אמעריקאנע עיר פארס - פייטינג דזשעטס

[ספרא]

די מאכטפולע אמעריקאנע עיר פארס

מיר הייבן בעזרת השם אן א סעריע ארטיקלען אינערהאלב די אמעריקאנע מלחמה ארסענעלן קורץ און שארף,
אין אונזער סעריע פון אריינבליק אין די אמעריקאנער מיליטער וועלן מיר דורך גיין איינס ביי איינס די אמעריקאנער מיליטערישע ארסאנאלן,

מיר וועלן באשרייבן צוביסלעך די עיר פארס - מילעטערישע שיפן - טאנקען - אא"וו

מיר וועלן אונהייבן מיט די אמעריקאנער עיר פארס, וועלכע איז די מאכטפולסטע לופטמאכט אין די וועלט'ס היסטאריע!
מיר וועלן היינט אונהייבן מיט די פליגערס וועלכע ווערן באצייכענט אלס F פליגער,
דאס איז פייטינג דזשעטס.

אט זענען פון די סימבאלן פון די אמעריקאנער עיר פארס וועלכע מען קען טרעפן אויף די אמעריקאנער מיליטערישע פליגער

​

 

[ספרא]

און מיר הייבן אן ביים,
F-15 Eagle
דאס איז א מאכטפולע מיליטערישע פליגער,
עס איז געבויט געווארן זיך צו פארמעסטן מיט די רוסישע מיג 25,
די פליגער האט אויף זיין רעקארד בלויז זיגן!
קיין איין פארלוסט!
די פליגער איז ווערט ארום הונדערט מיליאן דאלאר איין שטיק,
און עס איז דא בערך טויזנט אזאלכע פליגער אקטיוו,
רוב פון די פליגערס ווערן געהאלטן דורך אמעריקע,
אבער אנדערע לענדער האבן אפגעקויפט פון אמעריקע א צאל,
צווישן די לענדער זענען,
סאודי אראביע,
יאפאן,
מדינת ישראל,
סינגאפור,
דרום קארעע,
און קאטאר,
עס קען פליען שנעלער ווי צוויי טויזנט מייל פער שעה,
עס קען פליען אין יעדע וועטער,
און האט א שטארקע ראדאר סיסטעם,
אבער עס האט נישט קיין סטעלט טעכנאָלאָגיע,
ווייל עס איז אריין אין דינסט אין 1976 און עס איז נאכנישט געווען דעמאלסט קיין סטעלט מעגליכקייטן,
אבער דאך איז עס נאך א שטארק באנוצטע פליגער.

 

[ספרא]

אט זעמער ביים פאפולערסטע קאמף פליגער אין די וועלט!
דאס איז די,
F-16 Fighting Falcon,
עס איז די מערסט באקאנטסטע מלחמה פליגער איבער די גאנצע וועלט!
מער פון פינף אין צוואנציג לענדער פארמאגן די פליגער,
פארשטייט זיך אפגעקויפט פון אמעריקע,
עס איז פאראן איבער צוויי טויזנט אקטיווע F-16 פליגער אין די וועלט,
עס איז שוין פיפציג יאר אין דינסט!
מען האט עס געבויט אין 1970,
עס קאסט בלויז ארום זיבעציג מיליאן דאלאר א שטיק,
און קען פליען ארום 1,500 מייל פער שעה,
עס איז רעלאטיוו גאר גרינג צו מאנארווירן,
די פילאט קאבינע איז ווי א באבל,
וואס גיט די מעגלעכקייט צו זעהן אלעס וואס טוט זיך ארום,
קען טראגן אסאך סארט מיסילס,
די פאקט אז עס איז נישט אזוי טייער,
האט עס געמאכט אזוי פאפולער,
און גאר אסאך לענדער קענען זיך עס ערלויבן צו קויפן.

 

[ספרא]

און צום ווייניג באקאנטע,
F-18 Hornet,
די פליגער איז פינקט אזוי א קאמף דזשעט,
נאר עס איז געבויט ספּעציעל פאר די אמעריקאנער נעווי,
עס האט ספעציעלע מעגליכקייטן צו לאנדן און זיך הייבן פון די גרויסע עירקרעפט קעריערס,
ווי למשל א גרויסע האק עס זאל זיך קענען גרינג אריינהאקן נאכן לאנדן אויפן שיף,
ווי אויך קען מען צוזאמלייגן די פליגלען פון די פליגער,
עס זאל פארנעמען ווייניגער ארט אויפן עירקרעפט קעריער,
די פליגער קאסט אביסל מער פון זיבעציג מיליאן דאלאר א שטיקל,
מען האט עס געבויט אין די ניינצן זיבעציגער יארן,
און עס איז דא בערך טויזנט פינף הונדערט שטיק דערפון,
עס קען פליען ארום 1,200 מייל פער שעה,
און א צאל לענדער האבן געקויפט די פליגער פון אמעריקע,
צווישן די,
שווייץ,
פינלאנד,
אסטראליע,
קאנאדע,
און נאך.
לויטן פלאן וועט עס ארויס גיין פון באנוץ אין 2030.

 

[ספרא]

די
F-22 Raptor
איז די מערסט פארגעשריטענסטע מיליטערישע פליגער,
פון די פיפטע דור פליגערס!
דאס הייסט, מען האלט יעצט אין מיטן בויען די ערשטע זעקסטע דור פליגער,
דערווייל איז דאס די מערסט פארגעשריטענסטע,
עס האט די פארגעשריטענסטע סטעלט טעכנאָלאָגיע,
דהנה עס קען נישט ווערן אויפגעכאפט דורך קיין שום ראדאר סיסטעם!
עס איז נאר דא ארום 200 פון די פליגערס,
און עס קאסט איבער דריי הונדערט מיליאן דאלאר א שטיק,
נאר אמעריקע פארמאגט די פליגער,
און עס איז פארבאטן צו פארקויפן פאר אנדערע לענדער,
עס קען פליען שנעלער ווי מאך 2.25,
און קען טראגן ביז 18,000 פונט וואפן!
עס איז אריין אין דינסט אין 2005.

 

[ספרא]

און צום לעצטן F פליגער וועלכע איז נאך אין באנוץ, די
F-35 Lightning,
עס איז גאר סאפיסטיקירט,
די מעלה פון די פליגער איז אז עס איז כמעט די זעלבע פארגעשריטן ווי די F-22,
נאר עס איז אסאך ביליגער,
עס קאסט בערך הונדערט מיליאן דאלאר א שטיקל,
אבער האט נאך אלץ גאר פארגעשריטענע סטעלט טעכנאָלאָגיע,
און זייער א סאפיסטיקירטע ראדאר סיסטעם,
די פענסטער'ס פון די פילאט קאבינע קען אויך פארוואנדלט ווערן צו סקרינס!
ווי אויך קען עס פליען אן קיין שום פילאט,
אבער געווענליך ניצט מען יא פילאטן,
ווי אויך קען עס לאנדן ווי א העליקאפטער,
דאס הייסט גלייך אראפ!
עס קען פליען ביז פיפציג טויזנט פיס הויך,
און קען טראגן ביז אכצן טויזנט פונט וואפן!
עס איז דא ארום 700 פון די פליגערס אויף די וועלט,
און נאך כמעט דריי טויזנט זענען באשטעלט דורך פארשידענע מיליטערן.

 

[ספרא]

און מיט דעם האבן מיר געענדיגט באשרייבן אלע פליגערס וועלכע ווערן באצייכענט אלץ F פליגער,
אבער מיר האבן באשריבן נאר די וועלכע זענען אין באנוץ.

יעצט וועלן מיר גיין צו א צאל F פליגער וועלכע איז שוין ארויס פון באנוץ,
אדער קיינמאל נישט אריין אין דינסט,
און ווי אויך פרישע וועלכע זענען ערווארטעט ארויס צו קומען אין די קומענדיגע יארן.

 

[ספרא]

דאס איז די,
F-20 Tigershark,
אבער איז קיינמאל נישט אריין אין דינסט,
און עס איז בלויז געבויט געווארן דריי פון די סארט פליגער,
עס האט געקענט פליען גאנץ שנעל,
אבער האט בלויז געקענט טראגן אכט טויזנט פונט וואפן,
עס איז אנטוויקלט געווארן אין די ניינצן אכטציגער יארן,
אין איז אפגעשטעלט געווארן אין 1986,
די מיליטער האט ענדערשט אויסגעקליבן די F-16 וועלכע איז בעסער,
די פאָר שטיק וועלכע זענען יא געבויט געווארן,
ליגט היינט אין מוזעאום.

 

[ספרא]

דאס איז די,
F-23 Black Widow
עס איז בלויז פראדעצירט געווען צוויי אזאלכע פליגער,
און האט געקאסט איבער צוויי ביליאן דאלאר צו אנטוויקלען,
און געקענט פליען מער ווי מאך 2,
אבער די מיליטער האט עס נישט געניצט ווייל,
עס האט פארלוירן א פארמעסט קעגן די F-22,
כאטש וואס עס האט געהאט בעסערע סטעלט מעגליכקייטן ווי די F-22,
האט עס פארלוירן די פארמעסט,
וויבאלד די F-22 האט בעסערע מאנעווריר מעגליכקייטן,
דאס הייסט עס קען בעסער מאכן א שארפע דריי אין צוריק,
און האט געדארט צו לאנג צו פראדוצירן,
ממילא איז עס אראפ פון טיש,
אבער מען האט גענוצט די טעכנאלאגיע דערפון פאר אנדערע פליגערס,
יעצט זיצן די צוויי פליגער אין מוזעאום'ס.

 

[ספרא]

דאס איז די
F-117 Nighthawk,
עס איז די ערשטע סטעלט פליגער אין די וועלט!
די פארגייער פון אלע היינטיגע סטעלט פליגער,
דאס איז שוין יא געווען געהעריג אין באנוץ,
מען האט עס אנטוויקלט אין 1980 יארן,
אין איז ארויס פון דינסט אין 2008,
עטליכע שטיק דערפון ווערן נאך יא געניצט פאר טעסטס,
עס האט געקאסט הונדערט עלף מיליאן דאלאר,
און מען האט געבויט 64 שטיק,
עס איז קיינמאל נישט פארקויפט געווארן פאר א אנדערע לאנד,
אין איז באקאנט געווארן אין די מלחמה אין איראק,
ווען מען האט עס שטארק געניצט!
קיין איין אזא פליגער איז קיינמאל נישט געווארן אראפ געשאסן!
אבער עס איז ארויס פון דינסט, כאטש עס איז געווען סטעלט
האט עס האט בכלל נישט געקענט פליען צו שנעל,
און בלויז געקענט טראגן צוויי באמבעס אויף אמאל!
אפילו עס איז ארויס פון דינסט,
איז עס אבער געווען די פאן טרעגער,
און די טאטע פון די היינטיגע סטעלט פליגערס,
און האט געברענגט צו מער אונוועסטירנגען אין די סטעלט טעכנאָלאָגיע.

 

[ספרא]

אט איז די נייע ערשטע זעקסטע דור קאמף פליגער אויף די וועלט, די
F-47 NGAD,
האלט מען נאך אין מיטן בויען,
רוב חלקים פון די פליגער זענען נאך אין געהיים!
אבער וויפיל מען ווייס יא,
איז, עס וועט פארמאגן מאכטפולע לעיזער וואפן,
און וועט זיין אויסגעשטאטערט מיט עי איי טעכנעלאגיע,
פארשטייט זיך אויך וועט עס האבן די נייסטע סטעלט מעגליכקייטן,
עס וועט קענען פליען סיי מיט א פילאט אין סיי אליינס!
און וועט קענען קאָנטראָלירן ארומיגע באגלייטער דראונס,
און איז ספעציעל געבויט צו קענען אפדעיטן מיט סיי וועלכע פרישע טעכנאָלאָגיע!
עס איז געשאצט צו קאסטן בערך צוויי הונדערט מיליאן דאלאר פער פליגער,
און איז געשאצט צו קענען פליען כמעט זיבעציג טויזנט פיס הויך!
און שנעלער ווי מאך 2 ,
און קענען טראגן מער פון 22,000 פונט וואפן!
און זיין פארטיג אין 2030,
אבער עס איז בלויז שאצונגן,
די ריכטיגע ציפערן וועלן לכוארה בלייבן אין געהיים פאר א לאנגע צייט.

 

[ספרא]

דאס איז די,
F-XX,
עס איז זייער ענליך צו די F-47,
אין איז א חלק פון די פראגראם פון די F-47,
נאר עס ווערט געבויט פאר די אמעריקאנער נעווי,
און וועט איבערנעמען די F-18,
עס איז נאך אויך אין געהיים רוב חלקים פון די פליגער,
אבער עס איז שוין געמאלדן געווארן אז מען בויט עס,
און לויט פלאן זיין גרייט אין 2030.

 

[ספרא]

אין מיט דעם האבן מיר געענדיגט אלע פליגערס וועלכע ווערן באצייכענט אלץ F.

אי"ה ס'קומענדיגע וועלן מיר אונהייבן מיט די פליגער וואס ווערן גערופן B.

צו פארשטיין,
די B פליגער זענען באמערס/באמבאדיר עראפלאנען!
זיי זענען נישט אזוי ווי די F פליגער וועלכע זענען ספעציעל פאר לופט צו לופט שלאכטן,
די B זענען ספעציעל פאר לופט צו ערד באמבאדירונגען!
זיי קענען געווענליך טראגן גרויסע זאפאסן פון באמבעס!
און קענען זיך נישט פארמעסטן אין קיין שלאכטן אין די לופט.

 

[שטייגער]

זייער שיין.

קומט זיך נישט די קרעדיט ליבערשט פאר די פריוואטע קאמפעני וואס פראדוצירט עס?

אולי ווייל די יועס גאווערמענט פינאנצירט עס, קומט זיך זיי די קרעדיט? טא אויב אזוי איז עס פונקט אזוי די קרעדיט פון די אנדערע לענדער וואס קויפן פון די זעלבע קאמפעני (בהסכמת אמעריקע) לכאורה.

 

[ווייס קוקער]

View attachment 8534
דאס איז די
F-117 Nighthawk,
עס איז די ערשטע סטעלט פליגער אין די וועלט!
די פארגייער פון אלע היינטיגע סטעלט פליגער,
דאס איז שוין יא געווען געהעריג אין באנוץ,
מען האט עס אנטוויקלט אין 1980 יארן,
אין איז ארויס פון דינסט אין 2008,
עטליכע שטיק דערפון ווערן נאך יא געניצט פאר טעסטס,
עס האט געקאסט הונדערט עלף מיליאן דאלאר,
און מען האט געבויט 64 שטיק,
עס איז קיינמאל נישט פארקויפט געווארן פאר א אנדערע לאנד,
אין איז באקאנט געווארן אין די מלחמה אין איראק,
ווען מען האט עס שטארק געניצט!
קיין איין אזא פליגער איז קיינמאל נישט געווארן אראפ געשאסן!
אבער עס איז ארויס פון דינסט, כאטש עס איז געווען סטעלט
האט עס האט בכלל נישט געקענט פליען צו שנעל,
און בלויז געקענט טראגן צוויי באמבעס אויף אמאל!
אפילו עס איז ארויס פון דינסט,
איז עס אבער געווען די פאן טרעגער,
און די טאטע פון די היינטיגע סטעלט פליגערס,
און האט געברענגט צו מער אונוועסטירנגען אין די סטעלט טעכנאָלאָגיע.

Click to shrink...

און 1999 איז א F117 געווארן אראפגעשאסן העכער סערביע בשעת ער האט געעפנט זיין באמב בעי און פונקט דעמאלטס געווארן אויפגעכאפט דורך א סערפיס טו עיר מיסעל, די רוסן האבן זיך דעמאלטס אהינגעיאגט צום ארט ווי די פליגער איז געפאלן און אויסגעפארשט פון די ברוכווארג פונעם פליגער וואס די רעדער קראוס סעקשן איז, און מיט דעם געברענגט אן ענדע צום סטעלט פונעם פליגער, די פליגער איז פון דעמאלסט אן מער נישט באנוצט געווארן אויף שטארק קאנטעסטעט עיר ספעיסעס.