מענדי'ס סועסייד בריוו

פאר אפאר יאר צוריק האב איך געהערט פון א יונגערמאן וואס האט זיך גענומען דאס לעבן ל"ע. יעדער האט געהאט א דעה פארוואס ער האט דאס געטון. "ער איז נישט געווען געהעריג ביים דעת", "איך קען אים שוין לאנג, ער איז געווען גוט משוגע". איך האב מיך אבער נישט צו סאך אריינגעלייגט אין די דעטאלן, וואס איז געשען איז געשען, ס'מוז זיין ער איז געווען צעדרייט, ווייל א נארמאלע מענטש טוט נישט אזא זאך.

עס גייט אדורך אפאר יאר און מען הייבט ליידער אן הערן מער און מער אזעלכע מעשיות. א בחור דא, א יונגערמאן דארט, און עס האט מיך אנגעהויבן קיצלען... אין די היינטיגע וועלט, וואס פסיכיאלאגיע איז אזוי אריין אין אונזער סיסטעם קען מען נישט פארמיידן די ביטערע מחלה פון סועסייד? וואס איז פשט? אבער איך בין נישט געבליבן נייגעריג פאר לאנג....

איך האב געהאט גאר א נאנטע חבר, אונז גייען אים רופן מענדי. מענדי איז געווען א בחור פונקט ווי אלע בחורים, געלערנט אין ארץ ישראל, געארבעט בין הזמנים, געהאט א קווין פאון... אבער מענדי האט מיר געשיקט א בריוו וואס דארף פארציילט ווערן ברבים. דא איז די בריוו:

איך בין מענדי. א 14 יעריגע בחור וואס לערנט אין ישיבה קטנה. איך שיין ארויס אלץ איינער פון די קלוגערע חברה פון ישיבה ב"ה. גראדע בין איך אויך צעווילדעוועט, איך האב ליב צו טאנצן און שפרינגען און באקומען אטענשאן ווי איך קען נאר. אסאך מאל באקום איך טאקע קרומע בליקן, אבער מיין גוט הארץ און גוטע קאפ וועגן געווענליך איבער. אין שיעור ב' האב איך אנגעהויבן אויסהערן די ראדיא מיט הערן גוי'שע לידער וואס דאס האט מיר אנגעהויבן אריינציען אין א שווערע לאך...

נאך אפאר חדשים גייען אריבער און איך האב מיך אנגעהויבן וואקלען גאר שטארק. מיינע עלטערן האבן פרובירט אלעס, טעראפיסטן, משפיעים, פעטערס און מומעס, אבער קיינער האט מיר נישט געקענט העלפן. ביז איך האב מיך באקאנט געמאכט מיט א בחור מיטן נאמען ארי. ארי האט מיך פארשטאנען, ארי האט געזען מיינע שוואכקייטן און נאכאלץ מיך ליב געהאט, ער איז געווען די אור אין די טונקל. פארשטייט זיך אונז זענען געווארן גאר גאר נאנט איינער מיטן צווייטן, און אזוי ארום נאך א יאר א האלב בין איך צוריק געווארן אן ערליכע בחור.

ב"ה איך בין שוין 18, איך בין אריין צו א נייע ישיבה גדולה, און ס'איז געווען א מורא'דיגע סוקסעס. דער עולם האט מיך ליב געהאט, איך האב מיך ווייניגער נאריש געמאכט ווי אמאל, דער עולם האט מיך אנגענומען אלץ א מאטשור באזעצענע מענטש. ארי איז געווען מורא'דיג סופפארטיוו אויף יעדע טריט און שריט, ער איז געווען באמת פרייליך אז איך בין סוקסעספול. אבער מיט עלטער קומט א טויש אין די שכל, און איך האב אנגעהויבן נעמען א מער טשילד וועג אין יודישקייט, נישט קיין "באמישע" שריט, און ח"ו נישט קיין עבירות, אבער א בחור בלייבט א בחור, איך האב געצויגן מער צו א רואיגערע לייפסטייל. ווי מער א וואך גייט אריבער די מער באזעצן איך בין געווארן, אבער ארי... ארי האט זיך דערווייטערט.

איך פארשטיי ארי 100%, ער איז נישט מחוייב צו מיטפארן מיט מיין משוגעת'ן. אז איך וואקל, דארף ער נישט מיטוואקלען, אבער די וועג וויאזוי ער האט אפגעהאקט, פון איין רגע צום צווייטן, אן רעדן צו מיר, האט מיר גאר שטארק געבאדערט. אבער דאס איז נישט די גאנצע. איך קום פון א גאר פרומע משפחה, און פאר מיינע עלטערן און געשוויסטער בין איך געווען א שגץ. איך פארשטיי זיי, קיינער האט זיי נישט טרענירט וויאזוי צו באהאנדלען א קינד ווי מיר, זיי האבן נישט געוויסט וויאזוי צו זיכער מאכן אז איך פאלג נישט מער. איך בין דער וואס נעמט די שולד. אבער א שרעקליכע תוצאה איז ארויסגעקומען, איך האב פארלוירן אימאשענעל סופפורט פון אלע מיין ארומיגע. אלע מענטשן וואס האבן מיך געפלעגט שטיצן, געבן קאמפלימענטן, מחזק זיין, האבן דאס אויפגעהערט צו טון.


די לעבן גייט אבער ווייטער אן, איך עלטער מיך אין פריידן, די וועלט האט מיר נישט געפרעגט אויב ער קען זיך ווייטער דרייען, "די וואורלד מאָווס אן". איך האב פראבירט זיך צו האלטן שטארק, איך האב אנגעהויבן ליינען, שפאצירן, הייקן, אלעס צו האלטן מיין מח פארנומען. איך האב געטראכט אז איך גיי אזוי קענען שטופן אן קיין אימאשענעל סופפארט ביז מיין חתונה, און מיין ווייב גייט מיך שוין געבן אלע אימאשענעל סופפארטוואס איך וועל נאר דארפן. אוי ווי נאריש פון מיר דאס צו טראכטן...

ווי מער צייט גייט אריבער בין איך געווארן מער און מער באזעצן, די אויבערשטער האט מיר געשאנקען א מתנה אז איך קען גוט קאנעקטן מיט מענטשן, און מיין ארומיגע האבן עס געפילט. איך האב מיך געטראפן אין א פאזיציע וואס מיינע חברים און ידידים האבן אנגעהויבן זיך אויסצורעדן צו מיר, זוכענדיג אן עצה, א קלוג ווארט, אדער סתם אן אוזן שומעת. און איך האב נישט אראפגעלאזט קיינעם, איך האב געבארגט געלט, פארשאפט דזשאבס און געווישט די טרערן פון מיינע ארומיגע.

עס איז נאר געווארן מער און מער, און נאך יעדעס מאל איך האב געענדיגט רעדן מיט איינעם, בין איך געווארן אזוי דיפרעסט, עס האט מיר ממש אראפגעברענגט ביז אונטן. איך בין דער וואס געבט די סופפארט פאר אזוי סאך מענטשן, אבער איך האב נישט קיינעם פאר מיר, איך האב נישט דעם אוזן שומעת. אבער איך האב געהאט די שטארקקייט זיך צו האלטן, איך בין ווייטער געווען סאושעל, ווייטער פארברענגט כאילו לא היה.

ביז עס האט געפלאצט. איין טאג נאכן ארויסהעלפן א נאנטע חבר מיינע, בין איך אהיימגעקומען, און אויסגעפלאצט אין אזא געוויין, בכיות נוראות אן אויפהער. אזוי סאך באגראבענע פּעין האט אויפגעשוימט. קענענדיג פסיכיאלאגיע האב איך געוויסט אז טרערן היילן, און עס האט טאקע געהיילט, אבער נאר פאר א טאג צוויי. נעקסטע וואך, די זעלבע דזשאוק עודך, איך העלף איינעם, איך קום אהיים, טרערן. אזוי איז געגאנגען פאר א חודש. איך האב פרובירט אנצוהויבן שמועסן מיט אפאר פון מיינע נאנטע חברים, זיי מרמז צו זיין אז איך דארף אביסל חיזוק, אבער גארנישט. קען זיין איך האב נישט גוט ארויסגעברענגט מיינע געפילן, קען זיין איך האב נישט פארשטאנען וואס זיי האבן מיר געזאגט, אבער פון די שמועסן האט קיינמאל נישט געווארן עפעס, אייביג האט זיך עס פארווישט מיט א דזשאוק צו וואס.

ביז איין טאג האט מיר אנגעהויבן ארויפשווימען די אלטע מעשיות וואס איך האב געהערט פון די מענטשן וואס זענען געגאנגען סועסייד. איך האב אנגעהויבן איינזען אז זיי זענען נישט געווען משוגע, זיי זענען געווען ביים דעת פונקט ווי אונז אלע, נאר אנגעפאקט מיט פיין און ווייטאג אן קיין וועג ארויס. איך האב אזוי אוועקגעשטופט די מחשבות, אבער גארנישט האט געהאלפן, עס האט געהאלטן אין איין צוריקקומען. צוביסלעך האט עס אנגעהויבן אריינקריכן מער און מער אין מיר, איך האב אנגעהויבן אפוועגן די צדדים, פון איין זייט זעה איך נישט קיין וועג ארויס פון די ענדלאזע סייקל פון פּעין, אבער פון די צווייטע זייט אפשר בין איך נאך צו יונג? אבער אויב איך ענדיג עס היינט, בין איך פארזיכערט צו סטאפן די סייקל.... עס האט אנגעהויבן ארויפשווימען זכרונות פון מיין יוגנט, ווי מיין מאמע גיבט זיך אוועק פאר מיר איר בלוט און שווייס. איך בין געווען א שווערע יונגל, איך ווייס עס, אבער זי איז אייביג דארט געווען פאר מיר, ווי קען איך זי וויי טון אזוי? די מחשבות האבן געריסן לעבעדיגע שטיקער פון מיר, א 20 יעריגע בחור איז נישט געמאכט פאר די סארט דאגות. עס האט מיר ממש איבערגענומען, איך האב מיך געטראפן מיט מחשבות וואס מיין מח האט נישט געקענט פראסעסן.

נאך א שטיק צייט האבן איך געזען אז איך מוז אפמאכן צו איך גיי עס טון צו נישט אין די נעקסטע וואך צייט. איך האב שפאצירט ביינאכט און איך האב אנגעהויבן ציען צו די זייט עס צו טון... איך ווייס נישט וואס, אבער א מחשבה האט זיך געגעבן א ווארף אריין אז איך זאל רופן די סועסייד האטליין, וואס האב איך צו פארלירן. געזאגט און געטון, איך רוף אריין און איך האב גערעדט מיט זיי פאר איבער צוויי שעה, פרובירנדיג זיך ארויסצוזען פון די בלאטע.... איך האב אראפגעלייגט מיט זיי, נישט קיין אונץ קלארער. אבער וויבאלד איך האב געזאגט פאר איינעם אז איך האב די מחשבות, האט עס אראפגענומען אסאך פון מיין פעקל, און מיר געהאלפן דורכשטופן נאך א וואך-צוויי.

איין נאכט נאך איך האב געענדיגט מיין וועכנטליכע ליל ששי, בין איך אהיימגעפארן מיט מיין חבר אין איין קאר. פון איין מינוט צום צווייטן זענען די מחשבות געקומען צו פליען. איך האב געוואוסט אז איך קען נישט וויינען אין פובליק, איך האב מיר פרובירט איינצוהאלטן מיט אייזערנע כוחות, אבער מיט געפילן איז כלו כל הקיצין, עס האט אנגעהויבן צו פליסן שטילע הייסע טרערן. מיין חבר האט באמערקט און שאקירטערהייט פרובירט צו מחזק זיין, ס'האט געהאלפן אביסל, אבער נישט געסאלווט די פראבלעם. איך בין אנגעקומען אהיים, און אויפן רגע זיך צאמגעלייגט אויף די דיינונג רום פלאר, און אויסגעפלאצט אין א יאמערליכע געוויין. א 20 יעריגע בחור, וואס פאר א שעה צוריק האט ער געלאכט און פארברענגט מיט זיינע חברים, וויינט ווי א קליין קינד אויף דער ערד 1 אזייגער ביינאכט... נאכן זיך בארואיגן שטעל איך מיך אויף. איך האב אפגעמאכט אז איך גיי עס ענדיגן. גענוג מיט די פּעין גענוג מיט צער. ס'איז נישט פאר מיר. איך נעם זיך שרייבן די בריוו צו דיר מיין טייערע חבר זעליג, צו איבערבעטן אלע מיינע ארומיגע.

צו טאטי און מאמי: איך ווייס אז עטץ האטס געטון אלעס וואס ענק האבן געהאלטן איז ריכטיג, איך לייג נישט די שולד אויף קיינער פון ענק, איך ווייס ענק האבן מיך ליב געהאט מער ווי איך ווייס, אבער די וועלט איז נישט פאר מיר.

צו מיינע חברים פון ישיבה: שבח פאר די גוטע צייטן וואס אונז האבן געהאט צוזאמען, שכח פאר אלעס וואס עטץ געטון פאר מיר. ענק גייען טרעפן איינער וואס זאל ענק העלפן מיט ענקערע פראבלעמען, עס מוז נישט זיין מיך.

צו ארי: דו ביסט גארנישט שולדיג! ס'איז מיין שולד! שכח פאר'ן זיין דארט אין מיינע שווערסטע צייטן, דו האסט מיר געהאלפן ווערן די מענטש וואס איך בין געווען.

און צו דיר בערל: אויב דו ליינסט די בריוו מיינט אז עס איז שוין דערנאך. דו ביסט אבער די ריכטיגע מענטש צו פארשפרייטן מיין מעשה. ביטע נעם די בריוו און העלף ראטעווען מענטשן וואס זענען אין מיין מצב. מענטשן גייען אריבער ערנסטע פראבלעמען און נישט יעדער וואס נעמט זיך דאס לעבן איז א משוגענער.

הצלחה רבה!

----

מענדי האט זיך טאקע ליידער גענומען דאס לעבן. מיט טרערן שרייב איך דא מענדי'ס בריוו פאר ענק צו ליינען.
מענדי! סארי פאר'ן נישט זיין דארט פאר דיר ווען דו האסט עס געדארפט די מערסטע! איך גיי זיכער מאכן צו טון אלעס אין דער וועלט צו פארמיידן נאך קרבנות.

מענדי איז שוין נישט דא, אבער איך בין נישט געווארן קיין מעשה דערציילער (איידערווייל), איך האב א צווייטע זאך וואס איך וויל ארויסברענגען דא. סועסייד איז נישט געאייגנט פאר משוגעים. עמך יודן מוטשענען זיך אויך מיט דעם. א מענטש דארף אן אקסל צו קענען וויינען אויף, א מענטש דארף איינער צו העלפן שלעפן זיין שווערע לאסטן. מען קוקט אן דער מענטשן וואס זענען נעבעך געפאלן אלץ "טעותים" א פלאפּ אין די סיסטעם, וועק דיך אויף! דער 55 יעריגע וואס האט געטאנצן פאר 2 וואכן צוריק האט קיינער נישט געהאלטן אז ער איז צעדרייט ביז יענע אינדערפרי. די דריי בחורים וואס האבן זיך גענומען דאס לעבן לעצטע וואך, זענען אויך געווען היבש נארמאל. נעבעך פאר זיי! עטץ האטס נישט קיין אנונג וואס עס מיינט צו האבן די מחשבות, זיך צו שלאגן מיט די מחשבות, צו ליידער איינזען אז די מחשבות נעמען דיר איבער. ווען איינער נעמט זיך דאס לעבן, געשעט עס נישט פון איין רגע צום צווייטן, עס איז א דורכגעטראכטע, באזעצענע מלחמה וואס מען האט מיט זיך אליין, וואס ליידער זענען דא מענטשן וואס זענען נישט גענוג שטארק צו געווינען....

ברודער'ל מיינס! וויפיל לעבנס וואלטן געקענט געראטעוועט ווערן ווען דו פרעגסט ווען דיין חבר וואס ער מאכט, וויאזוי ער פילט, ווען דו טשעקסט אריין מיט אים. די צאל איז ענדלאז. און מיין נישט אז דו ווייסט, דו קענסט זען אויף דיין חבר אויב עפעס באדערט אים, איך זאג דיר צו דו האסט נישט קיין אנונג וואס עס גייט פאר אין דיין חבר'ס מח. ביז יעצט ווייסט נאר איינער וועגן מיין מיטמאכעניש, און איך בין א פאפולערע בחור, א בחור מיט חברים, יעדער ווייסט ווער איך בין, אבער איך האב געפילט ווי קיינער קען מיך נישט. מיין פריינט, עפן אויף א טויער פאר אימאשענעל שמועסן, מאך זיכער אז דיין חבר פילט ווי ער קען אויסגיסן זיין הארץ צו דיר. סאיז נישט קיין שווערע מלאכה, זאג אים "פאר סיי וועלכע זאך, קענסטו מיך רופן דזשאדזש פרי". זאג פאר דיין חבר אז דו קענסט אים ארויסהעלפן מיט זיינע פראבלעמען. רוב מאל איז די סאלושען פשוט אן אוזן שומעת, אדער אן אקסל פאר טרערן, דאס איז די גאנצע.

מאך זיכער אז עס איז נישט דא קיין "סטיגמע" ארום דיר אז מען זאל זיך נישט קענען פילן וואלנערבל נעבן דיר. און ווען דו שיקסט נאר א האלב פון א פערטל פון א פראצענט אז עפעס גייט פאר מיט דיין חבר, האלט דיר נישט צוריק פאר א סעקונדע פון אים רופן, יעדער רגע מאכט אויס! דו ווילסט נישט זאגן איינמאל עס איז דערנאך, "עפעס האט טאקע געפילט אנדערש לעצטנס, א שאד איך האב נישט געטון מער"... אמור מעט ועשה הרבה, טו צום זאך. און געדענק, ווייל איינער זעט אויס אקעי מיינט נישט אז ער איז.

אויב אפילו איינער גייט רופן זיין חבר וועגן מיר האט זיך עס שוין געלוינט.

בשם השם נעשה ונצליח
😭😭😭😭😭
 
@דעת תורה @שמעקעדיג


ענק ווייסן וואס מיינט דאס זיין א מינוט, פאר זיך נעמען דאס לעבן????
ווייל אז נישט דערוואגט זיך נישט אפילו צו אנרופן…
ענק ווייסן ווי שווער איז עס פאר א פאפאלערע מענטש זיך גיין אויסוויינען ביי א צווייטען??
ענק ווייסן ווי שווער איז פאר א מענטש וואס איז א אוזן קשבת, צו טרעפן אזאנץ פאר זיך?

איך ווייס נישט אויב עס איז אמת צו נישט, אבער איך האב זיך געזען צווי יאהר צוריק, ווען איך בין געווען א טריט פאר עס מאכן…

אנטשולדיגט אז איך בייזער זיך, אבער אז ענק זענען נישט געווען און אזא מצב זייטס שטיל….
איך ווייס נישט טאמער איך קען בכלל זאגן עפעס פאר אזא מענטש, ווייל איך האב נאך גיהאט די כוח ארויס גיין, ער נעבעך נישט
 
איך פארשטיי נישט איין זאך דא. לויט ווי ער שרייבט איז ער געווען אן אדרעס פאר מענטשן צו קומען אפלאדענען זייער פעקלעך און ער האט זיי ארויסגעהאלפן מיטן זיין אן אוזן קשבת. די זאך כשלעצמו (זיין אויפן giving end און געבן פאר א צווייטן) איז א שטארקע סיפוק פאר זיך. Correct me if I'm wrong.
 
איך פארשטיי נישט איין זאך דא. לויט ווי ער שרייבט איז ער געווען אן אדרעס פאר מענטשן צו קומען אפלאדענען זייער פעקלעך און ער האט זיי ארויסגעהאלפן מיטן זיין אן אוזן קשבת. די זאך כשלעצמו (זיין אויפן giving end און געבן פאר א צווייטן) איז א שטארקע סיפוק פאר זיך. Correct me if I'm wrong.
עס איז זייער א שטארקע סיפוק
אבער איינס פון די זאכן וואס מלייגט א דגוש ביים טרענירן איינעם איז די וויכטיגקייט פון self care
ווייל מען קען זיך זייער שנעל טרעפן אויסגעברענט אין א לאך
 
איך פארשטיי נישט איין זאך דא. לויט ווי ער שרייבט איז ער געווען אן אדרעס פאר מענטשן צו קומען אפלאדענען זייער פעקלעך און ער האט זיי ארויסגעהאלפן מיטן זיין אן אוזן קשבת. די זאך כשלעצמו (זיין אויפן giving end און געבן פאר א צווייטן) איז א שטארקע סיפוק פאר זיך. Correct me if I'm wrong.
יא, אוודאי געט עס סיפוק, אבער פון צוויטע זייט, די געפיל פון איך בין דא פאר יעדעם און ווען איך דארף עפעס איז קיינער נישט דא פאר מיר. איז א געפערליכע געפיל....
 
איך פארשטיי נישט איין זאך דא. לויט ווי ער שרייבט איז ער געווען אן אדרעס פאר מענטשן צו קומען אפלאדענען זייער פעקלעך און ער האט זיי ארויסגעהאלפן מיטן זיין אן אוזן קשבת. די זאך כשלעצמו (זיין אויפן giving end און געבן פאר א צווייטן) איז א שטארקע סיפוק פאר זיך. Correct me if I'm wrong.
גוטע שאלה

עס איז באמת א סיפוק
אבער ווען ס׳איז עקסטרעם lopsided
אז ס׳איז צו איין-זייטיג,
דעמאלס פילט עס נישט גוט צום סוף.

מ׳קען פילן זייער אויסגעליידיגט און אויסגעשפילט
נאכ׳ן אינוועסטירן אזויפיל
יענעם ארויסהעלפן זיי זאלן קענען פילן בעסער,
און ווען יענער האט נישט קיין אהנונג וויאזוי מכיר צו זיין און
to reciprocate
קען מען פילן אויסגעשעפט.

ס׳איז אביסל ווי א קעכער וואס טיילט געשמאקע זופ,
אבער אויב האלט מען אין איין געבן פאר יעדן איינעם און מ׳קראצט אויס דעם טאפ ביזן לעצטן טראפן,
און מ׳לאזט עס נאך אלס אויפ׳ן פלאם, דעמאלס ווערט מען אויסגעברענט 💔

*ס׳האט מיר געדויערט א לאנגע צייט צו לערנען די וויכטיגקייט פון געזונטע boundaries און וויאזוי צו צו נעמען קעיר פון זיך אליין ערשט ווייל חייך קודמך, נישט יעדער פארדינט דיין כח און צייט. א פריינטשאפט מוז זיין reciprocal
אויב נישט האט עס נישט קיין קיום.

ביידעוועי: אויב ס׳דיר שווער אפצוזאגן א טובה פון יעדן וואס בעט, האב איך געמאכט אויף דעם א mini-course וואס איך אפפער אומזיסט.
 
א מענטש וואס איז סעלפלעס, אייביג דא פאר יעדעם, עקסטרעם עמפאטיש, קען עס קומען פון א טראומא רעספאנס (אזא coping מעכאניזם סארט זאך).

די קשיא פארוואס אזא מענטש בעט נישט הילף פון א צווייטן הייבט זיך נישט אן, אז מ'כאפט אז מ'רעדט פון א מענטש וואס האלט באמת אז ער דיזערווד נישט צו זיין צופרידן און איז קאנוויסד אין א טיעפע לעוועל אז זיין פיין איז זיין אייגענע שולד ה"י. און פאר די זעלבע סיבה מאכט סענס פארוואס אזא מענטש ענד אפ זיך נעמען דאס לעבן 😢
 
א מענטש וואס איז סעלפלעס, אייביג דא פאר יעדעם, עקסטרעם עמפאטיש, קען עס קומען פון א טראומא רעספאנס (אזא coping מעכאניזם סארט זאך).

די קשיא פארוואס אזא מענטש בעט נישט הילף פון א צווייטן הייבט זיך נישט אן, אז מ'כאפט אז מ'רעדט פון א מענטש וואס האלט באמת אז ער דיזערווד נישט צו זיין צופרידן און איז קאנוויסד אין א טיעפע לעוועל אז זיין פיין איז זיין אייגענע שולד ה"י. און פאר די זעלבע סיבה מאכט סענס פארוואס אזא מענטש ענד אפ זיך נעמען דאס לעבן 😢
ליידער ביזטו הונדערט פראצענט גערעכט 😭
 
איך פארשטיי נישט איין זאך דא. לויט ווי ער שרייבט איז ער געווען אן אדרעס פאר מענטשן צו קומען אפלאדענען זייער פעקלעך און ער האט זיי ארויסגעהאלפן מיטן זיין אן אוזן קשבת. די זאך כשלעצמו (זיין אויפן giving end און געבן פאר א צווייטן) איז א שטארקע סיפוק פאר זיך. Correct me if I'm wrong.
כיהודה ועוד לקרא, יעדער ברענגט ארויס כמעט די זעלבע אויף זיין שטייגער

סיפוק באקומט מען ווען "איך פיל אז איך האב געטון עפעס גוט'ס" געהאלפען א צווייטען אא"וו פון אייגענע בחירה און גוטסקייט
טאמער אבער טו איך עס ווייל איך מוז, סיי ווייל איך בין א שוואכלונג וואס קען נישט זאגן ניין, סיי ווייל איך דארף בויען עפעס אן אימעדז' אדער עני אנדערע סיבה, דעמאלטס וועט נאר זיין די פארקערטע פון סיפוק.

אגב attention איז די פארקערטע פון סיפוק - סתם א גוטע כלל צו וויסען.

ווי אויך איז וויכטיג אפילו פאר די בעסטע הארץ צו אמאל זאגען ניין אדער כאטש וויסען אז ער קען זאגען ניין ווען ער וויל - חייך קודמין!
 
א וויכטיגע דערמאנונג:

ס׳איז א זעלטענע מציאות אויב ס׳איז בכלל אפילו מעגליך אז איינער פון אונז זאל ווערן אליין געהיילט.
רוב פון אונזערע וואונדן קומט דורך אנדערע מענטשן, איז נאר רעכט אז ווען מ׳וויל היילן גייסטיגע יסורים דארף מען קענען טרעפן גוטע מענטשן וועלכע זאלן ערזעצן די שלעכטע איבערלעבעניש מיט אן עקספיריענס פון love & safety

אגב, דעי מחברת איז א קלאסיק און איר ביכל
All About Love איז עוועילעבל צו הערן אויף יוטוב
איך האב עס געפילט ווי א מעדיצין צו הערן ווייל אסך validation פון דיינע מיטמאכענישן קענסטו געפינען דארט. זי set the record straight וואס ס׳איז אמת׳דיגע אהבה און וואס איז נישט.
 

בייגעלייגטע פיילס

  • 84FAB005-D60F-452B-9E7A-33D0B2709FD5.jpeg
    84FAB005-D60F-452B-9E7A-33D0B2709FD5.jpeg
    605.4 KB · געזען: 10
קיינער האט נאכנישט דערמאנט דא די עפעקט וואס ס׳קען האבן אויף א מענטש, אויסצוהערן כסדר יעדן איינעם׳ס צרות

ס׳איז באקאנט אז טעראפיסטן מיזן אויך האבן א טעראפיסט - ווייל ס׳נעמט א toll

דאגה בלב איש ישיחנה איז נישט נאר געמאכט פאר איינעם וואס פילט סועסיידל, אבער נאך פאר מ׳קומט אהין אן, איז וויכטיג אפצולאדענען וואס ליגט אויפ׳ן הארץ. צו ס׳איז אויף אפאפיר, א ריקארדינג, אדער צו א חבר אדער א פראפעשענעל וואס איז ווערד דיין trust.


וואס מיין איך צו זאגן דערמיט? אויסהערן א גאנצן טאג די פראבלעמען וואס מענטשן גייען דורך, איז נישט גרינג. מצד אחד איז ווי ארויפלאדענען א שווערע משא אויף א צובראכענעם רוקן - ער טוט עס טאקע ווייל ער האט א גוט הארץ, אבער ס׳טוט נאך אלס וויי!

בפרט ווען ער האט שוין אזוי אויך אנגעבינדן שווערע פעקלעך אויפ׳ן רוקן...

יעדער מענטש deserves א פלאץ אראפצולייגן זייער פעקלעך!

—-

נישט קיין חילוק אויב דעי געוויסע מעשה איז אינגאנצן פונקטליך אמת אדער נישט, האב איך שוין געהערט גענוג און נאך ענדליכע מעשיות:

אויב דו טראגסט יעדן׳ס פעקלעך און האסט נישט געטראפן וואו עס אראפצולייגן,
א פלאץ וואו דו זאלסט קענען אויסגעבן דיין הארץ רוהיגערהייט, וויסנדיג אז יענער פארשטייט באמת א הארץ;
דעמאלס קען עס חלילה צו די האפענונגסלאזיגקייט וואס בויט זיך אויף אין מח,
ווייל צו זעהן כסדר נאר שוועריקייטן
און נישט האבן רעליף,
דעמאלס וואס זאל אים געבן האפענונג אז זאכן קענען אמאל ווערן בעסער?

ס׳מוז זיין כאטשיק איינער צו וועמען דו קענסט רעדן.

(מ׳קען נישט יעדן געטרויען בלינדערהייט,
trust has to be earned)

אבער צוביסלעך קען מען העלפן פארלייכטערן דעם לאסט ווען מ׳הייבט אן טרעפן גוטע מענטשן who care

——

*איך זאג אלעמאל: איך בין גרייט צו העלפן ווען איך קען און איך בין דא פאר דיר - 24/7 דארפסט נישט טראכטן צוויי פאר׳ן שיקן א מעסידש.

מיין goal איז העלפן

און איך גלייב ס׳אלעמאל דא וועגן וויאזוי מ׳קען מאכן גרינגער דאס לעבן.
 
לעצט רעדאגירט:
יאפ: עקזעקטלי וואס מ׳קען עקספּעקטן פון דעת תורה צו זאגן

*איך מיין דא חלילה גארנישט פערזענליך. איך האב באזירט מיין קאמענט אויף א משוגענע פאוסט וואס איז ארומגעגאנגען צוזאמען מיט די נייעס פון די דריי קינדער וואס זענען אומגעקומען פון סועסייד ל״ע לעצטע וואך, און די פאשימלטע עדווייס וואס זיי געבן זייערע ליינער?

אויב דו ליידסט פון מענטל העלט גיי רעד זיך דורך מיט דיין רב…

וואס זיי האבן בעיסיקלי געטון איז אריינגעשיקט א קרבן וואס גיסט פון אים בלוט אין הארץ פון א לייבן גרוב
(אויב ביזטו באקאנט מיט די נאטור פון לייבן: די בלוט רייצט זיי אסך מער אָן)

איך זאג נישט חלילה אז אלע רביס און רבנים זענען ווילדע לייבן, אבער מאנכע זענען מער מסוכן ווי ווען דו גייסט זיך דורכרעדן מיט א שכן וואס האט נישט קיין אהנונג פון מענטל העלט.

איך וואלט נישט געשריבן דעם קאמענט בכלל - אויב איך וואלט נידט ליידער געוואוסט ערשט-האנטיג פון אזעלכע פארדארבענע עפל רבנים און רביס וואס האבן נישט נאר ערגער געמאכט די מצב פון ליידנדיגע, און גורם געווען סועסייד
אבער איך קען אויך פערזענליך אזעלכע וועמען די רבנים האבן צוגערעדט צו גיין צו אן אונטערגעקויפטן פסיכיאטער אז יענער זאל זיי ״דייעגנאזירן״ מיט BPD און שטאָפּן מיט מעדיצינען -זיי צו פארטושן פונ׳ם מציאות אז זייער לעבן איז אומדערטרעגליך (שוידערליכע דאמעסטיק עביוז)

קיינער איז נישט מחיוב מיר צו גלייבן, אבער איך האב לעצטנס גערעדט מיט א היימישע טעראפיסט פון די קאמיוניטי וואס האט מודה געווען אז ליידער ווייסט ער אויך פון אזעלכע קרבנות

So האק נישט קיין טשייניק מיט pre-disposed
אין א צייט ווען ס׳זייער קלאר וואספארא סיבות שטופן מענטשן צו טון דאס. Hopelessness וואס פאסירט ווען מ׳האט zero סופּארט (אוודאי רעד איך נישט דא פון כלומרשט׳ע סופארט, איך רעד פון אמת׳ע אפנהארציגע סופארט פון איינעם וואס קען הערן מיט זיראָו דשאדשמענט און אפפערן אמת׳ע compassion)

איך האב זיך שוין באגעגענט דורכאויס די יארן מיט מער סועסיידל מענטשן ווי איך קען ציילן אויף מיינע צען פינגער- און אין יעדע קעיס אן אויסנאם האט מען זיי געראטעוועט נאר דורך אמת׳ע סופארט. (מענטשן וואס האבן שוין געהאט א פלאן גרייט)

ווען דו נעמסט אין באטראכט אלעס וואס כ׳האב דא געשריבן וועסטו האפנטליך רילייזן אז די מצב איז אסך ערנסטער ווי ס׳ווילט זיך גלייבן. קרבנות פאלן ווי פליגן -נישט ווייל זיי האבן א גענעטישע predisposition ווייל יעדע בשר ודם האט א breaking point (חוץ אפשר אויב איז ער א סייקאפּעט)

אין אנדערע ווערטער:
אויב דו זעהסט אן אכזר אראפשטופן א מענטש פון א דאך צו זיין טויט, וועסטו נישט זאגן: העי, אפשר האט דעי מענטש געהאט א פרי-דיספאזישן צו שטארבן ווען ער פאלט אראפ…. און ״מ׳האט דאך קלארע ראיות פון מענטשן וואס האבן עס שוין איבערגעלעבט!״
gimme a break
When you push someone over the edge they WILL fall, the question is, if there’s still hope to save their life
איך האלט גראדע אז רבנים זענען נישט די פאסיגע לעזונג. מען דארף גיין צו א פראפעסיאנאל. אבער שרייען אז די רבנים זיכן דיר צו שעדיגן איז על פי' רוב נישט אמת...
רוב רבנים וועלן באמת דיר וועלן העלפן, אבער זייער קליינקעפיגקייט וועט אסאך מאל זיין א שטער.
@שפרה לאווען נישט א יעדע רב איז משולם כץ........
 
גוטע שאלה

עס איז באמת א סיפוק
אבער ווען ס׳איז עקסטרעם lopsided
אז ס׳איז צו איין-זייטיג,
דעמאלס פילט עס נישט גוט צום סוף.

מ׳קען פילן זייער אויסגעליידיגט און אויסגעשפילט
נאכ׳ן אינוועסטירן אזויפיל
יענעם ארויסהעלפן זיי זאלן קענען פילן בעסער,
און ווען יענער האט נישט קיין אהנונג וויאזוי מכיר צו זיין און
to reciprocate
קען מען פילן אויסגעשעפט.

ס׳איז אביסל ווי א קעכער וואס טיילט געשמאקע זופ,
אבער אויב האלט מען אין איין געבן פאר יעדן איינעם און מ׳קראצט אויס דעם טאפ ביזן לעצטן טראפן,
און מ׳לאזט עס נאך אלס אויפ׳ן פלאם, דעמאלס ווערט מען אויסגעברענט 💔

*ס׳האט מיר געדויערט א לאנגע צייט צו לערנען די וויכטיגקייט פון געזונטע boundaries און וויאזוי צו צו נעמען קעיר פון זיך אליין ערשט ווייל חייך קודמך, נישט יעדער פארדינט דיין כח און צייט. א פריינטשאפט מוז זיין reciprocal
אויב נישט האט עס נישט קיין קיום.

ביידעוועי: אויב ס׳דיר שווער אפצוזאגן א טובה פון יעדן וואס בעט, האב איך געמאכט אויף דעם א mini-course וואס איך אפפער אומזיסט.
זענט איר אן אפיציעלע טערעפיסט?
 
Back
Top