טראמפ האט זיך נעכטן, פרײטאג, געטראפן מיט פוטין אין
אַנקאָרײדזש אַלאַסקע, א װעג פון כמעט זיבן שעה מיט א פליגער פון װאשינגטאן, כדי צו פראבירן צו עגריען אױף א שטילשטאנד מיט אוקרײנא. די מיטינג איז נישט פארגעקומען מיט די באטײליגונג פון פרעזידענט זעלענסקי פון אוקרײנא אבער די רוסן האבן אנגעצײגט אז א 3-װֿעי מיטינג מיט זעלענסקי װעט אצינד זײן מעגליך. טראמפ האט אױכעט אזױ אינדיקײטעד.
טראמפ און פוטין האבן בײדע געגיבן א פרעסע קאנפערענץ, נאכװאס טראמפ האט גערעדט מיט פוטין פאר בערך 3 שעה אין פרײװעט. אבער אנדערש װי אלעמאל האבן נישט טראמפ, נישט פוטין גענומען שאלות פון זשורנאליסטן.
בשעת װאס פוטין האט פרובירט צו גיבן דעם אָנגעהער אז זײער שמועס האט גאר אסאך אױפגעטוהן איז טראמפ געװען מער אײנגעהאלטן און גערעדט האלב די צײט פון פוטין'ס רעמבּלנדע רעדע. טראמפ האט געזאגט אז זײ האבן געמאכט "גרױס פראגרעס" אין זײער "עקסטרימלי פראדאקטיװע" שמועס אבער אז סײ װעלכע דיעל װעט קודם מוזן קריגן די הסכמה פון זעלענסקי. ער האט אױך געזאגט אז ער װעט אצינד דארפן מאכט עטליכע טעלעפאן קאָללס קודם, למשל צו נײטאָ און צו זײנע אײראפעישע פּאַרטנערס.
טראמפ האט געזאגט אז עטליכע פױנטס זענען געבליבן 'אאַוּטסטענדיג' װי אײנער זאגט, אײנע פון זײ גאר װיכטיג אבער ער האט זיך נישט ערקלערט. עס איז װיכטיג צו געדענקען אז טראמפ האט געהאט געזאגט אז ער װעט זײער "נישט העפפי זײן" אױב דער טאג ענדיגט זיך נישט מיט א שטילשטאנד אין אוקרײנא; און אז ער װעט אװעק שפאצירן פון דעם שמועס. בײדע פון זײ זענען נישט געשעהן אבער די טאג איז יא קערצער געװען װי געפלאנט, און דער לאנטש װאס האט געדארפט פאסירן האט נישט פאסירט. אױך, האט פוטין מיטגעברענגט צו דעם מיטינג פולע ביזנעסלײט, פינאנץ סטראטעגיסטן, דעפענס באאמטע און דיפלאמאטן אבער מיטונגען צװישן זײ און טראמפ, אזױ װי פוטין האט געהאפט, זענען נישט פארגעקומען. טראמפ האט קאמענטירט אז מען קען נישט רעדן פון ביזנעס אײדער עס איז נישטא קײן סיִעזפײער - "נאר אײנמאל מיר באקומען דעם מלחמה סעטטלד."
מען האט שפעקולירט אז ס'איז מעגליך דאס זײ האבן געמאכט מער פראגעס פון װיפיל זײ װילן זאגן װײל זײ װילן נישט אױפרעגן זעלינסקי מיט'ן קומען צו החלטות אהן זיך קודם דורכרעדן מיט אים.
פוטין האט אינצװישן זײן דרשה, אינטער א בּעננער אױפ'ן װאנט װאס האט זיך געלײענט "זוכן שלום", געזאגט, אז ער האט שטענדיג גערעדט װעגן אוקרײנא װי איבער א ברודערליכע פאלק, אפגעזעהן װי מאדנע עס הערט זיך אין די יעצטיגע סיטואציע. פוטין האט אױך געזאגט אז ער האט געגריסט טראמפ אלס א שכן (נײבּער) און אים אנטפאנגען מיט די װערטער, "אגוטן מיטאג שכן, ס'איז גוט דיר צו זעהן אין גוטן געזונט און לעבעדיג, איך טראכט אז דאס איז זײער שכן'דיג צוזאגן."
װען טראמפ האט צוגעענדיגט זײן אײגן דרשה זאגענדיג אז ס'װעלן זײן נאך מיטינגען בקרוב האט פוטין אלעמען איבערראשט װען ער האט צוריקגעענטפערט מיט א זעלטענע פאר װערטער אין ענגליש, "נעקסט טײם אין מאסקװע." טראמפ האט צודעם צוריקגעענטפערט אז ער װעט מסתמא קריגן היץ פאר אזא שריט.
די צװײ האבן זיך געטראפן אױף אַן אױסגעשפרײטע רױטען טעפיך, נעבען בײדע זײערע פריװאטע פליגערס און זײ האבן זיך װארעם געשאקלט די הענט, קלאפענדיג מעשה חבר מיט'ן צװײטן האנט אױף אײנער דעם אנדערן'ס ארעמעס. טראמפ האט אפילו געקלאַטשט עטליכע מאל מיט זײנע הענט, בשעת ער האט געװארט אז פוטין זאל זיך דערנענטערן צו אים ער זאל קענען מיט אים שײקן די הענט. דערנאך האבן זיך בײדע ארײנגעזעצט אין טראמפ'ס לימוזין אָנגערופן דער בּיעסט, אהנע געהילפן און טרענסעלעיטערס, אװעק פון די קאמעראס, און פון דארטן ממשיך געװען אװעקצופארן מיט זײערע מארטאקאדעס, צו זײער פריװאטן מיטינג. פוטין האט אײדער'ן ארײנשטײגן אין טראמפ'ס לימוזין, איגנארירט געשריעהן פון די דזשורנאליסטן, אינקלודינג אײנע װאס האט געשריגן צו אים: "װען װעסטו אױפהערן הרגענען ציװילע?" פוטין האט אין רעספּאָנס געװיזן מיט די האנט אױף זײן אױער, זיך מאכענדיג װי כאילו ער האט נישט געהערט װאס זי האט געזאגט צו אים.
אַקאָרדינג צו זעלינסקי, בשעת װאס פוטין איז געפלױגן צו דעם קאנפרענץ האט רוסלאנד געלאָוּנטשט מיסיל אטאקעס אױף פיהר אוקרײנישע ראיאנען, אין װעלכע לכה"פ אײן ציװילער איז געהארגעט געװארן. טראמפ, אױף א פראגע פון רעפּאָרטערס דערװעגן, האט געענטפערט אז ס'קוקט אים אױס דאס פוטין רעדט זיך אײן אז ס'פארשטארקערט זײן האנט בײם פארהאנדלען. ער װײסט נישט אױב ס'איז אין פוטין'ס נאטור, זײן פֿאבּריק (פון װאס ער איז געמאכט) אדער זײן "דזשינס" װאס מאכט אים זיך אױפֿפירן אזױ, אבער לדידו, טוהט דאס נאר שװאכער מאכן פוטין'ס האנט.
נאך א טעלעפאן קאָלל הײנט צופרי מיט טראמפ, האט זעלינסקי מודיע געװען אז ער װעט מאנטיג פארן קײן װאשינגטאן זיך צוטרעפן פערזענליך מיט טראמפ. טראמפ האט אין אַן אינטערװיאו געצה'ט זעלענסקי ער זאל מסכים זײן א דיעל מיט פוטין און גײן דירעקט צו שלום װי אײדער בלױז צו א שטילשטאנד.
דער בריטישער פרײַמיניסטער קיער סטאַרמער האט נאך א טעלעפאן רוף מיט טראמפ זיך אױסגעדרוקט אז טראמפ האט געברענגט די װעלט א טריט נאענטער צו שלום.
