די סארט סימעטריע וואס מ'זעהט ביי מענטשן (און 99% פון אלע אנדערע באשעפענישן) הייסט bilateral symmetry, דאס הייסט די קערפער איז ווי א שפיגל איין זייט צו די אנדערע, ס'דא אסאך עדווענטעדזש אין סימעטריע, צוויי אויערן ביי די זייטן איז זייער עפישענט וועג ווי צו לייגן אויערן, נאכדעם איז דא די סעקסואלע סעלעקשן וואס כ'האב אויבן דערמאנט, ווי אויך איז עס עפישענט פאר מאוומענט. ס'דא א סיבה פארוואס מ'דיזיינט פליגערס, קארס, שיפן און רוב זאכן וואס דארפן מאוומענט אין א ביילעטרעל סימעטריע וועג.
בעצם יעדע זאך וואס אן 'אינטעליגענטע דיזיין' אדוואקאט וועט זאגן אז ס'איז דיזיינט פאר סורווייוול, קען עוועלאציע אויך זיין די סיבה, (אנדערש ווי ר' אביגדור מיללער'ס מהלך אז זאכן זענען באשאפן געווארן און דיזיינט צו מאקסימיזירן פלעזשער פאר'ן מענטש, וואס איז שרעקליך אינקאנסיסטענט מיט די רעאליטעט פון די וועלט וואס אונז זעהן, אויב עפעס זעהט עס אויס פארקערט.. ועיין אין
@מי אני'ס
גהינם שנירל...)
אין א וועג קען מען זאגן אז דאס מאכט עוואלאציע אומפאלציפירבאר און therefore אומסייענטיפיש, אבער למעשה איז עס נישט אזוי און עוואלאציע קען רואיגערהייט פאלציפירט ווערן מיט די ען עי, אדער פאסילס. לאמיר זאגן מ'טרעפט מענטשן און די זעלבע לעיער פון דינעסאר ביינער. אדער ווען מ'האט אנטדעקט די ען עי, און ס'וואלט זיך ארויסגעשטעלט אז מענטשן נוצן גאנץ אנדערע פראגראמינג ווי עיפס וכו'
איך רעד פשוט פון די איקוועל נומבער וואס צייגט אז ס׳נישט קיין צופאל.
צופאל? אודאי נישט.
אויב אונז האבן עוואלווד פון באשעפענישן וואס גייען אויף אלע פיר, איז גאנץ פארשטענדליך פארוואס די הענט און פיס זענען די זעלבע, די זעלבע זאך וואס מאכט אז פינעף פינגערס אויף די הינטערשטער פיס זאלן זיין גוט, מאכט אז פינעף אויפן פאדערשטן פיס (הענט) זאל אויך זיין גוט. די שאלה איז, פארוואס ס'זאל דיזיינט ווערן אזוי.... און בכלל פארוואס מ'האט געמוזט נוצן די זעלבע דעזיין פאר יעדער איינציגער tetrapod(טעטרעפאדס איז די פאמיליע פון באשעפענישן מיט פיר גרויסע limbs, פון פרעש ביז עיפס/מענטשן, פון פייגל ביז וואלפישן), פון עוואלאציע פערספעקטיוו ארבעט עס זייער גוט, אלע זענען אייניקלעך פונעם זעלבן זיידע מיט פיר גרויסע limbs און מיט די זעלבע ביינער סטרוקטור. ס'דא א שיינע דייעגרעם וואס ווייזט די ביינער סטרוקטור פון הענט פון אלע מאמאלס, פייגל, וואלפיש וכו' אלעס מיט די זעלבע סטרוקטור. (בד"וו, כ'מיין נישט צו זאגן אז ס'פרעגט אפ דיזיין, ס'פשוט גאר עלעגאנט מיט עוואלאציע).
-----
כ'פיל ווי די שמועס דא איז בכלל נישט פראדוקטיוו, איינער פרעגט א קשיא איינער ענטפערט, נאך א קשיא, נאך א תירוץ, און מ'רוקט זיך נישט אין ערגעץ. מ'דארף פארשטיין וואס טוט זיך דא.
כ'מיין אז יעדער איז מסכים צו עוואלאציע ביז א געוויסע לעוועל.
דאס אז עוואלאציע געשעהט למשל אין באקטעריע פארשטייט מען? פאפולאציעס פון קליינע באקטעריע דעוועלאפן טרעיטס צו אפשלאגן אנטיביאטיקס וואס מענטשן פראדעצירן, פארדעם דארף מען כסדר אפדעיטן אנטיביאטיקס. ס'נישטא קיין 'אינטעליגענטע דיזיינער' וואס באשאפט נייע באקטעריע פונקט מיט די טרעיטס וואס ער דארף צו סורווייוון אין זיין ענוויראמענט, מסכים?
דאס אז לייבן אין טייגערס 'קענען' האבן געקומען פון איין קאממאן ענסעסטער פארשטייט מען?
וואס איז מיט מאונטעין לייבן און 'רעגולער' לייבן? קראקעדיילס און עליגעיטערס? דאגיס און וועלף? ברוינע בערן און גריזלי? טורטלס מיט לאנגע העלזער און טורטלס מיט קלענערע? (קרעדיט: דארווין...)פייגלעך מיט לענגערע שנאבל און קלענערע?
זענען אלע 1,400 סארטן bats געווען אין די תיבה? אדער זענען געוויסע פון זיי קאזינס וואס האבן זיך שפעטער צוטיילט (געוויסע מיט נייע טרעיטס וכו') וואס איז מיט די צען טויזענט מיני ספיידערס? אסאך ספיידער מינים האבן קאזינס וואס קוקט אויס ממש ווי נאנטע קרובים, אבער ווען די לייגסט אלע צוזאם האסטו א ריזיגע דייוועריסיפיקאציע פון מינים, געוויסע מיט לגמרי אנדערע טרעיטס.
מ'דארף נישט 'וויסן' קיין איינס פון די ענטפערס, מיין שאלה איז, ביז וועלכע פוינט פארשטייט מען אז ס'דא בכלל די מעגליכקייט אז זיי קומען פון איין זיידע. (מ'קען שפעטער אנקומען צו מסביר 'פאמיליעס', קעץ, פריימעיטס וכו', און דערנאך מער ג'ענעראל; מאמאלס, רעפטיילס, פייגל, טעטרעפאדס וכו' וויאזוי מ'גייט פון רעפטייל צו פייגל וכו', דארט איז ווי עוואלאציע איז ווייניגער אינטיוטיוו, און די ווידערשטאנד צו עוועלאציע איז מער פארשטענדליך).
כ'וועל פראבירן מסביר זיין וויאזוי כ'קוק און רוב קשיות וואס ווערט געפרעגט דא, מיט א משל:
אויב די זעהסט צוויי מענטשן וואס זעהן אויס ענליך און האבן ענליכע נאטורן קען זיין זיי זענען ברודער, דאס איז א hypothesis. דערנאך לאמיר זאגן מ'מאכט די ען עי טעסטינג ס'שטעלט זיך ארויס פראוון אז זיי זענען ברודער'ס. פיין, למעשה איז דא נאך אזויפיל קשיות, אויב זיי זענען ברודער'ס פארוואס האבן זיי אנדערע קאלירן האר? וויאזוי קען זיין איינער פון זיי האט געלט און די אנדערע נישט? פארוואס ווייסט מען נישט ווער זייערע טאטע איז? פארוואס האבן זיי אן אנדערע משפחה נאמען?
(כ'זאג נישט די משל איז ממש דומה לנמשל, כ'האף מ'פארשטייט אבער די נקודה שבו).
די קשיות אויף עוועלאציע זענען אינטרעסאנט און וועליד, און אויב מ'וויל ווערן קלוגער זאל מען זוכן פארענטפערונג סיי דא אויף קרעמל, זוך גוגל, רעדדיט, יו טיוב, לייען ביכער וכדו' הער נישט אויף פרעגן, טאקע, נישט אלעס (מילד גערעדט..) פארשטייט שוין סייענס, און ס'נאך דא גענוג און נאך אומפארענטפערטע קשיות. אויב אבער די זוכסט צו עס אפפרעגן איז עס פשוט די אומריכטיגע וועג, די קשיות דא פרעגן גארנישט אפ.