די גרעסטע פילאזאפן אין דער געשיכטע, און זייער אניאגראם טיפ

[מרחשון]

פילאזאפן זוכן צו פארשטיין די וועלט, מענטשן'ס נאטורן, און די יסודות'דיגע אמת פון עקזיסטענץ. אבער, זייערע פערזענלעכקייטן און צוגאנג צו פילאזאפיע זענען געווען זייער אנדערש. איינע פון די וועגן וויאזוי מיר קענען אנאליזירן זייערע כאראקטערן איז דורך דער לעגענדארער אניאגראם—א סיסטעם וואס קלאסיפיצירט מענטשן אין ניין טיפן לויט זייערע דרייוון, סטראטעגיעס, און לעבנס-פילאזאפיעס.




טיפ 1 – דער רעפארמער (די שלימות זוכער)

פערזענליכקייט: דיסציפלינירט, לאגיש, מאראליש, און סטרוקטוריסטיש. זיי לעבן אין א וועלט פון גערעכט און אומגערעכט, וואס איז ריכטיג און וואס איז ראנג, און זיי זוכן שלימות אין וויסנשאפט און אין געזעלשאפט.

• אריסטא – ער האט סטרוקטורירט פילאזאפיע, וויסנשאפט, עטיקס, און פאליטיק. זײן פילאזאפיע איז געווען באזירט אויף לאגישע קאטעגאריעס און ער האט געזוכט צו שטעלן גרעניצן און איינארדענען דאס מענטשליכע וויסנשאפט. ער האט אנטוויקלט דער געדאנק פון טעלעאלאגיע (תכלית), וואס באדייט אז אלעס אין דער נאטור זעט אויס אויסגעשטעלט צו דינען א ספעציפישער ציל.
• עמאנועל קאנט – ער האט געגלויבט אין מאראלישע פרינציפן וואס זענען אבסאלוט און נויטיגן זיך נישט אין קיין עקספערימענטן אדער סיטואציעס זיי צו באשטעטיגן. זײן Categorical Imperative האט אהערגעשטעלט א שטרענגע מאראלישע פרעים וואס מענטשן דארפן נאכפאלגן, אומאפהענגיג פון די ספעציפישע סיטואציע.
• קארל מארקס – כאטש וואס ער ווערט נישט געווענליך באטראכט ווי אן 1, איז זײן געזעלשאפטליכע דענקעריי געווען שטרענג סטרוקטורירט מיט אן אביעקטיוו צו מאכן א בעסערע, סטרוקטורירטער סיסטעם. ער האט געגלייבט אז דער קאפיטאליסטישער סיסטעם פארשאפט אן אומבאלאנס און דארף געטוישט ווערן דורך א קאמוניסטישע רעוואלוציע.

טיפ 2 – דער העלפער (די ליבער)

פערזענליכקייט: עמפאטיש, אידעאליסטיש, זיך אפגעבן מיט אנדערע.

• זשאן-זשאק רוסא – ער האט געגלייבט אין דער אינערליכער גוטסקייט פונעם מענטש און אז עס איז בלויז דער געזעלשאפט וואס פארדרייט אים. אין The Social Contract האט ער אוועקגעשטעלט די געדאנק אז די בעסטע רעגירונג איז א דירעקטע דעמאקראטיע וואס רעפרעזענטירט דעם General Will פון דער געזעלשאפט.

טיפ 3 – דער עררייכער (דער מוצלח)

פערזענליכקייט: אמביציעז, דינאמיש און ערפאלגרייך. זיי זענען צענטערירט אויף א קאנקרעטע ציל און טוען סיי וואס אימער כדי עס צו דערגרייכן.

• ניטשע – זײן טערמין Übermensch איז א קאנצעפט וואס שטעלט דעם מענטש אין צענטער פון זײן אייגענע הצלחה און מאכט. אין Thus Spoke Zarathustra האט ער געפרעדיגט די געדאנק אז דער מענטש דארף איבערגעבן זײן אייגענע מאראל און ווערן א שעפערישער מאכט.
• סאפיסטן – זיי האבן נישט געזוכט דעם "אמת", נאר געוואלט איבערצייגן און געווינען דעבאטעס דורך רעטאריק. דער עיקר איז נישט וואס איז ריכטיג, נאר וויאזוי עס שטעלט אהער דעם מענטש.

טיפ 4 – דער אינדיווידואליסט (די סענסיטיווע נשמה)

פערזענליכקייט: אינטואיטיוו, קריעטיוו, עמאציאנאל, און זוכן אן אייגנארטיגע וועג אין לעבן.

• סאקראטעס – ער איז געווען א גרויסער פראוואקאטאר און האט געטאן אלעס אין דער וועלט כדי צו געפינען דעם אמת. זײן Socratic Method איז א טעכניק וואס ארבעט דורך שטעלן פראגעס מיט'ן ציל צו מאכן מענטשן טראכטן טיפער און אנטדעקן זייערע 'אייגענע' גלייבונגען. א ריכטיגער אינדיווידואליסט.
• שאפענהאוער – ער האט אנטוויקלט אן עקזיסטענץ-פעסימיסטישע טעאריע וואס זעט דאס לעבן ווי א צארנדיגע, אומעטיגע Will to Live וואס ווערט קיינמאל נישט צופרידן. לויט אים איז דאס לעבן געבויט אויף ליידן, און דער איינציגסטער וועג זיך ארויסצוזען איז דורך זיך אפגעבן מיט קונסט און גענצליך אויפגעבן דעם ווילן אז עס זאל ווערן בעסער.

טיפ 5 – דער אויספארשער (דער אינטעלעקטואל)

פערזענליכקייט: אפגעזונדערט, דענקעריש און זייער אנאליסטיש.

• פלאטא – ער איז געווען מער באזירט אויף מחשבה ווי אויף ערפארונג, און געבויט א גאנצע וועלט וואס איז העכער פון דער פיזישער רעאליטעט. זײן טעאריע פון די Forms - א ריכטיגער פינעווער משוגעת - איז געווען א הויפט יסוד פון זיין פילאזאפיע, און אנדערש ווי אריסטא האט ער נישט איבריג געגליכן קונסט און טאלאנט.
• דעקארט – האט געזוכט צו בויען פילאזאפיע אויף אקוראטע וויסנשאפט, און האט געשטעלט Cogito, ergo sum (איך טראכט, דעריבער בין איך) אלס דער יסוד פון זיכערקייט. די סארט אמונה אין לאגיק איז כאראקטעריסטיש פאר א פארביסענער פינעווער.
• שפינאזא – האט ווייטער געלייגט אן אבסאלוטער סדר אין פילאזאפיע, געזען גאט און נאטור ווי איינס (Pantheism). דא איז שוין אביסל שווערער דאס צו ערקלערן מיט פינעווער שטריכן, אבער אזא שמעק געבט ער ארויס…

טיפ 6 – דער לויאליסט (דער סקעפטיקער)

פערזענליכקייט: סקעפטיש, אינטואיטיוו, און באזארגט איבער זיכערהייט און קאנסיסטענסי.

• טאמאס האבס – האט געזען די וועלט ווי א פאטענציעלע געפאר און געהאלטן אז מענטשן דארפן א שטארקע רעגירונג, ווי באַשריבן אין Leviathan. דער זעקסער גלייבט זייער שטארק אין פירערשאפט.
• די סקעפטיקער (פיראן) – האבן געהאלטן אז מען קען גארנישט וויסן אויף זיכער, און דעריבער דארף מען לעבן אין שטענדיגע צווייפל. אזוי זעען אויס אלע זעקסערס וואס האבן טראסט אישוס.

טיפ 7 – דער ענטוזיאסט (דער פרייליכער)

פערזענליכקייט: אפטימיסטיש, נײגעריג און אקטיוו.

• די ציניקער (דיאגענעס) – האבן געוואלט לעבן אין פולער פרייהייט, אן געזעלשאפטלעכע נארמעס. זיין באקאנטע ענטפער "רוק זיך אביסל אוועק, ווייל דו שטערסט די זון-שטראלן" ווען אלכסנדר מוקדון האט אים פארגעשלאגן אז ער קען בעטן וואס ער וויל, איז כאראקטעריסטיש פאר א זיבענער וואס געבט נישט קיין דעקל פאר כבוד און רעספעקט ווילאנג ער ענזשויעט זיך.
• וויליאם דזשעימס – האט געגלייבט אין א דינאמישע, אפענע פילאזאפיע וואס איז פלעקסיבל. דאס וואס ארבעט דער בעסטער, איז גוט פאר מיר. דער זיבענער פארמאגט אויך די נאטור אין וועלכע ער נעמט זיך נישט אזוי צום הארצן איבער וואס איז ריכטיג און אמת, כל זמן עס ארבעט פאר אים…

טיפ 8 – דער באהערשער (דער פירער)

פערזענליכקייט: שטארקע, מאכט-אריענטירטע, און אפטמאל קאנטראווערסיאל.

• מאכיאוועלי – האט געזען מאכט ווי א הויפט געצייג אין הצלחה און געוועלטיגונג. מאראל איז אומוויכטיג פאר א הערשער. דער עיקר איז דער שטארקער פירערשאפט.
• העגעל – האט געמאכט א דיאלעקטיק וואס האט געפרואווט צו באהערשן און פארמולירן אלע ערפארונגען. ער האט אנגעקוקט מאכט און קאנטראל ווי וויכטיגע יסודות פון פרייהייט.

טיפ 9 – דער שלום-זוכער (דער הארמאניע-זוכער)

פערזענליכקייט: רואיג, סטאביל און עטוואס סימפליסטיק.

• לאא-צע (טעאיזם) – האט געהאלטן אז דער עיקר איז צו לעבן בשלום מיט די כוחות פון נאטור.
• די סטאיקער (מארקוס ארעליוס) – האבן געפרעדיגט צוגעלאזנקייט און גלייכגילטיגקייט צו ליידן.

דאס איז, כמובן, בלויז א טעארעטישע אנאליז. פילאזאפן זענען קאמפליצירטע מענטשן, און טייל פון זיי האבן ארויסגעוויזן עלעמענטן פון מער ווי איין אניאגראם טיפ. אבער, די אפשאצונג קען העלפן פארשטיין זייערע פערזענליכקייטן און וויאזוי זיי זענען צוגעגאנגען צו זייערע געדאנקען.

 

[אלפא]

זייער שיין!

אזויווי דו זאגסט - עס איז זייער סימפליסטיק און reductive. אבער עס איז א שיינע סיכום און איבערזיכט אויף די הויפט פילאזאפישע פיגורן בכל אופן.

 

[ההוא גברא]

עמעיזינג!!

כ'האב באמערקט ס'דא מענטשן וואס ווייסן נישט וואס די ווילסט פון זיי ווען מ'רעדט פון די אניגרעם, ס'איז א אויפגעמאכט זאך, זיי פילן ווי ס'העלפט זיי בכלל נישט פארשטיין עניטינג (יעצט זעה איך @אלפא שרייבט אז ס'איז reductive, בעסער ארויסגעברענגט אין איין ווארט). בשעת אנדערע וועלן עס נוצן צו אנעלעזירן יעדע זאך אויפן וועלט נישט דווקא פערסאנעליטיס (פסח אדער פרייטאג זענען איינסערס למשל, משא'כ סכות גיבט מער אזעלכע טייפ 4 ווייבס, לאס אנדזשעלעס איז א דרייער, לונדון איז א ניינער, וויליאמסבורג איז א זעקסער וכו').
די זעלבע זאך מיט אנדערע סיסטעמס פון פערסאנעליטיס וכדו' ס'האט צו טוהן וויאזוי די מוחות ארבעטן, נישט יעדער פראסעסד אינפארמאציע די זעלבע.

די איינציגסטע וועג וויאזוי איך געדענק זאכן איז דורכ'ן אוועקגעלייגן אין אזעלכע קאטעגאריעס, אויב א זאך פאלט נישט אריין אין א קאטאגאריע ווערט עס פארלוירן ( כ'ווייס נישט אויב כ'ברענג עס גוט ארויס, ס'איז זייער א סוביעקטיוו געפיל).

אזא ארטיקל איז א פערפעקט פאר אזוינע מענטשן, יעצט האב איך א וועג צו פיילן פילאזאפן אין קאפ אויף א מסודרדיגע וועג.
(די פראבלעם ווערט, אז מ'הייבט אן צו generalize צו פיל, אבער ס'נאכאלץ בעסער ווי נישט וויסן און געדענקן זאכן).

 

[קאנאדער]

עמעיזינג!!

כ'האב באמערקט ס'דא מענטשן וואס ווייסן נישט וואס די ווילסט פון זיי ווען מ'רעדט פון די אניגרעם, ס'איז א אויפגעמאכט זאך, זיי פילן ווי ס'העלפט זיי בכלל נישט פארשטיין עניטינג (יעצט זעה איך @אלפא שרייבט אז ס'איז reductive, בעסער ארויסגעברענגט אין איין ווארט). בשעת אנדערע וועלן עס נוצן צו אנעלעזירן יעדע זאך אויפן וועלט נישט דווקא פערסאנעליטיס (פסח אדער פרייטאג זענען איינסערס למשל, משא'כ סכות גיבט מער אזעלכע טייפ 4 ווייבס, לאס אנדזשעלעס איז א דרייער, לונדון איז א ניינער, וויליאמסבורג איז א זעקסער וכו').
די זעלבע זאך מיט אנדערע סיסטעמס פון פערסאנעליטיס וכדו' ס'האט צו טוהן וויאזוי די מוחות ארבעטן, נישט יעדער פראסעסד אינפארמאציע די זעלבע.

די איינציגסטע וועג וויאזוי איך געדענק זאכן איז דורכ'ן אוועקגעלייגן אין אזעלכע קאטעגאריעס, אויב א זאך פאלט נישט אריין אין א קאטאגאריע ווערט עס פארלוירן ( כ'ווייס נישט אויב כ'ברענג עס גוט ארויס, ס'איז זייער א סוביעקטיוו געפיל).

אזא ארטיקל איז א פערפעקט פאר אזוינע מענטשן, יעצט האב איך א וועג צו פיילן פילאזאפן אין קאפ אויף א מסודרדיגע וועג.
(די פראבלעם ווערט, אז מ'הייבט אן צו generalize צו פיל, אבער ס'נאכאלץ בעסער ווי נישט וויסן און געדענקן זאכן).

Click to shrink...

זייער גוט ארויסגעברענגט
די פראבלעם ווערט ווען מ'הייבט אן אפסטעמפלען מענטשן און בעיקר קינדער אז זיי זענען די טיפ מענטש און שוין דא ענדיגט זיך עס
אנשטאט דעם דארף מען זיך לערנען וויאזוי צו אפלערנען וואס א מענטש זאגט און וויאזוי ער פירט זיך אויף בעיסד אויף דעם און עס נעמען ווייטער
נישט סתם זאגן אז די קינד איז די נומבער און קענסט גארנישט טוהן צו טוישן אדער צו בעסער מאכן זיין/איר מצב, ווייל דאס זענען זיי

 

[אפענער]

AI האט מיר וויליג געמאכט א נייע טייפינג סיסטעם מיט 12 טייפס

Growth Path​	Potential Challenges​	Key Characteristics​	Core Motivation​	Type​
Self-care, setting boundaries​	Overworking, burnout​	Compassionate, just, selfless​	Help others​	The Advocate​
Embrace imperfection, external feedback​	Perfectionism, self-criticism​	Creative, imaginative, artistic​	Express oneself​	The Creator​
Trust intuition, balance analysis with action​	Overthinking, indecisiveness​	Analytical, logical, methodical​	Seek knowledge​	The Analyzer​
Confront issues, assertiveness training​	Avoidance of conflict, passivity​	Diplomatic, calm, empathetic​	Seek harmony​	The Peacemaker​
Flexibility, self-compassion​	Rigidity, unrealistic standards​	Principled, disciplined, meticulous​	Improve and perfect​	The Reformer​
Self-nurturing, autonomy​	Neglecting self, dependency​	Supportive, nurturing, relationship-focused​	Care for others​	The Nurturer​
Grounding ideas in reality, step-by-step plans​	Over-ambition, lack of practicality​	Future-oriented, visionary, strategic​	Innovate and plan​	The Visionary​
Focus and follow-through, stability​	Impulsiveness, lack of commitment​	Adventurous, spontaneous, adaptable​	Seek adventure​	The Explorer​
Embrace spontaneity, adaptability​	Overcontrol, inflexibility​	Organized, systematic, goal-oriented​	Plan and execute​	The Strategist​
Emotional boundaries, self-care routines​	Emotional overwhelm, taking on others' pain​	Empathetic, caring, intuitive​	Emotional well-being​	The Healer​
Risk assessment, careful planning​	Recklessness, disregard for risks​	Bold, fearless, innovative​	Push boundaries​	The Pioneer​
Encouraging independence, sharing knowledge	Overbearing, reluctance to delegate	Wise, experienced, nurturing	Guide and inspire	The Mentor​