מען זאגט אז דאס איז געשען ביי א ניו יארקער לופטפעלד.
אן איבערגעפולטער יונייטעד עירליינס פליגער איז געקענסעלט געווארן און איין איינציגער געיט אגענט האט איבערגעבוקט א לאנגע רייע אומגעדולדיגע רייזנדע.
מיטאמאל, האט א בייזער פאסאזשיר זיך אריינגעשטופט צום טישל. ער האט אראפגעקלאפט זיין טיקעט אויפ'ן קאונטער און געזאגט, "איך פארלאנג צו זיין אויף דעם פליגער און עס מוז זיין ערשטע קלאס."
די אגענטקע האט געענטפערט, "אנטשולדיגט, הער, איך וועל גערן פרובירן אייך צו העלפן, אבער איך מוז קודם העלפן די מענטשן דא; און דערנאך בין איך זיכער אז מיר וועלן קענען עפעס אויסארבעטן."
דער פאסאזשיר איז נישט געווארן באאיינדרוקט. ער געט א פרעג הויך, אז די פאסאזשירן הינטער אים זאלן קענען הערן, "דו האסט אן אנונג ווער איך בין?!"
אן קווענקלען, האט די אגענטקע געשמייכלט און געכאפט איר מיקראפאן. "אכטונג, קען איך האבן אייער אויפמערקזאמקייט ביטע?", האט זי אנגעהויבן, איר קול האט מען קלאר געהערט איבער'ן גאנצן טערמינאל. "מיר האבן דא א פאסאזשיר ביי געיט 14 וואס ווייסט נישט ווער ער איז. אויב איינער קען אים העלפן מיט זיין אידענטיטעט, זאל ביטע קומען צו געיט 14".
מיט די מענטשן הינטער אים אין די רייע לאכנדיג היסטעריש, האט דער מאן שטומערהייט געקוקט אויף די יונייטעד עירליינס אגענטקע, צונויפגעקריצט די ציין, און געזאגט, "פ*ק יו!"
אן צו געבן א בלינק, האט זי מיט א שמייכל געזאגט, "אנטשולדיגט הער, פאר דעם וועט איר אויך מוזן שטיין אין די רייע."
