זקן ממרא
פרישער קרעמלער
- זיך איינגעשריבן
- מערץ 20, 2025
- מעסעדזשעס
- 24
- רעאקציע ראטע
- 96
עס פעלט נאכאלץ קלארקייט, אפשר קענען די מאדס אויסקלארן ווייל ס'איז א וויכטיגע נושא.
וואס טייטש גילוי? איך פארשטיי אז דאס מיינט ווי פאלגנד: עס איז דא אן אנאנימער ניק אין קרעמל, נעם פאר א משל, דער גאלדענע אדלער, חבקוק, אדער אלפא, זייער אידענטיטעט איז באהאלטן. יעצט איך ווער געוואויר אויף סיי וועלכע אופן אז חבקוק איז ר'... וואס וואוינט אין שטאט... איז אן איידעם ביי... און נאך פרטים. יעצט איך שטעל ארויף א מעלדונג אין קרעמל: מורי ורבותי. חבקוק איז ר' .... שוין. דאס הייסט עובר געווען איסור גילוי.
וואס טוט זיך אבער אז זע למשל די תגובה דא
וואס טוט זיך אז עס עפנט זיך א ניק מיטן נאמען זאנוויל מיללער, און ער שרייבט אסאך דשאוקס, און ער ברענגט ווי ער האט נעכטן באגעגנט יענקל מיללער און ער איז א גרויסע מעריץ פונעם יארמער רב וכדומה. און איך שרייב א תגובה און איך לינק צו זיינע תגובות און איך זאג, העי, זאנוויל הערט זיך גאנץ נאנט צו יענקל, אפשר ביסטו גאר דער יארמער רב אליינס? צו הייסט דאס גילוי?
איך וואלט געזאגט אז נישט. וואס האב איך דען 'מגלה' געווען דא? כ'האב פלעין געשריבן וואס יעדער קען אליין זען פון זיינע תגובות. מגלה געווען איז טייטש געברענגט פרישע אינפערמאציע צום טיש וואס מען וואלט נישט געזען פון יענעמס תגובות.
ממה נפשך, איז עס נישט ער, איז עס דאך סתם אזוי נישט קיין גילוי, איז עס יא ער, האב איך סך הכול געזאגט הויעך וואס יעדער טראכט, בלויז געוויזן זיינע אייגענע תגובות וואס פון זיי קען מען כאפן אז עס איז אט דעם באקאנטן פאבליק פיגור. (און ווייטער ס'איז דאך נישט קיין 'גילוי', ס'איז סתם שפעקולאציעס געבעיסט אויף יענעמס אייגענע תגובות, קען פינקט אזוי זיין אז ס'למעשה נישט ער בכלל. אויך מיר א גילוי.)
יעצט פארשטייט זיך אז דאס גייט נאכאלץ אין איינקלאנג מיט וואס עס שטייט אין די נייע צוגעקומענע שטיקל פון די קאנסטיטוציע "גילוי איז בשום אופן נישט ערלויבט... אפילו אויף איינער וואס האט געלאזט פאלן רמזים איבער זייער אידענטיטעט", וואס דאס מיינט לכאורה אז מען רעדט נישט פון קיין באקאנטע מענטש וואס יעדער קען פארשטיין פון די רמזים ווער דאס איז. אדער, יא א באקאנטע מענטש, אבער איך ברענג פרישע אינפערמאציע וואס יענער האט נישט געשריבן.
למשל אז ניק טעלעפאון וואלט געשריבן רמזים אז ער וואוינט אין מעקסיקא, און דאוונט אין דער און דער שול, און איך שטעל צאם אז ס'איז ר'... און איך שרייב דאס ארויס, דאס הייסט גילוי, אפילו ער האט געשטעלט רמזים, ווייל למעשה האב איך אים מער מגלה געווען. נישט יעדער קען כאפן פון זיינע רמזים ווער ער איז.
אדער למשל עס עפנט זיך א ניק בערי פלעיווער, און ער שרייבט רמזים אז ער פירט א ישיבה, ער קען גוט בערי וועבער און איז א שטארקע פען, און ער שרייבט א תגובה אז ער איז נעכטן געווען אין מענדלסאנס פיצא סטאר און שטארק הנאה געהאט פון זייער פיינעפל פיצא. קום איך אריין מיט א תגובה און זאג העי, איך האב נאכטן באגעגנט דער זינגער בערי וועבער אין מענדלסאנס און געזען ווי ער עסט דארטן פיינעפל פיצא! געפאקט זיין ניק!
דאס הייסט ווייטער גילוי, ווייל אפילו בערי פלעיווער האט שוין געלאזט פאלן רמזים ווער ער איז אין זיינע תגובות, דאך האב איך דא געשריבן פרישע גילוי אינפערמאציע וואס קיינער האט נישט געוויסט פון פריער. אבער אז איך שפעקוליר סתם בעיסט אויף זיינע תגובות אז ער איז בערי וועבער, צו הייסט דאס דען א גילוי?
און אפשר קען מען אויסקלארן די קאנסטיטוציע בנוגע אויסשפארן אלע ניקס פון א IP אדרעס? אויף טעלעגראם שרייבט "..." אז מען האט אים אויסגעשפארט אלע זיינע ניקים. וואס איז פשט דערפון? כ'זע עס נישט שטיין אין די שטאטוען.
אז א מאן אין ווייב ניצן די זעלבע קאמפיוטער מיט אנדערע ניקים, אז אפאר בחורים אין ישיבה ניצן דעם זעלבן סמארטפאון, יעדע בחור האט אן אנדערע ניק, אז איינער איז עובר אויף גילוי, וואס איז די יושר פון אויסשפארן די גאנצע IP?
אפשר קענען די מאדס אויסקלארן די נושא דא, און בעיקר וויל מען הערן וואס דער עולם האט צו זאגן, ווייל דא איז דאך נישט קאווע שטיבל, דא איז דא דעמאקראטיע.
