מיר הערן אסאך מאדענע סטעיטמענט פון טראמפ איבער די אוקריינא און רוסלאַנד קריג.
-די מידיא באריכטעט אז די אדמיניסטראציע וויל נישט רופן רוסלאנד די אגרעסאר.
-לויט אנדערע באריכטן וועט ער מעגליך גיין צו די רוסישע מאי 9 פאראדע וועלכע זיי פייערן זייער צוויטער וועלט קריג נצחון און אנדערע נצחונות און אנגעבליכע נצחונות ווי די איצטיגע קריג.
-זאלענסקי האט פארלוירן האלב די געלט
-זאלענסקי וויל קריג און פוטין נישט.
-זאלענסקי איז א דיקטאטור, אבער אויף פוטין הערט מען נישט קיין ווארט.
לאמיר קודם אדערסירן צוויי פונקטן דא,
1) ס'איז טאקע וואר אז זאלענסקי האט מער ליב דעמאקראטן ווי דעמאקראטיע, און האט פארבאטן געוויסע פאליטישע פארטייען וועלכע מ'קען האבן פראגן דערויף,
אבער די מציאות איז אז ער איז געהעריג ערוועלט געווארן און זיין טערמין איז ממש לעצטענס אויסגעלאפן, און זייער ווייניג לענדער וואלטן אפגעהאלטן וואלן אין אזא מלחמה צושטאנד וועלכע האלב לאנד קען נישט שטימען.
2) נישט יעדער מאָל מען קריטיקירט עפעס דארף מען ווידער דערמאנען דאס וואס יעדער ווייסט, אז פוטינ'ען איז א דיקטאטור,
אויסער דעם איז דאס נישט אונזער דאגה וויבאלד מיר זענען דאך אפי' אין טעכנישע מלחמה מיט אים, מיר דארפן פשוט אפשאצן צו דאס וואס מיר שטיצן איז טאקע אזא דעמאקראטיע.
מיר קענען גראדע אויך זאגן אז ס'מאכט נישט אויס ווי דעמאקראטיש ער איז, אבער טייל פון די דיסקוסיע איז עס אבער, און נישט די טראמפ וויזע שרייט אז שטיצע פאר אוקריינא איז וויבאלד זיי זענען א דעמאקראטיע.
יעצט צום פינטל, אויף די מאמענט קוקט זיך פוטין אן ווי א געװינער, ער מאכט קליינע פארשריט און די נאכאנאנדע מערב וועלט טוי'ס וואס זאלענסקי באקומט און פאדערט אייביג מאכט נישט קיין גרויס פארשריט אויף די ליניעס.
ער האט מער מענטשן פלייש פון זאלענסקי און רוסלאנד איז עקספיריענסד מיט 20 יעריגע מלחמות, און ער יאגט זיך נישט.
זאלענסקי פון די אנדערע זייט דארף אייביג צוקומען צו די חסד פון די מערב וועלכע פארלירט די געדולד, זיי זעהן איין אז זאלענסקי לעבט אין א באבל, און מיינט אז ער קען נאך עפעס פארדינען דא, בשעת די מערב האט גארנישט דא צו פארדינען אויסער א 200 ביליאן לאך סוף פון יעדער יאר צו א נערווירענדע שנארער וועלכע ברענגט נישט קיין ריזאלטאטן.
סא פארוואס זאל פוטין אויפגעבן די מלחמה, זאלענסקי קען מען טאקע לייגן אין א קארנער מיט אויפהערן די פאנדינג, אבער וואס קען מען סטראשענען דער פוטי'שע בער ?
נאך אטקאמס? פאטיראאטס ? אבראהאמס ? סטרייקערס ? שטורעם שאטנס ? דשאוולינס ?
טראץ די אלע מעכטיגע וואפן גייט די רוסישע פראדוקציע אן מיטן פולן שוואונג און נאך שנעלער ווי די גאנצע מערב וועלט מאנופעקטשערינג סיסטעם ביינאזאם , אוקריינא האט נישט די מעגליכקייט צו באמבארדירן די פראדוקציע וועלכע איז גאר ווייט און באשוצט מיט מיסל סיסטעמען, און א קליינע צען פונטיגער באמבע אויף א דראן וואס כאפט זיך אריבער וועט נישט מאכן די דשאב.
מער שטח ווי פוטין פלאנט צו סייווי קענען נעמען האט דאך נישט קיין פשט צו אים פארשפרעכן, ווייטער אנהאלטן די מלחמה האט אויך נישט קיין פשט, וויבאלד אויסער די פאר מערב וועלט אוקרייניסטן וועלכע רעדן זיך איין אז אין 15 יאר ארום וועט די רוסישע מיליטער זיין שוואכער אין א אנדערע פאטענציאלע מלחמה, האט נישט קיין פשט צו אויס'הרג'ענען א פערטל מיליאן מענטשן א יאר פון ביידע זייטן, מענטשן וואס האבן פאמיליע און ווערט צו זייער לעבן.
סא וואס קען מען געבן פאר פוטין, גארנישט.
די איינציגסטע תירוץ איז,
רוסלאנד איז א געוועזענע וועלט'ס מאכט, אמאל פלעגן זיי האבן איינפלוס אויף האלב וועלט בשעת היינט איז עס בלויז אויף איראן און צפון קארעא און ניטאמאל דאס וויבאלד כינע איז א גרעסערע יחסן ביי יענע חסידות'ער, סא די איינציגסטע אפציע איז צו געבן אביסל קאנפידענץ אטענטשן און אנערקענונג פאר אומ-סעקיור בולי וועלכע פלעגט אמאל זיין די קעניג פון די כיתה.
אלזא זייט גרייט וויבאלד דאס איז נאר די אנהייב פון די כוואליע חיזוק וואס פוטין גייט באקומען, און נעמטס די טאלעראנץ ווייטאמינען.
דאס איז פשט פון די גאנצע נושא און די סיבה פארוואס מ'הערט דא זאכן וואס צוויי דריטל טראמפ וויילער זענען קעגן.
מעכטיגקייט איז דאס וואס פוטין לויפט נאך מיטן ווידעראויפבוי פונעם רוסישע עמפייער, און דאס וועט ער באקומען א דאזע פון.
וועט עס ארבייטן, גוטע פראגע.
טעגליכע נייעס +
טעגליכע נייעס +
On Telegram:
טעגליכע נייעס +
