לערנט נישט באמת אדער זאגט נישט קיין תהילים, ווייל די נייגעריגע איך אויב ס'איז דא א איד מיט מיר אויפן טרעין וועל איך דא דארט ווארפן אן אויג אויף זיי צו באטראכטן זייער הלוך מלך, אין פאל ס'קומט מיר אמאל צוניץ פאר אן אנאליז אויפן קרעמל. וויפיל מאל דארף איך דאס זאגען אז קרעמל איז שולדיג פאר אלעס?).
די זעלבע ביי די עבודה, פארשטייט זיך נישט יעדער איז אזוי, אבער אסאך וואס האבען פליפ-פאון'ס וועלן האלב צייט נישטערן פאר סיי וואסערע נייעס (מילד גערעדט) זיי קענען נאר צוקומען אויפן געפילטערטן קאמפיוטער ווייל ס'האט דאך אינטערנעט און עפעס עקסעס, און אויף זייער טעלעפאן האבן זיי "גארנישט". בשעת די וואס האבן סמארטפאונס ווייסען אז זיי קענען קאווערן אלעס באנאכט אויפן אייגענע כלי, איז מען נישט דעספערעט אויסצוקוועטשן די קאמפיוטער צו טרעפן סיי וועלכע וועבסייט מ'קען דערגרייכן, און אין איינוועגס קען זיי מער פאקוסירן אויפן ארבעט. בד"כ א אמת'ע פרומע אינגערמאן האלט זיך צו פרינציפן און וועט טאקע נישט זיכען און נישטערן אויפן ארבעטס קאמפיוטער סיי וואס שלא לצורך פרנסה, אבער עוורידזש אינגעלייט וואס פילן געצווינגען מיט זייער פילטער וועט אפט געשען ווי דערמאנט דא.
היינו טעמא דעגלת הרכב, היינו טעמא של כלי העבודה, והיינו טעמא דהעוויסטראו לייברערי. בבחינת ואיפכא מסתברא, ס'איז א פארדרייטע און צודרייטע וועלט ווי מ'ריסטריקט יעדעם אויף טויזענט און נאכדעם וואונדערט מען זיך פארוואס ס'בעקפייערט.
