מאדנע ענינים טוען זיך שוין אפ די לעצטע צוויי יאר.
די ערשטע זאך וואס איך האב באמערקט איז געוועהן אין 2023 אינעם אשכול די היסטאריע פון אונזער שטיבל
דא
מנהל post_id=520351 time=1680452130 user_id=1705 האט געשריבן:
ווי שוין געשריבן איז דער שמועס 100% לעגיטים ווילאנג מ'איז א היימישער תושב דא און יעדער פארשטייט אז מ'מיינט עס לתועלת. נייע ניקס וואס האבן נישט עפעס אנדערש וואס צו שמועסן דא וועלן אויסגעשפארט ווערן.
פונדאמענטאל איז אויסגעשפארט געווארן, און אויף זיין פראגע אין אימעיל וועלכע תקנות ער האט געבראכן און אויב מ'קען אים צוריק אריינלאזן, האב איך אים דאס געענטפערט:
א גוטן טאג הרב פונדאמענטאל,
כ'וואלט דיר גערן צוריק געעפענט אבער אויב פארשטייסטו נאך אלץ נישט אז די האסט געשריבן עפעס וואס טויג נישט, האלט איך אז מ'גיימיר נישט לעקן פון דיר קיין האניג. ואם כן מה לי לצרה הזאת?
פון מיין פערספעקטיוו האסטו קודם כל פארדרייט אן אשכול. דער אשכול איז וועגן די היסטאריע פון ק"ש. נישט דיינע שפעקולאציעס צי ק"ש איז געזונט פאר'ן נפש.
צווייטענס, ווי כ'האב שוין געשריבן, איז פשוט נישט אין פלאץ פאר א נייע מעמבער צו קומען אין א פלאץ און שפעקולירן איבער די לעגיטימקייט פון דעם מקום. משל למה הדבר דומה, א מענטש קומט אן אין א ביהמ"ד, אין אינעם ערשטן טאג ברענגט ער אויף די שאלה אז אפשר איז דער ביהמ"ד נישט געזונט פאר'ן נפש. ר' איד, ווער א תושב, ווער היימיש, נאכדעם קענסטו אויפברענגען וואס די ווילסט. דעמאלטס וועט יעדער פארשטיין אז מיינסט נישט צו טראלן, נאר די מיינסט טאקע די טובה פונעם עולם. (און כ'חזר נאכאמאל איבער אז דער שמועס איז לעגיטים, נאר ווען די קומסט אן ווי א נייע מעמבער מיט אזא "תמימות'דיגע" שאלה איז גאנץ קלאר אז די זוכסט צו זיין פראוואצירענד).
דריטענס, טראצדעם וואס האסט געלייקענט אז די האסט געזאגט אז ק"ש איז מעגליך נישט געזונט פאר'ן נפש, האסטו עס בפירוש יא געזאגט. לייקענען עפעס וואס איז ברור כשמש ווערט גערופן געזלייטינג. און כ'דארף דאס נישט טאלערירן.
פערטנס, האסט אטאקירט דעם מנהל. יא, כ'נעם מיך אהן פאר מיין אייגענעם שלות הנפש. דער פרייז פון פירן ק"ש דארף נישט זיין צו טאלערירן אטאקעס פון א נייעם מעמבער וואס כ'ווייס ניטאמאל זיינע מאטיוון.
פינפטנס, אלס א חלק פון דיין אטאקע האסטו געזאגט א פרעכן שקר: "אנשטאט צו זיין אפן דערמיט און קאנפראטירן די שאלה האט איר בוחר געווען צו אטאקירן דעם שואל." דער פאקט איז אז אין מיין ענטפער צו דיר האב איך מער געשריבן טאקע צו אדרעסירן דיין שאלה ווי צו אויסדרוקן מיין וואונדער אויף דיינע מאטיוון.
וועלכע גענויע תקנות דו האסט עובר געווען? פארדרייען אן אשכול (אות מ"ה), געשריבן פראוואצירענד (אות כ"ו), געטראלט (אות ל'), אטאקירט א מנהל (אות ל"ד), נישט געפאלגט א מנהל (אות מ"ז), און דאס אלעס נעמט זיך צוזאם אלס א רגליים לדבר אז דיין ציל איז געווען צו פארדארבן די אטמאספערע מיט נעגאטיוויטי אויף ק"ש (אות מ"ט).
הצלחה רבה.
פאליטיקאנט האט דאן איידעלערהייט מעורר געוועהן.
פאליטיקאנט post_id=520463 time=1680491763 user_id=3782 האט געשריבן:
@מנהל זייענדיג א שטיקל ליבערטעריען בין איך מוחה אינעם אויסשפארן.
כ'האלט אויך אז ער האט זיך נישט געפירט כהוגן און זיינע מאטיוון זענען 'פארנעפלט' אבער נאכאלס נישט קיין סיבה אויף אויסצושפארן.
ק"ש איז ביסודה שטארק קעגן צענזור, און אין די פריערדיגע יארן פלעגט מען טאקע כמעט נישט מעקן אדער שפארן חוץ ווען איינער האט "קלאר און מערערע מאל" עובר געווען אויף תקנות.
איך פיל אז די פרינציפן הייבן אן גליטשן.
דאס איז וואס מיין קליינטשיגע מח האלט.
פון דארט און ווייטער איז עס געגאנגן מיט "ווער ס'מאכט מיך קאפוויי" יעדע הערה איז "אטאקירן די מנהל".
פון דארט און ווייטער האבן זיך אנגעהויבן די גזירות.
*הונדערטער (לכאו') אשכולות זענען גענצליך פארשווינדן געווארן פונעם אויג. (דוקא די זאפטיגע וואס עפענען אויף דעם קאפ)
* וואס מ'מעג שרייבן, די דראסטישע טויש אין דיירעקציע. די רוח אין שטיבל פון די היינטיגע ניקים איז דעזיינט געווארן דורך די הנהלה, למשל זעה דעם אשכול
OU. (לעיקוואד שרייבט שוין אז מיר זאלן זיך נישט נער'ן, די הנהלה שטופט אגענדאס). די טויש איז נישט גענוג מערקבאר היות אזוי פיהל אשכולות פעהלן.
*צו ליינען תגובות מוז מען זיין איינגעשריבן. (דעם גזירה האט זיך אויך אנגעהויבן צוליב "טעכנישע סיבות פאר א קורצע צייט" און דערנאך האט מען גע'בּי-עס'ט מיטן עולם דורך ניק'ס וואס שרייבן אז ס'איז בעסער. זעה
דעם אשכול (לאמיר זעהן ווען דער אשכול וועט פארשווינדען ווערן..)
*צו בלייבן איינגעשריבן מוז מען שרייבן א סכום תגובות.
*אימעיל'ס ארבעטן נישט... די לעצטע שטיק צייט זענען פארשפארט געווארן א סכום פון שרייבער'ס. (איך האב זיך פלוצלינג געטראפן פארשפארט אויף אייביג, פארן סיבה פארבינד זיך מיטן מנהל ראשי.)
*צוליב טעכנישע סיבות קען מען נישט אננעמען מעמבער'ס. (מיין פיהלינג. מ'גייט קיינמאל מער נישט אננעמן נייע מעמבער'ס)
*די מנהל גייט אויף וואקאציע.
--
ווען כ'האב איבערגעקוקט האב איך געזעהן ס'האט זיך שוין געפענט אזוי, אינעם סוף מעשה באמערקט מען דעם מחשבה תחילה.
לעיקוואד האט שוין בארירט אזאנע נקודות מיט נאך. ווי די מנהל'ס אנדערע ניק'ס איז א סוד.
זייט דעמאלס האבעך באמערקט די זעלבע פאר ניקים נעמען זיך אלעמאל אהן פאר די הנהלה. (און אמאל אויף א וועג פון פערזענדליך אטאקירן און די "הנהלה" וואלט נישט אזוי געשריבן).
ס'איז
דעמאקראטיע געפירט דורך
איין מענטש.
אזוי ווי די מנהל שרייבט דארטן אינעם אשכול "וואס קאכט זיך אין ק"ש" וז"ל:
יעדער בר בי רב חד יומא פארשטייט אז ווען א מענטש אדער מענטשן פירט אהן א פלאץ, וועט ער עס פירן לויט זיין שיקול הדעת. מ'קען נישט סיי טוהן די עקטועל ארבייט און סיי זיין משועבד צו יעדער וואס האלט אנדערש.
וכו'
וועט קאווע שטיבל זיך פירן לויט מיין שיקול הדעת, און די שיקול הדעת פון די מענטשן מיט וועם איך רעד מיך דורך אויב איך וויל הערן א סעקאנד אפיניען. עכ"ל.
כ'גיי נישט טענה'ן אויף עוולות. און דיסהאנעסטי, די עלטערע ניקים טראסטן שוין נישט קיין ווארט וואס די מנהל שרייבט.
ס'איז א שאד מיין ענערגיע. אנשטאט פון צוריקקוקן אהין אויפן שיינעם פלאץ וואס איז צוגרינד געגאנגען, וועט מען דא זיכער מאכן אז החלטות איז נישט אין די הענט פון יחידים אדער א יחיד וואס געט געלט. נאר דוקא דורך אקטיווע נארמאלע באזעסענע שרייבער, מיטן וועג פון הלך אחר הרוב.
אגב, כ'גלייב אז ווער ס'האט דא די זעלבע ניק ווי אויף ק"ש (און איז נאכנישט אויסגעשפארט) וועט נישט לייקן דעם תגובה. אזוי גרויס איז די פחד פון פרייהייט פון ווארט אין מאמע רוסלאנד.
