שמייכעל
אלטגעזעסענער קרעמלער
- זיך איינגעשריבן
- יוני 5, 2025
- מעסעדזשעס
- 291
- רעאקציע ראטע
- 1,069
- פונקטן
- 213
מוה''ר רבי יעקב ראבקין הי'''ו, איז דער פראפעסער עמעריטוס, (עמעריטוס, מיינט ער האט מער נישט קיין טעגליכע אקטיווע קלאסן, אבער דינט נאך אלץ אלץ בכבודיגער פראפעסער דארטן) זינט 1973 אינעם יוניווערסיטי אפ מאנטירא'. א פראנצויזישע שפראך אוניווערסיטעט וואס געפינט זיך אינעם היימישן חסידישן אונטערמאנט געגענט פון מאנטריא' קאנאדע. דער אוניווערסיטעט איז די סיבה פארוואס די רענטס זענען אזוי טייער דארטן, ווי די קאלעזש סטודענטן און פאקולטי, צאלן אסאך געלט דארטן צו וואוינען נעבן זייער פלאץ ווי זיי לערנען דורכ'ן טאג. אבער דאס איז אויך גאנץ א גוטער אינקאם פאר די ריעל עסטעיט אינגעלייט דארטן, ווייל זיי וואונען צוזאם געשטופט אסאך אין איין דירה. ווי חסידישע אידן וואלטן נישט געוואונט אין די אומשטענדן. גענוי די זעלבע ''האויזינג'' מעשה ווי אין וויליאמסבורג.
פראפעסער ר' יעקב ראבקין איז געבוירן אין די פארגאנגענע סאוויעטן פארבאנד און דארטן באקומען זיין דעגרי, ער לערנט בעיקר היסטאריע, אבער מער פרטיותדיג די פרייהייט פון טעכנאלאגיע, און איר אנטוויקולינג והשלכות אויף פרייהייט.
איך האב זיך באגעגענט מיט'ן חשובן פראפעסער דאהי אין וויליאמסבורג ווי ער קומט כסדר קיין סאטמאר צו דרשנען קעגן ציונות. תורה טרייע אידן 'נטרונא' ''האוסט'' אים. ווי אויך האט ער א טאכטער וואוינען דא בשכינות פון אונז. ר' יעקב ראבקין האט ארויסגעגעבן אסאך ביכער און שרייבט כסדר ארטיקלען, איבער דאס שוונצנות פון ציוניזם.
ר' יעקב ראבקין זייענדיג א ערליכער שומר תורה ומצות, איז ער זייער אריין געטאן אין פארשפרייטן די 'שיטה הקדושה', פון רבינו הקדוש דער בעל ויוא' משה זי''ע, קעגן ציונות, ווי הרב הגאון רבי שאול מגיד שליט''א, דער הארווארד אידישער פראפעסער און פייער איילענד רב, ברענגט ר' יעקב אראפ כסדר, פאר די וועלט און פאר היסטאריע, אז רוב אידן זענען געווען זייער אויסגעשפראכן, קעגן ציונות ביז נאכ'ן האלאקאוסט.
ער זאגט פאר די וועלט און פאר היסטאריע, אז ציונות איז מלכתחילה געווען געגרינדעט, אלץ א פרייער אנטי תורה און אנטי אידישקייט באוועגונג. פונקט ווי בונדיזם און נאציזם און אלע אנדערע איזם'ס איז דאס געווען א נייער שטרעמונג, ווילד פרעמד פאר די וועלט בכלל, און אידן בפרט.
זינט אקטאבער 7 האט ער נאך מער פארשארפט זיין קאמפ קעגן ציונות, ווי מ'זעהט היינט אז ביבי האט נישט קיין שום חשבון אין זיין מלחמה אין עזה נאר צו מאכן זשענאסייד אויף די ארטיגע פאליסטינער.
ר' יעקב ראבקין איז פון די געציילטע פובליק אינטעלעקטואלן וואס איז אויך א פרומער שטאלצער שומר תורה ומצות איד, וואס שרעקט זיך נישט פון די ציונים, און איז מוחה קעגן זיי, השכם וערב, בלי שום פחד כלל, זיין קאלום לויפט וועכנטליך אין דעם שטארק ציוניסטישער רעכטער גרופע-בלאג, ''טיימס אפ יזראעל'', כאטש ער איז זייער אנטי ציוניסטיש, אבער 'ומלאך רע בעל כרחו יענה אמן' ווייל ער איז א פרומער איד און א גאר געשעצטער פראפעסער!
זיין בוך ''די סכנה פון אינעווייניג; א יארהונדערט פון אידישע התנגדות צו ציוניזם'' האט געוואנען אסאך פרייזן, עד כדי כך, אז אין יאפאן איז דאס באקרוינט געווארן, 'אלץ איינע פון די דריי בעסטע ביכער פון יאר!' אין יאר 2010. עס איז געווארן געשריבן לכתחילה אויף פראנצויזיש, אבער איז היינט איבערגעטייטשט אויף 14 שפראכן איבער די גארער וועלט!
ר' יעקב ראבקין האט ארויסגעגעבן נאך ביכער קעגן ציונות, ווי אויך איבער אנדערע מער אלגעמיינערע סוביעקטן.
זיינע ארטיקלעך לויפן אין נאך וועבסייטס אחוץ ציוניסטישע ווי למשל דער אידישער אנטי ציוניסטישער גרופע בלאג מאנדאוי ווייס אויכט. ווי אויך האט ער אן אייגן בלאג.
איך ווייס נישט צו זיין ווייב גייט ניט מיט די אייגן ביי-האר וואס מ'איז מקפיד ביי'ן אונז אין סאטמאר, אז מ'זאל נישט גיין דערמיט, די נשים צדקניות, אבער ר' יעקב פאר זיך איז גאר א גרויסער ירא שמים מרובים, אן עובד השם יתברך במסירת נפש ממש, ער גייט יעדעס יאר אויף ארץ ישרא' זעלבסט דארטן לערנען מיט די ציונים און די פאליסטינער דעם דבר השם יתברך ברמה!
מילא איז ער אין א גרויסע סכנת חיים, פון זיי די ציונים, אז זיי זאלן אים נישט שיסן אויף טויט רח''ל, ווי זיי האבן ליידער געטאן צו דר' יעקב ישרא' דעהאן הי''ד, מיט נאך אסאך הייליגע אידן וואס זענען געווען אקטיוו קעגן זייער ציונות, צוליב זיין אויסגעשפראכנער התנגדות קעגן ציונות. דער אייבערשטער זאל אים אוואדאי אפהיטן. אמן כן יהי רצון!
לעצט רעדאגירט:
