פשט פון דיין ניק

[קץ דוחק]

מען בעט דער עולם זאל אריינקומען און מסביר פשט פארוואס זייער האבן אויסגעוועלט זייער ניק.
ביי די עכטע נאמען - אנלייק די אלגעמיינע באפעלקערונג - האט די נאמען נישט קיין שום מיינונג, מען געט עס נאר ווייל יעצט איז עס מיין טשענס און מיין באבע וועט ווערן באליידיגט טאמער געב איך נישט קיין נאמען נאך איר זעליגע-פאטער.
אבער יעצט אז מען האט יא די אפערטוניטי זיך צי געבן א נאמען איז לאמיר הערן די ביהיינד די סינס.

ובזה החלי אלץ קריינא דאיגרתא (בנוסח ״אונזער חתן איז דאך א גרויסע תלמוד חכם, במילא איז דאך שוין פארענטפערט פארוואס שמח תשמח איז א דאפלטע לשון, דאס איז צי מרמז זיין אויף די דאפלטע לשון פון טוב לי טוב לי תורת פיך״).
איך האב א שטיקל אבסעסיע מיט ווערטער וואס האבן א ווארט אויף אידיש אבער צוליב פארשידענע אורזאכן (מערקט; ער האט נישט געזאגט ״משום כמה סיבות״) ניצט מען די לשון קודש׳ע ווארט.
מילא האב איך געזיכט אזא מין ווארט אבער עס זאל זיך הערן געשמאק ווי מען רופט אויף האלאו-שפראך ״די wow פאקטאר״
און פארהייראט איט איז, צוליב וואס עס ברענגט ארויס די קאטשעניו פון די מיינונג פון די ווארט, חתונה געהאט מיינט געבן קידושין און אויפהייבן די גארטל, פארהייראט מיינט א מאן און א פרוי אין א ראמאנטישע פאראיין.

Click to shrink...

דו שרײבסט אזױ װי יוסי בראך, פון בין פארן ובין תופל, ולבן רעדט..

 

[מרחשון]

איך בין געבוירן אין @מרחשון, און מיין טיפוס איז אויך פון דעם חודש, פאר ווער עס קען די פערסאנעליטיס אין די חדשים היפאטעזע, וואס איז לכאורה הוילע דמיונות על טהרת הקודש... אלזא, פיר אליינס אויס - אט אזוי! האב איך דאס גענומען פאר מיין ניק.

"נו! זעסטעך אז די חדשים היפאטעזע איז יא אמת!?"

אנעקדאטעל עווידענס, דו פאנאט!

 

[חוקר ודורש]

אפשר דערציילסטו זיין מעשה

Click to shrink...

עוד חזון למועד
עס וועט קומען א צייט און איך וועל זיך אראפ זעצן

 

[תרמב]

איך טרעף זיך מסביר זיין מיין ניק נאכאמאל אויף יעדע סייט ווי איך סיין זיך ארויף

תרמב איז א נאמען פון א פיצי געסל אין ירושלים, ס'איז אין די געגנט פון די תימנע הייזער, איך ווייס נישט צו ס'וואוינען נאך דארט תימנים, אבער יארן צוריק האבן דארט געוואוינט תימנים, און די נעמען פון די געסלעך זענען על שמם, ס'איז דא דארט א געסל רצאבי, חבשוש, און נאך וואס איך געדענק נישט.

תרמב איז די יאר וואס אידן פון תימן האבן אנגעהויבן עולה צו זיין קיין ארץ ישראל און על שם דעם יאר האט מען א נאמען געגעבן דעם געסל.

ווען איך האב געלערנט אין ארץ ישראל האב איך געוואוינט אויף דעם געסל, א חודש צוויי אריין אין זמן האט מיר א חבר געהאלפן עפענען אן אימעיל אדרעס אין א קיאסק, איך האב געטראכט אז איך וועל עס נוצן צו שיקן בילדער צו מיין טאטע און פאמיליע, אבער איך האב נישט געוואלט אז ער זאל טראכטן אז איך האב געעפענט אן אימעיל אדרעס, איך לערן דאך פלייסיג, האב איך געמאכט אן אימעיל אדרעס על שם די גאס ווי איך בין, און איך האב געטראכט אז איך וועל אים איינרעדן אז ס'איז נישט מיין אימעיל אדרעס, ס'באלאנגט נאר צו מיינע חברים פון מיין דירה...

איך גלייב נישט אז ער האט מיר געגלייבט...

פון דעמאלטס אן איז דאס געווארן די נאמען וואס איך האב אנגעהויבן נוצן פאר יעדע וועבזייטל וואס איך האב אריינגעסיינט.

 

[ערליך און אפן]

פרעג דיין טאטן

 

[קץ דוחק]

כ'האב געזוכט א נאמען וואס כ'האב געטראכט דעסקרײַבּט מיין פערסאנאַליטי אביסל יענע צייט, קען משתמע זיין לתרי אנפין, קען גענוצט ווערן אפצולאכן פון מיר און פארמאגט אויך א רעפרענץ צו מיין עכטע נאמען.

 

[מצליח]

נא.... זאג שוין אויס פשט פון דיין אוואטאר....

Click to shrink...

עס איז א בילד