א קרעמל קהילה?! ווייטער ווי בלויזע גערעדעכטצער..

[Reb Yid]

אדער בעסער געזאגט, די "שבת נאכמיטאג סערמאן", נישט צו ארויפברענגן PTSD ביי געוויסע פון די שמעק פון בילקעלעך, געפילטע פיש, און נפחות

Click to shrink...

די אייציגסטע סיבה איך פאר נישט אפ איז פאר די שאלעשידעס בילקעלעך און געפילטע פיש,

Click to shrink...

די אייציגסטע סיבה איך פאר נישט אפ איז פאר די נפחות

 

[קץ דוחק]

 

[עמרם]

אויבן האט א חשוב'ע חבר געשריבן אז אויב די סיסטעם שטעלט זיך אויס צו צוריקהאלטן פון אינגאנצן אפפארן, דאן איז די סיסטעם נישט מער ווי גערעכט.
אבער לענ"ד איז דאס א טעות.

Click to shrink...

אויב האסטו מיך געמיינט מיט וואס איך האב געשריבן

איך פארשטיי דיך אינגאנצען נישט,
לשיטתך איז די סיסטעם אינגאנצן גערעכט, ווייל אויב אז מ'קאלירט ארויס, דארף מען אויפגעבן אויף אלעס, טאר מען טאקע נישט ארויס קאלירן....

Click to shrink...

אחוץ וואס איך האב געשריבן בדרך הלצה,
האסטו נישט פארשטאנען בכלל וואס איך האב געמיינט.

איך האב געשריבן אז אויב פארשטייט ער, אז איינמאל מ'קאלירט אביסל ארויס, דאן איז שוין בכלל נישט אינטערסאנט און מ'דארף אלעס אויף געבן, דאן פארשטיי איך די סיסטעם וואס לאזט נישט ארויס קאלירן, ווייל ס'עקזעסטירט נישט בלויז ארויס קאלירן...

אויף למעשה איז עס נישט נוגע בכלל.

 

[דאקטאר-ראבינער]

איך מיין אז דער עולם פארזעט דא א וויכטיגע נקודה.
דח גמרא זאגט גנב אפומא דמחתרתא רחמנא קריא.
פשט איז, אז דער באשעפעניש מענטש, ביי דעזיין, איז א באשעפעניש וואס איז מלא סתירות!

 

[שטייגער]

ואכמ"ל

Click to shrink...

איפה כן המקום להאריך אם לא פה?

קום אריין מיט די מעשה. עקסטארשען?

 

[כספי]

איך מיין דו מאכסט מיין קעיס פאר מיר אין דעם פאראגראף. די סארט לויזע קהילות זענען שוין דאכט זיך דא אין געוויסע פלעצער אין כלל ישראל, זה בכה וזה בכה (- די 3ער פענאמען..) אויב מיר זוכן עפעס מער ספעציפיש 'קרעמעלדיג' גלייב איך עס איז ביי דעפינאציע מער אינטעלעקטואליש געשטומט - עכ"פ אין די סענס אז די מייסדים האבן אן 'אגענדע' און נישט סתם הייסע בלוט. און טאקע דערפאר טענה איך אז די אינטעלעקטואלע חלק דערפון (הגם נישט די גאנצע איז אזוי) איז וואס ברעכט עס אונטער נאך איידער ס'עפענט זיך.

Click to shrink...

הגם @אלפא'ס ארטיקל איז בנוגע אז ס'וועט לכאורה נישט ווערן קיין קהילה פון די קרעמל געדרייעכץ, איז עס למעשה געווארן נסתובב צו שמועסן איבער די יסודות פון אזא סארט קהילה.

דאכט זיך מיר לענ"ד אז מ'קען שטעלן דריי יסודות וואס א קרעמל קהילה דארף און וועט בעז"ה פארמאגן:

• אהבת ישראל ואהבת האדם
  דאס מיינט ליב האבן יעדער מענטש בעצם היותו צורת בן אדם, כראוי וכיאה לכל אדם הנוצר בצורת אלקים וממעשה ידיו.
  און אויף א העכערע לעוול ליב האבן יעדער איד (אזוי ווי יעדער פארשטייט אז משפחה האט מען מער ליב), פון די עקסטרעם לינקער אין עוטף עזה (- וואס האלט טאקע אז אידן און אידישקייט זענען אויסגעטראכטע זאכן פון די לעצטע טויזנט -צוויי יאר), ביזן עקסטרעם רעכטער אין נטורי קרתא שטיבל אין מאנסי (וואס פייערט טאקע אקעגן די כלל, און בכלל אקעגן אינטערנעט וכו').
• ד"ע את אלקי אביך ועבדה"ו
  אלע סארט דיבורים איבער דעת זענען א חלק פון די יסוד הקהילה (אביסל ווי @אלפא'ס באגער), סיי דעת אין אמונה והמסתעף, סיי דעת אין תורה ומצות, און סיי דעת אין אלע וועלטליכע ענינים.
  און אזוי אויך אלע סארטן עבודה'ס, פון עסן שאלעשידעס בילקעס און זיך פארקאכן אין א קה אכסוף פרייטיג צונאכט'ס, ביזן פארויכערן א גלעזל טיי און געווירצן און געוויקסן. דאס מיינט אין אנדערע ווערטער, נישט ארויסנעמען און זיכער נישט דערווייטערן די חסידי'שע קאך אין אידישקייט, וואס איז למעשה א געשמאקע און געזונטע צוגאנג צו אידישקייט.
• דרכיה דרכי נועם וכל נתיבותיה שלום
  אנשטאט זיין פארנומען א גאנצן טאג מיטן צולייגן חומרות און הרחקות, זיך צו דערווייטערן אלפיים אמה פון יעדע זאך וואס שמעקט פון די גאס, פון גוי'שקייט, פון מאדערנקייט - זאל מען צוריקברענגען די שיינע אידישקייט פון אלע דורות, פאר ס'איז נתחדש געווארן די איסור פון 'חדש אסור על פי תורה', ווען אידן און אידישקייט האבן זיך עוואלווד לפי זייערע ארומיגע, ווען אין די צייטן פון פילוספיה האט מען געפילעוועט פילוסופיה וכדו'.
  דאס נעמט אריין (אבער נישט נאר): צוריקברענגען און פארבעסערן א נארמאלע רילעישן צווישן די צוויי מינים. א נארמאלע צוגאנג צו טעכנעלאגיע. א געזונטע מהלך אין צניעות. וכן הלאה, וכן הלאה.

איך מיין אז דאס זענען דריי שטארקע יסודות וואס מ'דארף ווען אוועקשטעלן אין א נייע געזונטע קהילה, ואם של"ש אלה לא יעשה לה, ויצאה חנם אין כס"ף.

 

[שושני]

ואם של"ש אלה לא יעשה לה, ויצאה חנם אין כס"ף

Click to shrink...

האמער שוין איינער וואס סטראשעט אז ער גייט אוועק דאווענען.... ערשט יעצט איז עס א קהילה.

 

[Reb Yid]

האמער שוין איינער וואס סטראשעט אז ער גייט אוועק דאווענען.... ערשט יעצט איז עס א קהילה.

Click to shrink...

סאיז נישט נאר סתם א איינער, סאיז @כספי די געלט דער גביר דא אין קרעמל, ואם אין קמח אין …..

 

[המן טאש]

איך בין מנדב די המן טאשן