@אינטעליגענט זאגט גוט און עס אויס ווי ער האט גאר א טיפע פארשטאנד (אינטעליגענץ) אין די נושא, איך קען אביסל מוסיף זיין, פון וואס איך זע, טאקע נאכ'ן אביסל ארומפאטשקענען אין די מארקעט, ווי פארשטענדליך זאל מיך קיינער נישט נעמען ערנסט, ס'בלויז אבזערוואציעס.
דאס איז איינע פון די פראבלעמען אין די סטאק מארקעט, ס'קוקט אויס גלאנציג. 75 פראצענט טרעידער'ס גייען אוועק פון די סטאק מארקעט אין די ערשטע חודש, און 90 פראצענט אין די ערשטע 6 חדשים, מען ווערט פארלוירן ווען מען פארלירט געלט און די מארקעט שפילט נישט מיט מיט דיינע פלענער. ווי זעסטו אז א קאמפאני גייט ארויף פון 100 צו 200? נעם די 500 S&P גרויסע קאמפאניס, וויפיל האבן זיך געדאפלט אין די לעצטע יאר? 3. פיין. אבער קוק וויפיל קאמפאניס האבן פארלוירן געלט אין די זעלבע צייט אפשניט? 191. דו וואלסט געהאט א 63 מאל מער שאנס צו פארלירן ווי געווינען דאפלט. אבער דיין עצם מהלך איז נישט אפגעפרעגט, מען קויפט ביליג און מען פארקויפט טייער.
אבער קודם א קליינע הקדמה: עס איז דא עטליכע מהלכים צו אינוועסטן, צו אויסרעכענען 3 וואס זענען שטארק פאפולער,1) לאנג טערם 2) שארט טערם 3) אפשענס. לאנג טערם איז די מערסטע פארזיכערט, דו לייגסט אריין די געלט אין א אינדעקס אזוי ווי די S&P 500 אדער אין א מיוטשעל פאנד ווי Vanguard, Blackrock און די געלט וואקסט מיט די יארן. (אין דורכשניט וואקסט עס מיט 12 פראצענט א יאר געבויט אויף טרענדס פון די לעצטע 50 יאר דאס מיינט אז דו לייגסט יעצט אריין 1,000$ גייסטו האבן א יאר שפעטער $1,120 (1,000+12%) יעצט די מורא'דיגע כח פון קאמפאונד אינטערעסט, די נעקסטע חודש באקומסטו שוין אינטרעסט אויף $1,120 איז שוין דא $1,404, די דריטע יאר גייט עס ארויף נאכמער, נאך 6 יאר איז שוין דא דאפלט די געלט וואס דו האסט אריינגעלייגט, יעדע 6 יאר דאפלט זיך די געלט מאך ווייטער די חשבון אויף א ספרעדשיט די נומבערס זענען ריזיג. נאך 50 יאר (אויב ס'איז אינטרעסאנט צו האלטן געלט אזוי לאנג) וועסטו האבן $289,002! פאר מער זע
דא), די דריטע איז אפשענס דו לייגסט puts אדער shorts, דאס טייטשט די בארגסט געלט פון דיין סטאק בראוקער ווייל דו ביזט קאנפידענט אז ס'גייט אראפגיין, דאס איז פארבינדן מיט אסאך ריזיקע און איז בעיקר פאר ערפארענע אינוועסטירער, איך האב דאס קיינמאל נישט אויספרובירט.
איך וויל בעיקר רעדן וועגן די צווייטע, דאס איז וואס דו האסט דערמאנט אבער מיט אביסל קליינע שינוים, נעם א סטאק וואס איז אביסל וואקלדיג (Volatile)אבער די קאמפעני ביסודו איז סטאביל, לאמיר זאגן דו קויפסט גוגל סטאק וואס האלט יעצט ביי $157 א שעיר, זוכסטו ווען עס האט א 'dip', קוק אויף די סטאק טשארט פון די לעצטע פאר חדשים קענסטו דאס אויסרעכענען, דו זעסט פאר אז אויב די סטאק האט א שלעכטע טאג גייט עס אראפגיין צו $152, גייסטו דעמאלטס קויפן 50 שעירס פאר $7,600, און ווארטן ביז עס גייט ארויף צו $167 און אלעס פארקוןיפן פאר $8,350 (א טעק קאמפאני ווי גוגל איז זייער שכיח ס'זאל ארויפגיין און אראפגיין מיט 10 פראצענט) וויפיל פראפיט האסטו געמאכט אין די שטיק צייט? גאנצע $750, דאס איז נישט שלעכט. יעצט לאז די געלט ווארטן ביז די סטאק גייט נאכאמאל אראפ און דו פילסט די צייט איז רייף צו קויפן נאך. דאס זעט אויס ווי גאנץ א געלונגענע סטראטעגיע, בעיקר פאר אינוועסטירער וואס הייבן יעצט אן.
נאך עטליכע קליינע נקודות:
נאו ריגרעטס: דו וועסט זען די ערשטע פאר מאל ווי דו מאכסט טעותים, ס'איז גארנישט די גרעסטע פראפעסיאנאלן מאכן אויך טעותים. ס'קען זיין פונקט די סעקונדע נאך דו פארקויפסט שיסט די סטאק פרייז ארויף מיט אזא 7 פראצענט, דאס איז סם המוות, דו דארפסט זיך ווייטער האלטן ביי דיין סטראטעגיע און לערנען פון טעותים, געפילן און בייעס קענען זיין א מורא'דיגע שטער, מיט די צייט וועלן די פארלוסטן ווערן ווייניגער און ווייניגער.
באגרעניץ פארלוסטן: ווען דו זעסט א סטאק וואס דו האלסט פארלירט 5 אדער 10 פראצענט (געוואנדן לויט דיין ריסק טאלעראנץ) פארקויף עס גלייך, ווארט נישט ביז די סטאק וועט צוריק ארויפגיין און וועסט אפשר ארויסקוועטשן פראפיט.
ס'איז גוט אוועקצושטיין פון פעני סטאקס (סטאקס וואס טרעידן אונטער 5 דאלער א שעיר): די סטאקס קענען אויסזען מורא'דיג אטראקטיוו, אבער רוב מאל איז פשט אז די סטאק איז גארנישט ווערט און גייט נאר אראפגיין פון דא און ווייטער.
דיווערסיפיקעישאן: זיין אנגעהאנגען אין 1 סטאק איז אביסל ריזיקירט, אבער אויסשפרייטן צו סאך אין 20 אנדערע סטאקס קען שטארק אריינשניידן אין די פראפיטן, מען דארף טרעפן א דרך הממוצע 2,3,4 קאמפאניס פון אנדערע סעקטארס וואלט געדארפט צו זיין גענוג.
פלאטפארמעס ווי ראבינהוד: פאר נייערע אינוועסטארס איז דאס די בעסטע, נישטא קיין fees פאר יעדע טרעיד, אויך קען מען מאכן א limit order פשט אז איך די סעקונדע וואס די פרייז גרייכט א געוויסע פונקט וועט דיין ארדער אליינס ווערן אריינגעפילט, דאס קען שפארן אסאך צייט פון שטיין און קלאצן אויפן סקרין ביז ס'קומט אן צו דיין טארגעט פרייז.
איך בין נייגעריג וואס
@אינטעליגענט זאגט צו מיינע אבזערוואציעס.
