א פראקטישע שאלה:
וואלט די עולם פארגעשאצט אז עס לוינט צו אינוועסטירן אין די אונטערהאלטונג מארקעט?
לוינט זיך צו משקיע זיין אין אינפארמאטיווע ווידעאס (וכדו') אין אידיש?
איז דא - אדער גייט זיין - די קונים דערפאר?
לעצטנס האט זיך געעפנט דעם זייטל
Daass מיט אן אויסוואל פון קורסעס אויף סעלעקטירטע נושאים אין אידיש. איך פערזענליך בין נאר נישט איבערצייגט אז זיי גייען מצליח זיין. איך מיין אז די סארט מענטשן וואס וואלטן משקיע געווען (געלט) אין אזא פלאטפארמע איז זייער א קליינע מינאריטעט פון אונזער עולם.
א גרויס טייל אידיש רעדנדע קוקן דאך נישט קיין ווידעא און האבן נישט קיין פרייע צוטריט צום אינטערנעט אויפן ערשטן פלאץ, פון די אנדערע טייל כלל ישראל קענען רוב מענטשן האבן די זעלבע אדער בעסערע חומר פאר ביליגער אויף ענגליש, בלייבט איבער די פאר וואס קענען בעסער באשטיין עס צו הערן אויף אידיש און זענען גרייט צו צאלן דערפאר..
קול מבשר און יוטוב איז א פלאץ ווי אסאך גייען מיט זייערע קאנטענט צו פאבליצירן. די פראבלעם דארטן איז אז מ'מאכט נישט קיין געלט דערפון (נישט אונטער אן אומגעהויערטע נומער פון וויוס..) וואס מאכט עס ווייטער נישט ווערד פון א פינאנציעלע שטאנדפונקט.
די איינציגסטע אינסענטיוו איז די עדווערטייזמענטס וואס ברענגען רעוועניו. די פראגע איז נאר צו דאס אליין איז גענוג און צו די קומץ וועט משביע זיין דעם ארי איינמאל די שטח ווערט פארפלייצט מיט נייע און פרישע היימישע קאנטענט קריעטארס?!
בקיצור, מיין פראגע איז צו עס איז ווערד אן השקעה דערין, לאמיר זאגן ארויסצוגעבן סייענס ווידעאס אין אידיש?
און אויב יא, וועלכע פארמאט וואלט זיך דאס מערסטע געלוינט, לוינט זיך צו משקיע זיין אסאך אין די סעטינג, פראפס, אילוסטראציעס, סקריפט, עדיטינג, א.א.וו. וואו די קוואליטי וועט בעתיד זיך אויסצאלן? אדער גיין ביליג אויב שוין, אז די ביסל געלט וואס מ'ערווארט פון עדס זאל נישט פארוואסערט ווערן אויף אומוויכטיגע אימעדזשינג?
וואס זאגט איר? וויאזוי זעט איר דעם מארקעט זיך אויסשטעלן אין די קומענדיגע פאר יאר?
