שלמה המלך און כלל ישראל האבן געפראוועט א יו״כ בּאַל

[כרם זית]

עס איז אויף די פסוק ויהי ממחרת (די עקזעמפול אויף היברובוקס איז צענזעריט).

 

[אלעזר]

געטראפן, הגם ס'שטייט נישט ממש דאס.

 

[כרם זית]

וואס איז עס אנדערש?

 

[אלעזר]

ער זאגט אז די חסידים זענען נישט געוועהן זיכער צו ס'איז שוין נאכ'ן זמן צאת הכוכבים און מ'קען שוין אויספאסטן, האט ער געזאגט אז ער זעהט אז די טויערן זענען שוין פארשלאסן ממילא פארשטייט ער דערפון אז ס'איז שוין נאכ'ן זמן.

 

[כספי]

כ'האב טאקע אמאל געהערט בשם איינע פון די פריערדיגע צדיקים אז ס'איז געווען ספק נאכט, און אויף דעם ארויף האט ער עס געזאגט (איך האב עס נאר געהערט אויפן בארדיטשעווער, אבער דא שטייט קלאר אז ס'איז דער ר"ר מענדלע).

 

[אלעזר]

מעגליך אז די מעשה איז געשעהן ביי ביידע.

 

[כרם זית]

ליין איבער. על פי הלכה איז קלאר נאך געווען טאג, נאר אין הימל האט מען שוין גענדיגט יום כיפור. נאר אזוי שטימט זיין פשט ווי אזוי אהרן און די זקנים האבן געגעסן - אין 'הימל' איז מען שוין פארטיג געווארן מיט כיפור.

אגב, דאס איז געווען גלייך נאך וואס ר' מנחם מנדל האט געזאגט "וכך הייתי אומר"...

 

[כספי]

אגב, דאס איז געווען גלייך נאך וואס ר' מנחם מנדל האט געזאגט "וכך הייתי אומר"...

Click to shrink...

דאס איז געווען לפי ידיעתי דער אפטער.

 

[דעת תורה]

געטראפן, הגם ס'שטייט נישט ממש דאס.

Click to shrink...

שוין, דארף מען שוין וויסן ווי קראנט דער ספר איז, ער דערציילט נאר עפעס וואס ער האט געהערט ביי א חסיד'ישע מלוה מלכה. כ'מיין אז די מעשה האט געקענט פארציילט ווערן בימים ההם איז די עיקר רבותא דא, די מעשה כמות שהוא איז גאנץ זיכער נישט ריכטיג.

 

[כרם זית]

עס זענען דא נאך מעשיות ווי רבי מ"מ האט זיך געפירט שלא כהלכה, ממילא לכאורה ליגט עפעס אמת צווישן די אלע מעשיות.

 

[כרם זית]

דאס איז געווען לפי ידיעתי דער אפטער.

Click to shrink...

אמת, עס איז אויך דא אזא סיפור אויף דער אפטער רב. אבער אין 'עטרת מנחם' ווערט עס געברענגט אויף רבי מ"מ.

 

[כספי]

ייש"כ ר' @כרם זית. כ'האב עס טאקע געזען צוברענגען דעם יום טוב.

 

[כרם זית]

צום עצם קעפל, איך ווייס נישט צי דער שרייבער האט דאס געמיינט, אבער אנהייב די צוואנציגסטער יאר הונדרעט פלעגט זיין שטארק פארשפרייט די געדאנק פון א 'יום כיפור באל' צווישן די סאציאליסטישע אנטי רעליגיע שטורמענגן וואו מען פלעגט זיצן און עסן און הערן לעקציעס איבער די שעדליכקייט פון רעליגיע צום מענטשהייט (די אפיום פון די מאסן, כלשונם).

אין אויב רעדט מען פון די אנדערע סארט 'באל' דארף מען וויסן אז עבירות שבין אדם לחברו אין יום הכיפורים מכפר...

 

[גאלדענע-פעדער]

עס איז געווען נבואה דעמאלטס, איז מסתמא עס אויך געווען עפ"י ציווי ה', פארוואס דארף מען טראכטען אז ס'איז געוועהן בעבירה און מען האט געדרייט מיט די רולס ?

Click to shrink...

פארוואס טראכט איר אז דאס איז געווען די ציווי ה' פאר יענע יאר, אפשר איז דאס פאר יעדע יאר, לדורות?

 

[אנטוישטער יונגערמאן]

פארוואס טראכט איר אז דאס איז געווען די ציווי ה' פאר יענע יאר, אפשר איז דאס פאר יעדע יאר, לדורות?

Click to shrink...

@א איד די גמרא זאגט דאך קלאר (אזוי זאגט ר׳ יוחנן) אז זיי האבן געפילט גילטי (זעה די לינק אנהייב פון דעם שנירל)
און ס׳נישט געווען קיין ציווי
די בת קול איז געקומען לאחר המעשה!

 

[ריבי]

@א איד די גמרא זאגט דאך קלאר (אזוי זאגט ר׳ יוחנן) אז זיי האבן געפילט גילטי (זעה די לינק אנהייב פון דעם שנירל)
און ס׳נישט געווען קיין ציווי
די בת קול איז געקומען לאחר המעשה!

Click to shrink...

אזוי שטייט טאקע , אבער די גמרא איז עס מטעים אז זיי האבן א דרוש מיט א קל וחומר דאורייתא, אז יענעם יום כפור, ווען עס איז גיוועהן דער גמר בנין בית המקדש , האט עס דוחה גיוועהן דעם מצוות לא תעונה פון יום כפור, אין מען האט גיגעסן בהיתר,
נאר א קל וחומר, איז אדם דן מעצמו, עס איז נישט א נבואה, איז גיוועהן אזעלכע וואס האבן זיך גיקלערט אפשר האט די קל וחומר א פירכא, ווייל די הלכה איז דאך אז משיבין על הדין - א קל וחומר קען האבן א פירכא, איז ארויס א בת קול צו זאגן אלעס איז אהקעי. והכל על מקומו יבא בשלום

 

[פעטע פישל]

פארוואס טראכט איר אז דאס איז געווען די ציווי ה' פאר יענע יאר, אפשר איז דאס פאר יעדע יאר, לדורות?

Click to shrink...

א נביא קען נישט עוקר זיין א מצוה לדורות, נאר לפי שעה.

 

[דורש אמת]

ר׳ מענדעלע רימאנאווער איז געווען פרומער פון שלמה המלך און כלל ישראל און פון ר׳ יוחנן וואס דערציילט די מעשה אין די גמרא, ווייל ער האט עס געטון נאר נאכ’ן האבן די הכשר! (און ש״ה און כ״י האבן עס געטון לייכטזיניגערהייט און נאר לאחר המעשה האבן זיי געפילט גילטי און געזוכט בארעכטיגונג- ערשט נאך סוכות, נאך 14 טעג partying!)

https://kraimel.community.forum/threads/hsydym-tr-tn-wyp-dy-twrh-wbdwt-wsypwrym.2206/post-67167

 

[דורש אמת]

האסט נישט אויסגעהערט די רבי אין חדר

Click to shrink...

הלוואי.
ליידער צום באדויערן בין איך געווען דער גרעסטער מתמיד במשך אלע חדר און ישיבה יארן.
אדרבה לאָמיר נעמען א סערוועי.
1. וויפיל קרעמלערס אונזערע האבן דערפון געהערט פריער?
2. וויפיל האבן דאס געהערט יונגערהייט?

 

[דורש אמת]

שוין, דארף מען שוין וויסן ווי קראנט דער ספר איז, ער דערציילט נאר עפעס וואס ער האט געהערט ביי א חסיד'ישע מלוה מלכה. כ'מיין אז די מעשה האט געקענט פארציילט ווערן בימים ההם איז די עיקר רבותא דא, די מעשה כמות שהוא איז גאנץ זיכער נישט ריכטיג.

Click to shrink...

די מעשה איז זיכער יא אמת. ווי @אלעזר האט ריכטיג אנגעצייכנט אז דאס שיינט ווי א מגלה טמירין מעשה. חסידים וואָלטן קיינמאל נישט ממציא געווען אזא אפיקורסישע ראַדיקאַלע מעשה.

על אחת כמה וכמה ווען דער מספר איז נישט קיין אנדערער ווי (א קרוב משפחה מיינער) דער בוקאָווסקער רב און רבי דער זון פון רבי דודל דינאָווער און אייניקל פון בני יששכר

Click to shrink...