בד"ה כ"ק אדמו"ר רבי זיידל מ'קרעטשניף סיגוט זצ"ל

[חוקר ודורש]

גערעכט איך בעט דיר איבער ברבים....

Click to shrink...

מחול לך מחול לך מחול לך

ביזט טאקע א @טייערע חבר אז ביזט א מודה ועוזב

 

[צורבא דרבנן]

אלס בחור איז עס געווען, ווען איך בין געוועהן אין ירושלים. נו, זוכט מען ווי מ'קען גיין פארברענגען און הנאה האבן. זאגט מיר איינער, ס'איז דאך דא אזויפיהל אינטערסאנטע רבי'לעך, טשעק עס אויס.

א קיצור, איך בין אנגעקומען צו רבי זיידל קרעטשניפער. די שמייכל און די אנערקנונג וואס ער האט מיר געגעבן האט מיך שטארק באנומען, ער האט מיר געבעטן צו קומען דאווענען ביי איהם שבת. וואס זאל איך אייך זאגן, איך האב סתם אזוי נישט געהאט צופיל נערוון פאר קיין לאנגע דאווענענ'ס, אבער ווען ס'איז געקומען צו א קרעטשניפ'ע דאווענען, די פלאקער און חיות וואס דער רבי האט געקאכט איז מיר געוועהן זייער ציענד, ער האט געטאנצען בכל כוחו איי יי יי אויוויי הודו לה' כייי טוווב... אה יחוגו וינועו כשיכור איי אייי וכל חכמתם.... די ווארימע תנועות האט געגראגערט אין מיין אויער, איך פלעג אין אנהייב זיך אונטערזינגען טאג און נאכט און אין חלום די ברומערייען פונעם רבי'ן...

איך בין געגאנגען צו די סעודת שבת אין בית מדרש ווי ס'פלעגן יעדע וואך עסן בחורים, דער רבי האט פארברענגט פריינטליך און פארציילט זיינע מעשה'לעך, איין מאל האט ער געזאגט בשעת'ן עסן די פצעי אז סאטמאר רב האט געזאגט אז די שווערסטע זאך וואס ער האט געהאט במשך אלע יארן פון די מלחמה נאך וואס ער האט אלעס פארלוירן איז געוועהן אז ער האט נישט געהאט פצעי שבת!! ס'איז איהם ניטאמאל אנגעגאנגען אז יעדער לאכט, און אזוי איז געווען ביי א יעדע זאך, ער האט געטוהן וואס ער האט צו טוהן, אדער געזאגט, און ער האט מיט די גאנצע קאנפידענץ געקוקט אויף דעם עולם אפילו מ'האט איהם אויסגעלאכט! ער איז איז געוועהן ווייט פון א נער, ער האט אלס געהאט וואס צו זאגן.

ס'איז געווען איינמאל וואס איך בין נישט געוועהן פאר א שטיק צייט, ס'נעקסטע מאל איך בין געקומען, זאגט ער מיר מיט א ליבליכע שמייכל, ווי ביסטו געווען? כ'האב דיר געוואלט קלונגען זיך נאכפרעגן וואס דו מאכסט! זאג איך, נע, ס'פאסט נישט! קיין איין רבי טוהט דאס נישט! זאגט ער מיך מיט א זיסקייט, אהא נאר די אויבערשטער מעג רופן זיינע קינדער! פאר איהם פאסט עס? אה, מיר בענקען זיך!! ער איז געוועהן א אמת'ע עניו און שפל ברך, אלעס האט געפאסט פאר איהם!

איינער האט מיר פארציילט אז איינמאל, נאך אלס רב, איז ער אריינגעקומען ממחרת יום כיפור מיט ווייסע זאקן אין בית מדרש, איז איינער צוגעגאנגען פרעגן אפשר האט ער זיך טועה געוועהן צו וואס, האט ער איהם געזאגט, לאמיך אייך זאגן, די רביצין מיינע גרייט מיך אן יעדן נאכט די וועש פאר מארגן, מוצאי יוה"כ האט זי פארגעסן, זי איז געוועהן שוואך, צופרי איז זי נאך געשלאפן האב איך איהר נישט געוואלט אויפוועקן האב איך אנגעטוהן די נעכטיגע! אה! א טיפיקל קרעטשניפע מעשה, ס'שאדט נישט צו טראגן ווייסע זאקן פאר נאך א טאג!

בכלל איז רבי זיידל געוועהן זייער א אפענע מענטש, ער פלעגט אלעס פארציילן אפילו פאר פשוט'ע בחורים. ער פלעגט אלץ זאגן אז אלע זיינע כוחות וואס ער פארמאגט האט ער גע'ירש'נט פון זיין טאטע ז"ל. ער פלעגט זאגן אז דער טאטע האט געזאגט אז ער גיבט איהם איבער זיין כח צו פראווענען מופתים צו קענען העלפן אידן! ס'דא אזויפיהל אידן וואס ווארטן פאר דיר! די כוחות ההנהגה, די עבודת התפלה מיט א ברען פייער, אלעס איז נאר פון טאטן! איז איינמאל האט ער זיך אזוי אויסגערעדט ווי ער איז נע ונד, אן קיין געהעריג אייגענע בית מדרש, נאך דעם וואס מ'האט אלעס פארכאפט פון איהם און מ'האט איהם גארנישט געגעבן פון אלע נכסים אין כפר עתה, נישט פון ירושלים, הן די פריוואטע הן די פון די קהילה.

אגב, ווען ער האט זיך געצויגן נאכן פטירה פון זיין טאטע קיין וויליאמסבורג, האט ער דארט געקויפט צוויי שטחים פאר א הויז און ביהמ"ד, און האט געזאגט, איך זאג ענק איך בין זיכער אז מ'וועט מיך שיקן מיין חלק געלט 'נאך דעם וואס ער האט ספעציעל אוועק געמופט למען השלום', כדי עס צו קענען פינאנצירן, למעשה א בוידעם, מ'האט איהם געשיקט לופטערן און ער איז צוזאמגעפאלן פון די עול און חובות. א קיצור האב איך גענומען די העזה און געפרעגט 'איך פארשטיי נישט, אלעס האט דער רבי גע'ירש'נט פון דעם רבי'ן ז"ל, די כח פון מופתים, די כח צו משפיע זיין, די כח צו מחזיר בתשובה זיין, אזויפיהל אידן אריינברענגען און אויפלעבן יונג און אלט, אלעס קומט דאך פון די טאטע' נאר דאס האט די רבי נישט געקענט ירש'נן?! אין א בלינק ענטפערט ער מיר: 'יא יא, די אלע זאכן האט מיר דער טאטע איבערגעגעבן נאך בחייו חיותו!! ווידעראום די געלט ענינים ליגט בידי זרים בעלי בחירה! אה צוקער זיס!! יא איך וועל מיך בענקען נאך זיין ליבליך שמייכל, זיין הארת פנים, זיין חן, די פלאקער און דביקות'דיגע טענץ אין די לופטן!! אוי האט עס מיך געהויבן ווען איך פלעג דאס מיטהאלטן!!!

 

[אפענער]

איך זעה אז OTD'ס האבן זיך פיין אן עצה געגעבן מיט אים
דאס איז א פאסט פון הרה"ג ר' עקיבא וויינגארטען אבד"ק דרעזדן (דייטשלאנד) ור"י הבעש"ט
View attachment 8604
לינק

Click to shrink...

געב א קוק וואס זיי האבן געטוהן דערמיט אויף אייוועלט
https://www.ivelt.com/forum/viewtopic.php?p=6193425#p6193425

 

[חוקר ודורש]

ווי ווייט זענען מענטשן צודרייט

 

[איש פשוט]

אלס בחור איז עס געוועהן ווען איך בין געוועהן אין ירושלים, נו זוכט מען ווי מ'קען גיין פארברענגען און הנאה האבן' זאגט מיר איינער ס'איז דאך דא אזויפיהל אינטערסאנטע רבי'לעך טשעק עס אויס, א קיצור איך בין אנגעקומען צו רבי זיידל קרעטשניפער, די שמייכל און די אנערקנונג וואס ער האט מיר געגעבן האט מיך שטארק באנומען

Click to shrink...

הערליך שיין באשריבן!

 

[כספי]

די טעם פארוואס די חסידים פון ר' זיידל זענען ארויפגעפלויגן מיט זייערע הפלגות, שלא כדרך הטבע ושלא כסדר העולם אז מ'גייט א שטאפל נאך א שטאפל, קומט פון דאס וואס זיין טאטע דער קרעטשניפער רבי ז"ל האט מען אויך גוט אויסגעלאכט בחייו, כאטשיג מ'האט געוואוסט אז ער איז א הייליגער איד וכו', ולאחר מותו איז ער געווארן גאנץ פארהייליגט ביי רוב כלל ישראל, כאטשיג מ'קען זיך נאך גוט אונטערהאלטן אויף זיין חשבון.

די חסידים פון ר' זיידל (און אזוי אויך פון זיין ברודער ר' ניסן) האבן קלאר געהאלטן, אז די גאנצע מצב פון חוזק מאכן פון ר' זיידל איז נאר ווילאנג ער לעבט, איינמאל ער מאכט צו די אויגן, וועלן נארמאלע מענטשן שרייבן אויף אים הרה"ק וכדו', אזוי ווי מ'קען היינט שרייבן אויף זיין טאטע. וואס זיי האבן נישט גענומען אין חשבון, איז אז זיין טאטע איז געווען א אמת'ער עובד ה' מיט אסאך מעלות און משוגעת'ן, און ר' זיידל (ווי ר' ניסן) איז געווען א וואוילער אינגערמאן וואס האט געהאט אסאך משוגעת'ן מיט ווייניג מעלות. ודו"ק כי קצרתי.

 

[פידעל קאסטרא]

איך פלעג מיך אסאך דרייען אלס בחור ביי רבי זיידל (זכרונו לברכה ) עס איז פשוט געווען געשמאק צו רעדן מיט דעם מענטש, גאנצעטע נעכט האמיר פארברענגט און געשמועסט מיט אים, ער האט געהאט א מין חן אין מיינע אויגן, זיין פנים האט שטענדיג געשטראלט מיט א אמתע שמייכל, כאטש וואס ער איז געווען א מיטגעמאכטע מענטש כל ימיו.

ער האט ענדערש געקענט באשטיין צו רעדן און שמועסן מיט היימישע בחורים, ווי איידער מיט רבנים און עשירים.

חבל על דאבדין, אזא נשמה קומט זעלטן אראפ אויף דער וועלט.

 

[שפן הסופר]

מען שמועסט אז ס'איז פאראן א רעקארדירונג ווי ער בעט מען זאל אים באשרייבן אין דער בלאט.
איינער ווייסט מער איבער דעם?

 

[קליינע צדיק'ל]

קודם האב איך ממש נאר געלאכט און געשטוינט אויף די לעוועל פון אחרי מות קדושים

אבער יעצט נאכן ליינען פון אזויפיל מענטשן פערזענלעכע זאכן ווי ער האט זיך אראפגעלאזט, מיטגעפילט, נאכגעפרעגט, געדענקט, פרובירט צו העלפן, אא"ו
מענטשן פון אלע עידזשעס און סטעידזשעס ביך איך גראדע גאנץ איבערגענומען

אונז האבן דעמאלטס טאקע פארלוירן א שטארקע זאך, וואס מאכט זיך נישט אפט
קען זיין טייל טרייבן איבער מיט מופתים וכדו' אבער ווי נעמט מען אזא הארציגע וואוילע איד?

איך זאג קלאר אז איך האב אים (ליידער) נישט געקענט אבער דאס איז מיין אבזארוואציע

 

[בן עזריה]

מען שמועסט אז ס'איז פאראן א רעקארדירונג ווי ער בעט מען זאל אים באשרייבן אין דער בלאט.
איינער ווייסט מער איבער דעם?

Click to shrink...

יא, איך האב עס געהערט יאאארן צוריק. ס'איז אדער יא אמת אדער נישט.

 

[אינגערמאנטשיקל]

מען שמועסט אז ס'איז פאראן א רעקארדירונג ווי ער בעט מען זאל אים באשרייבן אין דער בלאט.
איינער ווייסט מער איבער דעם?

Click to shrink...

עפעס דערמאנסטו מיר. עפעס וועגן נפתלי משה.

 

[שפן הסופר]

איינער האט מיר דאס אריינגעשיקט. איך האב נישט קיין השגה פון וועלכע חתונה מען רעדט אדער ווי קראנט דאס איז.
אויב איינער ווייסט מער, ביטע זיך אנרופן.

 

[כלבין דחציפין]

מען שמועסט אז ס'איז פאראן א רעקארדירונג ווי ער בעט מען זאל אים באשרייבן אין דער בלאט.
איינער ווייסט מער איבער דעם?

Click to shrink...

מאכט סענס ער איז געווען זייער אפן און דיירעקט, ער האט נישט געבולשיט, מען האט געקענט רעדן מיט עם וואס מען וויל, און ער האט אויכט אלעס דערציילט פארן עולם.

 

[ריבניץ]

איך האב נישט געקענט דעם סאטמאר רבי׳ן זצ״ל און נישט ר׳ הערשעלע זצ״ל, אבער ביי ר׳ זיידל זצ״ל האב איך מיך געווייקט אין וויליאמסבורג מיינע בחורישע יארן, און איך קען ארויסברענגען דאס וואס זייער אסאך האבן שוין ארויסגעברענגט די וויכטיגע געפיל וואס ער האט מיך געגעבן כאטשיג ער קען ווען זיין מיין זיידע, האט ער זיך כסדר אינטערסירט אויף מיר און מיך געבעטן צו קומען צום דאווענען און טישן.

אבער איך וויל ארויסברענגען א נקודה פון די ווארעמקייט און פייער פאר שבת און חנוכה לעכט און יעדע מצווה וואס ער האט אריינגעגעבן אין די בחורים, טאקע עס איז נישט געווען געבויט אויף טיפע מחשבה׳דיגע תורות ווי אין חב״ד, אבער עס איז געווען א אש קודש וואס איז געווען טופח על מנת להטפיח, בחורים האבן באקומען א ווארעמקייט צו אידישקייט און צו חסידישע מנהגים, עס האט זיך אנגעהויבן ביי זיין טאטן און ער האט דאס איבערגעגעבן מיט די גאנצע לייב און לייבן, איך געדענק נאך א שבת וואס ער האט געפראוועט אינדערהיים ווייל ער האט געהאט אן אפאראציע אויף די פוס, אבער ביי ואני בעודי איז ער געטאנצן מיט די פוס אין די הייעך (אדער ווי ר הערשעלע פלעגט זאגן מיט די פוס העכערן טיש).

און חוץ פון דעם איז אין קרעטשניף אייביג געווען דער סדר צו רעדן באופן גוזמא, אבער למעשה האבן מיר פארלוירן א גוטע איד.

 

[טרעפיק]

איינער האט מיר דאס אריינגעשיקט. איך האב נישט קיין השגה פון וועלכע חתונה מען רעדט אדער ווי קראנט דאס איז.
אויב איינער ווייסט מער, ביטע זיך אנרופן.

Click to shrink...

אויב איז דאס אמת ווייסאיך נישט. אבער לאמיר זאגן יא.
זייער שיין פון אום אז ער וויל נישט באליידיגן קיינעם פארן נישט קומען צום חתונה.

אגב פארוואס ווערט דאס ריקארדירט אין געסעיווד און שפעטער ארויסגעשוקט? פארשיי איך נישט דעם ווייס.

 

[מצליח]

אאוטש
אבער פארוואס זאגסטו הויעך אז איך האב דאס נישט פארשטאנען
עס איז נישט שיין מבייש זיין אזוי ברבים

Click to shrink...

ווייל דו לעבסט נאך.

 

[דאקטאר-ראבינער]

די טעם פארוואס די חסידים פון ר' זיידל זענען ארויפגעפלויגן מיט זייערע הפלגות, שלא כדרך הטבע ושלא כסדר העולם אז מ'גייט א שטאפל נאך א שטאפל, קומט פון דאס וואס זיין טאטע דער קרעטשניפער רבי ז"ל האט מען אויך גוט אויסגעלאכט בחייו, כאטשיג מ'האט געוואוסט אז ער איז א הייליגער איד וכו', ולאחר מותו איז ער געווארן גאנץ פארהייליגט ביי רוב כלל ישראל, כאטשיג מ'קען זיך נאך גוט אונטערהאלטן אויף זיין חשבון.

די חסידים פון ר' זיידל (און אזוי אויך פון זיין ברודער ר' ניסן) האבן קלאר געהאלטן, אז די גאנצע מצב פון חוזק מאכן פון ר' זיידל איז נאר ווילאנג ער לעבט, איינמאל ער מאכט צו די אויגן, וועלן נארמאלע מענטשן שרייבן אויף אים הרה"ק וכדו', אזוי ווי מ'קען היינט שרייבן אויף זיין טאטע. וואס זיי האבן נישט גענומען אין חשבון, איז אז זיין טאטע איז געווען א אמת'ער עובד ה' מיט אסאך מעלות און משוגעת'ן, און ר' זיידל (ווי ר' ניסן) איז געווען א וואוילער אינגערמאן וואס האט געהאט אסאך משוגעת'ן מיט ווייניג מעלות. ודו"ק כי קצרתי.

Click to shrink...

איך בין אמאל געזעצן ביי זיין טיש ווען איינער האט מיך געזאגט אז דער איז אזא משוגענער ווי דער טאטע האט געוואלט אז מען זאל מיינען אויף זיך...