די טאכטער פון ישראל גרינוואלד פארציילט איבער די "מאפיא פאליציי" מארד פון איר טאטע
- Thread starter היילאו
- Start date
- זיך איינגעשריבן
- מאי 17, 2024
- מעסעדזשעס
- 1,774
- רעאקציע ראטע
- 6,838
- פונקטן
- 943
Israel Greenwald
די מעשה אין אידיש:
ישראל גרינוואלד איז געווען דער מוסטער פון איבערגעגעבנהייט — א גוטער, פלייסיגער ארטאדאקסישער איד, א ווארעמער מאן, און א שטאלצער טאטע פון צוויי קליינע מיידעלעך. אין פאראקעוועי, ניו יארק, האט ער אויפגעבויט אן ערליך לעבן מיט שווערע פלאג און מי, גרינדנדיג "בלו ריווער אינק.", א דזשולערי געשעפט וואס איז געווען געשעצט ביי יעדן וואס האט איהם געקענט.
אין 1985, האט א צווייטער חסידישער דזשולער — לאמיר איהם רופן HT — געבעטן ביי ישראל'ן א טובה וואס האט אויסגעזען צו זיין פשוט: אוועקלייגן א 'באנד' (א ווערד-פאפיר) אין אייראפע ביי איינע פון זיינע אפטע ביזנעס רייזעס. ישראל איז נישט אויסגעקליבן געווארן סתם אזוי. ער איז געווען א 'ליבעריען דיפלאמאט', און דער סטאטוס האט איהם געמאכט פאר א גוטע ציל-פונקט. מיט דיפלאמאטישע שוץ און ווייניגער אויפזעאונג פון בענק און די רעגירונגס-אויטאריטעטן, האט ער אויסגעזען ווי דער פערפעקטער מענטש צו טון די טראנזאקציע אן אויפוועקן קיין חשד. צוטרויענדיג זיין חבר, האט ישראל איינגעשטימט, קיינמאל נישט זיך פארשטעלנדיג אין וואסערע סכנה ער טרעט אריבער. ווען ער איז צוריקגעקומען צו די פאראייניגטע שטאטן, איז ער אפגעשטעלט געווארן דורכ'ן עף. בי. איי. ביי 'קאסטומס'. ווען מען האט איהם אויסגעפרעגט, האט ער זיי געזאגט דעם אמת: די באנד געהערט נישט צו איהם — א חבר האט עס איהם געגעבן. ערשט דעמאלטס האט ער אויסגעפונען די שרעקליכע מציאות... די באנד איז געווען גע'גנב'עט.
די עף. בי. איי. האט געפארדערט אז ישראל זאל ארויפנעמען HT אויף א 'רעקארד' ווי ער איז מודה צום פארברעך און אז ער זאל ארויסגעבן ווער עס שטעקט דערהינטער. פארצווייפעלט פאר אן הלכה'דיגע אנווייזונג, איז ישראל אריבערגעפארן קיין קאנאדע זיך דורכרעדן מיט א גרויסן רב. נישט וויסנדיג ווי געפערליך די לאגע איז, האט דער רב גע'פסק'נט אז אונטער קיינע אומשטענדן טאר ער נישט זיין קיין 'מסור' — איינער וואס גיט איבער א צווייטן איד פאר די רעגירונג. ווען די עף. בי. איי. האט איהם געצווינגען צו טראגן א 'ווייער' (אונטערהער-מאשינדל), האט ער געטראפן א וועג אנצוווארענען זיין חבר, זיכער מאכנדיג אז ער וועט איהם נישט אריינכאפן אין נעץ. אנשטאט דעם, האט ישראל זיך פארטרויט צו איהם גלייך אן א ווייער, איהם בעטנדיג ער זאל 'קאאפערירן' (מיטהעלפן) און אויסזאגן דעם אמת.
ישראל האט נישט געהאט קיין אנונג אין וואסערע כוחות ער האט זיך אנגעשטויסן. HT איז געווען פארבינדן מיט JB, א חסיד'ישער איד וואס איז געווען פארמישט אין א מאסיווע 'טרעזשורי באנד' שווינדל, וואס איז אנגעפירט געווארן דורך נישט קיין צווייטן ווי 'בערט קאפלאן' — א בארימטער קרימינאלער קאפ.
ווען קאפלאן האט געהערט אז ישראל קען מעגליך קאאפערירן מיט די פעדעראלע רעגירונג, האט ער געמאכט א שנעלע, ברוטאלע באשלוס: מען דארף ישראל שטיל מאכן.
קאפלאן האט זיך פארבינדן מיט 'פרענק סאנטארא', אן אלטער תפיסה קאנטאקט, וואס האט געוואוסט פונקט די ריכטיגע מענטשן פאר די ארבעט — די ניו יארק פאליציי דעטעקטיוון 'לואיס עפאליטא' און 'סטיווען קאראקאפא', וואס זענען שפעטער באקאנט געווארן אלס די "מאפיא פאליציאנטן". ניצנדיג זייערע פאליציי 'בעדזשעס' און צוטריט צו געהיימע אינפארמאציע, האבן זיי נאכגעשפירט יעדן דעטאל פון ישראל: זיין אדרעס, קאר, און טעגליכע סדר היום.
די פאסטקע איז געווען געשטעלט.
אינדערפרי דעם 10טן פעברואר, 1986, ווען ישראל איז געפארן צו די ארבעט, האבן זיי איהם אפגעשטעלט, ארויסווייזנדיג זייערע בעדזשעס און איהם באשולדיגט אין זיין פארמישט אין א 'היט-ענד-ראן'. צוטרויענדיג די מענטשן וואס ער האט געמיינט זענען עכטע פאליציאנטן, איז ישראל אריינגעשטיגן אין זייער קאר — נישט וויסנדיג אז מען פירט איהם צו זיין טויט.
זיי האבן איהם געברענגט צו א שטויביגע גאראדזש אין ברוקלין אויף 'נאסטראנד עוועניו' וואס האט באלאנגט צו אן אומשולדיגן מענטש, 'פיט פראנזאון'. לויט פראנזאון'ס שפעטערדיגע עדות'שאפט, האט ער געזען ווי זיי קומען אריין מיט א אידישן מאן מיט א יארמולקע. צוואנציג מינוט שפעטער, זענען נאר די פאליציאנטן ארויסגעקומען. ווען סאנטארא האט איהם אריינגערופן, האט פיט געטראפן ישראל'ס לעבנלאזער קערפער. סאנטארא האט איהם געסטראשעט: "העלף באגראבן דעם קערפער, אדער וועסטו אריינגיין מיט איהם אין קבר."
דערשראקן, האט פראנזאון אויסגעגראבן דעם גרוב. און פאר 19 יאר, האט ער געהאלטן דעם סוד, לעבנדיג מיט די שרעק פון וואס ער האט מיטגעהאלטן.
דערווייל, איז ישראל'ס משפחה געבליבן אין א נייטמער — קיין קערפער, קיין ענטפערס, קיין 'קלאוזשער'. קלאנגען האבן צירקולירט. טייל האבן געשושקעט אז ער האט פארלאזט זיין משפחה. אנדערע האבן זיך פארגעשטעלט פינסטערערע טעאריעס. זיי האבן נישט געהאט קיין וועג צו וויסן אז ער איז דערמארדעט געווארן דורך מענטשן וואס זענען געשוואוירן צו באשיצן.
אין 2005, איז דער פארברעך-נעץ ענדליך צעפאלן. בערט קאפלאן איז געווארן אן 'אינפארמאנט', און האט מודה געווען אז ער האט באצאלט 30,000 דאלאר צו הרג'ענען א "אידישן דזשולער". אבער קאפלאן האט נישט געוואוסט ישראל'ס נאמען, און אויך נישט פונקטליך וואו דער קערפער ליגט — נאר אז עס איז געשען ערגעץ וואו אויף ברוקלינ'ס אומענדליכע 'נאסטראנד עוועניו'.
דעטעקטיוון, וואס האבן נישט געוואלט לאזן די קעיס ווערן 'קאלט', האבן אויפגעדעקט א קריטישע שפיר: פרענק סאנטארא'ס אלטע 'האמאסייד' (מארד) טעקע, און אינעווייניג א פארגעסענע טעלעפאן בוך — מיט 'פיט פראנזאון'ס' טאואינג קאמפאני נומער. ווען מען האט איהם קאנפראנטירט, האט פראנזאון זיי אהינגעפירט צום באהאלטענעם קבר.
ישראל גרינוואלד'ס קערפער איז ענדליך געפונען געווארן. נאך 19 אנגעצויגענע יארן, איז ער געברענגט געווארן צו קבורה אין ארץ ישראל.
גערעכטיגקייט איז געקומען א יאר שפעטער. אין אפריל 2006, זענען לואיס עפאליטא און סטיווען קאראקאפא געפונען געווארן שולדיג נישט נאר אין ישראל'ס מארד, נאר אין נאך זיבן אנדערע. זיי זענען פאראורטיילט געווארן צו לעבנס-לענגליכע תפיסה, וואו זיי זענען ביידע עווענטועל געשטארבן — זייערע בעדזשעס און זייער כבוד זענען שוין לאנג געווען צעפוילט.
(שרעקליכערהייט, האט קאפלאן שפעטער באפוילן די פאליציאנטן צו הרג'ענען HT אויך. ווען עפאליטא און קאראקאפא האבן איהם אריינגעכאפט אין א וויליאמסבורגער טרעפ-שטייג, האט HT דערשמעקט דעם פאסטקע. מיט א שטארקע שטיפ, האט ער אראפגעווארפן דעם פיל גרעסערן עפאליטא פון די טרעפ און איז אנטלאפן שרייענדיג פאר הילף. זיין אינסטינקט האט געראטעוועט זיין לעבן — און יארן שפעטער, האט זיין איבערלעבן צוגעלייגט נאך א קלאגע צו די 'מאפיא פאליציאנטן'ס' לאנגע ליסטע פון פארברעכנס.)
די מעשה אין אידיש:
ישראל גרינוואלד איז געווען דער מוסטער פון איבערגעגעבנהייט — א גוטער, פלייסיגער ארטאדאקסישער איד, א ווארעמער מאן, און א שטאלצער טאטע פון צוויי קליינע מיידעלעך. אין פאראקעוועי, ניו יארק, האט ער אויפגעבויט אן ערליך לעבן מיט שווערע פלאג און מי, גרינדנדיג "בלו ריווער אינק.", א דזשולערי געשעפט וואס איז געווען געשעצט ביי יעדן וואס האט איהם געקענט.
אין 1985, האט א צווייטער חסידישער דזשולער — לאמיר איהם רופן HT — געבעטן ביי ישראל'ן א טובה וואס האט אויסגעזען צו זיין פשוט: אוועקלייגן א 'באנד' (א ווערד-פאפיר) אין אייראפע ביי איינע פון זיינע אפטע ביזנעס רייזעס. ישראל איז נישט אויסגעקליבן געווארן סתם אזוי. ער איז געווען א 'ליבעריען דיפלאמאט', און דער סטאטוס האט איהם געמאכט פאר א גוטע ציל-פונקט. מיט דיפלאמאטישע שוץ און ווייניגער אויפזעאונג פון בענק און די רעגירונגס-אויטאריטעטן, האט ער אויסגעזען ווי דער פערפעקטער מענטש צו טון די טראנזאקציע אן אויפוועקן קיין חשד. צוטרויענדיג זיין חבר, האט ישראל איינגעשטימט, קיינמאל נישט זיך פארשטעלנדיג אין וואסערע סכנה ער טרעט אריבער. ווען ער איז צוריקגעקומען צו די פאראייניגטע שטאטן, איז ער אפגעשטעלט געווארן דורכ'ן עף. בי. איי. ביי 'קאסטומס'. ווען מען האט איהם אויסגעפרעגט, האט ער זיי געזאגט דעם אמת: די באנד געהערט נישט צו איהם — א חבר האט עס איהם געגעבן. ערשט דעמאלטס האט ער אויסגעפונען די שרעקליכע מציאות... די באנד איז געווען גע'גנב'עט.
די עף. בי. איי. האט געפארדערט אז ישראל זאל ארויפנעמען HT אויף א 'רעקארד' ווי ער איז מודה צום פארברעך און אז ער זאל ארויסגעבן ווער עס שטעקט דערהינטער. פארצווייפעלט פאר אן הלכה'דיגע אנווייזונג, איז ישראל אריבערגעפארן קיין קאנאדע זיך דורכרעדן מיט א גרויסן רב. נישט וויסנדיג ווי געפערליך די לאגע איז, האט דער רב גע'פסק'נט אז אונטער קיינע אומשטענדן טאר ער נישט זיין קיין 'מסור' — איינער וואס גיט איבער א צווייטן איד פאר די רעגירונג. ווען די עף. בי. איי. האט איהם געצווינגען צו טראגן א 'ווייער' (אונטערהער-מאשינדל), האט ער געטראפן א וועג אנצוווארענען זיין חבר, זיכער מאכנדיג אז ער וועט איהם נישט אריינכאפן אין נעץ. אנשטאט דעם, האט ישראל זיך פארטרויט צו איהם גלייך אן א ווייער, איהם בעטנדיג ער זאל 'קאאפערירן' (מיטהעלפן) און אויסזאגן דעם אמת.
ישראל האט נישט געהאט קיין אנונג אין וואסערע כוחות ער האט זיך אנגעשטויסן. HT איז געווען פארבינדן מיט JB, א חסיד'ישער איד וואס איז געווען פארמישט אין א מאסיווע 'טרעזשורי באנד' שווינדל, וואס איז אנגעפירט געווארן דורך נישט קיין צווייטן ווי 'בערט קאפלאן' — א בארימטער קרימינאלער קאפ.
ווען קאפלאן האט געהערט אז ישראל קען מעגליך קאאפערירן מיט די פעדעראלע רעגירונג, האט ער געמאכט א שנעלע, ברוטאלע באשלוס: מען דארף ישראל שטיל מאכן.
קאפלאן האט זיך פארבינדן מיט 'פרענק סאנטארא', אן אלטער תפיסה קאנטאקט, וואס האט געוואוסט פונקט די ריכטיגע מענטשן פאר די ארבעט — די ניו יארק פאליציי דעטעקטיוון 'לואיס עפאליטא' און 'סטיווען קאראקאפא', וואס זענען שפעטער באקאנט געווארן אלס די "מאפיא פאליציאנטן". ניצנדיג זייערע פאליציי 'בעדזשעס' און צוטריט צו געהיימע אינפארמאציע, האבן זיי נאכגעשפירט יעדן דעטאל פון ישראל: זיין אדרעס, קאר, און טעגליכע סדר היום.
די פאסטקע איז געווען געשטעלט.
אינדערפרי דעם 10טן פעברואר, 1986, ווען ישראל איז געפארן צו די ארבעט, האבן זיי איהם אפגעשטעלט, ארויסווייזנדיג זייערע בעדזשעס און איהם באשולדיגט אין זיין פארמישט אין א 'היט-ענד-ראן'. צוטרויענדיג די מענטשן וואס ער האט געמיינט זענען עכטע פאליציאנטן, איז ישראל אריינגעשטיגן אין זייער קאר — נישט וויסנדיג אז מען פירט איהם צו זיין טויט.
זיי האבן איהם געברענגט צו א שטויביגע גאראדזש אין ברוקלין אויף 'נאסטראנד עוועניו' וואס האט באלאנגט צו אן אומשולדיגן מענטש, 'פיט פראנזאון'. לויט פראנזאון'ס שפעטערדיגע עדות'שאפט, האט ער געזען ווי זיי קומען אריין מיט א אידישן מאן מיט א יארמולקע. צוואנציג מינוט שפעטער, זענען נאר די פאליציאנטן ארויסגעקומען. ווען סאנטארא האט איהם אריינגערופן, האט פיט געטראפן ישראל'ס לעבנלאזער קערפער. סאנטארא האט איהם געסטראשעט: "העלף באגראבן דעם קערפער, אדער וועסטו אריינגיין מיט איהם אין קבר."
דערשראקן, האט פראנזאון אויסגעגראבן דעם גרוב. און פאר 19 יאר, האט ער געהאלטן דעם סוד, לעבנדיג מיט די שרעק פון וואס ער האט מיטגעהאלטן.
דערווייל, איז ישראל'ס משפחה געבליבן אין א נייטמער — קיין קערפער, קיין ענטפערס, קיין 'קלאוזשער'. קלאנגען האבן צירקולירט. טייל האבן געשושקעט אז ער האט פארלאזט זיין משפחה. אנדערע האבן זיך פארגעשטעלט פינסטערערע טעאריעס. זיי האבן נישט געהאט קיין וועג צו וויסן אז ער איז דערמארדעט געווארן דורך מענטשן וואס זענען געשוואוירן צו באשיצן.
אין 2005, איז דער פארברעך-נעץ ענדליך צעפאלן. בערט קאפלאן איז געווארן אן 'אינפארמאנט', און האט מודה געווען אז ער האט באצאלט 30,000 דאלאר צו הרג'ענען א "אידישן דזשולער". אבער קאפלאן האט נישט געוואוסט ישראל'ס נאמען, און אויך נישט פונקטליך וואו דער קערפער ליגט — נאר אז עס איז געשען ערגעץ וואו אויף ברוקלינ'ס אומענדליכע 'נאסטראנד עוועניו'.
דעטעקטיוון, וואס האבן נישט געוואלט לאזן די קעיס ווערן 'קאלט', האבן אויפגעדעקט א קריטישע שפיר: פרענק סאנטארא'ס אלטע 'האמאסייד' (מארד) טעקע, און אינעווייניג א פארגעסענע טעלעפאן בוך — מיט 'פיט פראנזאון'ס' טאואינג קאמפאני נומער. ווען מען האט איהם קאנפראנטירט, האט פראנזאון זיי אהינגעפירט צום באהאלטענעם קבר.
ישראל גרינוואלד'ס קערפער איז ענדליך געפונען געווארן. נאך 19 אנגעצויגענע יארן, איז ער געברענגט געווארן צו קבורה אין ארץ ישראל.
גערעכטיגקייט איז געקומען א יאר שפעטער. אין אפריל 2006, זענען לואיס עפאליטא און סטיווען קאראקאפא געפונען געווארן שולדיג נישט נאר אין ישראל'ס מארד, נאר אין נאך זיבן אנדערע. זיי זענען פאראורטיילט געווארן צו לעבנס-לענגליכע תפיסה, וואו זיי זענען ביידע עווענטועל געשטארבן — זייערע בעדזשעס און זייער כבוד זענען שוין לאנג געווען צעפוילט.
(שרעקליכערהייט, האט קאפלאן שפעטער באפוילן די פאליציאנטן צו הרג'ענען HT אויך. ווען עפאליטא און קאראקאפא האבן איהם אריינגעכאפט אין א וויליאמסבורגער טרעפ-שטייג, האט HT דערשמעקט דעם פאסטקע. מיט א שטארקע שטיפ, האט ער אראפגעווארפן דעם פיל גרעסערן עפאליטא פון די טרעפ און איז אנטלאפן שרייענדיג פאר הילף. זיין אינסטינקט האט געראטעוועט זיין לעבן — און יארן שפעטער, האט זיין איבערלעבן צוגעלייגט נאך א קלאגע צו די 'מאפיא פאליציאנטן'ס' לאנגע ליסטע פון פארברעכנס.)
לעצט רעדאגירט:
- זיך איינגעשריבן
- מאי 17, 2024
- מעסעדזשעס
- 1,774
- רעאקציע ראטע
- 6,838
- פונקטן
- 943
Chillingly, Kaplan later ordered the cops to kill “HT” too. When Eppolito and Caracappa cornered him in a Williamsburg stairwell, “HT” sensed the trap. With a desperate shove, he sent the much larger Eppolito stumbling down the stairs and fled screaming for help. His instincts saved his life — and years later, his survival added yet another charge to the Mafia Cops’ long list of crimes.
???
- זיך איינגעשריבן
- מאי 17, 2024
- מעסעדזשעס
- 1,774
- רעאקציע ראטע
- 6,838
- פונקטן
- 943
- זיך איינגעשריבן
- אוג. 7, 2024
- מעסעדזשעס
- 196
- רעאקציע ראטע
- 606
- פונקטן
- 123
כ׳גלייב אז עס זענען דא אידן אין וויליאמסבורג וואס קענען די נאמען
- זיך איינגעשריבן
- מאי 17, 2024
- מעסעדזשעס
- 1,774
- רעאקציע ראטע
- 6,838
- פונקטן
- 943
עס איז דא נאכאיינער Joe Banda Excerpts from “The Brotherhoods” | Israel Greenwald
לעצט רעדאגירט:
- זיך איינגעשריבן
- אוג. 19, 2024
- מעסעדזשעס
- 1,669
- רעאקציע ראטע
- 12,007
- פונקטן
- 1,943
איינער דארף מאכן ריסוירטש און געהעריג באשרייבן די גאנצע מעשה... וואס איז דארט פארגעגאנגען?
די נעקסטע שפיל פון וואגשאל זאל הייסן "חסידישע גענגסטערס" און באזירט אויף אן אמת'ער מעשה. ס'גייט זיין א היט(זשאב)!
- זיך איינגעשריבן
- אוג. 19, 2024
- מעסעדזשעס
- 1,669
- רעאקציע ראטע
- 12,007
- פונקטן
- 1,943
עפעס ליגט מיר אין קאפ אז איינער טירנויער איז גע'הרג'עט געווארן דורך דער מאפיע. איינער ווייסט מער פרטים? האט עפעס מיט דעם?
- זיך איינגעשריבן
- מאי 17, 2024
- מעסעדזשעס
- 1,774
- רעאקציע ראטע
- 6,838
- פונקטן
- 943
לויט ווי איך פארשטיי איז HT נישט גע'הרג'ט געווארן
- זיך איינגעשריבן
- אפר. 15, 2024
- מעסעדזשעס
- 611
- רעאקציע ראטע
- 1,800
- פונקטן
- 223
איך געדענק נישט קלאר די נאמען, אבער ס'איז געווען אמאל באשריבן א אינטערוויו מיט דער וואס איז געווארן געלאקערט דורך די מאפיא וואס האט גורם געווען אז יחזקאל שמש זאל געשאסן ווערן. ווי איך געדענק האט יענער קלאר געזאגט אז ער האט געוויסט אז מ'רופט איהם נאך און ער האט פארקירעוועט זיין וועג און ס'איז איהם געלונגען. דערפאר טראכט איך אז HT איז יענער. עני וויליאמסבורג אידל איבער די זעכציג דארף צו קענען די נאמען.
- זיך איינגעשריבן
- מאי 17, 2024
- מעסעדזשעס
- 1,774
- רעאקציע ראטע
- 6,838
- פונקטן
- 943
- זיך איינגעשריבן
- סעפ. 22, 2024
- מעסעדזשעס
- 789
- רעאקציע ראטע
- 3,456
- פונקטן
- 423
המודיע האט דאס באשריבן יארן צוריק פון HTס פערספעקטיוו. ד”ה וואס זיינע איבערלעבענישן זעענען אלס געווען.
- זיך איינגעשריבן
- סעפ. 22, 2024
- מעסעדזשעס
- 789
- רעאקציע ראטע
- 3,456
- פונקטן
- 423
לויט ווי איך געדענק איז דארט געשטאנען אז ער׳ט נישט געוואוסט מיט וועם ער ארבייט.
