גלייבן אז די לעבן דארף זיין פעינפול און מיזרעבעל? (זיי רעדן זיך איין אז דאס איז אן הבטחה צו א געשמאקע עפטער לייף…)
א ווארט פון ר' נחמן אז ער זיכט נאך דעם עולם הזה, דא איז עס נישט. עכ"ד.
כעין זה האבעך געהערט פון א משפיע אז אויב ס'דא עפעס אן הנאה אויף די וועלט איז עס נאר לעבן מיט יענע וועלט.
לעניית דעתי דאס איז שפיץ תורת הגלות, מ'איז נעבעך אזוי איינגעטונקן אין נעגאטיוועטי, טראומא, און צרות, גילט, אהן ליבשאפט צו זיך, אז מ'רעדט זיך גאר איין אז דעם וועלט איז ניטאמאל קיין עולם הזה!
האלאו, ס'איז אלעס אין די מיינד.
וועק זיך אויף! דו וועהלסט אויס דיין וועלט.
אויב דו וועסטו נישט פירן דיין לעבן וועט עס געפירט ווערן מיט אזעלכע טינקעלע לאוזינגען.
ווען האסטו לעצטע מאל גענומען א גוטער אטאם און זיך געלאזט שפירן דיין ריינעם נאקעטן עקזיסטענץ?
כ'האב שוין פארברענגט יאהרן מיט מחשבות, דאגות, קלאגענישן. אפשר איז צייט צו נעמען די לייצעס אין די האנט און אנהייבן צו "זיין".
ווען האסטו לעצטע מאל געגאנגן צום ים אליין, (אהן דעם סעלפאון) און זיך פארלוירן אינעם ענדלאזן זאמד, ים, כוואליעס, הימל, וואלקנעס, זון.
(ס'האט מיר גענומען צוויי שעה ביז כ'האב אויפגעהערט צו טראכטן, אנגעהויבן זיך זעהן איינס מיטן נאטור, איינס מיטן ערד, ים, הימל, און פייגל וואס פליען אריבער. כ'האב אנגעהויבן שפילן מיט די זאמד ווי א קליין קינד קלויבענדיג שיינע שטיינער, מיטגעהאלטן ווי די וועלט טוישט זיך צוביסלעך אויף נאכט און די כוואליעס ווערן גרעסער)
ווען האסטו לעצטע מאל זיך געזעצט מיט צוויי דריי גאר נאנטע חברים און געשפילט א געים און ארום געלאכט?
ווען האסטו זיך לעצטע מאל געפרעגט "וואס וויל איך טון וואס וועט מיר מאכן צופרידן מיט מיין לעבן" און "וואס מאכט מיר שפירן אז לעבן איז נישט גוטע קוואליטעט".
"וואס איז מיין נעקסטע זאך (אפי' בעיבי סטעפ) אינעם ריכטונג אוועק פון שלעכטס און נענטער צו גוטס"
רבותי! וועקט זיך אויף! ס'איז דא אן עולם הזה! ס'איז אזוי גוט ווי דער מענטש ערלויבט זיך צו לעבן מיט עונג און מיט א גוט אויג!
אונז האבן גע'ירשנט אסאך שטארקייטן פון אונזערע פארגייערס אבער אויך אסאך שוואכקייטן און טראומא'ס. לאמיר מאכן א בירור זיכוך וליבון, לאמיר זעהן וועלכע ענערגיעס זענען פון די שערי אהבה, שערי עונג, שערי חמלה, (דאס פארקערטע איז טאקע נישט קיין עולם הזה און מ'דארף עס נישט אנהאלטן אזוי שטארק...)
יהי רצון כ'זאל שטייגן אין דעם יעדן טאג! אמן!
