קיינער טענה'ט נישט אז די אראבערס זענען א ליבליכע פרידליכע פאלק, וואס זיי האבן גארנישט געקענט טון נאך וואס די ציונים האבן זיי אונטערגערייצט נאר ארויסצוגיין אין פאגראמען. יעדער ווייסט אז די אראבער'ס זענען א פאלק וואס לעבט אויף בלוט (און נישט נאר אראבער'ס, מיטל מזרח בכלל), זיי האבן אייביג גערצח'ט זייערע אייגענע מענטשן, און אזוי אויך די מוסלמענער וואס האלטן אן זייער גלויבן פשוטו כמשמעו, הרג'ענען און רצח'ענען בשם זייער גלויבן (פונקט ווי אידן וואלטן אנגעהאלטן זייער תורה פשוטו כמשמעו, וואלטן געהרג'ט יעדער עובד עבודה זרה און געי).
מ'טענה'ט סך הכל אז אונטער די אראבער'ס און מוסלמענער האבן די אידן געליטן אסאך ווייניגער, ווי זיי האבן געליטן אונטער די קריסטן במשך אלע דורות. און דאס איז א פאקט וואס איז אנגענומען דורך רוב היסטאריקער. די אידן (און די קריסטן) האבן געהאט א ספעציעלן שטאנד ביי די מוסלמענער (אהל אל-כתאב, בני דת הספר - ד"ה אז זיי קומען פון בייבל), און דאס האט זיי געגעבן ספעציעלע רשות צו וואוינען אונטער די ממשלה פון מוסלמענער. א ודאי האבן זיך געמאכט דא און דארט פאגראמען און רציחות, אבער אסאך אסאך ווייניגער ווי ביי די נוצרים. ביז ס'איז געקומען די רעיון הציוני, וואס דעמאלטס זענען זיי געווארן בלוט שונאים פון די אידן.
