כוואליעס פינפטע ״כוואליע״ לכבוד פסח תשפ״ה

[אורות]

כ'באעהר אייער דראנג פאר חכמה!
אבער כ'בין מחולק מיט אייער "האל פוינט"

אפשר האט דער בעל הכוואליעס היינט געארבעט א גאנצן טאג און נישט געהאט קיין צייט צו אטעמען און אנגעיאגט דעם לינק בעפארן עסן לאנטש.

א דאנק האט מען שוין געזעהן? ס'קען אויסקוקן ווי הב הב?

מענטשן קענען חלילה מיינען אז איינער פארשמירט נאך א שנירל דעם וואך אויף א טראולישן פארנעם.

Click to shrink...

די הנהלה דארף אכטונג געבן נישט אנצונעמען א טראלישן נאמען to begin with

 

[רב חאצאצאק הקטן]

די כוואליעס איז אנגעקומען צו מיין אימעיל אז וויל איך נעמען די צייט צו באדאנקען @כוואליעס און יעדער וואס האט אריינגעלייגט כח און מיה עס צו מאכן געשען!


א גוט יומטעב

 

[שיין פון דער וועלט!]

Possible to add here the PDF?

 

[כוואליעס]

נארוואס אנגעקומען אין די פאסט. עס איז א יופי!
ס'ליינט זיך גאר אנדערש אין א געהעריגע געדרוקטע פארמאט, און דאס צאלן דערפאר געבט עס אויך א באזונדערע חשיבות..

נאכאמאל יישר כח פאר די איבערגעגעבענע @כוואליעס רעדאציע, און פאר די אלע שרייבער וואס האבן מטיב געווען מיט זייערע געוואלדיגע כשרונות גאלדענע פענעס און רייכע ידיעות, (@מר שושני איך בין באזונדער עקסייטעד אז דו האסט דיך פיינעלי גענומען דאס פעדער אין האנט אריין. פארשטייט זיך אויך פאר אלע אנדערע דארט - @פעדער, @הבל וריק, @הלל פערלמאן, @אינטעליגענט, @מאָצל טויב, @תוהו ובוהו, @מיימון, @שניאור ריבנר, @יששכר כץ, @אפענער, ואחרון חביב @דער גאלדענער אדלער מיט זיין שמעלקא..)
ווי אויך פאר די ספאנסערס, אמאזאן קאסטומערס, און כסדר'דיגע שטיצער וואס ערמעגליכן און געבן די ברענשטאף אנצוגיין דערמיט!

זאלט איר אלע זיין געבענטשט פארן משמח זיין אזויפיל אידן לכבוד דעם יום טוב!

Click to shrink...

א גרויסן דאנק פאר דיינע דברי חיזוק און שטענדיגע באשטייערונגען צו די ״כוואליעס״.

בנוגע אמאזאן.
קודם וואס איז פשט אז עס קומט ארויף דארט דריי באזונדערע אפציעס צו קויפן די כוואליעס? כ'מיין ס'האט אפי' אנדערע פרייזן..

Click to shrink...

די סיבה פאר די דריי באזונדערע אפציעס איז ווייל עמעזאן האט נישט תיכף באשטעטיגט אונזער ערשטע אפלאוד וואס מיר האבן ארויפגעלייגט פארגאנגענע פרייטאג, און דאס איז די סיבה פארוואס עס האט עטוואס געשפעטיגט, מיר האבן לכתחילה געוואלט קענען שיקן די עמעזאן לינק זונטאג כדי יעדער זאל האבן צייט צו קויפן און באקומען בעפאר יום טוב. זעענדיג אז עס ווערט שפעט האבן מיר פרובירט ארויפצולייגן אויף אנדערע אופנים און אלע דריי זענען אויפאיינמאל באשטעטיגט געווארן. מיר זענען נישט אין קאנטראל אויסצולעשן די אנדערע צוויי אפציעס תיכף, עס נעמט צייט ביז עמעזאן נעמט עס אראפ.

צווייטנס, איז דא - אדער קען מען מאכן - אן אפציע פאר קינדל עדישאן? אדער איז עס אן עקסטערע עבודה?

Click to shrink...

עמעזאן שטעלט נישט צו אויפן מאמענט קינדל אין אידיש.

דריטענס, ווען איך האב עס געקויפט איז עס געווען מיט אפאר דאלאר ביליגער ווי עס איז יעצט, איז דא א ספעציפישע סיבה דערצו אדער האט עס מיט אמאזאן אליין?

Click to shrink...

די ביליגערע פרייז האט געהאט מיט עמעזאן.

עקסטער וואלט איך געוואלט בעטן אויב מ'קען ביטע מפרסם זיין די נומערן וויפיל שטיק ס'פארקויפט זיך אויף אמאזאן דערפון. ס'קען זיין אינטרעסאנט פאר פאטענציאלע עדווערטייזערס צו וויסן די גרויסקייט פונעם קלייענטעל (און פארשטייט זיך געוויסע 'אויפגעקלערטע' סארט זאכן/סערוויסעס קען מען מעגליך נאר עדווערטייזן אין אזא סארט מאגאזין..), פאר שרייבער איז עס אויך אינטרעסאנט און מאטיווירנד צו וויסן וויפיל מענטשן זענען גרייט צו באצאלן פאר זייער ארבייט, ובכלל איז אינטרעסאנט צו באקומען דעם בילד בערך וויפיל אזעלכע סארט אידן עס זענען דא ארום די וועלט..

Click to shrink...

מיר וועלן אריינקוקן דערין, אפשר חול המועד וועט זיין צייט צו ארבעטן דערויף

א גוט יום טוב. איך דארף גיין עפעס ליינען יעצט...

Click to shrink...

קריאה מהנה!!

אויב ווילט איר אויך האבן אן עונג יום טוב אזויווי @אלפא דאן האנדלט אייך איין די ״כוואליעס״ היינט, עס צו באקומען לכבוד חול המועד:
https://amzn.to/3FWtVqH

 

[כוואליעס]

Possible to add here the PDF?

Click to shrink...

די לינק צו די פ-די-עף איז צוגעלייגט צום ערשטן הודעה אין דעם שנירל.

איינצוהאנדלן די הערליך-קאלירטע ביכל לכבוד חול המועד, ביטע גייט צו די פאלגענדע לינק:
Amazon.com

 

[רב חאצאצאק הקטן]

Possible to add here the PDF?

Click to shrink...

כוואליעס פסח

 

[איש מבקש]

א גוטן מועד!

א פיינע אויסגאבע דאס, כ'האב נישט געוויסט ס'איז איזוי פיצי, ס'זייער קיוט גראדע,

דזשאסט די איידיע אז איך זעה יום טוב די נעמען מיט וועם איך פארברענג א גאנצע וואך איז ריפרעשונג
איך פיל ווי איך בין אויף קרעמל..

איך האף צי געבן א לענגערע ריוויא.. ביזדערוויל בין איך נאך אביסל סטאק און די בריסקע חקירה פון די ערשטע ארטיקל,
איך האף ארויסציקריכן דערפון בקרוב.

 

[קהל׳ס נער]

Wow @דער גאלדענער אדלער האסטו אראפגעלייגט א דזשאב איך האב נישט געקענט צי זיך קומען פון שמעלקא׳ס הלל, מיין ווייב האט מיך געפרעגט וואס איז געשעהן מיט מיר!

 

[נחבי בן ופסי]

איינער ווייסט וואס איז דא פארגעקומען? איינער האט די ארגינעלע פאוסט פון קטלא פארן פארמעקן?

 

[דער גאלדענער אדלער]

ביזדערוויל בין איך נאך אביסל סטאק און די בריסקע חקירה פון די ערשטע ארטיקל,

Click to shrink...

איך אויך כ'זוך גראדע א חברותא

 

[אלפא]

נישטא קיין ווערטער. א געלונגענע אויסגאבע!

@שניאור ריבנר, ביטע קום אריין מיט דיין געהעריגע ניק, דו ביזט אן אור! שיין, קלאר, טיף, פון בריסק ביז ביאליק, פון דעם חכם אין די הגדה ביז ברוך שפינוזא, אלעס ווארפסטו אזוי שיין צאם אין א הערליכן פשעטל!
די חקירה איבער די purpose פון געזעץ אין די 'ספיריט פון הלכה' וועל איך לאזן פאר א ניכטערן מאמענט, אבער דיין לעצטע פאראגראף וועט ביי מיר בלייבן פארשריבן:
"אין באצוג צום רשע וואס שטייט? לפי שהוציא עצמו מן הכלל, כפר בעיקר. וואס מאכט אים פאר א כופר? נישט אז ער גלייבט נישט אין תורת משה, דאס שטייט נישט... דער חכם און דער רשע פרעגן די זעלבע קשיא. די איינציגער נפקא מינה איז, אז דער חכם וויל נעמען א חלק אין תורת משה, ער וויל זיך צושטעלן צום אידישן גייסט... דער רשע אבער, ער וויל זיך בלויז אפשיידן דערפון"

@מר שושני, דו האסט א חוש אין טרעפן פעטערנס! סיי אין דיין ארטיקל איבער ישעיה הנביא און סיי איבער ליפא.
ביי ישעיה, קודם טוסטו א גוטע דזשאב אין פשוט קלאר מאכן וואס און ווער ישעיה איז געשטאנען פאר.. אבער דיין וועג פון צונעמען און אנאלאזירן די פסוקים איז געוואלדיג! בויען דעם ארטיקל, אריינברענגען די פסוקים אין דעם ספעציפישן רייע, זיי טייטשן עברי טייטש, און מסברי זיין אויף מאמע לשון וואס פאר ישעיה'ן האט געקרענקט. ס'איז דערפרישנד צו האבן אזא מגיד שיעור! ביסט נאך אוועילעבל דעם צוויטן טאג חול המועד צווישן מנחה-מעריב?

אין דעם ליפא שמעלצער ארטיקל טוסטו ענליך. דו נעמסט שורה'לעך ארויס פון זיינע ניגונים, אזוי שיין סעלעקטירט און אזוי ריכטיג אפגעלערנט. די בויעסט דעם נאראטיוו - דעם געשיכטע, וויאזוי פון א צומישט אינגעלע ביז זיין היינטיגע שטאנד איז איין לאנגע 'דזשערני' אין וואו ער האט אונז מיטגענומען און פון וואס מיר קענען זיל אזוי פיל לערנען אקטועל - נישט בלויז איבער 'תשובה, תפילה, און צדקה' נאר איבער 'סגולות, מנינים, און ארגאניזאציעס' ווי דו באצייכנסט אזוי ריכטיג אונזער היינטיגן קולטור.

@הבל וריק, דיינע אילוסטראציעס און ריאליזם איז אומפארגלייכבאר! ווען איך בין זיכער אז דו ביסט אויסגעלאפן פון משלים און כאראקטערן קומסטו מיט א טוץ פון נאך פינף געלונגענע! און אפגערעדט די ארטיקל אליין דאס איז צום פינטל!

@מיימון, דיין ארטיקל האט מיר געמאכט טרערן!
איך ווייס נישט פונקטליך פארוואס, אבער אלץ ווען איך פלעג לערנען קהלת איז מיר אייביג געשטאנען פאר די אויגן די דאזיגע ווייטאגן. ווייטאגן אויפן סאמען רעאליטעט - אויף קיינעם פערזענליך, בלויז אויף די אנפעירנעס פון נאטור זעלבסט. און דא ברענגסטו עס אזוי הערליך ארויס, נאך מיטן לשון הכתוב. האסט מיר בארירט! מיט דיין רייכע ציניסיזם און נייהיליזם אריינגעפלאכטן.

@פעדער, אזויווי שטענדיג, א געשמאקע אקאדעמישע ארטיקל וואס דארף זיך נישט שעמען פון א פרק אין יובל הררי'ס בוך. רעספעקט און קלארקייט - געשיכטע און היסטאריסיטי - מייסטערפול צוזאמגעפלאכטן. די עיקר אבער איז אז: ...ווער דער פרעה איז געווען "איז פילייכט אוממעגליך פעסטצושטעלן, אבער מיר זענען גליקליך אז מיר זענען פון אים באפרייט געווארן..." די פשטות דא האט מיר געמאכט אזוי לאכן..


דער צווייטע האלב וועט דארפן ווארטן פאר יעצט.

 

[איש מבקש]

Wow @דער גאלדענער אדלער האסטו אראפגעלייגט א דזשאב איך האב נישט געקענט צי זיך קומען פון שמעלקא׳ס הלל, מיין ווייב האט מיך געפרעגט וואס איז געשעהן מיט מיר!

Click to shrink...

איי עגרי.. דעי שמעלקא האט מיר געמאכט לאכן... פיינעלי האט מען אים קאנווינסט צי גיין קיין פלארידא... און בומפס ערב פסח מצות.. די גאנצע פלאן איז אויס , און די פרעשער וואס ער האט געהאט פון זיין ברידער? ס'דאך אזוי אמת..

 

[מר שושני]

א הערליכע כוואליע!!

איך ווייס באמת נישט ווי אנצוהייבן.

איך האב צופיל צו זאגן און קאמענטירן אויף יעדע ארטיקל עקסטער (אריינגערעכנט מיינע אייגענע.) אבער נישט די קלארקייט יעצט צו מאריך זיין.

איך האף צו קאמענטירן אויף די עקסטערע שנירלעך פאר יעדע ארטיקל באזונדער.

פאר יעצט אבער, א ריזיגער יישר כח פאר די @כוואליעס רעדאקציע און פאר די שרייבער. איר האט געמאכט מיין יום טוב!

 

[מלך]

@שניאור ריבנר דיין ארטיקל איז געווען איינס אין דער וועלט!
צאמגעשטעלט וועלטן!
דו האסט עפעס א ספעציעלע קלארן הבנה (אפשר קומט עס פון בריסק),
האסט מיט א קלארקייט מסביר געווען די ליטוואַקעס, חסידים, ס'הערליך!
האסט באמת געמאכט מיין שמחת יום טוב!
שכח פארן ארטיקל איך האף און איך בעט אז דו זאלסט אונז מהנה זיין מיט נאך אזעלכע!

 

[כספי]

יא, א מעסיוו אויסגאבע.
@שניאור ריבנר האט מיר גוט געדרייט אין קאפ א גאנצן יום טוב, מורא'דיג, גוט אויפגעבויעט, הערליך!

דיין קושיא (בשם שפינאזא) איבער די תועלת פון רעליגיע האט מיר גוט צונומען.
אבער דיינע קושיות אויפן ערשטן מהלך האב איך נישט אינגאנצן ארויס, ערשטנס ברענגסטו א ראיה פון ברית החדשה, נו מ'שטיינס געזאגט, פון דארט פרעגסטו א קושיא אויף אונזער רעליגיע? ס'איז אזוי ווי זאלסט פרעגן א קושיא אויפן ויואל משה פון די מגילת העצמאות...
נאכדעם ברענגסטו פון נפש החיים, קודם כל, אונז זעמיר דאך חסידים פאר א סיבה... צווייטנס, אפילו די חסידים האבן נישט געהאלטן אז אויב איינער שפירט וכו', זאל ער - למשל - נישט האלטן שבת, אדער עסן מצה וכדו', די גאנצע היתר וועט מען נאר נוצן ביי - למשל - סוז"ת וואס ס'איז דא פוסקים וואס מ'קען זיך אויף זיי פארלאזן (אויסער אפשר און קאצק).
דריטנס ברענגסטו א שיינע ראי' פון מארטין לוטער קינג דזשר.

על כל פנים, בעצם הנושא, פרעגסטו:

און וואס טוט מען אין אזא סארט סיטואציע וואו היטן דעם חוק איז א סתירה צו דער אריגינעלער סיבת החוק?

Click to shrink...

די גלויבונג ביי אידן איז, אז ג-ט האט אוועקגעשטעלט א סעט פון תרי"ג חוקים +, און דאס העלפט - למעלה מדרך הטבע - צוקומען צום סיבת החוק. וויאזוי מאכט מצה (מעל און וואסער), אדער לולבים בלעטער און אתרוגים אנקומען צום סיבת החוק, וואס דאס איז דביקות בד' און מידות טובות? איז טאקע שווער צו פארשטיין. וויאזוי קען גשמיות'דיגע אביעקטן, פועל'ן אויף דיין גוף, צו זיין מער משועבד צו אן העכערן נשמה'דיגן כח? צו אפלאזן אביסל דיין חומר, און נישט זיין אזויפיל פארנומען מיט זיך? איז טאקע למעלה מהשגתינו, אבער אזוי איז אוועקגעשטעלט די גלויבונג ביי אידן (עכ"פ ביי חסידי'שע אידן, וואס גייען לאורו פון זה"ק). און דאס איז טאקע גאר א שטארקע אפאזיציע צו די קריסטליכע גלויבונג, וואו די עיקר איז די דביקות, און זיי האלטן אז גשמיות'דיגע פעולות קענען דיך נישט ברענגען אהין. און וועגן דעם פארמיאוס'ן זיי טאקע אלע גשמיות'דיגע אקטיוויטעטן, וואו לעבן מיט א פרוי, און עסן וכו'. והבן. עכ"פ.

אבער דיין אויספיר איז געוואלדיג!


@מר שושני, אן הערליכן ארטיקל (X2) איבער ישעיה הנביא. כ'האב געטראכט צוצושטעלן (קען זיין כ'האב עס שוין געזען ערגעץ, די מח איז א גנב), ליינענדיג די לעכעריגע לעכערליכע ארטיקל אין די טועמיה אויסגאבע איבער די איסיים (וואס פאדערט זיך א באזונדערע אפהאנדלונג), ברענגען זיי דארט (פעידזש 74) וויפיל און וועלכע מגילות מ'האט געטראפן אין די מערות, איז דא זייער אסאך פון ישעיה. קען זיין דאס קומט וועגן די איסיים האבן שטארק זיך פארלייגט אויפן שלימות האדם, און אוועקגעמאכט די עבודת הקרבנות וכו', ווי זיי ברענגען דארט (פעידזש 61):

צווישן אנדערע ערקלערט פילון, אז די איסיים האבן זיך געהאלטן קלוגער און הייליגער פון אלע אידן. לויט זיינע רייד זענען די איסיים ביי דער מיינונג אז אנשטאט צו שחט'ן קרבנות און זיך אפגעבן מיט פראקטישע עבודת השם, איז ענדערש צו דינען דעם אויבערשטן אין הארץ, זיין באמת א בעסערע מענטש און פארמאגן אין זיך גוטע מידות און מעשים טובים, וואס דערפון האט דער אויבערשטער מער הנאה ווי פיל קרבנות.
דאס איז א קלארע אפנויג פון די רייד פון די חכמים, און נאכמער, קעגן די הייליגע תורה וואס באפעלט אונז קלאר צו שחט'ן קרבנות פארן אויבערשטן.

Click to shrink...

אן אריינגיין אין די נארישקייט פון די צווייטע סטעיטמענט (ווייל די איסיים אליין זענען נישט געווען אקעגן די קרבנות, ווי דער שרייבער אליינס ברענגט (אין פעידזש 71) אז זייערע סעודות זענען געווען אין אויסטויש צו די קרבנות, צו וואו מ'האט זיי נישט צוגעלאזט. נאר זיי זענען געווען בעיקר אקעגן די קארופטירטע כהנים וואס האבן גענוצט די ביהמ"ק פאר זייערע פריוואטע צוועקן, כידוע לכל).
איז אבער די נקודה וואס מ'זעט דא, קלארע אפענע פסוקים אין ישעיה, וואס דו ברענגסט צו: למה לי רוב זבחיכם וכו', מי בקש זאת מידכם רמוס חצרי וכו', קטורת תועבה היא לי, ידיכם דמים מלאו. און די עיקר איז, רחצו, הזכו, הסירו רע מעלליכם מנגד עיני, חדלו הרע. למדו היטב, דרשו משפט, אשרו חמוץ, שפטו יתום, ריבו אלמנה. בקיצור, אזוי ווי דו ברענגסט ארויס אין דיין הערליכן ארטיקל.

(המשך יבוא, אפשר, בל"נ)

 

[מר שושני]

ביים "ווארט פון די רעדאקציע" ליינט זיך דאס קעפל:

די פינפטע כוואליע - שירה על הים!

דאס האט א צוויידייטיגע באדייט.

1. פשוט עניני דיומי... שירה אויפן 'וואסער' און דאס גייט צוזאמען מיט 'כוואליע'.

2. שירה אויפן "פיפטער" כוואליע. (ים איז גימטריא 5)

איך געב רשות עס נאכצוזאגן ביים שווער אן א נאמען

 

[אורות]

איך געב רשות עס נאכצוזאגן ביים שווער אן א נאמען

Click to shrink...

אויב דער שווער צושמייכעלט זיך וועסטו וויסן פארוואס...