געהערט פון איינעם וואס איז דארט געווען:
דאנערשטאג ביינאכט, ליל יב שבט, ביי מעריב, האט מען געדאווענט אויף די יום-טוב'דיגע נוסח, בשעת דער רבי דאווענט פארן עמוד. פאר שמונה-עשרה, פאר קדיש, דארט וואו מען זאגט יעדע יום-טוב דער פסוק "וידבר משה" אדער "תקעו בחודש שופר" - יעדע יום-טוב לויט זיין פסוק, האט מען דארט געזאגט מיטן נוסח, "עלית למרום שבית שבי, לקחת מתנות מבני אדם", בשעת דער רבי זאגט עס איבער און פירט אויס מיט קדיש אויף די יום-טוב'דיגע נוסח.
נאך שמונה-עשרה, האט דער רבי געזאגט מיטן עולם פסוק בפסוק, "לדוד מזמור", אזוי ווי ראש-השנה ביינאכט.
